საქართველოს პროსოპოგრაფია

ფაქტები

რეგისტრირებული ფაქტები29220

ფილტრი:
ფაქტის ტიპი ღონისძიება

1901

ტიპი: ღონისძიება

1901 წლის 15 მაისს პეტრე მირიანაშვილმა საზოგადოებას მოახსენა, რომ იმავე წლის პირველ მაისს ტირაჟში გამოვიდა სახელმწიფო საადგილმამულო-სათავადაზნაურო ბანკის მომგებიანი ფურცელი N8933/19.

1906

ტიპი: ღონისძიება

1906 წლის 23 ოქტომბერს ნიკოლოზ ზებედეს ძე ცხვედაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს მოხსენება თედო რაზიკაშვილის თხზულებების გამოცემის შესახებ. თავმჯდომარემ დავით გიორგის ძე კარიჭაშვილს, ივანე გიორგის ძე რატიშვილსა და პართენ ალექსანდრეს ძე გოთუას ამ საკითხის შესწავლა და თავიანთი აზრის მოხსენება დაავალა.

1906

ტიპი: ღონისძიება

1906 წლის 23 ოქტომბერს ნიკოლოზ ზებედეს ძე ცხვედაძის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს თხოვნა თბილისში არსებული წიგნების მაღაზია „ობრაზოვანიესთვის“ კრედიტის გახსნის შესახებ.

1907

ტიპი: ღონისძიება

1907 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომაზე განიხილეს ჟენევაში მცხოვრები ქართველი სტუდენტების თხოვნა ალექსანდრე თორაძისთვის პეტრე ზუბალაშვილის მიერ გაგზავნილი თანხიდან დახმარების შესახებ. გამგეობამ მათ უარი უთხრა.

1901

ტიპი: ღონისძიება

1901 წლის 15 მაისს ქართველთა შორის წერა-კითხვის გამავრცელებელი საზოგადოების წევრებმა პეტრე სურგულაძეს მის მიერ ნათარგმნი წიგნის სანაცვლოდ ვალი გაუქვითეს.

1901

ტიპი: ღონისძიება

1901 წლის 9 მაისს ქართველთა შორის წერა-კითხვის გამავრცელებელი საზოგადოების წევრებმა განიხილეს პეტრე მირიანაშვილის მოხსენება ანა ჯმუხაძის წარდგენილი N100 ყულაბის გახსნის შესახებ.

1906

ტიპი: ღონისძიება

1906 წელს ილია ივანეს ძე წინამძღვრიშვილმა ქართველთა შორის წერა-კითხვის გამავრცელებელი საზოგადოების გამგეობას რეხელი ბავშვებისთვის 192 მანეთი სთხოვა. გამგეობამ მისი თხოვნა დააკმაყოფილა.

1907

ტიპი: ღონისძიება

1907 წლის 17 ნოემბერს ქართველთა შორის წერა-კითხვის გამავრცელებელი საზოგადოების გამგეობის სხდომაზე სამსონ გიორგის ძე ფირცხალავას დაევალა, შესანახად ჩაებარებინა ილია ჭავჭავაძის მოძრავი ქონება.

1907

ტიპი: ღონისძიება

1907 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომაზე განიხილეს მარიამ ნაცვალოვის თხოვნა დახმარების შესახებ. გამგეობამ მას უარი უთხრა.

1907

ტიპი: ღონისძიება

1907 წელს ჟენევაში მცხოვრებმა ქართველმა სტუდენტებმა ქართველთა შორის წერა-კითხვის გამავრცელებელი საზოგადოების გამგეობას პეტრე ზუბალაშვილის მიერ გაგზავნილი თანხის განაწილების თხოვნით მიმართეს.

1907

ტიპი: ღონისძიება

1907 წელს ივანე ავალიშვილმა მიმართა ქართველთა შორის წერა-კითხვის გამავრცელებელი საზოგადოების გამგეობას, რომ საწევრო გადასახადების შეგროვება მისთვის დაევალებინათ.

1907

ტიპი: ღონისძიება

1907 წლის 20 დეკემბერს ქართველთა შორის წერა-კითხვის გამავრცელებელი საზოგადოების სხდომაზე განიხილეს ალექსანდრე ვაშაძის თხოვნა სესხის მიცემის შესახებ.

1908

ტიპი: ღონისძიება

1908 წლის 7 ივნისს თბილისის წვრილ ვაჭართა პროფესიული საზოგადოების მთავარმა კომიტეტმა ქართველთა შორის წერა-კითხვის გამავრცელებელი საზოგადოების გამგეობის მიერ 15 ივნისისთვის დანიშნულ კრებაზე დასასწრებად აირჩია ორი წარმომადგენელი – იოსებ ნიკოლოზის ძე მერკვილაძე (კომიტეტის თავმჯდომარე) და ნიკოლოზ პავლეს ძე კიკნაძე (კომიტეტის წევრი). მათ დაევალათ კრების ანგარიშის წარდგენა მთავარი კომიტეტისთვის.

1908

ტიპი: ღონისძიება

1908 წლის 22 ივლისს საქართველოს ფილარმონიული საზოგადოების გამგეობამ (თავმჯდომარე – ი. სულხანიშვილი, დროებითი მდივანი – ზაქარია ფალიაშვილი) შეატყობინა ქართველთა შორის წერა-კითხვის გამავრცელებელ საზოგადოებას, რომ ილია ჭავჭავაძის ძეგლის დადგმაში მონაწილეობის მიღების საკითხს პირველივე საერთო კრებაზე მოახსენებდა საზოგადოებას, რადგან თვითონ გამგეობა არ იყო უფლებამოსილი, რაიმე საზოგადოებრივი საქმისთვის თანხა გაეღო.

1908

ტიპი: ღონისძიება

1908 წლის 12 ივნისს თბილისის წვრილ ვაჭართა პროფესიულმა საზოგადოებამ ქართველთა შორის წერა-კითხვის გამავრცელებელი საზოგადოების გამგეობას შეატყობინა, რომ მთავარმა კომიტეტმა (თავმჯდომარე იოსებ ნიკოლოზის ძე მერკვილაძე) 7 ივნისს მოისმინა საზოგადოების გამგეობის მოწოდება ილია ჭავჭავაძის ძეგლთან დაკავშირებული საკითხების განსახილველ კრებაზე დასასწრებად.

1905

ტიპი: ღონისძიება

ნიკოლოზ ცხვედაძის მონაწილეობით შედგენილი 1905 წლის ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, ბათუმის სკოლის მოსწავლეებმა სასწავლო პროცესი ციების გამო გააცდინეს.

1907

ტიპი: ღონისძიება

1907 წლის 1-ელ დეკემბერს სამსონ ფირცხალავამ ქართველთა შორის წერა-კითხვის გამავრცელებელი საზოგადოების გამგეობას სარევიზიო კომისიის ანგარიშის პასუხი წარუდგინა.

1907

ტიპი: ღონისძიება

1907 წლის 8 დეკემბერს ქართველთა შორის წერა-კითხვის გამავრცელებელი საზოგადოების სხდომაზე მოისმინეს ზაქარია ჭიჭინაძის განცხადება ლაზებისთვის წიგნების გაგზავნის შესახებ.

1907

ტიპი: ღონისძიება

1907 წლის 23 იანვარს ქართველთა შორის წერა-კითხვის გამავრცელებელი საზოგადოების სხდომაზე განიხილეს თამარ ფალავანდიშვილის თხოვნა, საზოგადოებას უფასოდ გადაეცა წიგნები მარიამ ყარალაშვილის სკოლისთვის.

1907

ტიპი: ღონისძიება

1907 წლის 17 ნოემბერს ქართველთა შორის წერა-კითხვის გამავრცელებელი საზოგადოების სხდომაზე განიხილეს სარევიზიო კომისიის მიერ წარდგენილი წინა წლის ანგარიში. პასუხის მომზადება სამსონ ფირცხალავას დაევალა.

1907

ტიპი: ღონისძიება

1907 წლის 10 ნოემბერს ქართველთა შორის წერა-კითხვის გამავრცელებელი საზოგადოების სხდომაზე განიხილეს იაკობ გოგებაშვილის განცხადება მისთვის წიგნების ჰონორარის დროულად გადაცემის შესახებ.

1907

ტიპი: ღონისძიება

1907 წლის 9 ივნისს ქართველთა შორის წერა-კითხვის გამავრცელებელი საზოგადოების სხდომაზე განიხილეს ივანე შავლიაშვილის თხოვნა კრედიტის გახსნის თაობაზე. გამგეობამ 10-თუმნიის ოდენობის კრედიტის მიცემა გადაწყვიტა. შავლიაშვილის თავმდებნი გიორგი ლასხიშვილი და სამსონ ფირცხალავა იყვნენ.

1907

ტიპი: ღონისძიება

1907 წლის 23 იანვარს ქართველთა შორის წერა-კითხვის გამავრცელებელი საზოგადოების სხდომაზე სამსონ ფირცხალავამ წაიკითხა მოხსენება განსვენებული ნიკოლოზ ხიზანაშვილის წიგნების შეძენის თაობაზე. გამგეობამ უფულობის გამო უარი განაცხადა.