1920

ტიპი: პირადი ინფორმაცია

1920 წლის 1-ელ ივლისს აჭარლებთან ბრძოლის დროს დაიჭრა ქუთაისის მაზრის სოფ. წყალტუბოს მცხოვრები, მე-4 ქვეითთა ათასეულის ჯარისკაცი სიმონ ახალაძე.

1920

ტიპი: ღონისძიება

1920 წლის 1-ლ ივლისს აჭარლებთან ბრძოლის დროს დაიჭრა ოზურგეთის მაზრის სოფელ ნიგოითის მცხოვრები, მე-4 ქვეითთა ათასეულის ჯარისკაცი მელიტონ ჭიჭალეიშვილი.

1920

ტიპი: ღონისძიება

1920 წლის 1-ელ ივლისს აჭარლებთან შეტაკების დროს დაიჭრა ახალციხის მაზრის სოფელ უდის მცხოვრები, გვარდიელი გაბრიელ ბადღოშვილი.

1920

ტიპი: ღონისძიება

1920 წლის 1-ლ ივლისს აჭარლებთან ბრძოლის დროს დაიჭრა ახალციხის მაზრის სოფელ ვალეს მცხოვრები გვარდიელი სერგო გოზალიშვილი.

1920

ტიპი: ღონისძიება

1920 წლის 1-ლ ივლისს დამფუძნებელი კრების წევრებმა პავლე საყვარელიძემ, სამსონ ფირცხალავამ, გრიგოლ ვეშაპელმა და ტოპჩიამ ბათუმის მოსახლეობას ანტანტის მიერ ბათუმისა და მისი ოლქის მისთვის გადაცემის შესახებ აცნობეს. ამ ცნობას ხალხი ზეიმით შეხვდა.

1920

ტიპი: ღონისძიება

1920 წლის ივლისში მიწათმოქმედების სამინისტრომ საკონცესიო ხელშეკრულება დადო ა. გიზთან მდ. ტყიბულის ჰიდრავლიკური ენერგიის გამოყენების შესახებ. მას მიზნად აქვს ელექტროენერგიის მიღება და გადაცემა ქუთაისის გუბერნიის იმ რაიონებში, სადაც სჭირდებათ.

1920

ტიპი: თანამდებობა

1919 წლის 1-ელი ივლისის „ერთობის“ ცნობით, ბეითალი სიმონ ტარიელის ძე ქარსელაძე მსახურობდა ეკატერინოსლავის გუბერნიის დ. პეტრიკოვკაში. ერთი წელი მის შესახებ არაფერი იყო ცნობილი.

1920

1920 წლის 1 ივლისს მეოთხე ქვეითთა ათასეულს (აჭარელ ბანდებთან ბრძოლაში) გამოესალმა ლეიტ. შალიკო გიგინეიშვილი.

1920

ტიპი: ავტორობა

1920 წლის 1 ივლისს ქართველთა შორის წერა-კითხვის გამავრცელებელი საზოგადოების თავმჯდომარემ დავით კარიჭაშვილმა ქალაქ თბილისის მესამე უბნის მოსამართლეს, მ. ჩხეიძეს, გამგეობისთვის ოლღა ჭავჭავაძის ოფიციალური მზრუნველობის (რადგან მას არ გააჩნდა სათანადო მოვლა-პატრონობა) გადაცემის მოთხოვნით მიმართა.

1920

ტიპი: ავტორობა

1920 წლის 2 ივლისს გენერალმა ჯეიმს ნორმან კუკ-კოლისმა მასთან მისულ მუსულმან მცხოვრებთ განუცხადა, რომ ქალაქი ბათუმი და ბათუმის ოლქი საქართველოს გადაეცა. ვინც საქართველოს ჯარს წინააღმდეგობას გაუწევდა, ინგლისის მტრად ჩაითვლებოდა და დამნაშავეთა წინააღმდეგ სასტიკ ზომებს მიიღებდნენ.

1920

ტიპი: ნასამართლეობა

1920 წლის 2 ივლისს ადგილობრივი მთავრობის განკარგულებით დაიხურა თურქული გაზეთი „სედაი მილეთი“. მთავრობამ დაატუსაღა სტამბის პატრონი ბ. შმაევსკი გაზეთის უნებართვოდ დაბეჭდვისთვის და აპირებდა მის გასამართლებას.

1920

ტიპი: ღონისძიება

1920 წლის 2 ივლისს რკინიგზის სადგურზე ქობულეთის უხუცესმა გულუ აღა კაიკაციშვილმა ქართულ ჯარს პურ-მარილი მიართვა და მიესალმა საქართველოს ისტორიული საზღვრების აღდგენას. საჩუქარი ჩამოართვა პოლკოვნიკმა სოლომონ გეგელაშვილმა. ხალხმა გამარჯვება უსურვა ნოე ჟორდანიას. მიესალმნენ საგარეო საქმეთა მინისტრ ევგენი გეგეჭკორს, რომელმაც ბევრი დაბრკოლება დაძლია და ბათუმი და ბათუმის ოლქი უსისხლოდ შეუერთა საქართველოს; მისასალმებელი სიტყვა წარმოთქვეს მემედ აღა გოგიბერიძემ და ბათუმის ქართული გიმნაზიის მოსწავლემ, ცივაძემ.

1920

ტიპი: ავტორობა

1920 წლის 2 ივლისს ბათუმისა და ბათუმის ოლქის საქართველოსთვის გადაცემის გამო მთავრობამ და რესპუბლიკის შეიარაღებულ ძალთა მთავარსარდალმა გენერალმა კვინიტაძემ ბათუმის ოლქის და აჭარის მოსახლეობას მოწოდებებით მიმართეს.

1920

ტიპი: თანამდებობა

1920 წლის 2 ივლისის „ერთობა“ იუწყება, რომ ქალაქის საბჭოს მდივანი ვასილ ხახანაშვილი დროებით დანიშნეს მთავრობის საქმეების გამგედ და მთავრობის თავმჯდომარის პირველ მდივნად, მას მიანდეს ყველა უწყებათა კანცელარიის რევიზიაც.

1920

ტიპი: ავტორობა

1920 წლის 2 ივლისის გაზეთ „ერთობის“ ცნობით, რედაქციამ სეით დევდარიანის წიგნი „როგორ ცხოვრობენ რუსეთში“ მიიღო.

1920

ტიპი: ღონისძიება

1920 წლის 2 ივლისის „ერთობა“ იუწყება, რომ დეპუტატმა აკაკი ჩხენკელმა მიიღო 5 100 მან., სოხუმის ფოსტა-ტელეგრაფის მოსამსახურეთა მიერ მხედრობისთვის შეგროვებული.

1920

ტიპი: ავტორობა

1920 წლის 2 ივლისის გაზეთ „ერთობაში“ გიორგი ქუჩიშვილის ლექსი „აჯანყება“ დაიბეჭდა.

1920

ტიპი: ღონისძიება

1920 წლის 2 ივლისის „ერთობა“ იუწყება, რომ სადგურ ნატანებში დაატუსაღეს ცნობილი ყაჩაღი ვლადიმერ სურგულაძე, რომელიც ერთ დროს დაკავშირებული იყო დენიკინის შტაბთან ბათუმში. იგი ცნობილ ყაჩაღ პაიჭაძესთან ერთად მონაწილეობდა ხიდების აფეთქებასა და მატარებლების მსხვრევაში.

1920

ტიპი: ღონისძიება

1920 წლის 2 ივლისის „ერთობა“ იუწყება, რომ ფრონტის დამხმარე მთავარი კომიტეტის პრეზიდიუმმა ჯარში დასარიგებლად ქართველი ჯარისკაცების აზერბაიჯანში ცხოვრების შესახებ დასურათებული ბროშურის გამოცემა გადაწყვიტა.მისი შედგენა მიენდოთ: სერგო ჟორჟოლიანს, სოლომონ დოლიძეს და ტიტე ართმელაძეს.

1920

ტიპი: ღონისძიება

1920 წლის 2 ივლისის „ერთობაში“ რეალური სკოლის დირექტორი ი. ფონ ბრენერი მის მიერ დაარსებული სკოლის დახურვას იუწყებოდა.

1920

ტიპი: ღონისძიება

განათლების მინისტრის მოადგილე ნოე ცინცაძის 1920 წლის 3 ივლისის N81 ბრძანების თანახმად, სახელმწიფო სამსახურში ხუთწლეულებისა და პენსიის მისაღებად, ქუთაისის ვაჟთა II გიმნაზიის მასწავლებელ ბენედიკტე მამფორიას ჩაეთვალოს პედაგოგად ნამსახური წლები 1891 წლის 1-ლი სექტემბრიდან 1919 წლის 1-ლ სექტემბრამდე.

1920

ტიპი: ღონისძიება

1920 წლის 3 ივლისის განათლების მინისტრის მოადგილე ნოე ცინცაძის N 82 ბრძანების თანახმად, ქუთაისის ვაჟთა II გიმნაზიის მასწავლებელ დომენტი ოყროშიძეს, ხუთწლეულებისა და პენსიის მისაღებად უნდა ჩათვლოდა პედაგოგად ნამსახური წლები.

1920

ტიპი: პირადი ინფორმაცია

1920 წლის 3 ივლისს ბაღ „მერცხალში“ რევოლვერიდან გასროლისთვის დაპატიმრეს ქართველ მუსლიმანთა დივიზიონის კაპიტანი ფირალოვი.

1920

ტიპი: ღონისძიება

1920 წლის 3 ივლისის „ერთობაში“ დაიბეჭდა დეპეშა, რომელიც საქართველოს სოც-დემოკრატიული პარტიის მეორე ყრილობამ გაუგზავნა კარლ კაუცკისა და პ. ბ. აქსელროდის, რომლებიც ყრილობამ საპატიო თავმჯდომარეებად აირჩია.

1920

ტიპი: ავტორობა

1920 წლის 3 ივლისი „ერთობა“ იუწყება, რომ საქართველოს ნავსადგურის მუშა-მოსამსახურეთა კავშირისგან მიიღეს მისალოცი დეპეშა ბათუმის შემოერთების გამო, რომელსაც ხელს კავშირის თავმჯდომარე ლევაშკევიჩი აწერდა.