ტიპი: განათლება

1918 წელს სახელმწიფოს ხარჯით უცხოეთში სწავლის გასაგრძელებლად წასვლას ითხოვდნენ შემდეგი ახალგაზრდები: 1.სერგი ბესარიონის ძე ჯანაშია, 2.გერონტი პლატონის ძე ბერძულიშვილი, 3.როსტომ პავლეს ძე ყიფიანი, 4.ივანე ოტიას ძე ურუშაძე, 5.ამბერკი ნიკოლოზის ძე ჟორჟოლიანი, 6.იპოლიტე ალექსის ძე კიკაბიძე, 7.ტარიელ გიორგის ძე ხერხეულიძე, 8.დავით ვასილის ძე ნაცვლიშვილი, 9.ნიკოლოზ მიხეილის ძე ჩხატარაშვილი, 10.ნიკოლოზ მიხეილის ძე კურდღელაშვილი, 11.ვლადიმერ ალექსანდრეს ძე ნიჟარაძე, 12.ვახტანგ კარანაძე, 13.ანდრო ლილოს ძე გაგუა, 14.არტემ ფელიქსის ძე ფანცულაია, 15.ბაქარი სოლომონის ძე ბიწკინაშვილი, 16.გიორგი ალექსანდრეს ძე ჭიკაძე, 17.შალვა გაბრიელის ძე გულისაშვილი, 18.ელენე ალექსანდრეს ასული ამირანაშვილი, 19.ნინო გრიგოლის ასული გრძელიშვილი, 20.ელენე თომას ასული თათრიშვილი, 21.ალექსი დიმიტრის ძე უსტიაშვილი, 22.მიხეილ ივანეს ძე დავითაშვილი, 23.გრიგოლ სიმონის ძე ჭუმბურიძე.

1960

ტიპი: პირადი ურთიერთობა

1960 წლის 16 მაისს თბილისიდან შალვა მაღლაკელიძემ გერმანიაში მყოფ გაიოზ მაღლაკელიძეს გრეტა მაღლაკელიძეზე ზრუნვისთვის მადლობა გადაუხადა.

1960

ტიპი: პირადი ურთიერთობა

1960 წლის 16 მაისს შალვა მაღლაკელიძემ გაიოზ მაღლაკელიძეს სთხოვა, რომ მათი ნათესავისთვის გერმანიიდან დამამშვიდებელი წამალი „არტანე“ გაეგზავნა.

1960

ტიპი: თანამდებობა

1960 წლის მაისში გაიოზ მაღლაკელიძემ დიუსელდორფში სამსახური მიატოვა და საცხოვრებლად შტუტგარტში გადავიდა.

1959

ტიპი: პირადი ურთიერთობა

1959 წლის 27 მაისს თბილისიდან შალვა მაღლაკელიძემ გერმანიაში მყოფ გაიოზ მაღლაკელიძეს დაბადების დღე მიულოცა და შეატყობინა, რომ 1500 წლის თავზე გამოსული „თბილისის ისტორია“ და „საქართველოს ისტორია“ გაუგზავნა.

1958

ტიპი: პირადი ურთიერთობა

1958 წლის 26 ივლისს თბილისიდან შალვა მაღლაკელიძემ გერმანიაში მყოფ გაიოზ მაღლაკელიძეს „ქართლის ცხოვრება“ გაუგზავნა და სთხოვა, რომ აუცილებლად წაეკითხა.

1958

ტიპი: განათლება

1958 წელს ვამეხ მაღლაკელიძე სასწავლებლად რუპოლდინგიდან ტრაუნშტეინში დადიოდა.

1920

ტიპი: გარდაცვალება

1920 წლის 21 ივლისს თიანეთის საზღვართან, სოფ. ახატანთან დუშეთის მაზრის მილიციის უფროსის თანაშემწის და დუშეთის სახალხო გვარდიის შტაბის თავმჯდ. ტიტე შუშიაშვილის მეთაურობით ყაჩაღთა ბრბოს ალყა შემოარტყეს და ყაჩაღების მხრიდან მოკლეს თიანეთის მაზრის მცხოვრები დონდუაშვილი და დუშეთის მაზრიდან – მერაბიშვილი, დაიჭრა ი. მექვაბიშვილი, რომელიც გარდაიცვალა. დახოცილებს აღმოაჩნდათ იმ პირთა სია, რომელთაც მოკლვით ემუქრებოდნენ, მათ შორის იყვნენ: ანთელავა, შუშიაშვილი და სამი მილიციელი.

1920

ტიპი: ავტორობა

1920 წლის 17 აგვისტოს „ერთობაში“ დაბეჭდილ წერილში გიორგი კვაჭაძე, ტროფინე შურღაია, რაჟდენ ფირცხალავა, ვანო წიკლაური, ოქროპირ კალმახელიძე, გაბრიელ მიკირტუმოვი, რომლებიც როსტოვში დააპატიმრეს და 2-2 წელი მაღაროში მუშაობა მიუსაჯეს, იმიტომ რომ, ვაჭრებად ითვლებოდნენ, მადლობას უხდიან ციხიდან განთავისუფლებაში მოსკოვის კომერც. ინსტიტუტის ეკონომიკურ მეცნ. კანდიდატს, ზინოვი ანდრიას ძე სილიკაშვილს. ამასთან მან რამდენიმე ვაგონი და საშვი იშოვა და როსტოვიდან საქართველოში მშვიდობიანად ჩამოიყვანა 160 ადამიანი.

ტიპი: ღონისძიება

შალვა მიქელაძე მკურნალობდა შალვა შარაშიძეს.

1920

ტიპი: პირადი ინფორმაცია

1920 წლის 14 აგვისტოს საგარეო საქმეთა მინისტრი ევგენი პეტრეს ძე გეგეჭკორი თბილისიდან წაღვერში გაემგზავრა, საიდანაც საზღვარგარეთ წასასვლელად აბასთუმნისა და ხულოს გავლით ბათუმში ჩავიდა. სადგურზე იგი დამფუძნებელი კრების თავმჯდომარის მოადგილემ სვიმონ მდივანმა, მინისტრის მოადგილემ ნიკოლოზ იოთამის ძე ქარცივაძემ, გენერლებმა გიორგი ივანეს ძე კვინიტაძემ და ალექსანდრე კონსტანტინეს ძე გედევანიშვილმა გააცილეს.

1920

ტიპი: ღონისძიება

1920 წლის 14 აგვისტოს სამუსლიმანო საქართველოს მეჯლისის თავმჯდომარემ მემედ-ბეგ იბრაჰიმის ძე აბაშიძემ აბასთუმანში ინახულა მთავრობის თავმჯდომარე ნოე ნიკოლოზის ძე ჟორდანია და შინაგან საქმეთა მინისტრი ნოე ბესარიონის ძე რამიშვილი. მათ ხანგრძლივად ისაუბრეს.

1920

ტიპი: ავტორობა

1920 წლის 17 აგვისტოს „ერთობა“ იუწყება, რომ ფოილოს ხიდის აღსადგენად წარმოებული სამუშაოს გამგემ, ა. გეგიძემ, გზათა უწყების სამსახურის უფროსს მოხსენება წარუდგინა ხიდის აღდგენის სამუშაოს შესახებ.

1920

ტიპი: ავტორობა

1920 წლის 17 აგვისტოს „ერთობაში“ დაიბეჭდა ექიმ იოსებ ლომოურის წერილი „მოკლე ცნობები ხოლერაზედ“.

1920

ტიპი: ავტორობა

1920 წლის 17 აგვისტოს „ერთობაში“ დაიბეჭდა ბაბილინას ლექსი „სამუშაოზე“.

1920

ტიპი: ღონისძიება

1920 წლის 4 აგვისტოს სამხედრო სამინისტროს კულტურა-განათლების სექციის წევრები – ტიტე ართმელიძე და ალექსანდრე ჟორჟოლიანი, კოოპ. კავშირის კინემატოგრაფიული განყოფილების გამგე გერმანე გოგიტიძე და მხატვარი კონსტანტინე ქავთარაძე გაემგზავრნენ ბათუმ-აჭარაში მყოფი სამხედრო ნაწილებისთვის ფილმების საჩვენებლად და საუბრების გასამართად. მათთან ერთად ჩავიდა ფრონტის დღის დამხმარე მთავარი კომიტეტის თავმჯდომარე სერგო ჟორჟოლიანი, შემდეგ გაემგზავრნენ აჭარის წყალზე, ქედაში. ღამე გაათენეს წითელჯვრის საავადმყოფოში, სადაც ექიმად იყო ბ. იაშვილი. სექცია 10 აგვისტოს დაბრუნდა თბილისში.

1920

ტიპი: ღონისძიება

დამფუძნებელი კრების 1920 წლის 16 აგვისტოს სხდომაზე გრიგოლ გიორგაძის მოხსენებით მიიღეს დეკრეტი მთავრობის სტამბის შესაკეთებლად 392 747 მან. გამოყოფის შესახებ.

1920

ტიპი: ღონისძიება

დამფუძნებელი კრების 1920 წლის 16 აგვისტოს სხდომაზე გრიგოლ გიორგაძის მოხსენებით მიიღეს დეკრეტი სახელმწიფო ბანკისთვის 50 მილ მან. სესხის მიცემის შესახებ დამზღვევი ფონდის დასაარსებლად.

1920

ტიპი: ღონისძიება

დამფუძნებელი კრების 1920 წლის 16 აგვისტოს სხდომაზე გრიგოლ ვეშაპელის მოხსენებით მიიღეს დეკრეტი ქ. ახალციხის წყალსადენის აღსადგენად 900 000 მან. გამოყოფის შესახებ.

1920

ტიპი: ავტორობა

დამფუძნებელი კრების 1920 წლის 16 აგვისტოს სხდომაზე ილია ფირცხალაიშვილის მოხსენებით მიიღეს დეკრეტი დასახიჩრებულ მუშა-მოსამსახურეთა პენსიის რაოდენობის შეცვლის შესახებ სამუშაო ხელფასის ცვლილების მიხედვით.

1920

ტიპი: ავტორობა

1920 წლის 18 აგვისტოს „ერთობა“ იუწყება, რომ გამგეობამ დააკმაყოფილა ნიგვზიანის თემის მცხოვრებთა – ფ. თევზაძის, გრ. გურგენიძის და სხვ., სულ 23 კაცის – შუამდგომლობა ამ თემიდან ამორიცხვისა და სუფსის თემზე მიწერის შესახებ.

1920

ტიპი: ავტორობა

1920 წლის 18 აგვისტოს „ერთობაში“ დაბეჭდილ სატარიფო პალატის ცირკულარს ხელფასების გაზრდისა და სწორი ტარიფების დაწესების შესახებ ხელს აწერენ: თავმჯდომარე გოლდმანი და მდივანი ტრეიმანი.

1920

ტიპი: პირადი ინფორმაცია

1920 წლის 18 აგვისტოს „ერთობა“ იუწყება, რომ მაჰმადიანური და ქრისტიანული საქართველოს გაერთიანების საქმეზე აქტიურად მომუშავე ალფ. ხომერიკს, რომელიც ამ მუშაობისას მატერიალურადაც დაზარალდა, ერობა 15 000 მანეთით დაეხმარა.

1918

ტიპი: ღონისძიება

1918 წლის 29 ნოემბერს მღვდელ კონსტანტინე ანთაძის ფორმულარული სიის ასლში წერია, რომ იგი მართლმადიდებელი სარწმუნოების აღმსარებელია. ასლის ნამდვილობას 1918 წლის 29 ნოემბერს ხელმოწერით და საეკლესიო საბჭოს ბეჭდის დასმით ადასტურებს არგვეთის საოლქო საეკლესიო საბჭოს თავმჯდომარე, მღვდელი ისიდორე ქოჩიაშვილი.

1918

ტიპი: ღონისძიება

1918 წლის 18 დეკემბერს მთავარგამგე გრიგოლ ნათაძემ და საქმისმწარმოებელმა ნიკოლოზ აბესაძემ ზესტაფონის ვაჟთა გიმნაზიის დირექტორს აცნობეს, რომ 1918 წლის პირველი ოქტომბრიდან (ბრძ. N 166) დაბალი კლასების ქართული ენის მასწავლებლად კონსტანტინე ანთაძე დაინიშნა.