1919

ტიპი: თანამდებობა

1919 წელს სერგო ჩერეპნოვი გურიის სამომრიგებლო ოლქის ყრილობის მდივანი იყო.

1919

ტიპი: ავტორობა

1919 წლის 5 სექტემბრის გაზეთ „საქართველოს რესპუბლიკის“ ცნობით, გენერალმა ალექსანდრე ზაქარიაძემ სანაპირო ჯარებს ნატანებიდან დაბრუნების შესახებ აცნობა.

1919

ტიპი: ავტორობა

1919 წლის 5 სექტემბრის გაზეთ „საქართველოს რესპუბლიკის“ ცნობით, სამხედრო მინისტრის ნოე ბესარიონის ძე რამიშვილის ბრძანებით ყველა ჯარისკაცი, რომელიც დაკავებული იყო სამსახურში გენერალური შტაბის 2 ივნისის დეპეშის საფუძველზე, პირველი სექტემბრიდან თანდათანობით გათავისუფლდებოდნენ.

1919

ტიპი: ღონისძიება

1919 წლის აგვისტოში რესპუბლიკის საზღვრებიდან გასასვლელი მოწმობების გაცემის უფლება შინაგან საქმეთა მინისტრმა ნოე რამიშვილმა თბილისის მილიციის უფროსს, ვლადიმერ სულაქველიძეს მიანიჭა.

1919

ტიპი: თანამდებობა

1919 წელს ქალაქის საბჭოს სხდომაზე სამ ხმოსანს სოციალ-დემოკრატების სიიდან უფლებამოსილება შეუჩერეს, რადგან 6 თვის განმავლობაში საბჭოში არ გამოცხადებულან. მათი ადგილი დაიკავეს კავკასიძემ, ჰუსეინ მამედოვმა და ვადაჭკორიამ.

1919

ტიპი: ნასამართლეობა

1919 წლის 21 აგვისტოს გაზეთ „საქართველოს რესპუბლიკის“ ცნობით, მექი კედიამ დაიჭირა პანაიტ აკრიტოსი, რომელიც ბერძენ მოსახლეობაში საქართველოს რესპუბლიკის წყობილების საწინააღმდეგო აგიტაციას ეწეოდა.

1919

ტიპი: ნასამართლეობა

1919 წლის 21 აგვისტოს გაზეთ „საქართველოს რესპუბლიკის“ ცნობით, შინაგან საქმეთა სამინისტროსთან არსებულმა საგანგებო რაზმმა სტამბა „ეკონომიაში“ აღმოაჩინა ბოლშევიკური ბროშურები, პროკლამაციები და მოწოდებები ქართულ და რუსულ ენებზე. ბროშურების რაოდენობა დაახლოებით 5 ფუთი იყო. ბროშურებს კონფისკაცია გაუკეთეს, ხოლო ავაკ აკოპოვი დააპატიმრეს.

1919

ტიპი: მფლობელობა

1919 წელს ავაკ აკოპოვს ეკუთვნოდა სტამბა „ეკონომია“.

1919

ტიპი: ავტორობა

1919 წლის 6 სექტემბრის გაზეთ „საქართველოს რესპუბლიკის“ ცნობით, ფინანსთა და ვაჭრობა-მრეწველობის მინისტრის ამხანაგმა, სიმონ ლუკას ძე ავალიანმა კავკასიურ-ევროპული ბანკის (ყოფილი „ფრიდონოვისა და ამხანაგობის“) წესდება დაამტკიცა.

1919

ტიპი: ღონისძიება

1919 წლის 23 აგვისტოს, 12 საათზე, თბილისიდან ერევანში სწრაფი მატარებლით გაემგზავრნენ ამერიკის მისიის წევრები პოლკოვნიკ უილიამ ჰასკელის მეთაურობით. სადგურ კობამდე ისინი გზათა სამინისტროს დეპარტამენტის დირექტორმა ბესარიონ ალექსის ჭიჭინაძემ და მოძრაობის უფროსმა გ. ა. აბელოვმა გააცილეს.

1919

ტიპი: ღონისძიება

1919 წლის აგვისტოში თბილისის სახელმწიფო უნივერსიტეტში აკაკი შანიძემ არაბული ენის ლექციების კითხვა განაახლა.

1919

ტიპი: ღონისძიება

1919 წლის 20 აგვისტოს, 10 საათზე, პოლკოვნიკი უილიამ ჰასკელი ოფიციალური ვიზიტით ეწვია ევგენი გეგეჭკორს. ვიზიტის შემდეგ სტუმარმა სასახლე დაათვალიერა და კმაყოფილი დარჩა.

1919

ტიპი: ავტორობა

1919 წლის 19 აგვისტოს გაზეთ „საქართველოს რესპუბლიკის“ ცნობით, შინაგან საქმეთა მინისტრ ნოე ბესარიონის ძე რამიშვილის განკარგულებით, ყალბი ცნობების გავრცელების გამო გაზეთ „კავკაზსკოე სლოვოს“ გამოცემა შეჩერდა.

1919

ტიპი: გარდაცვალება

1919 წლის 21 აგვისტოს გაზეთ „საქართველოს რესპუბლიკის“ ცნობით, სახალხო გვარდიის ყარაულებმა მოკლეს გრ. ჩხეიძე.

1919

ტიპი: ავტორობა

1919 წლის 22 აგვისტოს გაზეთ „საქართველოს რესპუბლიკის“ ცნობით, მთავრობის სხდომაზე შრომის მინისტრმა ნოე გიორგის ძე ხომერიკმა მოხსენება წაიკითხა მუშათა მდგომარეობის გაუმჯობესების შესახებ.

1919

ტიპი: ავტორობა

1919 წლის 22 აგვისტოს გაზეთ „საქართველოს რესპუბლიკის“ ცნობით, მთავრობის სხდომაზე გზათა დეპარტამენტის დირექტორმა ბესარიონ ჭიჭინაძემ მუშათა მდგომარეობის გაუმჯობესების შესახებ მოხსენება წაიკითხა.

1919

ტიპი: ავტორობა

1919 წლის 16 აგვისტოს გაზეთ „საქართველოს რესპუბლიკის“ ცნობით, გაზეთ „გრუზიაში“ სისტემატურად დაბეჭდილი შუღლის გამაღვივებელი სტატიების გამო შინაგან საქმეთა მინისტრის ამხანაგმა ნიკოლოზ ჭიჭინაძემ გაზეთის და სტამბის დახურვის გადაწყვეტილება მიიღო.

1919

ტიპი: ნასამართლეობა

1919 წლის 19 აგვისტოს გაზეთ „საქართველოს რესპუბლიკის“ ცნობით, სისხლის სამართლის მილიციამ სასტუმრო „ნოეში“ დააპატიმრა ცნობილი ქურდი ვლადიმერ გონჩაროვი. ის თბილისის ციხეში ჩასვეს.

1919

ტიპი: სახელი

ქურდ ვლადიმერ გონჩაროვის ზედმეტსახელი იყო „ვალოდკა ციგანი“.

1918

ტიპი: ავტორობა

1918 წლის 31 მაისის გაზეთ „საქართველოს“ ცნობით, ინგუშთა ეროვნული საბჭოს თავმჯდომარე ზაბალიევმა მთავრობას დეპეშით შეატყობინა, რომ ინგუშთა ეროვნული საბჭო ყველა ზომებს იღებდა საქართველოს სამხედრო გზით მიმავალ ლტოლვილთა გასაშვებად. საბჭო სთხოვდა მთავრობას, რომ აღარ გაეგზავნათ იქ ლტოლვილები, რადგან მათ გადაყვანას ვეღარ უზრუნველყოფდნენ.

1918

ტიპი: გარდაცვალება

1918 წლის მაისში კოსტინი, ქართული მსროლელთა დივიზიის უფროსი, ლანჩხუთის საველე ტელეგრაფის ოთახში მოკლეს. მკვლელი დაიჭირეს.

1919

ტიპი: ავტორობა

1919 წლის 9 სექტემბრის გაზეთ „საქართველოს რესპუბლიკის“ ცნობით, შინაგან საქმეთა სამინისტრომ ახალქალაქის მაზრაში მილიციის განყოფილება დააარსა. ხარჯებისა და შტატების შესახებ დეკრეტის შედგენა დამფუძნებელ კრებაში წარსადგენად შინაგან საქმეთა მინისტრ ნოე ბესარიონის ძე რამიშვილს დაევალა.

1918

ტიპი: ავტორობა

1918 წლის 1-ელი ივნისის გაზეთ „საქართველოს“ ცნობით, აღმასრულებელი კომიტეტის სხდომაზე სახალხო გვარდიის უფროსმა ვალიკო ჯუღელმა სოხუმში განვითარებულ მოვლენებთან დაკავშირებით მოხსენება წაიკითხა. მისი თქმით, ქართულ მხარეს და იმ ბოლშევიკებს შორის, რომლებიც აფხაზეთიდან ცდილობდნენ ამიერკავკასიაში შემოსვლას, მოხდა შეტაკება და ქართულმა მხარემ მოწინააღმდეგე დაამარცხა.

1918

ტიპი: ღონისძიება

1918 წლის მაისში აზერბაიჯანის მთავრობის მეთაური ფათალი ხან ხოისკი ამიერკავკასიის სათათრეთის სახელით საქართველოს დამოუკიდებლობას მიესალმა.

ტიპი: ღონისძიება

დღის პირველ საათზე საქართველოს კათალიკოს პატრიარქმა კირიონ II-მ, თბილელი მიტროპოლიტი ლეონიდეს, ურბნელი დავითის და თბილელი სამღვდელოების თანამწირველობით, სამადლობელი პარაკლისი გადაიხადა სიონის ტაძარში საქართველოს დამოუკიდებლობის გამო.