რეგისტრირებული ფაქტები80971
სორტირება ახალი ჩანაწერების მიხედვით
1920
ტიპი: ღონისძიება
1920 წლის 20 ივლისს შინაგან საქმეთა მინისტრმა ნოე რამიშვილმა ბათუმში საქართველოს მდგომარეობის შესახებ მოხსენება გააკეთა. მან აღნიშნა, რომ მთავრობამ მას მიანდო ძველ დაწესებულებათა ლიკვიდაცია და ახალთათვის დირექტივების მიცემა. უპასუხა შეკითხვებს, ბათუმში არსებული უცხო სახელმწიფოების საკონსულოების, ნავსადგურში უცხო სახელმწიფოთა სამხედრო გემების, რესპ. სასურსათო მდგომარეობის შესახებ და სხვ.
1920
ტიპი: ნასამართლეობა
1920 წლის 15 ივნისს სასამართლომ განიხილა შალვა მაღლაკელიძისა და სხვათა საქმე. სხდომაზე სიტყვით გამოვიდა ექსპერტი ალექსანდრე ნეიმანი, დაიკითხა მოწმე – პოლ. შამშურინი. სასამართლოზე წაიკითხეს შინაგან საქმეთა სამინისტროს ყოფ. ვიცე-დირექტორის, ზ. ნანეიშვილისა და თბილისის გუბერნიის კომისრის ყოფილი თანაშემწის, დ. კალანდარიშვილის ჩვენებები, გამოქვეყნდა იმ მოწმეთა მონათხრობიც (ნოე რამიშვილი, პ. ჭიჭინაძე, ბენია ჩხიკვიშვილი, ნოე ხომერიკი), რომლებიც სასამართლოში ვერ გამოცხადდნენ.
1920
ტიპი: ავტორობა
1920 წლის 22 ივლისის „ერთობა“ აქვეყნებს ბათუმის ოლქის საგანგებო კომისრის, ბენიამინ ჩხიკვიშვილის ბრძანებას: „საქართველოს რესპუბლიკის წინააღმდეგ მოღალატეობრივი ქმედებისთვის, სახელმწიფოს სასარგებლოდ პოლკოვნიკ იონინის ჩამოერთვას უძრავი და მოძრავი ქონება – სამი დესეტინა ბაღი სარიმაულში, საცხოვრებლით და სხვ.; გენერალ ტერმენს – უძრავი ქონება მდებარე ორთაბათუმში, მიწა – ხეხილით და ვენახით გაშენებული 15 დესეტინამდე, სახლი და სხვ.“ მიწათმოქმედების სამინისტროს წარმომადგენელს, აგრონომ რცხილაძეს დაევალა ჩაებარებინა ეს მამულები, როგორც სახელმწიფო ფონდში გადარიცხული საკუთრება.
1920
ტიპი: ღონისძიება
1920 წლის 22 ივლისის „ერთობა“ იუწყება, რომ საქართველოს ფოსტა-ტელეგრაფის უფროსმა იტალიელ კოლეგას წერილით მიმართა, რომ მთავრობამ გადაწყვიტა საერთაშორისო საფოსტო კავშირში შესვლა და შვეიცარიის ფედერალური რესპუბლიკის მთავრობასთან დანიშნულ საქართველოს წარმომადგენელ სუმბათაშვილის ხელით მიმართვა გაუგზავნა ბერნის საფოსტო ბიუროს.
1920
ტიპი: ღონისძიება
1920 წლის 22 ივლისის „ერთობა“ იუწყება, რომ სპეციალისტების, სამთო ინჟინრებისაგან, შემდგარმა კომისიამ, სამთო სამმართველოს უფროსი ინჟინრის, იოსებ ყიფშიძის ხელმძღვანელობით, მოიარა ტყიბული ქვანახშირის მაღაროების ექსპლოატაციის პირობების შესასწავლად. იგი მოხსენებით წარდგა ვაჭრობა-მრეწველობის სამინისტროს წინაშე კომისიის მუშაობის შესახებ.
1917
ტიპი: ღონისძიება
1917 წლის 4 დეკემბრის გაზეთში „ხმა ქართველი ქალისა“ N32 დაიბეჭდა დაბა ზესტაფონის „ქალთა კავშირის“ სამადლობელი წერილი იმ პირთა მიმართ, რომლებმაც გაიღეს წვლილი მათ დასახმარებლად. შემომწირველთა სია: კ. მაჭარაძე, მელიტონ გაჩეჩილაძე, სუსლინი, მ. ჯაფარიძე, ალექსანდრე ვერგილაშვილი, კ. ცინაძე, დარიკო კელენჯერიძისა, ელენა გეწაძე, იოსებ გუნცაძე, ვ. წერეთელი, ა. გაბუნია, ი. მოწონელიძე, გვიჩია, ჭავჭავაძე, ჩიქოვანი, მელ. აბდალაძე, ზ. ხუნდაძე, ს. ხიდიბეგიშვილი, ს. გაჩეჩილაძე, კ. ჟღენტი, ს. მამალაძე, მ. გაჩეჩილაძე, ზაკო კობზირიძე, მ. ებანოიძე, ლ. ნიორაძე, დ. საკანდელიძე, ნ. საკანდელიძე.
1917
ტიპი: ღონისძიება
1917 წლის 4 დეკემბრის გაზეთში „ხმა ქართველი ქალისა“ (N32) დაიბეჭდა გაზეთის სასარგებლოდ სამტრედიელ შემომწირველთა სია: თამარა თევზაძე, ანეტა მამაგეიშვილი, მინიკა კოპალეიშვილისა, სოფიო ახობაძე, პავლე მეგრელიშვილი, ოლღა ხურცილავასი, ვლადიმერ ვოლკოვი, გაიოზ ჯვარშეიშვილი, ოლია კალანდაროვისა, თამარა ჩომახიძე, მარო ფარჩიძე, მარო კანდელაკისა, ივანე სპირიდონის ძე კანდელაკი, ფაქიზო ლორთქიფანიძისა, ა. ავალიანი, რუსუდან სტურუა, ელენე თევზაძე, ვერა მეგრელიშვილი, გუგულა ავალიანი, სოლომონ მიქელაძე, თინა მიქელაძე, ანეტა ავალიანი, ლენა ავალიანი, ნადია ებრაელიძე, ფატული კანდელაკი-ხელაია, მელანია ახობაძე, მ. ბერძნიშვილი, პლატონ სტურუა, ციცინა ტარძია, მარიამ დუნდუა.
1917
ტიპი: ღონისძიება
1917 წლის 4 დეკემბრის გაზეთში „ხმა ქართველი ქალისა“ (N32) დაიბეჭდა ელენა ჩიხლაძის მიერ გაზეთის სასარგებლოდ შეგროვებული ფულის შემომწირველთა სია: ქსენია კორძაია, სერგო კოსტავა, სალომე კოსტავა, ევა თედორაძე, ნინა რუხაძისა, მინადორა კოსტავა, აგრაფინა ჩიხლაძისა, მართა ზვიადაძე, ანიჩკა ჯავახაძე, ვერა სინაურიძე, ნინა შარაშენიძე, აგრაფინა ფურცხვანიძე, დესიკო შენგელია, საშა თედორაძე, ნესტორ სულაქვერიძე, ვასილი ტოტოჩია, ქსენია ბაქრაძე, ვერა ჟორჟოლაძე, ელენა ჩიხლაძე.
1917
ტიპი: ღონისძიება
1917 წლის 4 დეკემბრის გაზეთში „ხმა ქართველი ქალისა“ N 32 დაიბეჭდა ქუთაისის შემომწირველთა სია: ანა ვასილის ასული ერისთავისა, სოფიო ნიჟარაძე, ნინო კალანდარაშვილი, ოლინკა წულუკიძე, ქეთო ჩარკვიანისა, სანდრო მსხილაძე და გეორგაძისა.
1917
ტიპი: ღონისძიება
1917 წლის 4 დეკემბრის გაზეთის, „ხმა ქართველი ქალისა“ (N32) ცნობით, ლუბა კონდრატის ასულმა ჩაჩიბაიამ სოფ. კიწიიდან რედაქციის ფონდის გასაძლიერებლად შესწირა 8 მანეთი. ყველა შემომწირველს რედაქცია დიდ მადლობას უხდიდა.
1917
ტიპი: ღონისძიება
1917 წლის 4 დეკემბრის გაზეთში „ხმა ქართველი ქალისა“ N32 დაიბეჭდა ალექსანდრა გუნიას წერილი რედაქტორის მიმართ, რომელმაც გამოგზავნა დ. სუჯუნში გაზეთის სასარგებლოდ ქალების მიერ შეგროვებული ფული – 110 მან. 10 კაპ., დ. სუჯუნის ორკლასიანი სასწავლებლის მოწაფეების მიერ შეგროვებული ფული – 116 მან. 40 კაპ. და შემომწირველთა სია: ივანე, ლევანტი, მიხა, ქეთევან, დესპინა, ვარდიკო, კატო, ფედოსია, სევერიანე და მარო ნოდიები, კეკელა და იოსებ კუჭუხიძეები, ამბაკო ბარაბაძე, კაკო გუგულავა, სანდრო ჭანტურია, ვარდიკო ხოშტარია, ალექსანდრა გუნია, ნიკიფორე საბაშვილი, კუკულა მიხაილიშვილი, მატრონა დანელია, ვალენტინა ხონელიძე, მატრონა და კატო მიმინოშვილები, ანეტა და სოლომონ მატკავები და გრიგორი გვაზავა.
1917
ტიპი: ღონისძიება
1917 წლის 4 დეკემბრის გაზეთის „ხმა ქართველი ქალისა“ (N32) ცნობით, ანეპოდისტე (ვარლამ) სოლომონის ძე ახვლედიანმა რედაქციის ფონდის გასაძლიერებლად შესწირა 100 მან. პაპულა ნიკოს ძე აბაშიძემ – 10, ალექსანდრე ვლადიმერის ძე წერეთელმა – 3 მან., ნინო ფილიპოვამ – 5 მან.
1917
ტიპი: ღონისძიება
1917 წლის 4 დეკემბრის გაზეთში „ხმა ქართველი ქალისა“ N 32 გამოქვეყნდა კატო მიქელაძის „ჩემი სიტყვა, რომლის წარმოთქმის უფლება არ მომცა აკ. ჩხენკელმა ეროვნულ ყრილობაზე 20 ნოემბერს ქ. თბილისში“, რომელშიც ის ლაპარაკობს ქალთა სამოქალაქო და პოლიტიკურ უფლებებზე.
1917
ტიპი: ღონისძიება
1917 წლის 4 დეკემბრის გაზეთის, „ხმა ქართველი ქალისა“ N 32 ცნობით, 1-ლ დეკემბერს ქუთაისში ჯაჭვის ხიდთან მილიციელმა გურგენიძემ დააკავა 4 ფუთი შაქარი, რომელიც მიჰქონდა ვ. კაკიტელაშვილს. მან მილიციონერს ქრთამად 40 მანეთი მისცა, მაგრამ მან ფულიცა და შაქარიც სამილიციო ნაწილში წარადგინა.
1917
ტიპი: თანამდებობა
1917 წლის 4 დეკემბრის გაზეთის, „ხმა ქართველი ქალისა“ N32 ცნობით, ქუთაისის ქალაქის გამგეობის ახლად არჩეული წევრი ვ. მოსიძე თავის მოვალეობის შესრულებას შეუდგა.
1917
ტიპი: ღონისძიება
1917 წლის 4 დეკემბრის გაზეთის, „ხმა ქართველი ქალისა“ N32 ცნობით, 3 დეკემბერს ქუთაისის საგუბერნიო სასურსათო სამმართველომ მიიღო 8 ვაგონი შეშა.
1917
ტიპი: ღონისძიება
1917 წლის 4 დეკემბრის გაზეთის, „ხმა ქართველი ქალისა“ N32 ცნობით, 3 დეკემბერს ქუთაისის საგუბერნიო სასურსათო სამმართველომ მიიღო 3 ვაგონი შაქარი. 4 ვაგონი შაქარი ჩავიდა ფოთში, მაგრამ იქიდან მუშების გაფიცვის გამო გადმოგზავნა ვერ მოხერხდა.
1917
ტიპი: ღონისძიება
1917 წლის 4 დეკემბრის გაზეთის, „ხმა ქართველი ქალისა“ N32 ცნობით, ქუთაისის ქალაქის სასურსათო კომიტეტმა დაადგინა, რომ მოსალოდნელ შიმშილობასთან და პურის შემოზიდვის შეწყვეტასთან დაკავშირებით პურის ნორმა შემცირდეს ნახევარ გირვანქამდე. 5 დეკემბრიდან თითო სულზე ნახევარი გირვანქა პური გაეცემა, ფიზიკურად მომუშავეებს კი 1,5 გირვანქა მიეცემათ.
1917
ტიპი: ღონისძიება
1917 წლის 4 დეკემბრის გაზეთის, „ხმა ქართველი ქალისა“ N32 ცნობით, 4 დეკემბერს მოხდება ქუთაისის გუბერნიის აღმასრულებელი კომიტეტის მორიგი კრება, სადაც გაირჩევა საკითხი ქუთაისის გუბერნიაში ერობის შემოღების თაობაზე. კრებას მაზრების წარმომადგენლებიც დაესწრებიან.
1917
ტიპი: ღონისძიება
1917 წლის 23 ნოემბერს ქ. ქუთაისში გაზეთის „ხმა ქართველი ქალისა“ რედაქციის (რედაქტორი კატო მიქელაძე) ფონდის და ქალთა კლუბის სასარგებლოდ გაიმართა ყულაბებით ფულის შეგროვება. შეგროვდა 2057 მანეთი და 77 კაპიკი.
1917
ტიპი: ღონისძიება
1917 წლის 4 დეკემბრის გაზეთის, „ხმა ქართველი ქალისა“ N32 ცნობით, 7 დეკემბერს ეკატერინე გაბაშვილისა და დარია ახვლედიანის თაოსნობით ქ. თბილისში გაზეთის „ხმა ქართველი ქალისა“ სასარგებლოდ ქართველ მწერალ და მსახიობ ქალთა საღამო გაიმართებოდა.
1917
ტიპი: ორგანიზაცია
1917 წლის 16 ნოემბერს ქუთაისის საერთო ქალთა პოლიტიკური კლუბის მიერ მოწვეულ კრებაზე მარიამ ყაუხჩაშვილის გიმნაზიის დარბაზში 19 ნოემბრის ეროვნულ ყრილობაზე თბილისში გასაგზავნად დელეგატად აირჩიეს კატო ნიკოლაძე, მის კანდიდატად კატო მიქელაძე. პირველის ავადმყოფობის გამო ყრილობას დაესწრო კატო მიქელაძე.
1917
ტიპი: ღონისძიება
1917 წლის 4 დეკემბრის გაზეთის, „ხმა ქართველი ქალისა“ N32 ცნობით, ყოფილი იმპერატორის, ნიკოლოზ რომანოვის იაპონიაში გაქცევის ამბავი ტყუილი გამოდგა. მის დასაცავად ტობოლსკში წითელი გვარდია გაიგზავნა, უკანასკნელი ცნობებით, მისი ოჯახი კრონდშტატში გადაჰყავთ.
1917
ტიპი: ღონისძიება
1917 წლის 4 დეკემბრის გაზეთის, „ხმა ქართველი ქალისა“ N32 ცნობით, სროლის გამო ქ. თბილისი შიშმა მოიცვა, დაიხურა მაღაზიები, ქუჩებში შეიარაღებული რაზმი დადიოდა, სასახლის წინ ტყვიამფრქვევები იდგა, მცხოვრებთ თავდასაცავად იარაღი დაურიგეს. სასახლეს გარედან იცავდა სამხედრო რაზმი პოლკოვნიკ სტეფანე ახმეტელაშვილის ხელმძღვანელობით.
1917
ტიპი: ავტორობა
1917 წლის 4 დეკემბრის (N32) გაზეთში „ხმა ქართველი ქალისა“ გამოქვეყნდა მარიამ ლიშნევსკაიას „ეკონომიკური რეფორმა შეუღლებისა“, გერმანულიდან თარგმნილი მ. როგოვიჩის მიერ. ავტორი წერს ბავშვის აღზრდასა და განსაკუთრებით მისი სოციალიზაციის („სოციალური პედაგოგიკა“) მნიშვნელობაზე (საბავშვო ბაღები, საზოგადო სკოლები და ა. შ.).
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -