რეგისტრირებული ფაქტები87963
სორტირება ძველი ჩანაწერების მიხედვით
1880
ტიპი: ავტორობა
მასწავლებელ რაჟდენ თარხანოვის ცნობით, 1880 წლის 28 თებერვალს სოფელ კონდოლის სკოლაში მისმა წინამორბედმა მასწავლებელმა მიიღო: 10 ეგზემპლარი „დედა ენა“, 8 ცალი „ბუნების კარი“, 12 ცალი რუსული ენის სახელმძღვანელო შედგენილი კალანდარიშვილისგან, 12 ცალი „იგავ-არაკნი“, 12 ცალი ქართული წერის დედანი, 10 ასპიდის დაფა, 16 კალმისტარი, 24 ფანქარი, 6 ცარცი, თეთრი და შავი ქაღალდი.
1877
ტიპი: ღონისძიება
1877 წლის 28 ივლისის გაზეთი „ივერია“ იუწყება, რომ გენერალ ალხაზოვმა ოსმალები მდინარე კოდორის მეორე მხარეს გააძევა და ამით თავიდან აიცილა აფხაზეთში დაპირისპირება.
1877
ტიპი: ღონისძიება
1877 წლის 15 ივნისს გენერალ ალხაზოვის ჯარს აფხაზეთში ოსმალები დაესხნენ თავს. ბრძოლის დროს დაიჭრა 21 ქართველი ჯარისკაცი.
1877
ტიპი: ღონისძიება
1877 წლის 28 ივლისის გაზეთი „ივერია“ იუწყება, რომ გენერალ ალხაზოვს მოუხდა მტერთან შეტაკება, რომელშიც პრაპორშჩიკი დადიანი და ორი ჯარისკაცი დაიჭრნენ.
1881
ტიპი: ავტორობა
1881 წლის 22 ნოემბერს მასწავლებელი გიორგი ცერცვაძე ქართველთა შორის წერა-კითხვის გამავრცელებელი საზოგადოების გამგეობას აუწყებს, რომ სოფელ კირცხის სკოლას სჭირდება შემდეგი სასწავლო სახელმძღვანელოები და ნივთები: „რუსკოე სლოვო“ I ნაწილი – 30, II ნაწილი – 8 ეგზემპლარი, „დედა ენა“ – 30, „ბუნების კარი“ – 8, 30 ასპიდის დაფა და გრიფელები, 30 ფანქარი, 30 დასტა საწერი ქაღალდი.
1881
ტიპი: ღონისძიება
1881 წლის 25 ოქტომბერს ქართველთა შორის წერა-კითხვის გამავრცელებელი საზოგადოების საქმისმწარმოებელმა გრიგოლ ყიფშიძემ სოფელ კირცხის სკოლის მასწავლებელ გიორგი ცერცვაძეს გაუგზავნა კითხვარი სკოლის მდგომარეობის შესახებ.

