რეგისტრირებული ფაქტები19321
ფილტრი:
სორტირება ახალი ჩანაწერების მიხედვით
1908
ტიპი: ავტორობა
1908 წლის 31 აგვისტოს კრება დაეთანხმა თავმჯდომარის, იაკობ ღულაძის წინადადებას და კენჭისყრით დაადგინა, რომ ფონდის სარგებელს ქართველთა შორის წერა-კითხვის გამავრცელებელი საზოგადოების გამგეობა ერთდროულად ორ საქმეს მოახმარდა: დააარსებდა ილია ჭავჭავაძის სახელობის სკოლას და გამოსცემდა მწერლის ნაშრომებს.
1899
ტიპი: ავტორობა
1899 წლის 2 ნოემბერს ქართველთა შორის წერა-კითხვის გამავრცელებელი საზოგადოების გამგეობამ იმსჯელა საპატიო წევრ ოლღა თადეოზის ასული ჭავჭავაძისას სიტყვიერი მოხსენების შესახებ, რომელიც ითხოვდა, გამგეობას დაეწყო მზადება საზოგადოების სასარგებლოდ დეკემბერში დაგეგმილი კონცერტისთვის. დადგინდა, ამ საკითხის განსახილველად შემდეგი კრებისთვის მოეწვიათ გამგეობის ყველა წევრი.
1914
ტიპი: ავტორობა
1914 წლის 9 ნოემბრის ქართველთა შორის წერა-კითხვის გამავრცელებელი საზოგადოების წლიურ კრებაზე დავით გიორგის ძე ხართიშვილმა განაცხადა, რომ საგურამოს მამულის აოხრებაში არამარტო გამგეობა, არამედ სარევიზიო კომისიაც დამნაშავე იყო, რადგან მას დროულად უნდა შეემოწმებინა მამული, რათა გაეგო, რომ იგი გამგეობის უყურადღებობით ოხრდებოდა. ამასთანავე, ირაკლი რამიშვილმა განაცხადა, რომ საზოგადოების წევრების ბრალიც იყო მამულის მძიმე მდგომარეობა, რადგან წევრები მხოლოდ არჩევნების დროს იკრიბებოდნენ საქმეს კი მუდმივი ყურადღება სჭირდებოდა როგორც გამგეობისაგან, ასევე სარევიზიო კომისიისა და საზოგადოების წევრებისაგანაც. ამიტომ, ყველას დიდი ყურადღება უნდა გამოეჩინა საქმის მიმართ.
1907
ტიპი: ავტორობა
1907 წლის 8 აგვისტოს სოფელ კახის ქრისტიანთა სათემო ყრილობამ ძმებ ზუბალაშვილებს მისწერა გიორგი ვასილის ძე ტარტარაშვილისათვის ქუთაისის სათავადაზნაურო გიმნაზიაში სწავლის გასაგრძელებლად საჭირო თანხით დახმარების შესახებ. ხელს აწერენ: ბესო ყულოშვილი, სანდრო ყულოშვილი, ისაკო ყულოშვილი, სიმონ ყულოშვილი, ვასილ ყულოშვილი, მიხეილ ყულოშვილი, დავით ოქრიჯანაშვილი, დიმიტრი ჩირიტაშვილი, ვასილ ჩირიტაშვილი, მიხაკო ქიტიაშვილი, გაბრიელ ქიტიაშვილი, ლაზარე ქიტიაშვილი, ივანე ქიტიაშვილი, აბელ ფაჩხატაშვილი, აჯიხან ფაჩხატაშვილი, ტიტიკო ფაჩხატაშვვილი, ივანე ფაჩხატაშვილი, ვასილ ფაჩხატაშვილი და მაქსიმ ოტაროვი. დადგენილებისა და ხელის მომწერთა ნამდვილობას ბეჭდითა და ხელმოწერით ადასტურებს მამასახლისი გაბრიელ ჯანაშვილი.
1907
ტიპი: ავტორობა
1907 წლის 8 აგვისტოს სოფელ კახის ქრისტიანთა სათემო ყრილობამ ძმებ ზუბალაშვილებს მისწერა გიორგი ვასილის ძე ტარტარაშვილისათვის ქუთაისის სათავადაზნაურო გიმნაზიაში სწავლის გასაგრძელებლად საჭირო თანხით დახმარების შესახებ. ხელს აწერენ: გიორგი, სიმონ და ივანე ალაყულაშვილები, მაქსიმე, მარკოზ და მიხეილ დუკაშვილები, ლევან, მიხეილ, ივანე, მოსე, არჩილ, დავით, იაკიმე და არზიმან ყულოშვილები, პეტრე, ნიკოლოზ, თანე და ე. კაციაშვილები, დიმიტრი ოქრიჯანაშვილი. საბუთისა და ხელმოწერათა ნამდვილობას ბეჭდითა და ხელის მოწერით ადასტურებს მამასახლისი გაბრიელ ჯანაშვილი.
1914
ტიპი: ავტორობა
1914 წლის 7 დეკემბერს გაიმართა ქართველთა შორის წერა-კითხვის გამავრცელებელი საზოგადოების კრება, რომელიც თავმჯდომარემ დავით გიორგის ძე კარიჭაშვილმა გახსნა დილის თერთმეტ საათსა და ორმოც წუთზე. კრებას დაესწრო 122 ნამდვილი წევრი. კრების ოქმს ხელს აწერენ თავმჯდომარე დავით გიორგის ძე კარიჭაშვილი და მდივანი ვარლამ ამირანის ძე ბურჯანაძე.
1907
ტიპი: ავტორობა
1907 წლის 24 სექტემბერს ქართველთა შორის წერა-კითხვის გამავრცელებელი საზოგადოების გამგეობამ თხოვნით მიმართა ქუთაისის საურთიერთო ნდობის ბანკს, ილია ჭავჭავაძის ფონდის შესაქმნელად ერთდროული ან ყოველწლიური შემოწირულობით დახმარებოდნენ. მიმართვას ხელს აწერს გამგეობის მდივანი სამსონ ფირცხალავა.
1899
ტიპი: ავტორობა
1899 წლის მარტში სენაკის სათავადაზნაურო სკოლის მასწავლებლები – ივანე მიხეილის ძე გომელაური, მიხეილ სიმონის ძე შარაშიძე, გრიგოლ მიხეილის ძე წულუკიძე და პლატონ გიორგის ძე წულუკიძე ქართველთა შორის წერა-კითხვის გამავრცელებელი საზოგადოების გამგეობას აუწყებდნენ, რომ სენაკის სკოლაში ორი თვის განმავლობაში არ ჩატარებულა პედაგოგიური კრება, ხოლო სამი თვის განმავლობაში – სამეურნეო კომიტეტისა.
1899
ტიპი: ავტორობა
1899 წლის მარტში წინარეხის სკოლის მასწავლებელი ანტონ თოიძე ქართველთა შორის წერა-კითხვის გამავრცელებელი საზოგადოების გამგეობას სთოვდა სკოლის ბაღში დასათესად სხვადასხვა თესლეულს, ხელსაქმის სწავლებისთვის საჭირო მასალას, სახელმძღვანელოებსა და რვეულებს, რომელთა საერთო ღირებულება იყო დაახლოებით 28 მანეთი.
1899
ტიპი: ავტორობა
1899 წლის თებერვალში კავკავის სკოლის გამგე ტიტე კახიძემ ქართველთა შორის წერა-კითხვის გამავრცელებელ საზოგადოებას აცნობა 10 თებერვლის პედაგოგიური საბჭოს დადგენილება, რომლის მიხედვითაც მოსწავლეთაგან გაცდენილი გაკვეთილების აღრიცხვისთვის უნდა დაწესებულიყო ცალკე ბლანკები და მასწავლებელთა გაცდენებისათვის ცალკე დავთარი, რომელიც უნდა ეწარმოებინა მორიგე მასწავლებელს.
1899
ტიპი: ავტორობა
1899 წლის თებერვალში კავკავის სკოლის გამგე ტიტე კახიძის მიერ ქართველთა შორის წერა-კითხვის გამავრცელებელ საზოგადოების გამგეობისადმი პედაგოგიური საბჭოს დადგენილების შესახებ მიწერილ წერილს თან ერთვოდა მასწავლებელ ლუარსაბ ბოცვაძის კერძო აზრი, რომელიც ეწინააღმდეგებოდა მოსწავლეთა და მასწავლებელთა გაცდენების ცალკე ბლანკებისა და დავთრების წარმოებას, რადგან ეს შრომას მოუმატებდა მასწავლებლებს. მისი თქმით, გაცდენილი გაკვეთილების აღნიშვნა შეიძლებოდა თვით საკლასო ჟურნალებში, ხოლო მასწავლებლებისა – სკოლის გამგის, ან თვით მასწავლებლის მიერ.
1899
ტიპი: ავტორობა
1899 წლის მარტში საპატიო წევრი გიორგი ქართველიშვილი ქართველთა შორის წერა-კითხვის გამავრცელებელ საზოგადოების გამგეობას სთხოვდა, დაეარსებინათ სტამბა მის სიცოცხლეში იმ ფულით, რომელიც საზოგადოებას შემოუვიდოდა მისგან შეწირული „ვეფხისტყაოსნის“ და ვახუშტის „საქართველოს ისტორიის“ გაყიდვით.
1907
ტიპი: ავტორობა
1907 წლის 8 აგვისტოს სოფელ კახის ქრისტიანთა სათემო ყრილობამ ძმებ ზუბალაშვილებს მისწერა გიორგი ვასილის ძე ტარტარაშვილისათვის ქუთაისის სათავადაზნაურო გიმნაზიაში სწავლის გასაგრძელებლად საჭირო თანხით დახმარების შესახებ. წერილს ხელს აწერენ: ივან აბულოვი, ალექსანდრე ბატაშვილი, ნიკოლოზ ჭუჭუხაშვილი, მირიან, თამაზ, მიხეილ და ლევან ჯანაშვილები, გიორგი, ნიკოლოზ, ვასილ, კოსტა, მოსე და გევორქ ოქრიჯანაშვილები, ნიკოლოზ და ვასილ ნურაშვილები. თხოვნისა და ხელმოწერათა ნამდვილობას ბეჭდითა და ხელის მოწერით ადასტურებს სოფლის მამასახლისი გაბრიელ ჯანაშვილი.
1912
ტიპი: ავტორობა
1912 წლის 31 ივლისს თბილისის ნოტარიუსმა, ილია ივანეს ძე წინამძღვრიშვილმა დაამოწმა განსვენებული იაკობ სიმონის ძე გოგებაშვილის ანდერძის ამსრულებელთა მიერ ნაფიცი ვექილის, გრიგოლ სვიმონის ძე რცხილაძის სახელზე გაცემული მინდობილობა, რომელსაც ხელს აწერდნენ: ექვთიმე თაყაიშვილი, ალექსანდრე მდივანი, არჩილ ჯაჯანაშვილი, ლუარსაბ ბოცვაძე, დავით კარიჭაშვილი, შიო დედაბრიშვილი, ფილიპე გოგიჩაიშვილი, ვალერიან გუნია, სოფრომ მგალობლიშვილი, ანდრია ღულაძე და ნიკოლოზ ლომოური. ნოტარიუსმა №8966 რეესტრის №137 დებულებით დაადასტურა წარმდგენელთა კანონიერი უფლებაუნარიანობა იურიდიული აქტების გაფორმებისა და მათი ხელმოწერების ნამდვილობა.

