რეგისტრირებული ფაქტები18757
ფილტრი:
სორტირება ახალი ჩანაწერების მიხედვით
1881
ტიპი: ავტორობა
1881 წლის 4 დეკემბერს სოფელ ბარის სკოლის მასწავლებელმა ათანასე გაგუამ ქართველთა შორის წერა-კითხვის გამავრცელებელი საზოგადოების გამგეობას მისწერა, რომ სკოლას ძალიან სჭირდებოდა 3 ეგზემპლარი „როდნოე სლოვო“ I ნაწილი და საწერი ნივთები: გრიფილი, დაფა, საწერი ქაღალდი, რადგან ამ ნივთების უქონლობის გამო მძიმე მდგომარეობაში იყვნენ.
1881
ტიპი: ავტორობა
1881 წლის 30 ნოემბერს სოფელ ხვანჭკარის სკოლის მასწავლებელმა ონისიმე ძოწენიძემ ქართველთა შორის წერა-კითხვის გამავრცელებელი საზოგადოების გამგეობას წერილობით მოახსენა, რომ იმჟამად ძველი სასწავლო პროგრამა იცვლებოდა და ელოდნენ ახალს, ამიტომ არ იცოდა, რამდენი წიგნი და სასწავლო ნივთი იქნებოდა მომავალი წლისთვის საჭირო. განაცხადს ის დაწვრილებით წარმოუდგენდა ახალ სასწავლო პროგრამის მიღების შემდეგ.
1881
ტიპი: ავტორობა
1881 წლის 23 ნოემბერს სოფელ ლანჩხუთის სასწავლებლის მასწავლებელმა სპირიდონ კვირკველიამ ქართველთა შორის წერა-კითხვის გამავრცელებელი საზოგადოების გამგეობას აცნობა, რომ მარტში მიიღო სახელმძღვანელო წიგნები და სასწავლო ნივთები, რომლებიც დაურიგა ღარიბ მოსწავლეებს, რომელთაც არ ჰქონდათ ყიდვის საშუალება. ასევე მიიღო საკითხავი წიგნები, რომლებიც აღრიცხა ბიბლიოთეკის კატალოგში, როგორც საზოგადოებისგან შემოწირული.
1881
ტიპი: ავტორობა
1881 წლის 5 დეკემბერს მასწავლებელი კალისტრატე გაბიანი ქართველთა შორის წერა-კითხვის გამავრცელებელი საზოგადოების გამგეობას სწერს, რომ სოფელ ორბელის სკოლას ღარიბ მოსწავლეთათვის დასარიგებლად ძალიან სჭირდებოდა შემდეგი წიგნები: „ბუნების კარი“ – 6 ეგზემპლარი, დ. სოკოლოვის თხზულება „რუსული ისტორია“ (შემოკლებული ვერსია, რუსულად) − 6, „სიბრძნე-სიცრუისა“, ევტუშევსკის „სავარჯიშოები“ (I ნაწილი, მთელ რიცხვებზე) − 4, „როდნოე სლოვო“ – 3 ც. I ნაწილი, 3 ც. II ნაწილი და სხვა.
1881
ტიპი: ავტორობა
1881 წლის 5 დეკემბერს მასწავლებელმა კალისტრატე გაბიანმა ქართველთა შორის წერა-კითხვის გამავრცელებელი საზოგადოების გამგეობას აცნობა, რომ სოფელ ორბელის სკოლამ მიმდინარე წელს ერთხელ მიიღო 10 მანეთის ღირებულების წიგნები და არ დაურიგეს მოსწავლეებს. შემოწირული წიგნები ბიბლიოთეკაში ინახებოდა, ვისაც შეეძლო კითხვა და აზრის გაგება, ის მოსწავლეები წაიღებდნენ და შემდეგ დააბრუნებდნენ დაუზიანებლად. მოსწავლეებს ერთი წიგნის წაკითხვის მერე შეეძლოთ ესარგებლათ სხვა წიგნებითაც სათითაოდ.
1881
ტიპი: ავტორობა
1881 წლის 27 ნოემბერს მასწავლებელმა სტეფანე გაგუამ ქართველთა შორის წერა-კითხვის გამავრცელებელი საზოგადოების გამგეობას აცნობა, რომ 1880 წლიდან მისი მუშაობის პერიოდში სოფელ მარტვილის სასწავლებელს არავითარი წიგნები და სასწავლო ნივთები მიუღია ღარიბ მოსწავლეთათვის უფასოდ დასარიგებლად.
1881
ტიპი: ავტორობა
1881 წლის 27 ნოემბერს მასწავლებელი სტეფანე დავითის ძე გაგუა ქართველთა შორის წერა-კითხვის გამავრცელებელი საზოგადოების გამგეობას სწერს, რომ სოფელ მარტვილის სკოლისთვის უფრო საჭიროა შემდეგი წიგნები და ნივთები: „დედაენა“ − 48, „ბუნების კარი“ − 18, „საყმაწვილო კონა“ − 9, დ. სოკოლოვის „საღმრთო ისტორია“ (ნათარგმნი რუსულიდან ქართულად) − 22, წერის დედანი − 50, საყმაწვილო ლექსები − 20, დაფა − 30, გრიფელი − 50, კალმისტარი − 23, სახაზავი − 5, რვეულები − 70, ცხოველების ნახატი სახატავად − 12, „როდნოე სლოვო“ – 15 II ნაწილი, რუსული ენის ახალგამოცემული სახელმძღვანელო, შედგენილი კალანდარიშვილის მიერ − 50. ცარცი, ევტუშევსკის „არითმეტიკის ამოცანები“ ქართულად ნათარგმნი, ორივე ნაწილი − 22, გეოგრაფია (ქართული) – 10, ფანქრები − 45.
1881
ტიპი: ავტორობა
1881 წლის 5 დეკემბერს ვაქირ-ანაგის სასოფლო სასწავლებლის მასწავლებელმა დავით ბაზიეროვმა ქართველთა შორის წერა-კითხვის გამავრცელებელი საზოგადოების გამგეობას აცნობა, რომ 1881 წელს მხოლოდ ერთხელ მიიღო წიგნები და სასწავლო ნივთები, წიგნები საკითხავად უფასოდ დაურიგა როგორც ღარიბ მოსწავლეებს, ასევე შეძლებულებს.
1881
ტიპი: ავტორობა
1881 წლის 25 ნოემბერს მასწავლებელი ბ. ბახტაძე ქართველთა შორის წერა-კითხვის გამავრცელებელი საზოგადოების გამგეობას სწერდა, რომ სოფელ პერევისის სკოლისთვის საჭირო იყო შემდეგი წიგნები და ნივთები: „დედაენა“, დახაზული დაფები − 6-6 ეგზემპლარი, ასევე დახაზული ქართული და რუსული რვეულები − 13-13 ეგზემპლარი (ყველასთვის).
1881
ტიპი: ავტორობა
1881 წლის 1-ელ დეკემბერს სოფელ დიმის სკოლის მასწავლებელი ერმოლაოზ გუმბერიძე ქართველთა შორის წერა-კითხვის გამავრცელებელი საზოგადოების გამგეობას აუწყებს, რომ მათგან შემოწირული წიგნები მოახმარეს სკოლას, ღარიბ და ბეჯით მოსწავლეებს დაურიგდათ უფასოდ, ხოლო დანარჩენებს− დროებით საკითხავად.
1881
ტიპი: ავტორობა
1881 წლის 1-ლ დეკემბერს მასწავლებელი ერმალოზ გუმბერიძე ქართველთა შორის წერა-კითხვის გამავრცელებელი საზოგადოების გამგეობას სწერდა, რომ სოფელ დიმის სკოლისთვის უფრო მეტად საჭირო იყო შემდეგი წიგნები: რამდენიმე ეგზემპლარი „ბუნების კარი“, კალანდარიშვილის „პირველ დასაწყისი კურსი“, სკოლის რუკები, დ. სოკოლოვის „საღმრთო ისტორია“, „ლოცვანი“ და სხვა ქართული საკითხავი წიგნები, აგრეთვე ესაჭიროებოდათ ყველანაირი სასწავლო ნივთები: ფანქრები, კალმები, გრიფელები, სახაზავები, მელანი და სხვა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -