რეგისტრირებული ფაქტები82566
სორტირება ახალი ჩანაწერების მიხედვით
1935
ტიპი: ავტორობა
ვალ. მგალობლიშვილის სტატიაში, „ლიტერატურული მემკვიდრეობის შეფასებისათვის“, გაკრიტიკებულია ის ავტორები, რომლებიც „სთესდნენ სიძულვილს ქართველი კლასიკოსების მიმართ“. ისინი ქართული ლიტერატურის ძეგლების შეფასებისას იშველიებდნენ ჩვენი პარტიული კრიტიკის წარმომადგენლების და კერძოდ, ამხ. ფ. მახარაძის შრომებს ლიტერატურის საკითხებზე. იმ შრომებს, სადაც არასწორი, არსებითად ლიკვიდატორული აზრებია გამოთქმული ქართველ კლასიკოსებზე.
1935
ტიპი: თანამდებობა
1935 წელს ამიერკავკასიის რკინიგზის პოლიტგანყოფილების უფროსს, პავერმანს დაევალა განეხილა გაზეთ „სტალინური ლოკომოტივის“ რედაქტორის საკითხი, რომელმაც დაუშვა ისეთი გაზეთის გავრცელება, რომელშიც სტალინის სიტყვა დამახინჯებული იყო.
1935
ტიპი: ღონისძიება
1935 წლის 2 დეკემბერს მ. გობეჩიას თავმჯდომარეობით სტახანოვური მოძრაობის თაობაზე გამართულ თათბირს ესწრებოდნენ: ვ. ბაქრაძე, ყუჯიაშვილი, აფრიაშვილი, ვ. მაჭავარიანი, ბარქაია, თოთიბაძე, პუგაჩოვი, სიტნიკოვი, ახალაძე, ჯავარიძე, კარაპეტიანი, მურადოვი და შარია.
1935
ტიპი: ღონისძიება
1935 წელს, სსრკ-ის ცენტრალური აღმასრულებელი კომიტეტის დადგენილებით, საბჭოთა კავშირის მარშლის წოდება მიენიჭათ კლიმენტი ვოროშილოვს, მიხეილ ტუხაჩევსკისა და ალექსანდრე ეგოროვს.
1927
ტიპი: თანამდებობა
1927 წელს ტევფიკ ბეი გახდა ოსმალეთის რესპუბლიკის სრულუფლებიანი წარმომადგენელი საქართველოში.
1927
ტიპი: თანამდებობა
1927 წელს სარგის კაკაბაძე სიძველეთა ხელოვნებისა და ბუნების ძეგლთა დაცვის განყოფილების ინსტრუქტორად მუშაობდა.
1927
ტიპი: თანამდებობა
1927 წელს სტეფანე იოხამის ძე ბროდოვსკი გერმანიაში საბჭოთა საქართველოს წითელი ჯვრის ორგანიზაციას წარმოადგენდა.
1927
ტიპი: თანამდებობა
1927 წელს პ. მეგრელიშვილი იყო საქართველოს სსრ სახალხო კომისართა საბჭოს საქმეთა მმართველი, ხოლო სიმონ ჯუღელი – მოადგილე.
1935
ტიპი: ღონისძიება
1935 წლის 3 ნოემბერს გამართულ თბილისის რკინიგზის კვანძის სტახანოველთა პირველ შეკრებას ესწრებოდნენ: ჭიჭინაძე, ნალიაპინი, მამულაშვილი, ნეფარეიშვილი, კიკნაძე და შიმანსკი. ჩამოვიდნენ ბაქოსა და კიროვობადის დელეგაციები. შეკრება გახსნა დარსაძემ, სიტყვით გამოვიდა პავერმანი.
1935
ტიპი: ღონისძიება
1935 წლის შემოდგომაზე ქართველმა მწერლებმა – პაოლო იაშვილმა, ტიციან ტაბიძემ, გალაკტიონ ტაბიძემ, მიხეილ ჯავახიშვილმა, შალვა დადიანმა და კონსტანტინე ლორთქიფანიძემ – ამიერკავკასიის დეპეშათა სააგენტოს თანამშრომელს გააცნეს ახალი შრომები, რომლებსაც ისინი რევოლუციის 18 წლისთავისთვის ამზადებდნენ და გეგმების შესახებაც ისაუბრეს.
1935
ტიპი: პირადი ურთიერთობა
1935 წლის 17 ოქტომბერს ი. სტალინი თბილისში დედის სანახავად ჩავიდა, მთელი დღე მასთან გაატარა, ღამით კი მოსკოვში გაემგზავრა.
1935
ტიპი: თანამდებობა
1935 წლის 6 ოქტომბერს ასტახოვმა საგარეო საქმეთა სახალხო კომისარიატის რწმუნებულის შენობაში გამართა სადილი გერმანიის ელჩის პატივსაცემად. ელჩმა თბილისი დაათვალიერა და 8 ოქტომბერს ერევანს გაემგზავრა.
1935
ტიპი: თანამდებობა
1935 წლის 5 ოქტომბერს თბილისში ჩამოვიდა გერმანიის ელჩი სსრ კავშირში გრაფი ფონ-დერ შულენბურგი.
1935
ტიპი: ორგანიზაცია
1935 წლის შემოდგომაზე ხონის პარტორგანიზაციის დოკუმენტების შემოწმებისას აღმოაჩინეს, რომ ყოფილი ტროცკისტი დავით ხუროძე პარტიას წარსულს უმალავდა და ის პარტიიდან გარიცხეს.
1935
ტიპი: ღონისძიება
12-დან 16 სექტემბრამდე ფრუნზეს სახელობის ქართული მსროლელი დივიზიის მეორე შეერთებულმა ათასეულმა უაღრესად რთულ პირობებში, სრული აღჭურვილობით დალაშქრა ყაზბეგის მწვერვალი და მასზე აღმართა ამხ. სტალინის ბიუსტი. სრულიად საქართველოს ცაკ-მა და საქ. სსრ სახკომსაბჭომ დაადგინა: 1. გამოეცხადოს მადლობა ათასეულის მთელ შემადგენლობას 2. მწვერვალის დაძლევის ის მონაწილეები, რომელთაც განსაკუთრებით გამოიჩინეს თავი, დააჯილდოვეს საქართველოს ცენტრალური აღმასრულებელი კომიტეტის სიგელითა და ფულადი პრემიით.
1935
ტიპი: ორგანიზაცია
1935 წლის 25 ივნისს საბჭოთა სოციალისტური რესპუბლიკების კავშირის (სსრკ) ცენტრალური აღმასრულებელი კომიტეტის პრეზიდიუმმა დაადგინა, რომ დაეკმაყოფილებინა ყოფილი პოლიტკატორღელებისა და გადასახლებულთა საზოგადოების საბჭოს პლენუმის 23 ივნისის გადაწყვეტილება საზოგადოების ლიკვიდაციასთან, მისი ქონების გადაცემასთან და საზოგადოების ყოფილი წევრებისათვის შემდგომი სახელმწიფო დახმარების ფორმათა საკითხის დამუშავებასთან დაკავშირებით, რის გამოც შექმნა კომისია, რომლის წევრებიც იყვნენ: ი. აკულოვი (თავმჯდომარე), ნიკოლაი ივანეს ძე ეჟოვი, კოროჩკინი, ემელიან მიხეილის ძე იაროსლავსკი, იაკობ ქრისტეფორეს ძე პეტერსი, იოსებ ალექსის ძე ნაგოვიცინი.
1935
ტიპი: თანამდებობა
1935 წლის 8 იანვარს გამართულ ალკკ მე-11 მოწვევის ცენტრალური კომიტეტის მე-6 პლენუმზე საქართველოს ალკკ-ის ცენტრალური კომიტეტის პირველ მდივნად აირჩიეს აკ. მგელაძე, მეორე მდივნად – ს. გოგუაძე, ცკ-ის ბიუროში კი – ვ. ბაქრაძე, მ. გიორგობიანი, აკ. მგელაძე, ს. გოგუაძე, ნ. მაისურაძე, კ. შენგელია, ა. გველესიანი, ა. ჭანტურია, ვ. დევაძე.
1935
ტიპი: თანამდებობა
1935 წლის 3 იანვარს გამართულ თბილისის საბჭოს მე-9 მოწვევის პირველი პლენუმის სხდომაზე აირჩიეს საქმიანი პრეზიდიუმი შემდეგი შემადგენლობით: ლ. ბერია, აგრბა, კუდრიავცევი, მუსაბეკოვი, ფ. მახარაძე, ვ. ბაქრაძე, გ. მგალობლიშვილი, ს. ჯუღელი, გ. არუთინოვი, გ. სტურუა, მ. გობეჩია, პ. აღნიაშვილი, ლევანდოვსკი, გოგლიძე, მ. ყურულაშვილი, თვალჭრელიძე, ს. არუთინოვი, ჩიხლაძე, მ. ტოროშელიძე, ტრადატიანი და სხვ. სულ აირჩიეს 43 პირი.
1935
ტიპი: ნასამართლეობა
1935 წლის 31 აგვისტოს ნიკიტჩენკოს თავმჯდომარეობით სსრკ-ის უზენაესი სასამართლოს სამხედრო კოლეგიის გამსვლელმა სესიამ დაიწყო თეთრგვარდიელების – ი. ვ. კობილკინის, ე. ლ. პერელადოვისა და ვ. ვ. ოლეინიკოვის – სასამართლო პროცესი. ისინი დივერსიული საქმიანობის ბრალდებით სსრკ-ის ტერიტორიაზე მანჯურიიდან შემოპარვისთვის დააკავეს.
1935
ტიპი: გარდაცვალება
1935 წლის 9 აგვისტოს მომხდარი ავტოავარიის შედეგად მეტის რაიონში (საფრანგეთი) გარდაიცვალა სსრ კავშირის სრულუფლებიანი წარმომადგენლობის მრჩეველი საფრანგეთში, ამხანაგი დივილოვსკი.
1935
ტიპი: გარდაცვალება
1935 წლის აგვისტოში გარდაიცვალა საკავშირო კომუნისტური პარტიის (ბ) ცენტრალურ კომიტეტთან არსებული პარტიული კონტროლის კომისიის წევრი ტროფიმე კუბარი.
1935
ტიპი: ღონისძიება
1935 წლის 21-22 ივლისს ლავრენტი ბერიამ თბილისის პარტიული აქტივის კრებაზე კომუნისტური პარტიის ისტორიის შესწავლის აუცილებლობაზე ილაპარაკა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -