1918

ტიპი: ავტორობა

1918 წლის 1-ლი დეკემბრის გაზეთ „სახალხო საქმეში“ არჩილ ჯაჯანაშვილი სიამაყით გადმოგვცემს, თუ როგორ მოახერხა საქართველომ დამოუკიდებლობის გამოცხადების შემდეგ რეფორმების გატარება, სახელმწიფოში წესრიგის დამყარება, რუსეთის ბატონობის მოსპობა. თუ როგორ კეთილსინდისიერად მოიქცა გერმანიის სახელმწიფო, თავისი ძლიერება საქართველოს წინააღმდეგ არ გამოიყენა და საქართველოსაც თავის მხრივ არ დასჭირვებია გერმანიის დახმარება სახელმწიფოებრივი წეს-წყობილების აღსადგენად.

1918

ტიპი: ავტორობა

1918 წლის 1-ლი დეკემბრის გაზეთ „სახალხო საქმეში“ სამსონ ფირცხალავა სიამაყითა და დიდი ბედნიერებით აღნიშნავს საქართველოს დამოუკიდებლობის 6 თვის შესრულებას. ის აცხადებს, რომ ქართველი ერი აღდგა და საქართველო დღეს და სამარადისოდ თავისუფალია.

1920

ტიპი: ავტორობა

1920 წლის 25 ივლისის გაზეთ „ერთობის" ცნობით, შრომის სამინისტროს ცირკულარში წერია, რომ მთავრობის 8 ივნისის დადგენილებით, პროვინციის სახელმწიფო დაწესებულებათა უმცროს მოსამსახურეთ პენსიები გაეზარდათ. ხელს აწერენ: საქმეთა მმართველი ი. ა. გოლდმანი და საქმისმწარმოებელი მ. სოხაძე.

1918

ტიპი: ავტორობა

აკაკი პაპავა გადმოგვცემს,რომ როცა საქართველოში არ იყო აზრთა თანხვედრა საქართველოს დემოკრატიულობის შესახებ,სწორედ მაშინ დემოკრატიის მომხრეები ერთხმად დაუპირისპირდნენ მათ მოწინააღმდეგეებსა და საქართველოს მტრებს.მათ ერთიანი ძალისხმევით,საქართველოს დამოუკიდებლობა აღადგინეს და 6 თის შემდეგაც არ აპირებდნენ დემობილიზაციას.

1920

ტიპი: ავტორობა

1920 წლის 25 ივლისს, 4 საათზე, ავლაბრის სახალხო უნივერსიტეტის შენობაში ნ. ათაბეგოვ-ტუმასი წაიკითხავდა მოხსენებას სოციალური დახმარების შესახებ .

1918

ტიპი: ავტორობა

1918 წლის 1-ლი დეკემბრის გაზეთ „სახალხო საქმეში“ გრიგოლ რცხილაძე საქართველოს დამოუკიდებლოს გამოცხადებიდან 6 თვის თვზე აქვეყნებს სტატიას, რომელშიც აცხადებს, რომ 26 მაისის აქტმა დაამტკიცა, ის, რაც ქართველი ხალხის ნაციონალურ რეალობას შეადგენდა, დიდხანს უჩინარი იყო როგორც თვით ამ ხალხისთვის, ისე მისი მესვეურებისთვის. ქართველმა ხალხმა დამოუკიდებლობის საფუძველზე შეინარჩუნა უდიდესი ნაწილი თავის ტერიტორიისა, რომელსაც გარეშე ძალა ეპატრონებოდა, დაიცვა თავისი ქვეყნის უსაფრთხოება და გაატარა მთელი რიგი რეფორმები.

1919

ტიპი: ავტორობა

1919 წლის 6 თებერვალს განათლების სამინისტროს საბჭოს სხდომამ მოიწონა და სკოლებში სასწავლებლად დაამტკიცა ლათინური ენის სახელმძღვანელო, რომლის ავტორიც ბ. ჩინჩალაძე იყო.

1918

ტიპი: ავტორობა

1918 წლის 1-ლ დეკემბერს გაზეთ „სახალხო საქმეში“ დედა ალექსანდრა დავითის ასული მართაშვილი, მღვდელი დავით სართანიძე, მისი მეუღლე მარიამი, ეფრემ დავითის ძე სართანიძე, მისი მეუღლე შუშანიკი, ნადეჟდა დავითის ასული ბერიძისა, ელისაბედ დავითის ასული ხოსიტაშვილისა მწუხარებით აუწყებენ ახლობლებსა და მეგობრებს, რომ 28 ნოემბერს გარდაიცვალა ნინო კონსტანტინეს ასული მართაშვილი. გასვენება გაიმართებოდა 1-ლ დეკემბერს წმინდა ნიკოლოზის ეკლესიაში.

1918

ტიპი: ავტორობა

1918 წლის 1-ლ დეკემბერს გაზეთ „სახალხო საქმეში" შვილები: სოსო, კოლა ჩოლაურები, სონა გურგენიძისა და ანა ჟივიძისა, ასევე სიძეები: გიორგი ჟივიძე და ალექსი გურგენიძე აქვეყნებენ განცხადებას მათთვის ძვირფასი ალექსანდრე იოსების ძე ჩოლაურის გარდაცვალების შესახებ.

1918

ტიპი: ავტორობა

1918 წლის 13 აგვისტოს გორის საოსტატო სემინარიის კურსდამთავრებულმა, კიცხის ორკლასიანი სასწავლებლის (შორაპნის მაზრა) გამგემ, სავლე იოსების ძე აბულაძემ საქართველოს რესპუბლიკის საერო განათლების მინისტრს სთხოვა, მასწავლებლად დაენიშნათ თბილისის პირველი ქართული გიმნაზიის (ყოფილი სათავადაზნაურო) მოსამზადებელ კლასში.

1918

ტიპი: ავტორობა

1918 წლის 1-ელი დეკემბრის გაზეთ „სახალხო საქმეში“ იოსებ ზაქარიას ძე ქურდიანი მადლობას უხდის ყველას, ვინც პირადად, დეპეშით თუ წერილობით თანაგრძნობა გამოუცხადა მას მეუღლის, ნინო ალექსანდრეს ასულ ქურდიანის უდროო გარდაცვალების გამო.

1918

ტიპი: ავტორობა

1918 წლის 1-ლი დეკემბრის გაზეთ „სახალხო საქმეში“ მშობლები კონსტანტინე და მინადორა შაფათავები, ბიძები: მიტროფანე, პლატონ და ვალოდია კორძახიები აუწყებენ ნათესავებსა და მეგობრებს ახალსენაკში ლილი კონსტანტინეს ასული შაფათავას გარდაცვალების შესახებ. დაკრძალვა გაიმართებოდა 1-ლ დეკემბერს სოფელ ახევის ეკლესიაში.

1918

ტიპი: ავტორობა

1918 წლის 1 დეკემბერს გაზეთ "სახალხო საქმე"-ში გამოქვეყნებულია,ცნობილი დაშნაკცაკანი მოღვაწის კ. ღაზაზიანის წერილი სადაც ის წერს,რომ:ისეთ პირობებში სადაც კარგად აქვთ ფეხი მოკიდებული ოსმალეთის ჯარებსა და ემისრებს მიზანშეწონილი არ არის სომეხ გადმოხვეწილთა გაგზავნა.

1918

ტიპი: ავტორობა

1918 წლის 20 დეკემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N178 ბრძანებით ხაშურის ქალთა გიმნაზიის ქართული ენის პედაგოგად და კლასის დამრიგებლად ანნა შველიძე დაინიშნა.

1919

ტიპი: ავტორობა

1919 წლის 8 სექტემბრის გაზეთ „ვოლნი გორეცი“ იუწყება, რომ დენიკინელთა მიერ ინგუშთა ორი აულის, სურხისა და ეკაჟევოს აკლების შემდეგ უსახლკაროდ და ულუკმაპუროდ დარჩენილი მცხოვრებნი ლტოლვილებად მოედვნენ სოფლებს. ამას ზედ დაერთო ქოლერა. საშინელი ეპიდემია ყოველდღიურად ათეულობით ადამიანის სიცოცხლეს იწირავდა. მჭიდროდ თავმოყრილ მოსახლეობაში არ ხერხდებოდა ავადმყოფთა იზოლირება, არ იყო არც ექიმი და არც საჭირო მედიკამენტი, რადგან ბოლშევიკების ხელისუფლების დროს აშენებული საავადმყოფო და ამბულატორია დენიკინის მოხალისეთა არმიის („დობროარმიის“) საომარი მოქმედებების დროს განადგურდა.

1918

ტიპი: ავტორობა

1918 წლის 6 აპრილს ტარაპიზონში ოტომანთა საიმპერატორო დელეგაციის თავმჯდომარე რაუფ ორბეი სწერს თავმჯდომარეს, რომ ოტომანთა საიმპერატორო ხელისუფლება დაჟინებით იცავს 1918 წლის 21 მარტის დეკლარაციაში ჩამოყალიბებულ საკითხებს და სთხოვს ამიერკავკასიის დელეგაციას, მისცეს მას საბოლოო პასუხი ამასთან დაკავშირებით. დოკუმენტის სისწორეს ადასტურებს რ. მიკილაძე.

1918

ტიპი: ავტორობა

რაჟდენ ქრისტეფორეს ძე აბულაძემ უარი თქვა წოდების მიღებაზე. წოდების მიღება თუ აუცილებელი იყო, მიიღებდა მას იქ, სადაც ეტყოდნენ, მაგრამ სანამ სადმე წოდების მისაღებ კომისიებს მოაწყობდნენ, მანამდე ითხოვდა ხელახლა ეშუამდგომლა რკინიგზის სასწავლო კომიტეტს მთავარგამგესთან იმის გათვალისწინებით, რომ მას ჰქონდა თბილისის სასულიერო სემინარიის ოთხი კლასის მოწმობა, უფლებით გათანასწორებული იყო გიმნაზიებთან და 14 წლიანი გამოცდილება ჰქონდა. ეს ყველაფერი მას უფლებას აძლევდა წოდების ხარისხის მიუღებლად დამტკიცებულიყო უმაღლესი დაწყებითი სკოლების მასწავლებლად.

1918

ტიპი: ავტორობა

1918 წლის 30 მარტს აკაკი ჩხენკელი სწერს წერილს ბათუმის სიმაგრის კომენდანტს, რომელშიც ატყობინებს, რომ სროლა თურქეთის მხრიდან შეწყდება 21 საათსა და 30 წუთზე. ითხოვს დაუყოვნებლივ კატერს სურსათით, აგრეთვე დეტალურ ცნობებს თავდაცვის განსაკუთრებული დადგენილებების პაკეტის შესახებ. დოკუმენტის სისწორეს ადასტურებს მ. თუმანოვი.

1918

ტიპი: ავტორობა

1918 წლის 28 მარტს აკაკი ჩხენკელი სწერს კონფიდენციალურ წერილს თბილისსა და ბათუმში სამხედრო მინისტრსა და მიხაილოვსკის სიმაგრის კომენდანტს, რომელშიც საჭიროდ მიიჩნევს შეწყდეს საომარი მოქმედებები, რადგან გაჩნდა იმედი კონფლიქტის მშვიდობიანი გზით გადაწყვეტისა. დოკუმენტის სისწორეს ადასტურებს მ. თუმანოვი.

1920

ტიპი: ავტორობა

1920 წლის 14 სექტემბრის „ერთობაში“ დაიბეჭდა სამხედრო მინისტრ გრიგოლ ლორთქიფანიძის განცხადება, რომ ის ჯარისკაცები, რომელთაც 26 აგვისტოდან საგანგებო სამხედრო სასამართლოების მიერ სხვადასხვა ვადით კატორღა ჰქონდათ მისჯილი და, რომლებიც ფრონტზე გაიგზავნენ, სასჯელისგან პირობით განთავისუფლდნენ.

1920

ტიპი: ავტორობა

1920 წლის 14 სექტემბრის „ერთობაში“ დაიბეჭდა გ. ქუჩიშვილის უსათაურო ლექსი („კოხტა გოგო წყალზე მიდის“...).

ტიპი: ავტორობა

1920 წელს გამოვიდა ევ. ნიკოლაძის „საქართველოს ისტორია“ (გამომც. „მერანი“. ქუთაისი) – სახელმძღვანელო საშ. სასწავლებლის VI კლასის მოწაფეთათვის.

1918

ტიპი: ავტორობა

1918 წლის 1-ლი დეკემბრის გაზეთ „სახალხო საქმეში“ დაიბეჭდა სტატია „ნარკვევი ჟურნალ-გაზეთებიდან“, რომელშიც გაკრიტიკებულია „ტიფლისკი ლისტოკი“ „პოლიტიკურ“ გაზეთად გადაქცევის გამო. მაგალითისთვის მოყვანილია ალექსანდრე შირსკის სტატია, რომელშიც ის წერს, რომ მოხალისეთა ჯარსა და მთავრობას შორის უპირატესობა მას უნდა მიეცეს, რომელიც რუსეთის დემოკრატიას წარმოადგენს.

1919

ტიპი: ავტორობა

1919 წლის 31 მაისის „ერთობაში“ დაიბეჭდა არ. მექანარიშვილის წერილი „საქართველოს დამოუკიდებლობა და პროლეტარიატი“ (დამოუკიდებლობის წლისთავის გამო).

1918

ტიპი: ავტორობა

1918 წლის პირველი დეკემბრის გაზეთ „სახალხო საქმეში“ გამოქვეყნებულ სტატიაში გ. ბარელი (არჩილ კონსტანტინეს ძე ჯორჯაძე) წერს, როგორ უღალატეს საქართველოს ქართველმა მაჰმადიანებმა და როგორ იბრძოდნენ ოსმალეთის ასკერებთან ერთად ქვეყნის თავისუფლებისა და დამოუკიდებლობის წინააღმდეგ.