რეგისტრირებული ფაქტები2104
ფილტრი:
სორტირება ახალი ჩანაწერების მიხედვით
1918
ტიპი: მფლობელობა
1918 წლის 27 ოქტომბრის გაზეთ „კლდის“ ცნობით, გიორგი ბაგრატიონ-დავითაშვილს ჰქონდა მეურნეობა გორის მაზრაში, სოფელ სატივეში.
1886
ტიპი: მფლობელობა
1886 წლის 17 აპრილის გაზეთ „ივერიის“ მიხედვით, ვასილ და გრიგოლ გიორგის ძე ბოჭორიშვილებს ქუთაისის თავად–აზნაურთა საადგილმამულო ბანკში დაგირავებული ჰქონდათ შორაპნის მაზრის სოფელ რუფოთში მდებარე 8 დესეტინა და 1450 კვადრატული საჟენი ზვარი და სახნავ–სათესი, რომლებსაც ყიდდა ბანკი გადასახადის გადაუხდელობის გამო.
1886
ტიპი: მფლობელობა
1886 წლის 17 აპრილის გაზეთ „ივერიის“ მიხედვით, სპირიდონ სიმონის ძე მაჭავარიანს ქუთაისის თავად–აზნაურთა საადგილმამულო ბანკში დაგირავებული ჰქონდა შორაპნის მაზრის სოფელ ცხრაწყაროში მდებარე 39 დესეტინა და 122 კვადრატული საჟენი ზვარი, ტყე და სახნავ-სათესი, რომლებსაც ბანკი გადასახადის გადაუხდელობის გამო ყიდდა.
1877
ტიპი: მფლობელობა
1877 წლის 6 ოქტომბერს გაზეთ „ივერიაში“ დაიბეჭდა მიხაილის აზნაურობის ბანკის განცხადება, რომ გაიყიდებოდა ქუთაისში მდებარე მამულები, რომელთა მფლობელები იყვნენ: ნიკოლოზ ანტონის ძე ფირალოვი და ელისაბედ სვიმონის ასული ჩარექოვი. ასევე გაიყიდებოდა სოფელ კვალითში, ცხრაწყაროსა და ზოვრეთში მდებარე მამულები.
1866
ტიპი: მფლობელობა
1866 წლის პირველი სექტემბრისთვის თბილისის გუბერნიის სამმართველოში იყიდებოდა მამული, რომელიც ეკუთვნოდათ მაკაროვის მემკვიდრეებს.
1866
ტიპი: მფლობელობა
1866 წლის 3 სექტემბრისთვის თბილისის გუბერნიის სამმართველოში იყიდებოდა მამული, რომელიც გარდაცვალებამდე ეკუთვნოდა მურად მურადოვს.
1866
ტიპი: მფლობელობა
1866 წლის 7 სექტემბრისთვის თბილისის გუბერნიის სამმართველოში იყიდებოდა მამული, რომელიც გარდაცვალებამდე ეკუთვნოდათ იაგორ და სამსონ ალენიჩებს.
1912
ტიპი: მფლობელობა
1912 წლის 5 ოქტომბრის გაზეთ „იმერეთის“ ცნობით, ნესტორ მხეიძეს ლანჩხუთში აფთიაქი ჰქონდა.
1893
ტიპი: მფლობელობა
1893 წელს მიხეილ სტეფანეს ძე ბეთანიშვილს ბათუმში ჰქონდა ბაღი, რომელშიც ტროპიკული მცენარეების ნერგებს ახარებდა და ყიდდა.
1912
ტიპი: მფლობელობა
1912 წლის 26 სექტემბრის გაზეთ „იმერეთის“ ცნობით, ქუთაისში ბ. გოკიელს სავაჭრო სახლი ჰქონდა.
1912
ტიპი: მფლობელობა
1912 წლის 26 სექტემბრის გაზეთ „იმერეთის“ ცნობით, ქუთაისში ფილიპე სიმონის ძე ფილიპოვს ჭურჭლისა და ავეჯის მაღაზია ჰქონდა.
1936
ტიპი: მფლობელობა
1935 წლის 26 იანვარს გამოცემული ხელშეკრულების მიხედვით, ქრისტინე შარაშიძეს ნიკოლოზ ბარათაშვილის აკადემიურ გამოცემაზე მუშაობა ამავე წლის პირველ აპრილამდე უნდა დაესრულებინა. მისი ჰონორარი 350 მანთით განისაზღვრა, რომლის 50 პროცენტს ის ხელშეკრულებაზე ხელის მოწერის დროს მიიღებდა, 25 პროცენტს – მასალის ჩაბარებისას და დანარჩენ 25 პროცენტს – წიგნის გამოსვლის შემდეგ, არა უგვიანეს ერთი კვირისა.
1920
ტიპი: მფლობელობა
1919-1920 წლების ოლივერ უორდროპის წერილების მიხედვით, მირზა რიზა ხანი იყო ხელნაწერების კოლექციონერი.
1919
ტიპი: მფლობელობა
1919 წლის 3 დეკემბერს, ოთხშაბათს, 10-ის ნახევარზე ოლივერ უორდროპმა მეუღლეს მისწერა, რომ მუსლიმთა საღვთო წიგნი ჰქონდა. ის იყო ლოცვების ნაკრები, რომლის ილუსტრატორმაც არაბული კარგად არ იცოდა, რის გამოც ილუსტრაციები ტექტს იყო აცდენილი.
1912
ტიპი: მფლობელობა
1912 წლის 7 ნოემბერს აკაკი წერეთლის მიერ შედგენილი ანდერძის მიხედვით, ის ქართველთა შორის წერა-კითხვის გამავრცელებელ საზოგადოებას უტოვებდა სამოსახლო ადგილს შენობით შორაპნის მაზრის სოფელ სხვიტორში.
1921
ტიპი: მფლობელობა
1921 წელს კონსტანტინე ალექსის ძე ბახტაძეს სანოტარო ბიურო ჰქონდა ბათუმში, ლორის-მელიქოვის ქუჩაზე, კაპპიდის სახლში.
1900
ტიპი: მფლობელობა
1900 წლის 9 მარტის ხელშეკრულებიდან ცნობილია, რომ ქვემო მაჩხაანში იოსებ გრიგოლის ძე ტუკუშევის მიერ იჯარით აღებულ ხეხილის ბაღს სამხრეთ-დასავლეთიდან მიხეილ ლაზარეს ძე შანშიაშვილის მამული ესაზღვრებოდა.
1915
ტიპი: მფლობელობა
1915 წელს ქართველთა შორის წერა-კითხვის გამავრცელებელი საზოგადოების ბათუმის განყოფილებას, რომლის თავმჯდომარე იყო გრიგოლ ლავრენტის ძე ელიავა იყო, ერთი სკოლა ჰქონდა გახსნილი.