1919

ტიპი: ავტორობა

1919 წლის 10 მაისს რაჭის სამაზრო გამგეობის წევრი მალაქია გობეჯიშვილი ონიდან სწერს განათლების სამინისტროს, რომ აუცილებელია სკოლების გახსნა მაზრის შემდეგ სოფლებში: ლიხეთი, მაჟიეთი, ღარი, შეუბანი, ზემო ბარი, ხარისთვალი, სამთისი. ხელს აწერს საქმისმწარმოებელი ა. მეტრეველი.

1961

ტიპი: ღონისძიება

1961 წლის ზაფხულში თამაზ კალანდაძის მამის პორტრეტი, რომელიც მოსკოვიდან გამოგზავნილმა მხატვარმა დახატა, მოსკოვის სასოფლო სამეურნეო გამოფენაზე იყო წარმოდგენილი.

1919

ტიპი: ავტორობა

1919 წლის 10 მაისს რაჭის სამაზრო გამგეობის წევრმა მაქსიმე გობეჯიშვილმა ონიდან განათლების სამინისტროს მისწერა, რომ აუცილებელია სკოლების გახსნა მაზრის სოფლებში, ესენია: ბაჯისხევი, ჩორდი, ჟაშვა, ჭალა, სევა, ურავი, ხიმში, ფუტიეთი. ხელს აწერს საქმისმწარმოებელი ა. მეტრეველი.

1962

ტიპი: ავტორობა

1962 წლის 5 თებერვალს ქრისტინე შარაშიძემ ევგენი ხარაძეს მისწერა, რომ ავადმყოფობის გამო სამხრეთ საქართველოს შესახებ თავისი ნაშრომის რამდენიმე ფურცელი ნაჩქარევად დაწერა და მათი დაბრუნება სთხოვა შესამოწმებლად და შესავსებად, წინააღმდეგ შემთხვევაში, მათ დაბეჭდვას მიზანშეწონილად არ მიიჩნევდა.

1970

ტიპი: პირადი ინფორმაცია

ქრისტინე შარაშიძის მიერ ევგენი ხარაძისადმი მიწერილი წერილის მიხედვით, თამაზ კალანდაძის მამა (გარდაიცვალა 1958 წელს) ჩაქვის ჩაის მეურნეობის მთავარი აგრონომი, სოციალისტური შრომის გმირი, ორგზის ლენინის ორდენოსანი და მოსკოვის სასოფლო – სამეურნეო გამოფენის ორგანიზატორი იყო.

1919

ტიპი: ავტორობა

1919 წლის 10 მაისს გამგეობის წევრმა მალაქია გობეჯიშვილმა განათლების სამინისტროს ონიდან მისწერა, რომ რაჭის მაზრაში 4 უმაღლესი პირველდაწყებითი და 61 პირველდაწყებითი სკოლა იყო, სადაც 124 მასწავლებელი მუშაობდა. წერილს ხელმოწერით ადასტურებს მეტრეველი.

1962

ტიპი: ავტორობა

1962 წლის 5 თებერვალს ქრისტინე შარაშიძემ ევგენი ხარაძეს ნათესავის, თამაზ კალანდაძის, ჰიდრომეტეოროლოგიის დარგიდან გეოლოგიურზე გადაყვანა სთხოვა.

1919

ტიპი: ავტორობა

1919 წლის 3 მაისს რაჭის სამაზრო-საერობო გამგეობის წევრმა მალაქია გობეჯიშვილმა განათლების სამინისტოს აცნობა, რომ მაზრაში სამეურნეო-ტექნიკური სასწავლებელი არ იყო.

1919

ტიპი: ავტორობა

1919 წლის 3 მაისს რაჭის სამაზრო-საერობო გამგეობის წევრი მალაქია გობეჯიშვილი განათლების სამინისტროს აწვდის ცნობას, რომ მაზრის მცხოვრებთა საერთო რიცხვია 89987, სასკოლო ასაკის ყმაწვილების (ორივე სქესის) რიცხვი შეადგენს 8238-ს, სკოლაში არის 4536 ბავშვი, სკოლის გარეთ – 3702.

1919

ტიპი: ავტორობა

1919 წლის 3 მაისს რაჭის სამაზრო-საერობო გამგეობის წევრი მალაქია გობეჯიშვილი ონიდან პასუხობს განათლების სამინისტროს, რომ დაბალი საფეხურის სასწავლებელი ბავშვს უნდა აძლევდეს საზოგადო განათლებას, რადგან სპეციალური ცოდნის მიღება 7-10 წლის ბავშვისთვის შეუძლებელია. სწავლა 3 წელი უნდა გრძელდებოდეს პირველდაწყებით სკოლაში, ხოლო 4 წელი – უმაღლეს პირველდაწყებით სკოლაში.

1962

ტიპი: ღონისძიება

ქრისტინე შარაშიძემ თამაზ კალანდაძეს ევგენი ხარაძესთან გაატანა 1962 წლის 5 თებერვლით დათარიღებული წერილი და თავისი ნაშრომი სამხრეთ საქართველოს შესახებ.

1919

ტიპი: ღონისძიება

მთავარგამგე ჭუმბურიძე 1919 წლის 16 მაისს ცაგერში მითაიშვილს სწერს, რომ, ცირკულარის თანახმად, სასწავლო წელი 31 მაისს უნდა დასრულდეს, განსაკუთრებული პირობების გამო შესაძლებელია მოსწავლეთს ადრე დათხოვნაც.

1919

ტიპი: ღონისძიება

1919 წლის 11 აპრილს განათლების სამინისტრომ თბილისიდან ონში დეპეშით აცნობა რაჭის ერობის გამგეობას, დირექტორ ბერიძეს, რომ 75 ათასი მანეთს უგზავნიან ქალაქისა და სოფლის მასწავლებლების ხელფასებით დასაკმაყოფილებლად.

1919

ტიპი: ღონისძიება

1919 წლის 13 მაისს ლეჩხუმის სამაზრო საერობო გამგეობის თავმჯდომარე ალექსანდრე მითაიშვილმა ცაგერიდან განათლების მინისტრ გიორგი ლასხიშვილს აცნობა, რომ ტიფის გამო სკოლებში მოწაფეთა რიცხვი შემცირდა, დარჩენილებსაც ეშინიათ, და მშობლები, მასწავლებლები სწავლის დროებით შეწყვეტას ითხოვენ.

1920

ტიპი: ღონისძიება

1920 წლის 7 ოქტომბერს ახალციხის მაზრის სოფელ ქვაბისხევის კომისარი ერასტი მაისურაძე ესწრებოდა ამავე სოფლის მცხოვრებთა კრებას, რომელიც გაიმართა ეკლესიის ეზოში. კრებას ესწრებოდა სოფლის დაახლოებით 30 მცხოვრები. განიხილეს სკოლებში საღვთო სჯულის აღდგენის საკითხი. მათი აზრით, აღნიშნული საგნის ამოღება ვნებდა ბავშვების ზნეობრივ განვითარებას. ერთხმად დაადგინეს, რომ თავიანთ მოთხოვნას წარუდგენენ დამფუძნებელ კრებას და გაზეთ „საქართველოს რესპუბლიკის“ რედაქციას. ისინი მოითხოვდნენ საგნის დაუყოვნებლივ შემოღებას განახლებული პროგრამით.

1920

ტიპი: ღონისძიება

1920 წლის 7 სექტემბერს საქართველოს განათლების სამინისტრომ მთავრობის საქმეთა მმართველობას დაუბრუნა კათალიკოს-პატრიარქ ლეონიდეს შუამდგომლობა სკოლებში საღვთო სჯულის აღდგენის შესახებ განმარტებით, რომ 1918 წლის 22 ნოემბერს მიღებული კანონის თანახმად, ყველა ტიპის და საფეხურის სახაზინო და კერძო სკოლაში გაუქმდა საღვთო სჯულის სწავლება, ამიტომ შეუძლებლად მიაჩნდა ამ საკითხზე შუამდგომლობის დაკმაყოფილება.

1919

ტიპი: ღონისძიება

1919 წლის 8 აპრილს ხობის მაცხოვრის კარის ეკლესიის ეზოში მღვდელ იოანე კანდელაკის თავმჯდომარეობით შედგა სამრევლოს კრება სასწავლებლებში საღვთო სჯულის სწავლებისა და სამღვდელოების ნივთიერად უზრუნველყოფის შესახებ. საქართველოს დამფუძნებელ კრებას სთხოვეს, საღმრთო სჯული სავალდებულო საგნად მიეღოთ და სამღვდელოების შენახვაზე სახელმწიფოს ეზრუნა. მათი თქმით, ეკლესია სახელმწიფოსგან განცალკევებული არ უნდა ყოფილიყო.

1918

ტიპი: ღონისძიება

1918 წლის 23 დეკემბერს ქუთაისის ვაჟთა 1-ლ გიმნაზიაში მღვდელ ნ. აბესაძის თავმჯდომარეობით გაიმართა მშობელთა კრება. მშობლები ითხოვდენენ საღვთო სჯულის სწავლების აღდგენას თუნდაც არასავალდებულოდ. მათ განცხადებით, სკოლებში შექმნილი იყო ანარქიული სიტუაცია, ბავშვების სწავლისადმი დამოკიდებულება გახდა ინდიფერენტული და თვითნებურად ხდებოდა სწავლის მიტოვება. მშობლები ქრისტიანულ სწავლებას თვლიდნენ სავალდებულოდ, ითხოვდნენ მის სწავლებას სურვილისამებრ და ჯამაგირის გადახდას სწავლის ქირის თანხიდან. კრებაზე გადაწყდა, რომ სანამ მთავრობა გამოსცემდა რაიმე წიგნს ეთიკის დარგიდან, განეხილათ ეს საკითხი.

1931

ტიპი: ღონისძიება

1931 წელს ქრისტინე შარაშიძე მიიწვიეს გიორგი ნიკოლაძის ხსოვნის აღსანიშნავ საღამოზე, რომელიც ამავე წლის 29 ნოემბერს სახელმწიფო კონსერვატორიის დარბაზში იმართებოდა. მოსაწვევს საქართველოს გეოგრაფიული საზოგადოების მდივანმა ბესარიონ ყავრიშვილმა და მთასვლა-მგზავროსნობის განყოფილების მდივანმა ი. ლუკაშვილმა მოაწერეს ხელი.

ტიპი: ღონისძიება

ვანო და გაიანე დავითაშვილების ორივე ვაჟი ომში დაიღუპა. არჩილის საფლავი ვერ მოიძებნა, მარლენი კი უკრაინაში დაკრძალეს.

ტიპი: ავტორობა

მარლენ დავითაშვილის თანამებრძოლმა მარლენის მშობლები შვილის საფლავის სანახავად უკრაინაში მიიწვია.

1918

ტიპი: ღონისძიება

1918 წლის 30 ნოემბრის მთავრობის სხდომაზე მოისმინეს განათლების მინისტრის გამოსვლა ცხინვალში სახელმწიფო ხარჯებით გიმნაზიის გახსნის შესახებ.

1918

ტიპი: ღონისძიება

1918 წლის 30 ნოემბრის მთავრობის სხდომაზე მოისმინეს მთავრობის საქმეთა მმართველ ს. ჯაფარიძის მოხსენება სკოლების ეროვნულ საფუძველზე მოწყობის კანონპროექტის პარლამენტში წარდგენაზე, რაც ზედმეტად ჩათვალეს კანონპროექტის დეკლარაციული ხასიათის გამო.

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს განათლების მინისტრის მოხსენება შტატგარეშე დარჩენილ მოსამსახურეთა სალიკვიდაციო ფულით დაკმაყოფილების შესახებ. ამისთვის მინისტრს გაუხსნეს 58 610 მან. კრედიტი.

1918

ტიპი: ღონისძიება

1918 წლის 28 ნოემბრის მთავრობის სხდომაზე მოისმინეს განათლების მინისტრის გიორგი მიხეილის ძე ლასხიშვილის მოხსენება განსვენებული ალექსი ბესარიონის ძე ჭიჭინაძის მეუღლის ეფროსინე იაკობის ასული ჭიჭინაძისთვის 3 ათასი მანეთის დახმარების აღმოჩენის შესახებ. მას დახმარებაზე უარი ეთქვა.