რეგისტრირებული ფაქტები2025
ფილტრი:
სორტირება ახალი ჩანაწერების მიხედვით
1863
ტიპი: მფლობელობა
1863-1869 წლებში დედოფლისწყაროს სამხედრო სკოლაში ივანე როსტომაშვილის სწავლის პერიოდში, მამამისის, პავლე როსტომაშვილის ბაღ-ვენახები და სახლი სოფელ შალაურში მცხოვრებ აზნაურ ილიკო გველესიანს გადაეცა.
1869
ტიპი: მფლობელობა
1869 წელს კურდღელაურში თავის მამულში ჩასულ ივანე როსტომაშვილს სახლი იმერელი მებაღეების ხელში დახვდა.
1867
ტიპი: მფლობელობა
1867 წლის 30 ივნისს გაზეთ „დროებაში“ გამოქვეყნდა განცხადება გენერალ-მაიორ მამუკა ორბელიანის სახლში სასტუმრო „ამერიკის“ გახსნის შესახებ.
1868
ტიპი: მფლობელობა
1868 წლის 8 იანვარს, მეფისნაცვლის მმართველობის დადგენილების თანახმად, აუქციონზე გასაყიდად გაიტანეს სიღნაღის მაზრაში მდებარე მართა მიხეილის ასულ ვაჩნაძის მამული, რომელიც მეპატრონეს სახელმწიფო სესხის გადაუხდელობის გამო ჩამოართვეს.
1867
ტიპი: მფლობელობა
1867 წლის 18 სექტემბერს ქუთაისის გუბერნიის სამმართველოში გამართულ აუქციონზე გასაყიდად გაიტანეს სვიმონ აბაშიძის სოფ. შორაპნის მამული, რომელიც მეპატრონეს სახელმწიფო სესხის გადაუხდელობის გამო ჩამოართვეს.
1867
ტიპი: მფლობელობა
1867 წლის 16 ივნისს გაზეთ „დროებაში“ გამოქვეყნდა ტატო გაბაშვილის კერძო განცხადება სოფელ ოქროყანაში მდებარე მისი საზაფხულო ბინის გაქირავების შესახებ.
1921
ტიპი: მფლობელობა
1921 წელს აგრონომ რეზო გედევანიშვილსა და მის მეუღლეს, ევგენია ლეონიძეს მცხეთაში მიწის ნაკვეთი და სახლი ჰქონდათ.
1927
ტიპი: მფლობელობა
1927 წელს გალაკტიონ ტაბიძემ მიიღო ერთოთახიანი ბინა კრილოვის ქ. N10-ში, სადაც 1936 წლამდე ცხოვრობდა.
1898
ტიპი: მფლობელობა
1898 წლის 30 ივლისის „ცნობის ფურცლის“ ცნობით, თბილისის სათავადაზნაურო ბანკმა შაბათავას ქვრივს ფოთის მამული გაუყიდა.
1918
ტიპი: მფლობელობა
1918 წელს გრაფ პეტრე ზარნეკაუსა და მის მეუღლეს, თამარ შერვაშიძეს გაგრაში მოზრდილი აგარაკი ჰქონდათ.
1898
ტიპი: მფლობელობა
1898 წლის 30 ივლისის „ცნობის ფურცლის“ ცნობით, დიმიტრი ფავლენიშვილმა სოფელ ერედვის მოსახლეობას ერთი დღის სახნავი მიწის ნაკვეთი გადასცა. გლეხების შემოწირულობით აქ სასოფლო-საეკლესიო სკოლა უნდა აშენებულიყო.
1897
ტიპი: მფლობელობა
1897 წლის 7 აგვისტოს „ცნობის ფურცელი“ წერდა, რომ იარალოვისა და ალიხანოვის ქარხანაში იყიდებოდა ბორჯომის მინერალური წყლის ჩამოსასხმელი ბოთლები და სხვა უამრავი ნივთი.
1896
ტიპი: მფლობელობა
1896 წელს გრიგოლ მანთაშოვმა ნავთობის საწარმოებლად ნატანებში იჯარით აიღო ადგილები.
1896
ტიპი: მფლობელობა
1896 წელს თბილისის თავად-აზნაურთა საადგილმამულო ბანკი გადასახადის გადაუხდელობის გამო საჯაროდ ყიდდა არუთინ გრიგოლის ძე დურმიშევისა და მიხეილ ოსიფას ძე დურმიშევის განჯაში მდებარე ერთსართულიან ქვითკირის სახლს, სარდაფს, თავლას, წისქვილს, საბოსტნე ადგილსა და 2440 კვადრატულ საჟენ მიწის ნაკვეთს.
1896
ტიპი: მფლობელობა
1896 წელს ნიკოლოზ დავითის ძე დიასამიძეს გორში ერთსართულიანი ქვითკირის სახლი, დუქანი და 661 კვადრატული საჟენი მიწის ნაკვეთი ჰქონდა.
1896
ტიპი: მფლობელობა
1896 წელს თბილისის თავად-აზნაურთა საადგილმამულო ბანკი გადასახადის გადაუხდელობის გამო საჯაროდ ყიდდა ნიკოლოზ დავითის ძე დიასამიძის გორში მდებარე ერთსართულიან ქვითკირის სახლს, დუქანსა და 661 კვადრატულ საჟენ მიწას.
1896
ტიპი: მფლობელობა
1896 წელს თბილისის თავად-აზნაურთა საადგილმამულო ბანკი გადასახადის გადაუხდელობის გამო საჯაროდ ყიდდა ვარდო ავეტიქის ასულ ენფიანჯიანცის აბანოების ქუჩაზე მდებარე სამსართულიან ქვითკირის სახლსა და მიწის ნაკვეთს.
1896
ტიპი: მფლობელობა
1896 წელს არუთინ გრიგოლის ძე დურმიშევსა და მიხეილ ოსიფას ძე დურმიშევს განჯაში ერთსართულიანი ქვითკირის სახლი, სარდაფი, თავლა, წისქვილი, საბოსტნე ადგილი და 2440 კვადრატული საჟენი მიწის ნაკვეთი ჰქონდათ.
1896
ტიპი: მფლობელობა
1896 წლის დეკემბერში გრიგოლ თომას ძე კაიაბეგოვის მიერ თბილისის თავად-აზნაურთა საადგილმამულო ბანკში დაგირავებული უძრავი ქონების გადასახადი 1086 მანეთსა და 07 კაპიკს შეადგენდა. ამ თანხიდან ქონების სანაცვლოდ აღებული თანხა 1066 მანეთი და 27 კაპიკი იყო, პროცენტი – 19 მანეთი 80 კაპიკი.