1937

ტიპი: ავტორობა

1937 წლის 10 ოქტომბერს ქრისტინე შარაშიძეს სახალხო განათლების ისტორიის სექციის სხდომაზე უნდა წაეკითხა მოხსენება „მასწავლებელ გიგო შარაშიძის მოგონებანი სწავლა-აღზრდის შესახებ“.

1937

ტიპი: ავტორობა

1937 წელს სახალხო კომისარიატის პედაგოგიკის სამეცნიერო-კვლევითი ინსტიტუტის დირექტორის მოადგილემ, მ. ლომინაძემ, ქრისტინე შარაშიძე სახალხო განათლების ისტორიის სექციის სხდომაზე მოხსენების წასაკითხად მიიწვია და სთხოვა, მოსალაპარაკებლად სექციაში წინასწარ მისულიყო.

1936

ტიპი: ავტორობა

1936 წლის 16 ივნისს კონსტანტინე გორდელაძემ და ვარლამ თოფურიამ ქრისტინე შარაშიძეს გაუგზავნეს მიმართვა, გამოსაცემად წარედგინა მამის, გიორგი შარაშიძის „გურული ლექსიკონი“ აკადემიის საქართველოს ფილიალის ენისა და მატ. კულტურის ისტორიის ინსტიტუტში. მოწონების შემთხვევაში შრომა დაიბეჭდებოდა ინსტიტუტის დიალექტოლოგიურ ლექსიკონთა სერიით.

1953

ტიპი: ავტორობა

ქრისტინე შარაშიძის 1953 წლის ინდივიდუალურ სამუშაო გეგმას ხელი მოაწერეს მან და ილია აბულაძემ.

1920

ტიპი: ავტორობა

1920 წლის 26 ივნისის ქართველთა შორის წერა-კითხვის გამავრცელებელი საზოგადოების სხდომაზე განიხილეს ნიკიფორე იმნაიშვილის განცხადება ათასი მანეთის კრედიტის გახსნის შესახებ (წიგნების სახით). გამგეობის გადაწყვეტილებით, იმნაიშვილისთვის უნდა გაეხსნათ ათასი მანეთის კრედიტი.

1920

ტიპი: ავტორობა

1920 წლის 6 მარტის ქართველთა შორის წერა-კითხვის გამავრცელებელი საზოგადოების სხდომაზე განიხილეს ზესტაფონის (შორაპნის) განყოფილების გამგეობის წინადადება, ბიბლიოთეკა-სამკითხველოებისა და თეატრის შენობის ერობის გამგეობისთვის გადაცემის შესახებ. გამგეობის გადაწყვეტილებით, თხოვნა იმ პირობით დაკმაყოფილდებოდა, თუ მიწა საზოგადოების კუთვნილებად დარჩებოდა, ხოლო ბიბლიოთეკასა და თეატრს ერობის გამგეობა უპატრონებდა. ოქმს ხელი მოაწერა დავით კარიჭაშვილმა.

1958

ტიპი: ავტორობა

1958 წლის 25 დეკემბერს საქართველოს სსრ მეცნიერებათა აკადემიის შოთა რუსთველის სახელობის ქართული ლიტერატურის ინსტიტუტის XIX სამეცნიერო სესიაზე, სამუშაო გეგმის მიხედვით, ალექსანდრე გვახარიას უნდა წაეკითხა მოხსენება „ქართული საბჭოთა ისტორიული რომანის კომპოზიციის საკითხები“.

1958

ტიპი: ავტორობა

1958 წლის 24 დეკემბერს საქართველოს სსრ მეცნიერებათა აკადემიის შოთა რუსთველის სახელობის ქართული ლიტერატურის ინსტიტუტის XIX სამეცნიერო სესიაზე, სამუშაო გეგმის მიხედვით, გიორგი კალანდაძეს უნდა წაეკითხა მოხსენება კავკასიის ხალხთა პოეტური ფოლკლორის შესწავლის შესახებ.

ტიპი: ავტორობა

გულეიკარის საზოგადოების სკოლის მასწავლებელმა დავით ფირცხლავამ გააკეთა განცხადება წერა-კითხვის გამავრცელებელი საზოგადოების სახელზე, მისთვის წიგნების გასაგზავნად.

1888

ტიპი: ავტორობა

1888 წელს ივანე წერეთელმა ქართველთა შორის წერა-კითხვის გამავრცელებელ საზოგადოებას გაუგზავნა წერილი მათ მიერ გამოგზავნილი წიგნების შესახებ.

1919

ტიპი: ავტორობა

1919 წლის 31 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომის ოქმს მიწერილი აქვს, რომ დადგენილებას „დედაენის“ შეუსწორებლად დაბეჭდვის შესახებ არ ეთანხმებოდა თევდორე კიკვაძე. ის თვლიდა, რომ შესაძლებელი იყო წიგნის გადასინჯვა-შესწორება.

1919

ტიპი: ავტორობა

1919 წლის 23 მაისს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ყოფილი სტიპენდიატის, სარგის კაკაბაძის, განცხადება დარჩენილი სასტიპენდიო ვალის 3 თვეში დაფარვის შესახებ. ვალის ნაწილის გადახდას ის საზოგადოების წიგნის მაღაზიაში მიტანილი ისტორიული გამოცემების შემოსავლიდან აპირებდა.

1919

ტიპი: ავტორობა

განათლების სამინისტროს მთავარგამგემ, გიორგი ალმასხანის ძე ჭუმბურიძემ (საქმისმწარმოებელი კ.აბაშიძე) ლეჩხუმის სამაზრო ერობის გამგეობის თავმჯდომარეს კონსტანტინე ილიას ძე აბაშიძეს 1919 წლის 13 სექტემბერს სასწრაფო დეპეშით აუწყა, რომ მაზრის სკოლების დასაკმაყოფილებლად ონის ხაზინაში 100 ათასი მანეთი გაგზავნეს.

1919

ტიპი: ავტორობა

1919 წლის 29 სექტემბერს განათლების სამინისტროს მთავარმა გამგემ გიორგი ალმასხანის ძე ჭუმბურიძემ (საქმის მწარმოებელი კონსტანტინე აბაშიძე) ფინანსთა სამინისტროს საკრედიტო განყოფილებას ლეჩხუმის მაზრის სკოლების მასწავლებელთა ჯამაგირებით დაკმაყოფილების თხოვნით მიმართა. აპრილის ბოლოს მათთვის გადაგზავნილი 100 ათასი მანეთი ფოსტამ შეაჩერა და მასწავლებლებმა ხელფასები ვერ მიიღეს, რასაც შესაძლოა არასასურველი შედეგები მოჰყოლოდა.

1919

ტიპი: ავტორობა

1919 წლის 30 მაისის მოტყიარის ერთკლასიანი სასწავლებლის შეგირდების ნუსხაში, რომელსაც ხელს აწერს სასწავლებლის გამგე მასწავლებელი თამარა კიკვაძე, ნათქვამია რომ პირველი განყოფილებიდან მეორეში გადავიდა 8 მოსწავლე, დარჩა 5; მეორიდან მესამეში გადავიდა 5 მოწაფე, დარჩა 2; მესამიდან მეოთხეში გადავიდა 5 მოწაფე, დარჩა 2.

1918

ტიპი: ავტორობა

1918 წლის 30 ივლისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ქუთაისის გუბერნიის მასწავლებელთა კავშირის თხოვნა, რომ საზოგადოების ყველა სახელმძღვანელო მხოლოდ მათთვის გაეგზავნათ. მასწავლებელთა კავშირს ორი გამოცემა ჰქონდა – არითმეტიკული კრებული და სამშობლოს აღწერა. გამგეობის გადაწყვეტილებით, შემოთავაზებული წინადადება მიმართული იყო გამოცემის მონოპოლიისკენ, შესაბამისად, რთულ და საპასუხისმგებლო საკითხს წარმოადგენდა. საკითხის დადებითად გადაჭრა საზოგადოების კრების დაუკითხავად გამგეობამ შეუძლებლად მიიჩნია. დადგენილების ოქმს ხელს გიორგი ნიკოლოზის ძე ყაზბეგი აწერდა.

1918

ტიპი: ავტორობა

1918 წლის 30 ივლისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გიორგი ქუჩიშვილის თხოვნა სალიტერატურო ფონდიდან დახმარების შესახებ. დოკუმენტს ახლავს ცნობა, რომ სალიტერატურო ფონდიდან 200 მანეთი დარჩა. გამგეობამ გადაწყვიტა ქუჩიშვილისთვის სალიტერატურო ფონდიდან 100 მანეთი მიეცა. დადგენილების ოქმს ხელს აწერს გიორგი ნიკოლოზის ძე ყაზბეგი.

1918

ტიპი: ავტორობა

1918 წლის 16 ივლისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს წიგნთა საწყობისთვის საჭირო ოთახების დაქირავების საკითხი. კორექტორ-მეთვალყურე საჭიროდ მიიჩნევდა ორი ან სამი ოთახის დაქირავებას. გამგეობამ გადაწყვიტა კორექტორის მოხსენება მიეღო და წიგნების საწყობებისა და კლიშეების შესანახად სამი ოთახი დაექირავებინა. დადგენილების ოქმს ხელს აწერს გიორგი ნიკოლოზის ძე ყაზბეგი.

1918

ტიპი: ავტორობა

1918 წლის 2 ივლისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გორის განყოფილების შუამდგომლობა საზოგადოების წიგნის მაღაზიიდან 5000 მანეთის კრედიტის გახსნის შესახებ. გამგეობამ გორის განყოფილების თხოვნის დაკმაყოფილება გადაწყვიტა. დადგენილების ოქმს ხელს აწერს გიორგი ნიკოლოზის ძე ყაზბეგი.

1918

ტიპი: ავტორობა

1918 წლის 22 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს თამარა მიხეილის ასული ქარცივაძის თხოვნა წიგნის მაღაზიაში პრაქტიკანტად გამყიდველის თანამდებობაზე მიღების შესახებ. ის თანახმა იყო თვეში 100 მანეთად ემსახურა. გამგეობის გადაწყვეტილებით ეს საკითხი გადაიდო. დადგენილების ოქმს ხელს აწერდნენ გიორგი ნიკოლოზის ძე ყაზბეგი, დავით გიორგის ძე კარიჭაშვილი და ნინო იოსების ასული ნაკაშიძე.

1918

ტიპი: ავტორობა

1918 წლის 22 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს უნივერსიტეტთან არსებული სამეცნიერო წრის სატერმინოლოგიო სექციისთვის სხვადასხვა ხელნაწერის საჭიროების საკითხი. ხელნაწერები საზოგადოების მუზეუმში იყო დაცული. ოქმს ხელს აწერს გიორგი ნიკოლოზის ძე ყაზბეგი.

1918

ტიპი: ავტორობა

1918 წლის 11 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს სიღნაღის განყოფილების გამგეობის შუამდგომლობა. ისინი ითხოვდნენ, რომ მთავრობის მიერ გაწეული სამოსწავლო დახმარებიდან (30 000 მანეთი) 1918 წლის პირველი იანვრიდან ნუკრიანის სკოლის ორი მასწავლებლის ხელფასის შესავსებად გადაედოთ შესაბამისი თანხა. გამგეობის გადაწყვეტილებით, სიღნაღის განყოფილებას უარი ეთქვა, რადგან აღნიშნულ თანხას სპეციალური დანიშნულება ჰქონდა. დადგენილების ოქმს ხელს გიორგი ნიკოლოზის ძე ყაზბეგი აწერდა.

1918

ტიპი: ავტორობა

1918 წლის 11 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ქართულ ცხენოსანთა სათადარიგო პოლკის უფროსის თხოვნა ჯარისკაცებისთვის სახალხო საკითხავი წიგნების მიწოდების შესახებ. (მისამართი: სიღნაღის მაზრა „Ц. Калаяуп“). გამგეობამ გადაწყვიტა მათთვის 30 მანეთის წიგნები გაეგზავნა. დადგენილების ოქმს ხელს აწერდა გიორგი ნიკოლოზის ძე ყაზბეგი.

1918

ტიპი: ავტორობა

1918 წლის 11 ივნისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გიორგი შალამბერიძის თხოვნა, რომ ქართველ ხელოვანებს გამარტივებული ქართული ანბანი მალე დაემუშავებინათ. გადაწყვეტილების ოქმს ხელს აწერს გიორგი ნიკოლოზის ძე ყაზბეგი.

1918

ტიპი: ავტორობა

1918 წლის 31 მაისის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ქართველ ტყვეთა დამხმარე კომიტეტის თხოვნა წიგნებით დახმარების შესახებ. კომიტეტი გალზაგანში, სამხედრო ტყვეთა ბანაკთან, დაარსდა. გამგეობის გადაწყვეტილებით, ეს საკითხი გადაიდო. დადგენილების ოქმს ხელს აწერს გიორგი ნიკოლოზის ძე ყაზბეგი.