1921

ტიპი: ღონისძიება

1921 წლის 28 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას აუწყეს, რომ 1921 წლის 22 დეკემბერს წერა-კითხვისგამავრცელებლი საზოგადოების სალაროში აღმოჩნდა დეკრეტის ძალით გაბათილებული ფულის კუპიურები, სულ 169860 მანეთი. გამგეობამ ცნობად მიიღო ეს ფაქტი. თანხა ჩამოიწერა ანგარიშიდან.

1921

ტიპი: ღონისძიება

1921 წლის 28 დეკემბერს ქართველთა შორის წერა-კითხვის გამავრცელებელი საზოგადოების მთავარ გამგეობას მაღაზიის გამგე ს. ბახტაძე სთხოვს ნებართვას, შეიძინოს ქუთაისში წიგნები ნაღდ ფულზე მაღაზიისთვის. გამგეობამ დაადგინა, წიგნების შეძენის ნება მიეცა ბახტაძისთვის.

1921

ტიპი: ღონისძიება

1921 წლის 28 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას დაესწრნენ დავით კარიჭაშვილი, ნიკოლოზ ჩიგოგიძე, იოსებ გიორგობიანი, ნინო ნაკაშიძე, ივანე მაჭავარიანი და ვარლამ ბურჯანაძე. სხდომაზე განიხილეს ქართველთა შორის წერა-კითხვის გამავრცელებელი საზოგადოების გამომცემელ საზოგადოებად გადარქმევის საკითხი.

1921

ტიპი: ღონისძიება

1921 წლის 28 დეკემბერს დავით გიორგის ძე კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე პრეზიდიუმმა წარადგინა ახალი წესდების პროექტი, რომელიც გამგეობამ მოიწონა და განსახილველად რწმუნებულთა საზოგადო კრებას გადასცა.

1884

ტიპი: ღონისძიება

მღვდელმა ილარიონ გერსამიამ დააარსა სამრევლო სკოლა ლაილაშში.

1913

ტიპი: ღონისძიება

1913 წლის საწევრო – 3-3 მანეთი გადაიხადეს ქართველთა შორის წერა-კითხვის გამავრცელებელი საზოგადოების ქუთაისის ფილიალის ნამდვილმა წევრებმა: დეკანოზებმა – მელიტონ ცაგარეიშვილმა და გაბრიელ ცაგარეიშვილმა, გერასიმე ცაგარეიშვილმა, იროდიონ ცეხანოვსკიმ, ვლადიმერ ცნობილაძემ, ვასილ, სოლომონ, იასონ, ვლადიმერ, ირაკლი, სავლე, კლავდია და პუპი წერეთლებმა.

1911

ტიპი: ღონისძიება

1911 წელს ილია ჭავჭავაძის საფლავის ძეგლის დასამთავრებლად ვასილ ფირცხალოვმა 50 კაპიკი შესწირა, ივანე წერეთელმა კი – 5 მანეთი და 20 კაპიკი.

1911

ტიპი: ღონისძიება

1911 წელს ქართველთა შორის წერა-კითხვის გამავრცელებელი საზოგადოების მთავარი გამგეობის წევრებმა სტეფანე ელიაძესა და ონისიმე შავგულიძეს ილია ჭავჭავაძის ძეგლის ფონდისთვის თანხის გაღება სთხოვეს.

ტიპი: ღონისძიება

ქ. შ. წ. კ. გ. საზოგადოების მთავარი გამგეობა ბაღდათის სასკოლო და საბიბლიოთეკო წრის საყურადღებოდ სოფელ როხში შეტყობინებას უგზავნის გიორგი ახვლედიანს: სთხოვს ძალ-ღონეს ნუ დაიშურებენ და ან პირადი შემოწირულობით დაეხმარონ ილია ჭავჭავაძის ძეგლის ფონდს, ან საქველმოქმედო საღამო და ლატარია-ალეგრი გამართონ.

1911

ტიპი: ღონისძიება

ქ. შ. წ. კ. გ. საზოგადოების მთავარმა გამგეობამ ილია ჭავჭავაძის ძეგლის ფონდისთვის მატერიალური დახმარების მოწოდება გაუგზავნა იასონ დავითის ძე ციციშვილს – ქარელში და ისაია იოველის ძე ფურცელაძეს – ცხინვალში.

1911

ტიპი: ღონისძიება

1911 წელს ილია ჭავჭავაძის ძეგლისთვის ფული გაიღეს შემდეგმა პირებმა: პავლე ბოძიევმა − 3 მან., მელიტონ თოიძემ − 3, ვანო ზორდიშვილმა − 10, დანიელ სარაჯიშვილმა − 5 მან.

1911

ტიპი: ღონისძიება

1911 წლის 1-ლ აგვისტოს ქ. შ. წ. კ. გ. საზოგადოების ბაქოს განყოფილების ხაზინადარი ვასილ ხუჭუა ფილიალის სახელით 100 მანეთს უგზავნის თბილისის გამგეობას ილია ჭავჭავაძის ძეგლის ფონდის გასაძლიერებლად და შემომწირველთა სიის გამოქვეყნებას სთხოვს გაზეთში. შემომწირველთა შორის არიან: ს. კვიტაშვილი -10 მან., ა. ბერელაშვილი -10 მან, ა. ჯინჭარაძე (ჭინჭარაძე) -10 მან., ნ. ჯაყელი -10 მან., კ. ლორთქიფანიძე -10 მან, გ. ქებაძე -5 მან., ვ. ახვლედიანი -5 მან., ა. გოცირიძე -5 მან., ლ. გოცირიძე -5 მან., ა. ალხაზიშვილი -4 მან., პ. გელოვანი -3 მან., ვ. ხუჭუა -2 მან., მ. კალანდარიშვილი -2 მან., ლ. აბდუშელიშვილი -1 მან.50 კაპ., ვ. ჩიკვაიძე -1 მან.50 კაპ., დ. თედეშვილი -1 მან., მ. შენგელია -1 მან.

1911

ტიპი: ღონისძიება

სიმონ ნიკოლოზის ძე სააკაშვილი დონის როსტოვიდან გამოეხმაურა ქართველთა შორის წერა-კითხვის გამავრცელებელი საზოგადოების გამგეობის მოწოდებას და 1911 წლის 26 ივნისს 5 თუმანი (50 მანეთი) გადაურიცხა ილია ჭავჭავაძის ძეგლის ფონდს. იგი შეჰპირდა, რომ საზოგადოების გამგეობა შეკრებისთანავე მიიღებდა შესაწევარ თანხას.

1921

ტიპი: ღონისძიება

1921 წელს ფშავის ერობის აფთიაქის პროვიზორმა ივანე ლომინაძემ თელავის ვაჟთა პირველი და წმ. ნინოს სახელობის ქალთა გიმნაზიების მშობელთა წრის თავმჯდომარე ლ. ი. გოგნიაშვილს უღარიბეს მოსწავლეთა დასახმარებლად 30000 მანეთი გადასცა.

1880

ტიპი: ღონისძიება

1880 წელს კონსტანტინე იოსების ძე ყავრიშვილმა თბილისის სათავადაზნაურო სკოლის პანსიონს ერთი დიდი ურემი კომბოსტო შესწირა.

1912

ტიპი: ღონისძიება

1912 წლის პირველ მაისს ქართველთა შორის წერა-კითხვის გამავრცელებელი საზოგადოების სხდომაზე გამგეობამ გიორგი ამირეჯიბს 19 მანეთი გადასცა, კალანდაძეს — 96 მანეთი, ვასილ ყიფიანს კი — 161 მანეთი, პოპოვს მანქანის საფასური — 300 მანეთი. ნიკოლოზ ბესარიონის ძე ღოღობერიძის გვირგვინისთვის კი 55.30 მანეთი გადაიხადეს.

1912

ტიპი: ღონისძიება

1912 წლის 29 ნოემბერს ქართველთა შორის წერა-კითხვის გამავრცელებელი საზოგადოების სხდომაზე გამგეობას მიმართა ყვირილას განყოფილების გამგეობამ, რომ ქუთაისის სათავადზანაურო ბანკისგან შეიძინეს დაბა ყვირილაში არსებული სათეატრო ადგილი შენობით და ნასყიდობის შესადგენად საჭირო იყო ვექილობა მთავარი გამგეობისგან ყვირილას განყოფილების გამგეობის რომელიმე წევრის სახელზე და ასევე მათივე სურვილით ადვოკატი უნდა ყოფილიყო ყვირილას გამგეობის თავმჯდომარის ამხანაგი მიხეილ მახარობლის ძე სიხარულიძე, რაზედაც გამგეობამ თანხმობა განაცხადა.

1894

ტიპი: ღონისძიება

1894 წლის 13 ივლისის „ივერიაში“ დაბეჭდილ 1893-1894 წლების კავკავის ქართული სკოლის ანგარიშში ლუარსაბ გერასიმეს ძე ბოცვაძე წერდა, რომ კავკავის ქართულ სკოლაში ღარიბმა ბავშვებმა სიარული შორეული სოფლებიდანაც დაიწყეს.

1893

ტიპი: ღონისძიება

1893-1894 სასწავლო წელს კავკავის ქართული სკოლის სამზრუნველო კომიტეტის თავმჯდომარე ეროთეოს გიორგის ძე ერისთავი იყო.

1894

ტიპი: ღონისძიება

1894 წლის 13 ივლისის „ივერიაში“ დაბეჭდილ 1893-1894 წლების კავკავის ქართული სკოლის ანგარიშში ლუარსაბ გერასიმეს ძე ბოცვაძე წერდა, რომ სკოლის სასწავლო პროცესს განაგებდა კავკავის მთავრობა და ქართველთა შორის წერა-კითხვის გამავრცელებელი საზოგადოების გამგეობა, რომელიც ყოველ წელს გზავნდა წარმომადგენელს სასწავლებლის ზოგადი სურათის შესაფასებლად.

1894

ტიპი: ღონისძიება

1894 წლის 13 ივლისის „ივერიაში“ დაბეჭდილ 1893-1894 წლების კავკავის ქართული სკოლის ანგარიშში ლუარსაბ გერასიმეს ძე ბოცვაძე წერდა, რომ სკოლას ამ სასწავლო წელს ქართველთა შორის წერა-კითხვის გამავრცელებელი საზოგადოების გამგეობამ 600 მანეთი გაუგზავნა.

1894

ტიპი: ღონისძიება

1894 წლის 13 ივლისს „ივერიაში“ დაბეჭდილ 1893-1894 წლების კავკავის ქართული სკოლის ანგარიშში ლუარსაბ გერასიმეს ძე ბოცვაძემ აღნიშნა, რომ სასწავლო წელს თერგის ოლქის საერო სკოლის დირექტორმა სკოლა 4-ჯერ დაათვალიერა და მოსწავლეების ცოდნით კმაყოფილი დარჩა.

1894

ტიპი: ღონისძიება

1894 წლის 13 ივლისის „ივერიაში“ დაბეჭდილ 1893-1894 წლების კავკავის ქართული სკოლის ანგარიშში ლუარსაბ გერასიმეს ძე ბოცვაძე აღნიშნავდა, რომ სკოლას ნივთიერ დახმარებას უწევდა კავკავის სამზრუნველო კომიტეტი, რომლის ხელშეწყობითაც მოახერხა მან საკუთარი შენობის აგება.

1894

ტიპი: ღონისძიება

1894 წლის 13 ივლისის „ივერიაში“ დაბეჭდილ 1893-1894 წლების კავკავის ქართული სკოლის ანგარიშში ლუარსაბ გერასიმეს ძე ბოცვაძე წერდა, რომ სკოლას აკლდა სწავლებისათვის და საკლასო ოთახებისათვის საჭირო ნივთები (სკამები, დაფები და სხვ.).

1894

ტიპი: ღონისძიება

1894 წლის 13 ივლისის „ივერიაში“ დაბეჭდილ 1893-1894 წლების კავკავის ქართული სკოლის ანგარიშში ლუარსაბ გერასიმეს ძე ბოცვაძე წერდა, რომ შეწირული 16. 50 მანეთით სკოლის ბიბლიოთეკამ წერა-კითხვის გამავრცელებელი საზოგადოების წიგნის მაღაზიიდან ქართული წიგნები შეიძინა, შეკვეთით.