რეგისტრირებული ფაქტები87963
სორტირება ძველი ჩანაწერების მიხედვით
1886
ტიპი: თანამდებობა
1886 წლის 14 იანვრის გაზეთ „ივერიის“ მიხედვით, ფავლენოვს მიანიჭეს „გუბერნსკი სეკრეტრის“ წოდება.
1877
ტიპი: ღონისძიება
1877 წლის 11 აგვისტოს გაზეთი „ივერია“ იუწყება, რომ თელავში მოღვაწე სასულიერო პირმა სოლომონ ფირანოვმა სარჩელი შეიტანა ალექსანდრე ვახვახიშვილის წინააღმდეგ, რომელსაც შეურაცხყოფასა და ეკლესიაში ნათლისღების საიდუმლოს აღსრულების ხელის შეშლაში სდებდა ბრალს.
1877
ტიპი: ღონისძიება
1877 წლის 23 ივლისს სურამში დაჭრილების მოსანახულებლად ჩავიდა სომხეთის არქიეპისკოპოსი გაბრიელ აივაზოვსკი.
1877
ტიპი: თანამდებობა
1877 წლის 11 აგვისტოს გაზეთ „ივერიის“ ცნობით გაბრიელ კონსტანტინეს ძე აივაზოვსკი სომხეთის არქიეპისკოპოსი იყო.
1881
ტიპი: ავტორობა
1881 წლის 24 ნოემბერს სოფელ ბაჯის სასწავლებლის მასწავლებელმა ე. ბოჭორიშვილმა ქართველთა შორის წერა-კითხვის გამავრცელებელი საზოგადოების გამგეობას მისწერა, რომ სკოლისათვის საჭირო იყო: „როდნოე სლოვო“ 1-ლი და მე-2 ნაწილი, ძველი და ახალი აღთქმის ისტორიის წიგნები, „ლოცვების ახსნა“, ევტუშევსკის „არითმეტიკული გამოცანების კრებული“, „დედა ენა“ და „ბუნების კარი“, თითოეული აღნიშნული სახელმძღვანელოს ღარიბთათვის დასარიგებლად გამგეობას უნდა გამოეგზავნა 6-6 ეგზემპლარი, ასევე სხვა სასწავლო ნივთები: ასპიდის დაფები, კუთხედი სახაზავები, კალმები, გრიფელები, საწერი ქაღალდი.
1881
ტიპი: ავტორობა
1881 წლის 1-ლ დეკემბერს სოფელ ჩხირაულის სკოლის მასწავლებელმა სპირიდონ ბრეგვაძემ ქართველთა შორის წერა-კითხვის გამავრცელებელ საზოგადოებას მისწერა, რომ სკოლისთვის აუცილებელი და საჭირო იყო: ჯუღელის წერის დედანი, გოგებაშვილის „დედა ენა“, ევტუშევსკის „არითმეტიკული გამოცანების კრებული,“ პირველი ნაწილი. ღარიბ მოსწავლეთათვის საჭირო იყო 6 ცალი „დედა ენა“, 2 ცალი „არითმეტიკის კრებული“, 5 ცალი წერის დედანი, 3 ასპიდის დაფა, 1 დუჟინი გრიფელი, ერთი დუჟინი ფანქარი და რამოდენიმე დუჟინი რკინის კალამი.
1881
ტიპი: ღონისძიება
1881 წლის მარტში სოფელ ლანჩხუთის სასწავლებლის მასწავლებელმა სპირიდონ კვირკველიამ ქართველთა შორის წერა-კითხვის გამავრცელებელი საზოგადოების გამგეობისგან ღარიბ მოსწავლეთათვის უფასოდ დასარიგებლად მიიღო შემდეგი წიგნები და სასწავლო ნივთები: „დედა ენა“ – 15, „ბუნების კარი“ – 5, დედანი – 15, ასპიდის დაფა – 15. შემოწირული წიგნები და ნივთები დაურიგდათ ღარიბ მოსწავლეებს, რომელთაც არ ჰქონდათ ყიდვის საშუალება.
1881
ტიპი: ღონისძიება
1881 წლის მარტში სოფ. ლანჩხუთის სასწავლებლის პედაგოგმა სპირიდონ კვირკველიამ ქართველთა შორის წერა-კითხვის გამავრცელებელი საზოგადოების გამგეობისგან სკოლის ბიბლიოთეკისთვის მიიღო ახალი აღთქმის, „დავითნის“, „არითმეტიკული გამოცანების“, ორბელიანის ლექსების „დარიგება მასწავლებელთათვის“, „რამდენიმე სურათი ყაჩაღის ცხოვრებიდამ“, ბარათაშვილის ლექსების, „მირიან მეფე და წმინდა ნინოს“ თითო-თითო ეგზემპლარი, მიღებისთანავე აღრიცხა სკოლის კატალოგში როგორც წერა-კითხვის გამავრცელებელი საზოგადოების შემოწირულობა.
1881
ტიპი: ავტორობა
1881 წლის 20 ნოემბერს ბაღდათის სკოლის მასწავლებელმა ნიკიფორე ბოჭორიშვილმა ქართველთა შორის წერა-კითხვის გამავრცელებელი საზოგადოების გამგეობას მისწერა, რომ სკოლისთვის საჭირო იყო „თვალსაჩინო სწავლის“ სახელმძღვანელო რუსულ ენაზე, სრული ქართული ლოცვების წიგნი, წელიწადის დროთა სურათები, ბუნების მოვლენების აღწერა რუსულ ენაზე, ნახევარსფეროების რუკა.
1881
ტიპი: ღონისძიება
1881 წლის ივნისში მასწავლებელმა ნიკიფორე გრიგოლის ძე ბოჭორიშვილმა ქართველთა შორის წერა-კითხვის გამავრცელებელი საზოგადოების გამგეობისგან ბაღდათის სკოლის ღარიბ მოსწავლეთათვის მიიღო და აღრიცხა შემდეგი წიგნები: „დედა ენა“ – 22 ეგზემპლარი, „სოლომონ ისაკიჩ მეჯღანუაშვილი“ – 2, „გლოვა ირაკლი მეორისა“ – 2, კრილოვის „იგავ-არაკნი“ – 2, რ. ერისთავის „იგავ-არაკნი“ – 1, წერა-კითხვის გამავრცელებელი საზოგადოების წესდება – 2.
1881
ტიპი: ავტორობა
1881 წლის 26 ნოემბერს სოფელ მარნის სკოლის მასწავლებელი იასონ კაპანაძე ქართველთა შორის წერა-კითხვის გამავრცელებელ საზოგადოებას აცნობებს, რომ სჭირდებათ შემდეგი წიგნები: „დედა ენა“ – 18 ცალი, „ბუნების კარი“ – 10, კალანდარიშვილის რუსული ენის სახელმძღვანელო – 20, „როდნოე სლოვო“ I ნაწილი – 20, „როდნოე სლოვო“ II ნაწილი – 10, ნივთები: 30 ფანქარი, 1 კოლოფი კალმები, 30 კალმისტარი.
1881
ტიპი: ავტორობა
1881 წლის 19 ნოემბერს მასწავლებელმა ნოე ონისიმეს ძე ორაგველიძემ ქართველთა შორის წერა-კითხვის გამავრცელებელი საზოგადოების გამგეობას მისწერა, რომ სკოლისთვის საჭირო იყო: 15 ეგზემპლარი „დედა ენა“, 10 ეგზემპლარამდე „ბუნების კარი“, 12 ეგზემპლარი „როდნოე სლოვო“ I ნაწილი, 11 ეგზემპლარი II ნაწილი, 13 ეგზემპლარი დიდებულიძის „საღმრთო ისტორია“ (ქართულად), 12 ეგზემპლარი „მოლიტვენიკი“, ანუ ახსნა ლოცვებისა, 8 ეგზემპლარი არითმეტიკის კრებული I ნაწილი, 10 ეგზემპლარი კალანდარიშვილის რუსული ენის სახელმძღვანელო, 15 დაფა, განსაკუთრებით ესაჭიროებოდათ რუსულ-ქართული ლექსიკონი.
1881
ტიპი: ავტორობა
1881 წლის 26 ნოემბერს სოფელ კონდოლის მასწავლებელმა რაჟდენ თარხანოვმა ქართველთა შორის წერა-კითხვის გამავრცელებელი საზოგადოების გამგეობას მისწერა, რომ გამგეობისგან გამოგზავნილი წიგნები და ნივთების ნაწილი დაურიგა მოსწავლეებს, რომელთაც ხელი მოაწერეს აღრიცხვის ჟურნალში, ზოგი კი დაცული იყო სკოლის ბიბლიოთეკაში და აღრიცხული ბიბლიოთეკის კატალოგში, აგრეთვე ბიბლიოთეკაში ინახებოდა და თავისუფალ დროს მოსწავლეები სარგებლობდნენ თავისუფალ საკითხავად 19 ეგზემპლარ სხვადასხვა წიგნს.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -