რეგისტრირებული ფაქტები89595
სორტირება თარიღი მზარდობით
1935
ტიპი: ღონისძიება
1935 წლის პირველ ივლისს გაიხსნა ახალგაზრდა კომკავშირელ ქალთა სრულიად საკავშირო ყრილობა, რომელსაც საკავშირო კომუნისტური პარტიის (ბ) ცენტრალური კომიტეტის მდივანი ანდრეევიც დაესწრო. ახალგაზრდა ქალთა შორის მუშაობის შესახებ მოხსენება წაიკითხა ვასილევამ.
1935
ტიპი: ღონისძიება
1935 წლის 21-22 ივლისს ლავრენტი ბერიამ თბილისის პარტიული აქტივის კრებაზე კომუნისტური პარტიის ისტორიის შესწავლის აუცილებლობაზე ილაპარაკა.
1935
ტიპი: ღონისძიება
1935 წლის 21-22 ივლისს ლავრენტი ბერიამ თბილისის პარტიული აქტივის კრებაზე კომუნისტური პარტიის ისტორიის შესწავლის აუცილებლობაზე ილაპარაკა.
1935
ტიპი: გარდაცვალება
1935 წლის აგვისტოში გარდაიცვალა საკავშირო კომუნისტური პარტიის (ბ) ცენტრალურ კომიტეტთან არსებული პარტიული კონტროლის კომისიის წევრი ტროფიმე კუბარი.
1935
ტიპი: გარდაცვალება
1935 წლის 9 აგვისტოს მომხდარი ავტოავარიის შედეგად მეტის რაიონში (საფრანგეთი) გარდაიცვალა სსრ კავშირის სრულუფლებიანი წარმომადგენლობის მრჩეველი საფრანგეთში, ამხანაგი დივილოვსკი.
1935
ტიპი: ღონისძიება
ხონის ვაჟთა გიმნაზიის მოსწავლეებმა განათლების სამინისტროს გაუგზავნეს დეპეშა, რომელშიც შუამდგომლობდნენ განათლების მინისტრის წინაშე მასწ. პოლიკარპე ბახტაძის გათავისუფლებას.
1935
ტიპი: ღონისძიება
1935 წლის აგვისტოში პოლიკარპე ბახტაძე პატიმრობიდან განთავისუფლების შემდეგ ხონის ვაჟთა გიმნაზიაში მათემატიკის მასწავლებლის თანამდებობაზე დაბრუნებას ითხოვდა.
1935
ტიპი: ნასამართლეობა
1935 წლის 31 აგვისტოს ნიკიტჩენკოს თავმჯდომარეობით სსრკ-ის უზენაესი სასამართლოს სამხედრო კოლეგიის გამსვლელმა სესიამ დაიწყო თეთრგვარდიელების – ი. ვ. კობილკინის, ე. ლ. პერელადოვისა და ვ. ვ. ოლეინიკოვის – სასამართლო პროცესი. ისინი დივერსიული საქმიანობის ბრალდებით სსრკ-ის ტერიტორიაზე მანჯურიიდან შემოპარვისთვის დააკავეს.
1935
ტიპი: ღონისძიება
12-დან 16 სექტემბრამდე ფრუნზეს სახელობის ქართული მსროლელი დივიზიის მეორე შეერთებულმა ათასეულმა უაღრესად რთულ პირობებში, სრული აღჭურვილობით დალაშქრა ყაზბეგის მწვერვალი და მასზე აღმართა ამხ. სტალინის ბიუსტი. სრულიად საქართველოს ცაკ-მა და საქ. სსრ სახკომსაბჭომ დაადგინა: 1. გამოეცხადოს მადლობა ათასეულის მთელ შემადგენლობას 2. მწვერვალის დაძლევის ის მონაწილეები, რომელთაც განსაკუთრებით გამოიჩინეს თავი, დააჯილდოვეს საქართველოს ცენტრალური აღმასრულებელი კომიტეტის სიგელითა და ფულადი პრემიით.
1935
ტიპი: თანამდებობა
1935 წლის 5 ოქტომბერს თბილისში ჩამოვიდა გერმანიის ელჩი სსრ კავშირში გრაფი ფონ-დერ შულენბურგი.
1935
ტიპი: პირადი ინფორმაცია
1935 წლის 5 ოქტომბერს თბილისში ჩამოსულ გერმანიის ელჩს სსრ კავშირში გრაფ ფონ-დერ შულენბურგს ახლდა მოსკოვში გერმანიის ატაშე ფონ ჰერვარტი. ელჩს დახვდნენ ასტახოვი და დინტსმანი.
1935
ტიპი: თანამდებობა
1935 წლის 6 ოქტომბერს ასტახოვმა საგარეო საქმეთა სახალხო კომისარიატის რწმუნებულის შენობაში გამართა სადილი გერმანიის ელჩის პატივსაცემად. ელჩმა თბილისი დაათვალიერა და 8 ოქტომბერს ერევანს გაემგზავრა.
1935
ტიპი: პირადი ურთიერთობა
1935 წლის 17 ოქტომბერს ი. სტალინი თბილისში დედის სანახავად ჩავიდა, მთელი დღე მასთან გაატარა, ღამით კი მოსკოვში გაემგზავრა.
1935
ტიპი: ღონისძიება
1935 წლის 3 ნოემბერს გამართულ თბილისის რკინიგზის კვანძის სტახანოველთა პირველ შეკრებას ესწრებოდნენ: ჭიჭინაძე, ნალიაპინი, მამულაშვილი, ნეფარეიშვილი, კიკნაძე და შიმანსკი. ჩამოვიდნენ ბაქოსა და კიროვობადის დელეგაციები. შეკრება გახსნა დარსაძემ, სიტყვით გამოვიდა პავერმანი.
1935
ტიპი: გარდაცვალება
1935 წლის 5 ნოემბერს, სამშაბათს, საფრანგეთში გარდაიცვალა დავით შარაშიძე, (დაკრძალულია ლევილში).
1935
ტიპი: გარდაცვალება
1935 წლის 13 ნოემბერს ბუგეულის (ქვედა) ღვთისმშობლის შობის ეკლესიის მღვდელი სიმონ სპირიდონის ძე ჭელიძე გარდაიცვალა.
1935
ტიპი: გარდაცვალება
1935 წლის დეკემბერში პარიზში, ემიგრაციაში საქართველოს დამფუძნებელი კრების წევრი დავით გიორგის ძე შარაშიძე გარდაიცვალა.
1935
ტიპი: ღონისძიება
1935 წლის 2 დეკემბერს მ. გობეჩიას თავმჯდომარეობით სტახანოვური მოძრაობის თაობაზე გამართულ თათბირს ესწრებოდნენ: ვ. ბაქრაძე, ყუჯიაშვილი, აფრიაშვილი, ვ. მაჭავარიანი, ბარქაია, თოთიბაძე, პუგაჩოვი, სიტნიკოვი, ახალაძე, ჯავარიძე, კარაპეტიანი, მურადოვი და შარია.
1935
ტიპი: ღონისძიება
1935 წელს ამიერკავკასიის რკინიგზის პოლიტგანყოფილების უფროსს, პავერმანს დაევალა განეხილა გაზეთ „სტალინური ლოკომოტივის“ რედაქტორის საკითხი იმის გამო, რომ დაუშვა ისეთი გაზეთის გავრცელება, რომელშიც სტალინის სიტყვა დამახინჯებული იყო.
1935
ტიპი: თანამდებობა
1935 წელს სტამბა „კომუნისტის“ დირექტორს, ნაზარეტიანს გამოეცხადა სასტიკი საყვედური და მოიხსნა დაკავებული თანამდებობიდან. ის სტამბის საამქროს გამგედ გადაიყვანეს.
1935
ტიპი: თანამდებობა
1935 წელს მთავლიტის რწმუნებულებს გაზეთ „კომუნისტთან“, წერეთელსა და პატარაიას, სასტიკი საყვედური გამოუცხადეს, საქართველოს მთავლიტის უფროსს, არჩილ გერმანეს ძე რუხაძეს, კი შენიშვნა მისცეს, რადგან უმნიშვნელოვანესი პოლიტიკური დოკუმენტების ბეჭდვა ცუდად მოწმდებოდა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -