რეგისტრირებული ფაქტები87112
სორტირება თარიღი მზარდობით
1918
ტიპი: თანამდებობა
1918 წლის 13 აპრილს ტექნიკური სამმართველოს უფროსი გზათა მინისტრ ივანე ლორთქიფანიძეს სამინისტროს ტექნიკური და საერთო საქმეთა სამმართველოების ამოქმედების გამო კ. რ. სტრუბჩევსკის საერთო საქმეთა განყოფილების საქმისმწარმოებლად მისაწვევად ნებართვას სთხოვდა.
1918
ტიპი: ავტორობა
1918 წლის 13 აპრილს, ტრაპიზონში, ოტომანთა დელეგაცია ამიერკავკასიის დელეგაციის თავმჯდომარეს, აკაკი ჩხენკელს მიმართავდა, რომ მოკავშირეთა მოლაპარაკებაში ჩასართველად აუცილებელი იყო ამიერკავკასიის რესპუბლიკის დამოუკიდებლობის გამოცხადება. დოკუმენტს ხელს აწერდა ოტომანთა დელეგაციის თავმჯდომარე რაუფ ორბეი. დოკუმენტის სისწორეს ადასტურებდა საქმეთა მმართველი მ. თუმანოვი.
1918
ტიპი: ავტორობა
1918 წლის 13 აპრილს ახალციხისა და ახალქალაქის ოლქების მუსულმანი მოსახლეობის დელეგატები სწერენ წერილს ამიერკავკასიისა და თურქეთის მთავრობებს, რომელშიც მოითხოვენ ოლქების თურქეთის მმართველობაში გადასვლას. წერილს ხელს აწერენ დელეგატები: ხემდი ეფენდი, მეჰმედ ეფენდი ოღლი, სულეიმან ეფენდი ლულია ოღლი, რიზა შევიკ ოღლი, მეჰმედ ეფენდი ოღლი. რეშიტ ეფენდი, მევლუდ ოღლი რეშიტოვი, ომერ ოღლი ხურშუტოვი, ეიუბ ოღლი დურსუნი, ედემ ოღლი მურთაზოვი, ეიუბ ოღლი რეკუნი, სინზნუ ოღლი შაკიროვი, მევლუდ ოღლი ხელიდოვი, იბრაგიმ სუეშ ოღლი, ფეიზ ალი ნეხიბ ოღლი, ველი ოღლი რედიბოვი, იორამ ოღლი რახრიესანი, ფიბრაშ ოღლი ახმედოვი, მარიდ ბეკ ფეხლევილ ზადე, ნეხბიე ეფენდი სადიკ ოღლი, მოლი და ახმედ მეხდიკობი, აბდულ ეფენდი ნური, ნური ოღლი აბდულ კეფიროვი, მებიუდ ოღლი მეხმედოვი, სული ოღლი ხეჯალ ბეკოვი, დურსუნ ოღლი რიპევანოვი, სულეიმან ოღლი იბრაგიმოვი, ტეფურ ბეკ ზადე ტურსუნ ბეკოვი, საბიტ ბეკ ზადე ნაზინ ბეკოვი, შახში ოღლი ელტაზოვი, იუსუფ ოღლი შერიოროვი, ხაშან ოღლი ელფიზოვი, იორამ ოღლი მისტროვი, მევიუდ ოღლი სიზამი, აბდულ რახმან ოღლი მურადოვი, აბდულ ოღლი მურადოვი, მორაიმ ოღლი რახელუი, ერსინოდი ოღლი საკიბოვი, საბიკ ოღლი არსიანოვი, მუსტაფა ოღლი მეხსიედოვი, აიდარ ოღლი ბაირამოვი, ომერ ოღლი ფერლუსევი.
1918
ტიპი: ღონისძიება
1918 წლის 14 აპრილს გიორგი ლაფანაშვილი, თომა ჩუბინიძე და გიგო ხულელიძე წავიდნენ ბაზალეთში და ლექსო ვერძეულთან დაბინავდნენ.
1918
ტიპი: ღონისძიება
1918 წლის 14 აპრილს ლექსო ვარძეულის სახლში გამართულ კრებას ესწრებოდნენ: მიხა პაპუნაშვილი, ვიქტორ ცინცაძე, დათიკო ხუბულური, ბუხაშვილი, თომა ჩუბინიძე და გიორგი ლაფანაშვილი.
1918
ტიპი: ღონისძიება
1918 წლის 14 აპრილს ჩატარებულ კრებაზე გიორგი ლაფანაშვილსა და მიხა პაპუნაშვილს დაევალათ ბაზალეთის, მუხრანის და ქსნის თემებში მუშაობა.
1918
ტიპი: ღონისძიება
1918 წლის 14 აპრილს ჩატარებულ კრებაზე ვიქტორ ცინცაძესა და დათიკო ხუბულურს დაევალათ პარტიული მუშაობა ლეხურისა და ჟამურის თემებში.
1918
ტიპი: ავტორობა
1918 წლის 14/27 აპრილს თბილისში ამიერკავკასიის საგარეო საქმეთა მინისტრი აკაკი ჩხენკელი სწერს წერილს გენერალ ვეჰიბ-ფაშას, რომელშიც სთხოვს, მხედველობაში მიიღოს ახალციხის ოლქში მცხოვრები მუსულმანების პოზიცია და არდაგანის საზღვრებთან შექმნას მშვიდი გარემო, რაც ხელს შეუწყობს რეგიონის კეთილდღეობას.
1918
ტიპი: ავტორობა
1918 წლის 14/27 აპრილს ამიერკავკასიის საგარეო საქმეთა მინისტრი აკაკი ჩხენკელი სწერს წერილს გენერალ ვეჰიბ-ფაშას, რომელშიც ადასტურებს, რომ ამიერკავკასიის ჯარები არ დაარღვევენ საზღვრებს, რადგან დიდი მნიშვნელობა აქვს მშვიდობიან თანაარსებობას. თურქეთისაგანაც მოითხოვს იგივეს, რათა განმტკიცდეს აზრი, რომ ოტომანთა ხელისუფლების პოლიტიკაში არ არის აგრესიული სურვილები.
1918
ტიპი: ავტორობა
1918 წლის 15 აპრილს, მწერალი ილია ჭყონია წერს წერილს თბილისში, ამიერკავკასიის რესპუბლიკის მინისტრთა საბჭოს თავმჯდომარეს და საგარეო საქმეთა მინისტრს აკაკი ჩხენკელს, რომელშიც სთხოვს თურქეთთან სამშვიდობო მოლაპარაკებისას მისცეს რაიმე დანიშნულება, რათა შემდგომ აღწეროს ბათუმის დაკარგვის ამბები.
1918
ტიპი: ღონისძიება
1918 წლის 16 მაისს გამართულ საქართველოს ეროვნული საბჭოს აღმასრულებელი კომიტეტის და დამფუძნებელი კრების პრეზიდიუმის სხდომას თავმჯდომარეობდა გიორგი ლასხიშვილი; ესწრებოდნენ: გრიგოლ ვეშაპელი, კონსტანტინე მესხი, პავლე საყვარელიძე. მდივანი – ილია ზურაბიშვილი. კრებას დაესწრო 31 წევრი და 26 კანდიდატი.
1918
ტიპი: ავტორობა
1918 წლის 17 აპრილის გაზეთში „ხმა ქართველი ქალისა“ N 11 ფსევდონიმით „პირველი სუფრაჟისტკა“ გამოქვეყნდა პუბლიკაცია ევროპაში ქალთა პირველი მოძრაობის და მისი წევრების, სუფრაჟისტი ქალების შესახებ. ავტორი წერს, რომ ინგლისის მთავრობამ ომის გამოცხადების შემდეგ ყველა პოლიტიკური დამნაშავე დააპატიმრა, მათ შორის სუფრაჟისტი ქალები, რომლებიც 1906 წლიდან ებრძოდნენ მთავრობას თანასწორი უფლების მიღებისთვის. თუმცა ახლა მათ შეცვალეს ფრონტი და თავიანთ ორგანიზაციულ მუშაობას სამშობლოს დაცვისთვის იყენებენ.
1918
ტიპი: ავტორობა
1918 წლის 17 აპრილის გაზეთში „ხმა ქართველი ქალისა“ N 11 ფსევდონიმით „სამტრედიელი ქალი“ დაიბეჭდა სტატია „ზნეობა და პედაგოგიკა“, რომელშიც საუბარია სამტრედიელ ანტიფემინისტ მასწავლებელ ქალზე, რომელიც ქალთა მოძრაობის მოწინააღმდეგეა. ავტორი ახსენებს აგრეთვე ავგ. ბებელს, რომელიც უარყოფითად უყურებდა თანამედროვე უმაღლეს და საშუალო სასწავლებლებს და დიდ იმედს ამყარებდა დაბალი სასწავლებლის მასწავლებლებზე.
1918
ტიპი: ავტორობა
1918 წლის 17 აპრილის ქართველთა შორის წერა-კითხვის გამავრცელებელი საზოგადოების სხდომაზე განიხილეს ს. იაშვილის თხოვნა ჰონორარის მომატების შესახებ. გამგეობის გადაწყვეტილებით, იაშვილის თხოვნა ვერ დაკმაყოფილდებოდა, რადგან წიგნებზე გასაყიდი ფასები უკვე დადებული იყო და ჰონორარიც მიღებული ჰქონდა. ოქმს ხელს აწერენ: ლუარსაბ გერასიმეს ძე ბოცვაძე, თევდორე გაბრიელის ძე კიკვაძე, გიორგი მიხეილის ძე ლასხიშვილი და გრიგოლ სვიმონის ძე რცხილაძე.
1918
ტიპი: ღონისძიება
1918 წლის 17 აპრილის ქართველთა შორის წერა-კითხვის გამავრცელებელი საზოგადოების სხდომას ესწრებოდნენ თავმჯდომარე გიორგი ნიკოლოზის ძე ყაზბეგი და თავმჯდომარის ამხანაგი დავით გიორგის ძე კარიჭაშვილი. წევრები: ნინო იოსების ასული ნაკაშიძე, თევდორე გაბრიელის ძე კიკვაძე და გრიგოლ სვიმონის ძე რცხილაძე.
1918
ტიპი: ავტორობა
1918 წლის 17 აპრილის ქართველთა შორის წერა-კითხვის გამავრცელებელი საზოგადოების სხდომაზე განიხილეს საზოგადოებისთვის სხვადასხვა ფუნქციის ჩამოშორების საკითხი. გამგეობის გადაწყვეტილებით, საზოგადოების ფუნქცია მხოლოდ წიგნების გამოცემის ორგანიზება უნდა ყოფილიყო. ოქმს ხელს აწერს გიორგი ნიკოლოზის ძე ყაზბეგი.
1918
ტიპი: ავტორობა
1918 წლის 17 აპრილის ქართველთა შორის წერა-კითხვის გამავრცელებელი საზოგადოების სხდომაზე განიხილეს ქართული დრამატიული საზოგადოების თხოვნა დამსახურებული მსახიობის ვასილ აბაშიძის იუბილისთვის წვლილის შეტანის შესახებ. გამგეობის გადაწყვეტილებით, იუბილარისთვის თხუთმეტი თუმანი უნდა მიეცათ. ოქმს ხელს აწერს გიორგი ნიკოლოზის ძე ყაზბეგი.
1918
ტიპი: ავტორობა
1918 წლის 17 აპრილის ქართველთა შორის წერა-კითხვის გამავრცელებელი საზოგადოების სხდომაზე განიხილეს პედაგოგ ნოე ქურიძის ავადმყოფობის საკითხი. ის სოხუმში მომხდარი არეულობის დროს სულით დაავადდა. ავადმყოფობის შემდეგ ქურიძე თბილისში ჩამოიყვანეს. მისი ოჯახი მატერიალურ დახმარებას საჭიროებდა. გამგეობამ ქურიძის დასახმარებლად სამასი მანეთი გადადო. ოქმს ხელს აწერს გიორგი ნიკოლოზის ძე ყაზბეგი.
1918
ტიპი: ავტორობა
1918 წლის 17 აპრილის ქართველთა შორის წერა-კითხვის გამავრცელებელი საზოგადოების სხდომაზე განიხილეს პეტრე მირიანაშვილის განცხადება თავისი წიგნის („Практическй Курсь“-ის) დაბეჭდვის შესახებ. მირიანაშვილი წიგნის დაბრუნებას თხოულობდა, რომ თვითონ გამოეცა. გამგეობის თქმით, აღნიშნული წიგნის გამოცემა გადაწყვეტილი იყო, თუმცა მანამდე უფრო საჭირო წიგნები დაიბეჭდა. ოქმს ხელს აწერს გიორგი ნიკოლოზის ძე ყაზბეგი.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -