რეგისტრირებული ფაქტები87961
სორტირება თარიღი კლებადობით
1915
ტიპი: ღონისძიება
1915 წლის 11 იანვარს ნაძალადევის თეატრში წარმოდგენილ „ღალატში“ შალვა შარაშიძემ სულეიმან-ხანის როლი შეასრულა, ალექსანდრე ყალაბეგიშვილმა ითამაშა ოთარ ბეგი, ელენე ციმაკურიძემ – რუქაია, ნარაკიძემ – გაიანე, შავშიშვილმა – ყარა-უსუფი, ეფემია მესხმა – ზეინაბი, ელისაბედ ჩერქეზიშვილმა – ისახარი და ა. შ.
1915
ტიპი: გარდაცვალება
I მსოფლიო ომში, 1915 წლის 10 იანვარს, დაღუპული მიხეილ ალექსანდრეს ძე წერეთელი საჩხერეში დაკრძალეს.
1915
ტიპი: ღონისძიება
1915 წლის 7 იანვარს ელისაბედ ჩერქეზიშვილის სცენაზე მოღვაწეობის 25 წლის იუბილეს აღსანიშნავად სახალხო სახლში თბილისის ქართული დრამატული დასის ამხანაგობამ მიხეილ ქორელის რეჟისორობით ხუთმოქმედებიანი მელოდრამა „ორი ობოლი“ წარმოადგინა.
1915
ტიპი: ღონისძიება
1915 წლის 4 იანვარს ბაქოში წარმოადგინეს ვ. გოგოლის „რევიზორი“, რომელშიც შალვა დადიანმა ითამაშა გოროდნიჩი, ქარქაშაძემ – ხლოპოვი, ახობაძემ – მსახური ოსიპი, გ. პავლიაშვილმა – ბობჩინსკი, ა. ჭუმბურიძემ შეასრულა დობოჩინსკის, ა. პავლიაშვილმა კი – შპეკინის როლი, ქეთო ელეფთერის ასული ანდრონიკაშვილმა ითამაშა ანა ანდრეევნა და ა.შ.
1915
ტიპი: ღონისძიება
1915 წლის 4 იანვარს ახალ კლუბში გამართული სალიტერატურო დილის შემდეგ გრიგოლ რობაქიძის, გერონტი ქიქოძის, სერგო გორგაძის, იოსებ გედევანიშვილის, სამსონ დადიანის, ალექსანდრე წუწუნავას, კონსტანტინე ანდრონიკაშვილი, არჩილ ჯაჯანაშვილის, დავით კასრაძის, ნიკოლოზ კურდღელაშვილისა და სხვ. მონაწილეობით საჯარო კამათი გაიმართა.

