საქართველოს პროსოპოგრაფია

ფაქტები

რეგისტრირებული ფაქტები89731

1910

ტიპი: ღონისძიება

1910 წლის 11 მარტის გაზეთ „ახალი სხივის“ ცნობით, ავჭალის N34-ში კბილის ექიმი რომანაშვილ-დგებუაძისა პაციენტებს 2-დან 6 საათამდე იღებდა.

1910

ტიპი: ავტორობა

1910 წლის 11 მარტის გაზეთ „ახალი სხივის“ ცნობით, გამოვიდა ჟურნალი „თეატრი და ცხოვრება“, რომელშიც ედმონ როსტანის პიესა „შანტეკლე“ დაიბეჭდა. რედაქტორ–გამომცემელი იოსებ იმედაშვილი.

1910

ტიპი: მფლობელობა

1910 წლის 11 მარტის გაზეთ „ახალი სხივის“ ცნობით, ნ. ი. ბოზარჯიანცის სახლი მყიდველებს უმაღლესი ხარისხის პაპიროსებს „ივან და მარის“ სთავაზობდა.

1910

ტიპი: თანამდებობა

1910 წლის 11 მარტის გაზეთ „ახალი სხივის“ ცნობით, ა. დოლიძე სახალხო სახლთან არსებულ მუსიკალურ საზოგადოებაში ადმინისტრატორად მუშაობდა.

1910

ტიპი: ღონისძიება

1910 წლის 11 მარტის გაზეთ „ახალი სხივის“ ცნობით, ბ. რაიტლის რეჟისორობით სახალხო სახლთან არსებული მუსიკალური საზოგადოება 14 მარტს ოთხმოქმედებიან ოპერა „რიგოლეტოს“ წარმოადგენდა. დირიჟორი – ბ. ვინჩენკო. ბილეთის ფასი 5 კაპიკიდან 80 კაპიკამდე იქნებოდა.

1925

ტიპი: ღონისძიება

1925 წელს დავით ჩუთლაშვილი ეჭვის საფუძველზე დააპატიმრეს და ფეხისალაგში ჩასვეს. მეტეხში ჩეხოსლოვაკიის ახალგაზრდების დელეგაციას განუცხადა, რომ ფეხისალაგში ახრჩობდნენ იმიტომ, რომ 27 წელი სოციალ-დემოკრატიულ პარტიაში მუშაობდა. პატიმრობიდან გაათავისუფლეს.

1927

ტიპი: პირადი ინფორმაცია

1927 წლის ჟურნალ „ბრძოლის“ დეკემბრის ნომერში (N29-30) დაბეჭდილი წერილის „წამება ჩეკაში“ მიხედვით, დავით ჩუთლაშვილი 11 თვე ბნელ სარდაფში იჯდა და აწამებდნენ.

1926

ტიპი: ღონისძიება

1926 წლის სექტემბერში მასწავლებელი იოსებ ჟვანია, ქუთაისის ჩეკას ციხის ტუსაღი, სოლოვკაში გადაასახლეს.

1927

ტიპი: პირადი ინფორმაცია

1927 წლის ჟურნალ „ბრძოლის“ დეკემბრის ნომერში (N29-30) დაბეჭდილი წერილის „წამება ჩეკაში“ ცნობით, უპარტიო მასწავლებელი იოსებ ჟვანია ქუთაისის ჩეკაში აწამეს, ფეხებით ჰკიდებდნენ, თოფის ზუმპით სცემეს.

1898

ტიპი: ორგანიზაცია

მუშა დავით ჩუთლაშვილი 1898 წლიდან სოციალ-დემოკრატიული პარტიის წევრი იყო.

1927

ტიპი: პირადი ინფორმაცია

1927 წლის ჟურნალ „ბრძოლის“ დეკემბრის ნომერში (N29-30) დაბეჭდილი წერილის „წამება ჩეკაში“ ცნობით, მუშა ვასილ დავითაშვილს ჩეკაში ორი თვის განმავლობაში დასაკითხად ყოველი გამოძახების დროს სცემდნენ გამომძიებელები: ალინინი, კუშჩევი, ნაზაროვი, თოდუა და სხვ. ალინინი სახეში აფურთხებდა. ცემისგან გახეთქილი ჰქონდა ყურის აპკი.

1927

ტიპი: პირადი ინფორმაცია

1927 წლის ჟურნალ „ბრძოლის“ დეკემბრის ნომერში (N29-30) დაბეჭდილი წერილის „წამება ჩეკაში“ ცნობით, მუშა, ახალგაზრდა მარქსისტს, ვასილ დავითაშვილს გამომძიებლებმა ალინინმა და კუშჩევმა დაპატიმრების დროს ქუჩაში სცემეს, ორ ადგილზე გაუტეხეს თავი და დასისხლიანებული, გრძნობადაკარგული მიიტანეს ჩეკაში, გრძნობაზე რომ მოვიდა, კიდევ სცემეს და ჩასვეს სარდაფში;

1924

ტიპი: ღონისძიება

1924 წლის ნოემბერში დაპატიმრებულმა ვლასა ბოხოხაძემ თბილისის ჩეკაში 32 დღის შემდეგ შიმშილობა გამოაცხადა და მოითხოვა კონკრეტული ბრალდების წაყენება და საცვლების მიღების ნებართვა. 4 დღის შემდეგ მისი მოთხოვნა დააკმაყოფილეს. ხუთი კვირის შემდეგ კი ნება დართეს ამანათები მიეღო და ბნელი სარდაფიდან ნათელში გადაიყვანეს.

1927

ტიპი: ნასამართლეობა

1927 წლის სექტემბერში ჩეკას ციხის ტუსაღი ვასილ დავითაშვილი სოლოვკაში გადაასახლეს.

1924

ტიპი: პირადი ინფორმაცია

ვლასა ბოხოხაძე 1924 წლის ნოემბერში დააპატიმრეს და ჩასვეს თბილისის შეკას ციხეში, სადაც 38 დღე-ღამე უპალტოოდ და ლოგინის გარეშე გაატარა. პირველ 5 დღეს არ აძლევდნენ წყალს, რის გამოც პირში ობი გაუჩნდა და ენას ვერ ამოძრავებდა, ამიტომ იძულებული გახდა პირი შარდით ესველებინა. გარეთ არ გაჰყავდათ და სარდაფს საპირფარეშოდაც ხმარობდა.

1904

ტიპი: ორგანიზაცია

ვლასა ბოხოხაძე 1904 წლიდან იყო სოციალ-დემოკრატიული პარტიის წევრი.

1927

ტიპი: ღონისძიება

1927 წელს თბილისში დაიხურა არალეგალური სტამბა, მესტამბე – ვასო კაკუტაშვილი.

1926

ტიპი: ღონისძიება

1926 წელს თბილისში დაიხურა მუსავატელების არალეგალური სტამბა, მესტამბე – ფირუდინ გაჯიევი.

1926

ტიპი: ღონისძიება

1926 წლის თებერვალში თბილისში დაიხურა არალეგალური პარტიული სტამბა, მესტამბე – გიორგი ასლამაზაშვილი.

1925

ტიპი: ღონისძიება

1925 წლის აგვისტოში თბილისში დაიხურა არალეგალური პარტიული სტამბა, მესტამბე – ჩოჩია.

1921

ტიპი: ღონისძიება

1925 წლის ივნისში ქუთაისში დაიხურა არალეგალური პარტიული სტამბა, ასოთამწყობები: კვანტალიანი, ქებულაძე და ტყეშელაშვილი.

1927

ტიპი: ღონისძიება

1924 წლის ივნისის ცნობით, ამ წლიდან 7 არალეგალური პარტიული სტამბა დაიხურა, მათ შორის, ნოემბერში – თბილისში, ასოთამწყობები: ათაბეგოვი და თარგამაძე.

2027

ტიპი: პირადი ინფორმაცია

1927 წლის ჟურნალ „ბრძოლის“ დეკემბრის ნომერში (N29-30) დაიბეჭდა წერილი „წამება ჩეკაში“ იმ პირთა შესახებ, რომლებიც გახდნენ ინკვიზიციის მსხვერპლნი თბილისის, სოხუმის, ბათუმის, ქუთაისის, ოზურგეთის ჩეკაში, მათ შორის იყო ვლასა ბოხოხაძე. 

1921

ტიპი: ღონისძიება

1921 წლის 1-ელ ივლისს ბერლინში დამოუკიდებელი სოციალ-დემოკრატიული პარტიის პასუხისმგებელი მოღვაწეთა და დეპუტატების კონფერენციაზე საქართველოს სოციალ-დემოკრატებსა და სტუმრებს, კარლო ჩხეიძესა და ნოე რამიშვილს, მიესალმა კრების თავმჯდომარე კრილლე, ისაუბრა კ. ჩხეიძის ბრძოლით სავსე წარსულზე. შემდეგ სტუმრებმა კრებას განუმარტეს საქართველოს მდგომარეობა და საჭიროებანი.

1921

ტიპი: ღონისძიება

1921 წლის 5 ივლისს კარლო ჩხეიძე და ნოე რამიშვილი ბერლინში დაესწრნენ გერმანის სოციალ-დემოკრატიული პარტიის (უმრავლესობის) პასუხისმგებელ მუშაკთა და დეპუტატთა კრებას. მათ ხალხი ოვაციებით მიეგება. კ. ჩხეიძემ ისაუბრა გერმანიასა და საქართველოს მუშათა მოძრაობას შორის იდეურ კავშირზე და დაახასიათა ცარიზმის წინააღმდეგ საქართველოს მუშათა კლასის ბრძოლის ეტაპები.