1912

ტიპი: ღონისძიება

ქ. შ. წ. კ. გ. საზოგადოებას 1912 წლის 22 აგვისტოს განცხადებით მიმართავს ლუჩიანო დე ბლასი, რომელსაც შეუძლებლად მიაჩნია ხელშეკრულებით ნაკისრი ვალდებულების შესრულება 15 სექტემბრისთვის, რადგან თბილისში არ მოიპოვება დამკვეთთა მიერ მოთხოვნილი წითელი მარმარილო, ამასთან, მას არც ხელშეკრულების ფასი აძლევს ხელს.

1911

ტიპი: ღონისძიება

ქ. შ. წ. კ. გ. საზოგადოების გამგეობის საპროტოკოლო დადგენილების საფუძველზე შედგენილ 13 პუნქტიან ხელშეკრულებას ხელს აწერენ, ერთი მხრივ, გრიგოლ სვიმონის ძე რცხილაძე და, მეორე მხრივ - იტალიის სამეფოს ქვეშევრდომი ლუჩიანო დე ბლასი (დეპლასი). ეს უკანასკნელი კისრულობს ილია ჭავჭავაძის საფლავის ძეგლის დასადგმელად საჭირო 5000 მანეთად ღირებული სამუშაობის წარმართვას ინჟინერ პეტრე მამრაძის პროექტითა და მისივე ზედამხედველობით. ნაკისრი ვალდებულების შესრულების თარიღად დათქმულია 29 აგვისტო (უკანასკნელი ვადაა 15 სექტემბერი). პირობის დარღვევის შემთხვევაში დე ბლასიმ წერა-კითხვის საზოგადოებას უნდა დაუბრუნოს მიღებული თანხა და გადაუხადოს პირსაგამტეხლო 500 მანეთი, რის შემდეგაც გამგეობა უფლებამოსილი იქნება საკუთარი შეხედულებისამებრ აირჩიოს სხვა შემსრულებელი. წინამდებარე ხელშეკრულების ნოტარიალურად გაფორმებას მხარეები 1911 წლის 10 აგვისტომდე გეგმავენ.

1919

ტიპი: ღონისძიება

1919 წლის 8 მარტს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს იპოლიტე ვართაგავას მოხსენება საბავშვო წიგნების გამოცემის შესახებ და დაადგინეს, რომ უნდა გამოიცეს ქართველ მწერალთა ორიგინალი საბავშვო ნაწარმოებები ნიკოლოზ (ბაჩანა) რაზიკაშვილის, იროდიონ ევდოშვილის, გიორგი ქუჩიშვილის, პარმენ ცახელის, ვარლამ რუხაძის, ეკატერინე გაბაშვილის და სხვა, მათ შორის ვაჟა-ფშაველას საყმაწვილო პოემები, მოთხრობები და ლექსებიც. ვაჟას მემკვიდრეებთან მოლაპარაკება მიენდო ლუარსაბ ბოცვაძეს. გამგეობა დაეთანხმა სექციის დადგენილებას.

1912

ტიპი: ღონისძიება

1912 წლის 8 დეკემბერს კირითხურო ვლადიმერ აგლაძე ხელწერილით ადასტურებს, რომ მიიღო 35 მანეთი – ილია ჭავჭავაძის საფლავის ძეგლის ცოკოლის მოწყობისთვის კუთვნილი გასამრჯელოს დარჩენილი ნაწილი.

ტიპი: ღონისძიება

ხელოსანი ტ. ლებედა ხელწერილით ადასტურებს, რომ მან ილია ჭავჭავაძის საფლავის მოაჯირის გაკეთებაში ინჟინერ პეტრე მამრაძისგან მიიღო 50 მანეთი და არავითარი პრეტენზია არა აქვს მასთან.

1912

ტიპი: ღონისძიება

1912 წლის 11 მარტს ინჟინერი პეტრე მამრაძე ილია ჭავჭავაძის ძეგლის მოაჯირის მასალისა და მუშებისათვის საჭირო 200 მანეთს სთხოვს ქ შ წ კ გ საზოგადოების გამგეობას. განცხადების მინაწერის თანახმად, ინჟინერმა მიიღო ეს თანხა.

1912

ტიპი: ღონისძიება

1912 წლის 23 მაისს ქართველთა შორის წერა-კითხვის გამავრცელებელი საზოგადოების მთავარი გამგეობისთვის გაგზავნილ წერილში პეტრე მამრაძე არ ეთანხმება ანატოლი კალგინისა და ჰენრიკ ჰრინევსკის გაზვიადებულად მკაცრ შეფასებას, თითქოს არაპროპორციულად და ულაზათოდ იყოს მოწყობილი ილია ჭავჭავაძის საფლავი. ინჟინერ-ტექნოლოგი აღნიშნავს, რომ თავადაც ამჩნევს ზოგიერთ წუნს, ამიტომ სიამოვნებით დათანხმდება კომისიის მოწვევას, თუკი ეს ხელს შეუწყობს შედეგის გაუმჯობესებას.

1911

ტიპი: ღონისძიება

1911 წლის 21 ივნისს ხონის საურთიერთო ნდობის საზოგადოებამ (თავმჯდომარე მათე ბახტაძე, გამგეობის წევრი მიხეილ ქუთათელაძე) ქართველთა შორის წერა-კითხვის გამავრცელებელი საზოგადოების მთავარ გამგეობას აცნობა, რომ მათ არ ჰქონდათ თანხა ილია ჭავჭავაძის ძეგლის ფონდში გადასარიცხად. შეწირულობის გასაღებად ბანკისა და საბჭოს საზოგადო კრების ნებართვა იყო საჭირო.

1911

ტიპი: ღონისძიება

1911 წლის 18 ივნისს ქ. შ. წ. კ. გ. საზოგადოების მთავარ გამგეობას ბალახანიდან აცნობებენ, რომ იაკობ მანსვეტაშვილის დავალებით ნავთობმრეწველთა კანტორიდან ერიცხებათ 100 მანეთი ილია ჭავჭავაძის საფლავის ძეგლის ფონდის გასაძლიერებლად და სთხოვენ დაუდასტურონ თანხის მიღება.

1911

ტიპი: ღონისძიება

1911 წლის ივნისში ქ. შ. წ. კ. გ. საზოგადოების მთავარმა გამგეობამ ფილიალებს, დაწესებულებებსა და კერძო პირებს დაუგზავნა შეტყობინება, რომელიც იუწყებოდა, რომ 30 აგვისტოსთვის – ილია ჭავჭავაძის გარდაცვალების მეოთხე წლისთავისთვის – დაგეგმილ ძეგლის კურთხევას აფერხებდა უსახსრობა: კერძოდ, ექსპერტთა გამოანგარიშებით, ძეგლის დასრულებას 3 754 მანეთი და 85 კაპიკი სჭირდებოდა, ფონდში კი მხოლოდ 600 მანეთი იყო დარჩენილი. გამგეობა სთხოვდა შეტყობინების ადრესატებს, ორი კვირის განმავლობაში ეცნობებინათ, თუ ვინ რამდენი თანხის გაღებას შეძლებდა, რათა დროულად შესდგომოდნენ საქმეს (ხელმომწერნი: თავმჯდომარის ამხანაგი – ალ. მდივანი, გამგეობის წევრები: შიო დედაბრიშვილი, შ. მიქელაძე, არჩილ ჯაჯანაშვილი).

1921

ტიპი: ღონისძიება

1921 წლის 2 დეკემბერს ქართველთა შორის წერა-კითხვის გამავრცელებელი საზოგადოების მთავარ გამგეობას აუწყებენ, რომ თებერვალში ქუთაისში მთავრიშვილთან და სამაზრო ერობასთან 273070 მანეთად შეფასებული წიგნების გაგზავნა არ მოხერხდა. ქართული ბეჭდვითი ამხანაგობის წარმომადგენელ ხარატიშვილს ეს წიგნები თავის წიგნებთან ერთად გადაუტანია თბილისის სადგურიდან საწყობში, რაც 15000 მანეთი დაუჯდა. ხარატიშვილი გამგეობას სთხოვდა ამ თანხის ანაზღაურებას. განჩინებით მისი თხოვნა დაკმაყოფილდა.

1921

ტიპი: ღონისძიება

1921 წლის 2 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს გამომცემლობის განახლების საკითხი. პრეზიდიუმის აზრით, უპირველესად უნდა გამოცემულიყო სახელმძღვანელოები, შემდეგ საბავშვო წიგნები და ბოლოს სახალისო საკითხავი. საჭირო იყო კომისიის არჩევა სამოქმედო გეგმის შესადგენად. გამგეობამ აირჩია კომისია შემდეგი შემადგენლობით: დავით კარიჭაშვილი, ვარლამ ბურჯანაძე, ნიკოლოზ ჩიგოგიძე, პავლე საყვარელიძე.

1921

ტიპი: ღონისძიება

1921 წლის 2 დეკემბერს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას ესწრებოდნენ: ვარლამ ბურჯანაძე, პავლე საყვარელიძე და ნიკოლოზ ჩიგოგიძე.

1921

ტიპი: ღონისძიება

1921 წლის 2 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე ვასილ ბარნოვმა თავისი წიგნების ჰონორარიდან გარკვეული თანხა ითხოვა. მწერალს უკვე მიღებული ჰქონდა 150 000 მანეთი. გამგეობის წევრებმა დაადგინეს, მისთვის 100 000 მანეთი მიეცათ.

1921

ტიპი: ღონისძიება

1921 წლის 2 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე კოწია თუმანიშვილმა ითხოვა, საზოგადოების მაღაზიის ნახევარი მიექირავებინათ. მას უარი უთხრეს.

1921

ტიპი: ღონისძიება

1921 წლის 19 დეკემბრის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე ანასტასია ერისთავ-ხოშტარიამ თავისი წიგნების ჰონორარის სანაცვლოდ საზოგადოების გამოცემული წიგნები ითხოვა. განჩინებით მისი თხოვნა დაკმაყოფილდა. სხდომის ოქმს ხელს აწერს დავით კარიჭაშვილი.

1921

ტიპი: ღონისძიება

1921 წლის 19 დეკემბერს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას ესწრებოდნენ ვარლამ ბურჯანაძე, ნინო ნაკაშიძე, იოსებ გიორგობიანი და ნიკოლოზ ჩიგოგიძე.

1921

ტიპი: ღონისძიება

1921 წლის 19 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას დუტუ მეგრელმა თავისი ჰონორარის ანგარიშში წიგნები სთხოვა. მისი თხოვნა დააკმაყოფილეს.

1921

ტიპი: ღონისძიება

1921 წლის 19 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას ბათუმის ქართული სკოლის დამსახურებულმა მასწავლებელმა ალექსანდრე მგელაძემ სთხოვა, მისი შვილის, დავითისთვის, უმაღლეს სასწავლებელში სწავლის გაგრძელების საშუალება მიეცათ. ამ საკითხზე გამგეობასთან მას ბათუმის განყოფილების გამგეობამ უშუამდგომლა. მგელაძის საქმის განხილვა გადაიდო.

1921

ტიპი: ღონისძიება

1921 წლის 19 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე დავით კარიჭაშვილის თავმჯდომარეობით უნდა განეხილათ საზოგადოების სამოქმედო გეგმა. გამგეობის მიერ არჩეულ განსაკუთრებულ კომისიას დავალებული ჰქონდა სამოქმედო გეგმისა და გამოსაცემი წიგნების სიის წარდგენა. საკითხის განხილვა გადაიდო.

1921

ტიპი: ღონისძიება

1921 წლის 19 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე უნდა მოესმინათ გამგეობის წევრ ვარლამ ბურჯანაძის მოხსენება საზოგადოების მომსახურე პირებისთვის მატერიალური მდგომარეობის გაუმჯობესების შესახებ. საკითხის განხილვა გადაიდო. საქმის გამორკვევამდე მომსახურე პირებს პურის ფული უნდა მიეღოთ.

1921

ტიპი: ღონისძიება

1921 წლის 19 დეკემბერს საწყობის გამგე ლავრენტი სანაძემ ქართველთა შორის წერა-კითხვის გამავრცელებელი საზოგადოების მთავარ გამგეობას ავადმყოფობის გამო დახმარება სთხოვა. გამგეობამ სანაძისთვის 200 000 მანეთის მიცემა გადაწყვიტა.

1921

ტიპი: ღონისძიება

1921 წლის 19 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე მოისმინეს პრეზიდიუმის მოხსენება საზოგადოების იმჟამინდელი მდგომარეობის შესახებ. რევკომის წევრებთან მოლაპარაკების გამართვა დაევალა გამგეობის არჩეულ დელეგაციას შემდეგი შემადგენლობით: დავით კარიჭაშვილი, ნინო ნაკაშიძე, ნიკოლოზ ჩიგოგიძე, დ. დუმბაძე და ვარლამ ბურჯანაძე.

1921

ტიპი: ღონისძიება

1921 წლის 19 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას დავით კარიჭაშვილმა თავისი წიგნების ჰონორარიდან ავანსად თანხა სთხოვა. განჩინებით კარიჭაშვილის თხოვნა დაკმაყოფილდა.

1921

ტიპი: ღონისძიება

1921 წლის 28 დეკემბერს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას ესწრებოდნენ მდივანი ვარლამ ბურჯანაძე, წევრები: იოსებ გიორგობიანი, ივანე მაჭავარიანი, ნინო ნაკაშიძე, თავმჯდომარე დავით კარიჭაშვილი.