რეგისტრირებული ფაქტები18684
ფილტრი:
სორტირება ახალი ჩანაწერების მიხედვით
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე კარიჭაშვილმა განაცხადა, რომ განსვენებული იაკობ გოგებაშვილის ანდერძის თანახმად, მის სახელმძღვანელოებში შესწორების ან ცვლილების შეტანა იმ შემთხვევაში შეიძლებოდა, თუ გამგეობის წევრების 3/4 იქნებოდა ცვლილების მომხრე. აქედან გამომდინარე, ეს აკადემიური შრომა გამგეობისთვის უნდა დაევალებინათ.
1914
ტიპი: ავტორობა
1914 წლის 7 დეკემბერს ქ. შ. წ. კ. გ. საზოგადოების კრებაზე პეტრე გრიგოლის ძე მირიანაშვილმა განაცხადა, რომ სახელმძღვანელო წიგნიდან – „დედა ენიდან“ საჭირო იყო ამოეღოთ სასულიერო-ზნეობრივი ნაწილი, რათა იგი ერთნაირად გამოსაყენებელი ყოფილიყო მართლმადიდებელი, ებრაელი და მაჰმადიანი ქართველისთვის. მსგავსი შესწორება იაკობ გოგებაშვილის ანდერძის საწინააღმდეგო ქმედება არ იქნებოდა და თავად წიგნიც არ შებღალავდა რელიგიურ გრძნობებს.
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე გრიგოლ (გიგო) სვიმონის ძე რცხილაძემ განაცხადა, რომ იაკობ გოგებაშვილის ანდერძის თანახმად, მისი სახელმძღვანელო წიგნების ანგარიში საზოგადოების ანგარიშიდან გამოყოფილად, ცალკე უნდა დაბეჭდილიყო და სწორედ ამიტომ იყო ორი ანგარიში ერთი თარიღით შედგენილი.
1914
ტიპი: ავტორობა
1914 წლის 7 დეკემბერს ალექსანდრე ილიას ძე შანშიაშვილმა ქართველთა შორის წერა-კითხვის გამავრცელებელი საზოგადოების კრების წევრებს შესთავაზა წინადადება, რომ გამგეობას ბევრი საკითხავი წიგნი გამოეცა და, იმავდროულად, მტკიცედ დაეცვა აკადემიური ენა. შანშიაშვილის ეს მოსაზრება კრებამ საყურადღებოდ მიიჩნია.
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე იოსებ ნიკოლოზის ძე მერკვილაძემ განაცხადა, რომ განსვენებული ეგნატე მამუკას (მაკარი) ძე ხრამელაშვილისაგან 1912 წლის აპრილში იყიდა კრებული და მისი I ნაწილი 600 ცალი დაბეჭდა. სხვა დანარჩენი წიგნები ხრამელაშვილის თანხმობით ციხის სტამბაში შეუკვეთა დასაბეჭდად, სადაც მისთვის უფრო ხელსაყრელი იყო წიგნების დაბეჭდვა.
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე იოსებ ნიკოლოზის ძე მერკვილაძემ განაცხადა, რომ 1912 წლის 18 სექტემბერს გარდაიცვალა ეგნატე მამუკას (მაკარი) ძე ხრამელაშვილი და მან მისი სიკვდილის შემდეგ განაგრძო სტამბასთან შეთანხმებული წიგნების ბეჭდვა. სულ 12000 ცალი წიგნი დაბეჭდა.
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე იოსებ ნიკოლოზის ძე მერკვილაძემ განაცხადა, რომ ეგნატე ხრამელაშვილის გარდაცვალების შემდეგ გამგეობამ დაადანაშაულა მისი ანდერძის საწინააღმდეგო ქმედების გაწევაში. მან ოთხჯერ მიიწვია გამგეობა სამედიატორო სასამართლოში ბრალეულობის გასარკვევად, მაგრამ სწორ პასუხს ვერ ეღირსა თუ რატომ ადანაშაულებდა მას. მერკვილაძემ ოფიციალურ სასამართლოს არ მიმართა, რადგან არ უნდოდა შეურაცხყოფა მიეყენებინა ერთადერთი ეროვნულ-კულტურული დაწესებულებისათვის – გამგეობისათვის.
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე ალექსანდრე სპირიდონის ძე ლომთათიძემ იკითხა, რატომ არ იყო ეგნატე ხრამელაშვილის მიერ დაბეჭდილ წიგნებზე სტამბის სახელი და თარიღი აღნიშნული. იოსებ მერკვილაძემ უპასუხა, რომ კორექტურას ავტორი ასწორებდა და თავად არაფერ შუაში იყო.
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე ხართიშვილმა განაცხადა, რომ 1913 წლის იანვრისთვის იყო 240 წევრი. წლიურ კრებაზე 494 ადამიანი დაემატა, რაც ჯამში 734-ს შეადგენდა. 1914 წლის იანვრისთვის კი საზოგადოებას მხოლოდ 469 წევრი ჰყავდა, რაც იმას ნიშნავდა, რომ თბილისში ფულის შეუტანლობის გამო 265 წევრი გამოაკლდა.
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე ირაკლი ივანეს ძე რამიშვილმა განაცხადა, რომ ყველა ქართველს შეეძლო საზოგადოებაში გაწევრიანება. მისი აზრით, ახალი წევრების მიღება საქმეს გამოაცოცხლებდა და გამგეობის წევრ ინტელიგენტებს მუშაობის მოტივაციას გაუჩენდა.
1898
ტიპი: ავტორობა
1898 წლის 29 დეკემბერს ქართველთა შორის წერა-კითხვის გამავრცელებელი საზოგადოების სხდომაზე სენაკის სკოლის ინსპექტორმა სამსონ ყიფიანმა წარმოადგინა ამავე სკოლის 12 ნოემბრის და 21 დეკემბრის პედაგოგიური რჩევის პროტოკოლები, რომლის განხილვაც და თავიანთი მოსაზრების გამგეობისთვის მოხსენება სკოლათა კომისიას დაევალა.
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე ივანე იოსების ძე კაჩუხოვმა ისაუბრა საწევრო გადასახადის შემცირების წინააღმდეგი გუნდის მოსაზრებაზე, რომ ხალხი მოუმზადებელი იყო და საკუთარი კულტურული ინტერესები არ ჰქონდა გააზრებული. ასევე შესაძლებელი იყო რეპრესიები დაწყებულიყო და საზოგადოება მთლიანად დახურულიყო. სწორედ ამიტომ ეწინააღმდეგებოდნენ ისინი საწევრო გადასახადის შემცირებას.
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე იოსებ ნიკოლოზის ძე მერკვილაძეს სთხოვეს, მომდევნო კრებაზე წარედგინა თავის გამამართლებელი საბუთი ეგნატე ხრამელაშვილის სიკვდილის შემდეგ გაგრძელებული სახელმძღვანელოების უკანონოდ თუ კანონიერად ბეჭდვის საკითხთან დაკავშირებით. კრების ოქმს ხელს აწერენ თავმჯდომარე დავით გიორგის ძე კარიჭაშვილი და მდივანი ვარლამ ამირანის ძე ბურჯანაძე.
1898
ტიპი: ავტორობა
1898 წლის 29 დეკემბერს ქართველთა შორის წერა-კითხვის გამავრცელებელი საზოგადოების სხდომაზე გამგეობას თხოვნით მიმართა ეწერში სამრევლო სკოლის დამაარსებელმა ბუჭუა აფაქიძემ, რომ თვიურად თითო თუმანი გაეგზავნათ მისთვის, რათა მასწავლებელთათვის გადაეხადა ჯამაგირი. გამგეობამ აღნიშნული საკითხი განსახილველად მომდევნო სხდომისთვის გადადო.
1914
ტიპი: ავტორობა
1914 წლის 23 ნოემბერს ქართველთა შორის წერა-კითხვის გამავრცელებელი საზოგადოების კრებაზე გრიგოლ იესეს ძე ბურჭულაძემ განაცხადა, რომ ცუდ მდგომარეობაში იყო ქართლში არსებული ბიბლიოთეკები. მაგალითად, გომის, ქარელის, სადაც ბიბლიოთეკებს მხოლოდ სახელი ჰქონდა და ხალხი არც ინიციატივას და არც ინტერესს არ იჩენდა რომ ისინი კარგად მოწყობილიყო.
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე კარიჭაშვილმა განაცხადა, რომ არ შეესაბამებოდა სიმართლეს პეტრე პავლეს ძე გელეიშვილის ინფორმაცია, თითქოს ალექსანდრე ორბელიანის ხელნაწერებიდან დ. ჭონქაძის სურამის ციხის შესახებ ინფორმაციის ფურცლები იყო დაკარგული.
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე დავით გიორგის ძე კარიჭაშვილმა განაცხადა, რომ დაათვალიერა ალექსანდრე ორბელიანის ხელნაწერები, რომელიც სულ 16 გვერდს შეიცავდა (კატ. N 1461). მას არ აკლდა არც ერთი ფურცელი და არც პორნოგრაფიული ხასიათის წერილები არ იყო. მისი აზრით, შეუძლებელი იყო დარბაისელ მწერალს პორნოგრაფიული ხასიათის წერილები დაეწერა.
1914
ტიპი: ავტორობა
1914 წლის 7 დეკემბერს ქართველთა შორის წერა-კითხვის გამავრცელებელი საზოგადოების კრებაზე პეტრე პავლეს ძე გელეიშვილმა განაცხადა, რომ კარგად იცნობდა ალექსანდრე ორბელიანის ხელნაწერებს, რომლებიც მალაქია ტოროშელიძესთან ერთად შეისწავლა მუზეუმში. გელეიშვილის აზრით, ორბელიანის ხელნაწერებიდან დაკარგული იყო დ. ჭონქაძის სურამის ციხის შესახებ ინფორმაციის ფურცლები.
1898
ტიპი: ავტორობა
1898 წლის პირველ დეკემბერს ქართველთა შორის წერა-კითხვის გამავრცელებელი საზოგადოების ოცდამეჩვიდმეტე სხდომაზე მოხსენება გააკეთა თომა მთავრიშვილმა, რომ ქუთაისში საზოგადოების სასარგებლოდ რამდენიმე აგენტი ქალი გამართავდა ღონისძიებას იმ პირობით, თუ შემოსული თანხა მოხმარდებოდა წიგნების გავრცელებას იმ სოფლებში, რომლებსაც ისინი დაასახელებდნენ. საკითხთან დაკავშირებით გამგეობამ თანხმობა განაცხადა.