1919

ტიპი: ავტორობა

1919 წლის 6 ნოემბრის გაზეთ „საქართველოს რესპუბლიკის“ ცნობით, გერონტი ქიქოძემ ვაკეში სტადიონის მოწყობასთან დაკავშირებით დამფუძნებელი კრების ხელოვნების კომისიაში დაწვრილებითი მოხსენება გააკეთა. სტადიონამდე ტრამვაის ან ვიწრო ლიანდაგიანი რკინიგზის გაყვანა იგეგმებოდა, მთის კალთებზე დაირგვებოდა ხეები. სტადიონი 100X200 კვადრატული საჟენი(სიგრძის საზომი ერთეული ძველ რუსეთში, უდრიდა 152-176სმ.) იქნებოდა. ვინაიდან ქვის ამფითეატრი ძვირი დაჯდებოდა, ამიტომ იგი უბრალოდ მთის კალთების შესაფერისად გადათხრით გაიმართებოდა.

ტიპი: ავტორობა

დ. ნახუცრიშვილმა, დრამატული სტუდიის დავალებით, თარგმნა დიდი მთავრის - კონსტანტინე კონსტანტინეს ძის პიესა „მეფე ურიათა“.

1919

ტიპი: ავტორობა

1919 წლის 6 ნოემბრის გაზეთ „საქართველოს რესპუბლიკის“ ცნობით, დიმიტრი არაყიშვილის ოპერის „თქმულება შოთა რუსთაველზე“ პრემიერისთვის ქართულ სამუსიკო საზოგადოებაში დაიწყო საოპერო სტუდიისა და კაპელის გაერთიანებული რეპეტიციები.

1919

ტიპი: ავტორობა

1919 წლის 4 ნოემბრის გაზეთ „საქართველოს რესპუბლიკის“ ცნობით, პროფესორმა ივანე ალექსანდრეს ძე ჯავახიშვილმა სახელმწიფო თეატრში გამართული ქართული ლატარიის გათამაშების სხდომა სიტყვით გახსნა.

1919

ტიპი: ავტორობა

1918 წლის 8 ნოემბრის გაზეთ „საქართველოს რესპუბლიკის“ ცნობით, საექიმო-სანიტარული ერობების მუშაობის გასაერთიანებლად და სახელმძღვანელოდ ერობათა კავშირთან საექიმო-სანიტარული განყოფილების მოწყობა გადაწყდა. დებულების პროექტის შედგენა დაევალა ექიმ იოსებ ანტონის ძე ლომოურს.

1919

ტიპი: ავტორობა

1919 წლის 8 ნოემბრის გაზეთ „საქართველოს რესპუბლიკის“ ცნობით, ერობათა კავშირის კომიტეტის პრეზიდიუმის სხდომაზე მოისმინეს ექიმ იოსებ ანტონის ძე ლომოურის მოხსენება ერობათა კავშირში საექიმო სანიტარული ცენტრის მოწყობის შესახებ.

1918

ტიპი: ავტორობა

1918 წლის 10 აგვისტოს გაზეთ „საქართველოს რესპუბლიკის“ ცნობით, ხელოვნებათა სექციამ პროფესორ ივანე ჯავახიშვილის მოხსენების თანახმად დაადგინა, რომ სახელმწიფო გერბად თეთრი გიორგისა და შვიდი მნათობის გამოსახულება არჩეულიყო, რადგან ის ისტორიულად და ტრადიციულად ქართველი ხალხის არსებობასთან იყო დაკავშირებული.

1919

ტიპი: ავტორობა

1919 წლის 31 ოქტომბრის გაზეთ „საქართველოს რესპუბლიკის“ ცნობით, გზათა სამინისტროს მოძრაობის განყოფილების უფროსის, გ. ა. აბელოვის განკარგულებით, ბათუმში მოსული 100 000 ფუთი (მასის ერთეული უდრის 16,38 კგ.) სხვადასხვა ხარისხის ქაღალდიდან ყოველდღე 10 ვაგონი იტვირთებოდა.

1919

ტიპი: ავტორობა

1919 წლის 25 ოქტომბრის გაზეთ „საქართველოს რესპუბლიკის“ ცნობით, შინაგან საქმეთა მინისტრმა ნოე რამიშვილმა გააუქმა მის მიერ 14 ივნისს გამოცემული სავალდებულო დადგენილება თბილისში არსებული ქაღალდის მთელი რაოდენობის შინაგან საქმეთა სამინისტროს ანგარიშზე აღების შესახებ.

1919

ტიპი: ავტორობა

1919 წლის 1-ელი ნოემბრის გაზეთ „საქართველოს რესპუბლიკის“ ცნობით, ოქტომბერში საქართველოს დამფუძნებელი კრების წევრმა ბიქტორ ვასილის ძე თევზაიამ ქუთაისის სოციალ-დემოკრატთა კლუბში წაიკითხა ლექცია „რუსეთისა და უკრაინის მდგომარეობა“.

1919

ტიპი: ავტორობა

1919 წლის 25 ოქტომბრის გაზეთ „საქართველოს რესპუბლიკის“ ცნობით, რკინიგზის ცენტრალური გამგეობის თავმჯდომარემ ერ. დიდიძემ რკინიგზელთა მძიმე სამუშაო პირობებზე ისაუბრა.

1919

ტიპი: ავტორობა

1919 წლის 21 ოქტომბრის გაზეთ „საქართველოს რესპუბლიკის“ ცნობით, ქუთაისში „მომავალმა“ კონსტანტინე მიხეილის ძე კანდელაკის ალგებრულ ამოცანათა კრებული გამოსცა.

1919

ტიპი: ავტორობა

1919 წლის 21 ოქტომბრის გაზეთ „საქართველოს რესპუბლიკის“ ცნობით, განსვენებული საზოგადო მოღვაწის, ივანე კერესელიძის ღრმად მოხუცებულმა (85 წ.) მეუღლემ, ნინო უზნაძემ მთავრობას თავისი უმწეო მდგომარეობის შესახებ აცნობა და დახმარება სთხოვა.

1919

ტიპი: ავტორობა

1919 წლის 5 ოქტომბრის გაზეთ „საქართველოს რესპუბლიკის“ ცნობით, ალექსანდრე სპირიდონის ძე ლომთათიძემ საქართველოს სოციალ-დემოკრატიული მუშათა პარტიის ქუთაისის კომიტეტის კრებაზე წაიკითხა მოხსენება თემაზე: „საქართველოს საგარეო და შინაური მდგომარეობა“.

1919

ტიპი: ავტორობა

1919 წლის 2 ოქტომბერს ონში მომხდარ ინციდენტს - ებრაელთა ახალი სკოლის კურთხევის ცერემონიაზე სალოცავის ეზოში მსხდომი პირების შეურაცხყოფის შესახებ - პოლკოვნიკი ბიქტორ ნიკოლოზის ძე ინწკირველი იძიებდა.

1919

ტიპი: ავტორობა

1918 წლის 3 აგვისტოს გაზეთ „საქართველოს“ ცნობით, ქართველ მხატვართა საზოგადოებამ გალერეის საკოლექციოდ ლადო გუდიაშვილისგან სურათები: „მერანი" და „პირიმზე" შეიძინა.

1918

ტიპი: ავტორობა

1918 წლის 31 ივლისის გაზეთ „საქართველოს“ ცნობით, სახელმწიფო თეატრში ადმინისტრაციის ინიციატივით მოწყობილმა სამხატვრო-სამუსიკო კოლეგიამ, რომელშიც კონსერვატორიის დირექტორი ნიკოლოზ ნიკოლაევიც იყო, მოისმინა დიმიტრი არაყიშვილის ოპერა „თქმულება შოთა რუსთაველზე". ოპერამ ჟიურის წევრებზე დიდი შთაბეჭდილება მოახდინა და მისი დადგმა გადაწყდა.

1919

ტიპი: ავტორობა

1919 წლის 14 ოქტომბრის გაზეთ „საქართველოს რესპუბლიკის“ ცნობით, გიორგი ამილახვარმა მთავრობას შესთავაზა, მისგან ერთ მილიონ მანეთად შეეძინათ XV საუკუნის წმ. იორის ძვირფასი ჯვარი. მთავრობამ წინადადება დამფუძნებელი კრების კომისიას გააცნო.

1919

ტიპი: ავტორობა

1919 წლის 17 ოქტომბრის გაზეთ „საქართველოს რესპუბლიკის“ ცნობით, ბრიტანეთის მთავრობის წარმომადგენელმა ამიერკავკასიაში, გენერალმა ბრაფმა ნატანები-ბათუმის რკინიგზის ყველა თანამშრომელს მადლობა გადაუხადა და აღნიშნა, რომ აღტაცებული იყო მათი სწრაფი მუშაობით. 

1919

ტიპი: ავტორობა

1919 წლის 14 ოქტომბრის შუა რიცხვებში საქართველოს რესპუბლიკის თავმჯდომარემ, ნოე ჟორდანიამ ქუთაისში დაარსებული საზოგადოება „შევარდენისგან“ თანადგომის დეპეშა მიიღო. „შევარდენი“ მიზნად ისახავდა აღეზარდა „ჯანით საღი და სულით ძმური თაობა“.

1919

ტიპი: ავტორობა

1919 წლის 10 ოქტომბრის გაზეთ „საქართველოს რესპუბლიკის“ ცნობით, ქ. ონში ებრაული სკოლის თალმუდ თორას ახალი შენობის გახსნის გამო იქაური ებრაელების სახელით რაბინმა დავით ბააზოვმა შინაგან საქმეთა მინისტრს დეპეშა გამოუგზავნა. რაბინი მიესალმა მინისტრს, საქართველოს მთავრობას ერთგულება შეჰფიცა დაიმედი გამოთქვა, რომ ებრაელებს სრულ ეროვნულ-კულტურულ ავტონომიას მიანიჭებდნენ. 

1919

ტიპი: ავტორობა

1919 წლის 14 ოქტომბრის გაზეთ „საქართველოს რესპუბლიკის“ ცნობით, სტატისტიკის განყოფილების გამგე მ. ნ. მანდელაშვილი სატარიფო პალატის სხდომაზე სიტყვით გამოვიდა მუშათა კლასის ცხოვრების გასაუმჯობესებლად საჭირო ზომების მიღების შესახებ.

1919

ტიპი: ავტორობა

1919 წლის 2 ოქტომბრის გაზეთ „საქართველოს რესპუბლიკის“ ცნობით, ხმოსან პეტრე ქავთარაძის წინადადება, გამგეობის მიერ სიმინდის ევროპიდან შესაძენად სესხის აღების შესახებ, სენაკის თვითმმართველობის საბჭომ ხმის უფლებით მიიღო.

1919

ტიპი: ავტორობა

1919 წლის 4 ოქტომბრის გაზეთ „საქართველოს რესპუბლიკის“ ცნობით, საგარეო საქმეთა მინისტრმა ევგენი გეგეჭკორმა მოკავშირეთა უმაღლეს კომისარს (იტალიის, ინგლისის, საფრანგეთისა და საბერძნეთის წარმომადგენლებს) გაუგზავნა ნოტა, რომელშიც ჩრდილოეთ კავკასიაში მიმდინარე სისხლისმღვრელი ბრძოლის შესახებ ატყობინებდა. მოხალისეთა ჯარის მიერ დაპყრობილ ოლქებში ხალხი აჯანყდა. ცხადი იყო, რომ აჯანყების ჩასაქრობად მოხალისეთა ლაშქრის სარდლობა შეტევას დაიწყებდა, რასაც მხარეში ანარქია მოჰყვებოდა. საქართველოს მთავრობას არ სურდა იარაღით ჩარეულიყო და სთხოვდა მოკავშირეთა კომისარს, ხალხის თავისუფალი ნების გამოხატვით და მათი თვითგამორკვევის უფლებით გადაეჭრა ეს საკითხი.

1919

ტიპი: ავტორობა

სახელმწიფო ბანკის დაარსებასთან დაკავშირებულ მოხსენებაში დიომიდე თოფურიძემ აღნიშნა, რომ ეს იქნება ბანკი, რომელსაც ძირითად ფულს მისცემს სახელმწიფო, ხოლო მართვა-გამგეობა მოეწყობა დამოუკიდებლად. ბანკის გამგეს აირჩევს დამფუძნებელი კრება, ხოლო წევრებს, გამგის წარდგინებით, დაამტკიცებს პარლამენტი. მან ასევე აღნიშნა, რომ წესდებაში, რომელიც რუსეთის ბანკისგან მიიღეს, ცვლილებები უკვე შეტანილი იყო. მუხლობრივი განხილვის მოწყობა კი მომავლისთვის დაიგეგმა.