რეგისტრირებული ფაქტები89466
სორტირება ახალი ჩანაწერების მიხედვით
1886
ტიპი: ავტორობა
1886 წლის 27 აპრილს ქუთაისის მაზრის მმართველმა კ. ი. ალშიბაიამ გოჩაჯიხაიშის სოფლის საზოგადოებას სკოლის გახსნის ცერემონიაზე განუცხადა, რომ განათლებული ადამიანი ყოველთვის მოიწყობდა თავის კუთხეს. იმ შემთხვევაშიც კი თუ პატრონი მას ერთ გროშსაც არ დაუტოვებდა, სამშობლოს სიყვარულს ის არასდროს დაივიწყებდა.
1886
ტიპი: ღონისძიება
1886 წლის 27 აპრილს ქუთაისის გუბერნიის საერო სკოლების დირექტორის ფილიპე ზაქარიას ძე ლევიცკის სიტყვას გოჩაჯიხაიშის სოფლის საზოგადოებას სკოლის გახსნის ცერემონიაზე მასწავლებელი მ. მ. ცაგარეიშვილი თარგმნიდა.
1886
ტიპი: თანამდებობა
1886 წლის 9 მაისის გაზეთ „ივერიის“ ცნობით, მ. მ. ცაგარეიშვილი იყო გოჩაჯიხაიშის სასოფლო სკოლის მასწავლებელი.
1886
ტიპი: ღონისძიება
1886 წლის 27 აპრილს გოჩაჯიხაიშის სოფლის საზოგადოების სკოლის გახსნის ცერემონიაზე გაიმართა ზეიმი, სადილი, რომელზეც თამადობდა კ. ი. ალშიბაია. ბევრი სადღეგრძელო ითქვა, იმღერეს „ოდელას სიმღერა“ და მხიარულება ცეკვა-თამაშით დასრულდა.
1886
ტიპი: ღონისძიება
1886 წლის 9 მაისის გაზეთ „ივერიის“ ცნობით, გიორგი ბესარიონის ძე ღოღაბერიძე ქუთაისის სამაზრო სკოლების დირექტორს ფილიპე ზაქარიას ძე ლევიცკის მოელაპარაკა და გადალახა ყველანაირი დაბრკოლება სოფელ გოჩაჯიხაიშში სკოლის დასაარსებლად.
1886
ტიპი: ღონისძიება
1886 წლის 9 მაისის გაზეთ „ივერიის“ ცნობით, გიორგი ბესარიონის ძე ღოღაბერიძემ სოფ. გოჩაჯიხაიშის სკოლას ძვირფასი ხის ავეჯი, წიგნები და ხუთი თუმანი შესწირა და მომავალშიც დაჰპირდა დახმარებას.
1886
ტიპი: თანამდებობა
1886 წლის 9 მაისის გაზეთ „ივერიის“ ცნობით, გიორგი ბესარიონის ძე ღოღაბერიძეს სოფელ გოჩაჯიხაიშის საზოგადოებამ სკოლის მზრუნველობა შესთავაზა, რაზედაც უარი ვერ თქვა და დასთანხმდა.
1886
ტიპი: ღონისძიება
1886 წლის 2 სექტემბერს უწმინდესი სინოდის ობერპროკურორი და სახელმწიფო მრჩეველთა წევრი კ. პ. პობედონოსცევი თბილისიდან სოხუმში მიემგზავრებოდა და ათონის მონასტრის მონახულებას გეგმავდა.
1886
ტიპი: თანამდებობა
1886 წლის 2 სექტემბრის გაზეთ „ივერიის“ ცნობით, თბილისის სასულიერო სემინარიის ინსპექტორი იყო სტეფანოვი.
1886
ტიპი: თანამდებობა
1886 წლის 2 სექტემბრის გაზეთ „ივერიის“ ცნობით, თბილისის სასულიერო სემინარიის ინსპექტორად სტეფანოვის ნაცვლად პატოცკი უნდა დაენიშნათ.
1886
ტიპი: თანამდებობა
1886 წლის 2 სექტემბრის გაზეთ „ივერიის“ ცნობით, თბილისის სასულიერო სემინარიის ინსპექტორი სტეფანოვი გადაჰყავდათ ნოვო-ჩერკასკის სასულიერო სემინარიის ინსპექტორად.
1886
ტიპი: ღონისძიება
1886 წლის 2 სექტემბერს კავკასიის მთავარმართებელი ალექსანდრე მიხეილის ძე დონდუკოვ-კორსაკოვი გენერალ შეპელევთან ერთად ბათუმში გაემგზავრა.
1886
ტიპი: ღონისძიება
1886 წლის 2 სექტემბრის გაზეთ „ივერიის“ ცნობით, კავკასიის მთავარმართებელი ალექსანდრე მიხეილის ძე დონდუკოვ-კორსაკოვი გენერალ შეპელევთან ერთად ნოვოროსიისკში გეგმავდა გამგზავრებას, რათა ყუბანის ჩრდილო-დასავლეთი ნაწილები მოენახულებინა.
1886
ტიპი: თანამდებობა
1886 წლის 2 სექტემბრის გაზეთ „ივერიის“ ცნობით, ერისთავი იყო ქართველების ქვეითი დრუჟინის მეთაური.
1886
ტიპი: თანამდებობა
1886 წლის 2 სექტემბრის გაზეთ „ივერიის“ ცნობით, ერისთავს ჰქონდა პოლკოვნიკის წოდება.

