რეგისტრირებული ფაქტები15426
ფილტრი:
სორტირება ახალი ჩანაწერების მიხედვით
1933
ტიპი: თანამდებობა
1933 წელს ყარაიას რაიონის სოფელ ჯანდარის უჯრედის საერთო კრებაზე ლენინის სახალხო კოლმეურნეობის თავმჯდომარის დურსუნ-ოღლის პარტიიდან გარიცხვის გადაწყვეტილება მიიღეს.
1919
ტიპი: თანამდებობა
1919 წელს გზათა მინისტრ ნოე ხომერიკის განკარგულებით კახეთის რკინიგზის მმართველის თანამდებობაზე ინჟინერი იოსებ მამაცაშვილი დაინიშნა.
1933
ტიპი: თანამდებობა
1933 წლის 25 დეკემბერს ხარაგაულში საკავშირო კპ (ბ) ცეკას დადგენილების თანახმად, პარტიული წმენდის შესახებ დადგენილების დამუშავების პროცესში პარტიიდან გარიცხეს საბჭოს თავმჯდომარე მდივნიშვილი, რომელმაც ჩაშალა საზაფხულო თესვა.
1933
ტიპი: თანამდებობა
1933 წელს სადგურის ტექნიკური დარგის პარტუჯრედმა დაადგინა, რომ შრომითი დისციპლინის უხეშად დარღვევის გამო, კონკრეტული პირები პარტიიდან გაერიცხა. 17 დეკემბერს გ. ქემალაშვილმა 20 წუთით დააგვიანა სამსახურში, მ. ლაბუჩაძე და ი. მამუჩაძე ადმინისტრაციასთან შეთანხმების გარეშე სხვის მაგივრად გავიდნენ სამუშაოზე და ვერ შეძლეს გეგმის შესრულება, ამ ყველაფერს კი სათანადო ხელმძღვანელობა ვერ გაუწია მორიგე დისპეტჩერის თანაშემწემ − ი. ღამბაშიძემ.
1919
ტიპი: თანამდებობა
1919 წლის 6 ივნისს მილიციელი სერგი ფირუზაშვილი საგუშაგო პოსტის თვითნებურად მიტოვების გამო სამსახურიდან დაითხოვეს.
1919
ტიპი: თანამდებობა
1919 წლის 6 ივნისს მილიციელი ჰუსეინ კაფარი საგუშაგოზე ჯდომის გამო სამსახურიდან დაითხოვეს.
1919
ტიპი: თანამდებობა
1919 წელს მე-7 კომისარიატის მილიციელი გიორგი ამირბეკოვი სამსახურიდან დაითხოვეს, რადგან დანიშვნის დღიდან სამსახურში არ ცხადდებოდა.
1919
ტიპი: თანამდებობა
1919 წელს ალექსანდრე ლორთქიფანიძე ბორჩალოს მაზრის ნეიტრალური ზონის კომისარი იყო.
1919
ტიპი: თანამდებობა
1919 წელს ივანე ივანეს ძე შმიდტი სოხუმის პირველი უბნის მომრიგებელ მოსამართლედ დაინიშნა.
1919
ტიპი: თანამდებობა
1919 წელს ევგენი ალექსანდრეს ძე ბელორუსოვი გორის უბნის სასამართლოს გამომძიებლის თანამდებობის აღმასრულებლად დაინიშნა.
1919
ტიპი: თანამდებობა
1919 წელს იონა გიტოს ძე კიზირია შინაგან საქმეთა სამინისტროს კანცელარიის ბუღალტრის თანაშემწედ დაინიშნა.
1919
ტიპი: თანამდებობა
1919 წელს პოდპოლკოვნიკი ისრაფილ იედიგაროვი დაინიშნა ბორჩალოს მაზრის იაილაგათა (კოჩევების) მაზრის გამგედ.
1919
ტიპი: თანამდებობა
1919 წლის ივნისში შინაგან საქმეთა სამინისტროს მოხელეთა სიიდან გარიცხეს ბორჩალოს მაზრის კომისარი ავქსენტი აფაქიძე, მისი ზუგდიდის მაზრის მომრიგებელ მოსამართლედ არჩევის გამო.
1919
ტიპი: თანამდებობა
1919 წელს შინაგან საქმეთა სამინისტროს საერობო განყოფილების უფროსი დავით გრიგოლის ძე ელიავა, თბილისის თვითმმართველობის სამსახურში შესვლის გამო, სამინისტროს მოხელეთა სიიდან ამოიღეს.
1919
ტიპი: თანამდებობა
1919 წელს იუსტიციის მინისტრის განკარგულებით ტერენტი გიორგაძე შორაპნის მაზრის მომრიგებელ მოსამართლედ არჩევის გამო ქუთაისის ოლქის სასამართლოს პროკურორის მოადგილის თანამდებობიდან გაათავისუფლეს.
1933
ტიპი: თანამდებობა
საქ. კ. პ (ბ) ტყიბულის რაიკომმა დამზადების კამპანიასთან დაკავშირებით მოწვეულ საგანგებო სხდომაზე დავალებისადმი აშკარა ოპორტუნისტული დამოკიდებულებისა და პარტიის დირექტივების უგულებელყოფისათვის სოფ.გურნის და ორპირის პარტუჯრედების მდივნებს და საწირეს სოფლის საბჭოს ყოფილი თავმჯდომარის, ბუგაშვილის საქმე პარტიაში დატოვების შესახებ გადასცა საკონტროლო კომისიას, ამავე კომისიას გადაეცა პარტიის წევრი კომახიძის საქმე ,სოფელში ჩაუსვლელობის შესახებ . განცხადების ავტორი იყო ტყიბულის რაიკომის მდივანი კოჭლამაზაშვილი.