1920

ტიპი: ღონისძიება

1920 წლის 18 ოქტომბრის გაზეთ „ბარრიკადში“ გამოქვეყნებული სტატიის „საქართველოს სირცხვილის“ მიხედვით, ქართველ სტუდენტთა ნაწილი განსაკუთრებულ რაზმში მსახურობდა და მელქისედეკ კედიასა და პ. ფაჩულიას ბრძანებებს ასრულებდა.

1920

ტიპი: ღონისძიება

1920 წლის 1-ლ ივლისს აჭარლებთან ბრძოლის დროს დაიჭრა ახალციხის მაზრის სოფელ ვალეს მცხოვრები გვარდიელი სერგო გოზალიშვილი.

1920

ტიპი: ღონისძიება

1920 წლის 1-ელ ივლისს აჭარლებთან შეტაკების დროს დაიჭრა ახალციხის მაზრის სოფელ უდის მცხოვრები, გვარდიელი გაბრიელ ბადღოშვილი.

1920

ტიპი: ღონისძიება

1920 წლის 1-ლ ივლისს აჭარლებთან ბრძოლის დროს დაიჭრა ოზურგეთის მაზრის სოფელ ნიგოითის მცხოვრები, მე-4 ქვეითთა ათასეულის ჯარისკაცი მელიტონ ჭიჭალეიშვილი.

1920

ტიპი: ღონისძიება

1920 წლის 1-ლ ივლისს აჭარლებთან ბრძოლის დროს დაიჭრა შორაპნის მაზრის სოფელ ქვაციხის მცხოვრები, მე-4 ქვეითთა ათასეულის ჯარისკაცი ვარლამ ჩუბინიძე.

ტიპი: ღონისძიება

ნიკოლოზ მიწიშვილის სტატიის მიხედვით, ბენია ჩხიკვიშვილმა დახურა ბათუმის ერთადერთი ქართული გაზეთი – „მთლიანი საქართველო“ ტიციან ტაბიძის წერილის, „ირრედენტას“ გამო.

ტიპი: ღონისძიება

საქართველოში სომხებმა მოაწყეს ოსმალეთის წინააღმდეგ მანიფესტაცია, სადაც სიტყვით გამოვიდა დამფუძნებელი კრების თავმჯდომარე ალექსანდრე ლომთათიძე.

1918

ტიპი: ღონისძიება

1918 წლის 26 აგვისტოს საქართველოს რესპუბლიკის განათლების სამინისტროს კანცელარიის გამგე ი. ჯაფარიძემ მთავრობას ქართული უნივერსიტეტის სახელმწიფო უნივერსიტეტად გადაკეთების შესახებ კანონპროექტი გაუგზავნა.

1920

ტიპი: ღონისძიება

„ერთობა“ აქვეყნებს განცხადებას, რომ საბურთალოს მუშათა კლუბის გამგეობა მსახიობ შაქრო საფაროვს 1920 წლის 11 ივლისს საღამოს 35 წლის აღსანიშნავად უმართავს ღონისძიებას და მისივე მონაწილეობით წარმოადგენენ „ეხლანდელ სიყვარულს“.

1920

ტიპი: ღონისძიება

1920 წლის 11 ივლისის „ერთობა“ იუწყება, რომ გაბრიელ ხუნდაძე საქართველოს რაიონებში წაიკითხავს მოხსენებებს შემდეგ თემებზე: საბჭოთა მთავრობა და მისი მოღვაწეობა სახელმწიფოებრივი ცხოვრების სხვადასხვა სფეროში.

1920

ტიპი: ღონისძიება

1920 წლის 5 ივლისს დაიკარგა 12 წლის ყმაწვილი ნიკო ალექსანდრეს ძე ბეჟანიშვილი. თუ ვინემ რაიმე იცის მის შესახებ, სთხოვენ აცნობონ კირკის ქ.-ზე (კირხის, ახლ. მარჯანიშვილის ქ.).

1920

ტიპი: ღონისძიება

1920 წლის 9 ივლისის „ერთობაში“ გიგო შარაშიძე მადლობას უხდის ბახვის სახალხო სკოლის ასაშენებლად შემოწირულობებისთვის: ივანე ლაზ. თევზაძეს (100 მან), ევსევი-თოდუას (50), ა. დადიანს (50), ვაკოპულოს (100), ბუაჩიძეს (50), მ. სუსლინს (200), ა. მანუილიდისს (250) იესე შათირიშვილს (500).

1920

ტიპი: ღონისძიება

1920 წლის 9 ივლისის „ერთობაში“ მასწავლებელ ილია ხუხუას ინფორმაციაში ნათქვამია, რომ 23 მაისს სენაკში გაიმართულ მაზრის მასწავლებლების დელეგატთა ყრილობას დაესწრო 28 დელეგატი. მასწავლებელთა ეკონომიკური და უფლებრივი მდგომარეობის შესახებ ისაუბრა გამგეობის წევრმა ნ. ლორთქიფანიძემ; უცენზო მასწავლებლებზე კი ლ. კეკელიამ.

1920

ტიპი: ღონისძიება

1920 წლის 9 ივლისის „ერთობაში“ ნათქვამია, რომ ორი თვეა, რაც ხაშურში დაარსდა სახალხო უნივერსიტეტი. გასულ ოქტომბერს ხაშურის დირექტორად დაინიშნა შალვა მხეიძე, რომლის მუშაობით დაარსდა ეს უნივერსიტეტი. მან გიმნაზიასაც მიხედა, სადაც ზოგიმასწავლებელი ინტრიგანობით ხელს უშლიდა დირექტორს, თუმცა ეს მაინც გრძელდება. ამ პირობებში ვერავინ გაძლება, ამიტომ შესაძლებელია გიმნაზიის დახურვა.

1920

ტიპი: ღონისძიება

1920 წლის 9 ივლისის „ერთობა“ (ავტორი კ. დინჯაძე) იუწყება, რომ 1-ლ ივლისს გაიმართულ საქ. სოციალ-დემოკრატიული მუშათა პარტიის ბორჯომის რაიონის კოლექტივის კრებაზე რკინიგზის „იაჩეიკიდან“ მოხსენება გააკეთა დ. გოსიტაშვილმა. მან აღნიშნა, რომ კრებაზე დაადგინეს, „იაჩეიკიდან“ გააძევონ ვიქ. მაჭავარიანი და ოფიციალურად ეცნობოს დროებით თავი დაანებოს რკინიგზაში მუშაობას; ვიქ. ღლონტმა გააკეთა განცხადება, რომ ქალაქის თვითმართველობის გამგეობა ხსნის წერა-კითხვის კურსებს, მოზრდილთათვის კი მოხსნებებს წაიკითხავენო. დაადგინეს, ამის შესახებ „იაჩეიკებს“ აცნობონ.

1920

ტიპი: ღონისძიება

1920 წლის 7 ივლისს ბათუმიდან მთავრობის თავმჯდომარეს გაუგზავნეს დეპეშა ხანუმ ხიმშიაშვილის ხელმოწერით, რომ იგი, ქართველი მუსულმანი, იზიარებს საყოველთაო სიხარულს ბათუმის ოლქის საქართველოსთან შეერთების გამო.

1920

ტიპი: ღონისძიება

1920 წლის 7 ივლისს ბათუმის სამოქალაქო ნაწილის გამგეობამ შეატყობინა ყველას, ვისაც დეპოზიტში შეტანილი ფული არ მოუთხოვია, დიდი ბრიტანეთის კონსულის კანცელარიას მიმართონ თანხების მისაღებად. განცხადებას ხელს აწერს მაიორი შელი.

1920

ტიპი: ღონისძიება

1920 წლის 9 ივლისის „ერთობა“ იუწყება, რომ დეპუტატმა აკაკი ჩხენკელმა არტაანიდან მიიღო პოლკოვნიკ ვაჩნაძის დეპეშა, რომ შავშეთ-ერუშეთის და ართვინის მიდამოებში მყოფი ჯარების ოფიცრები და ჯარისკაცები სიხარულს გამოთქვამენ ბათუმის და მისი ოლქის დაბრუნების გამო.

1919

ტიპი: ღონისძიება

კორესპონდენტის ცნობით, „დობროარმიამ“ 12 პოლკი გაგზავნა ასტრახანზე იერიშის მისატანად, მათ შორის იყო მაჰმადიან ოსთა შენაერთიც, რომლის მეთაური – პოლკოვნიკი ბელიკოვი – დამარცხების შემდეგ სადგურ პროხლადნაიაში დააპატიმრეს კაზაკებმა.

1919

ტიპი: ღონისძიება

1919 წლის 8 სექტემბრის „ვოლნი გორეცმა“ №1 კავკასიის ახლო წარსულიდან ისტორიული ხასიათის ცნობები გამოაქვეყნა. წერილის ავტორის, აჰმედ ცალიგოვის (ხელს აწერს Ах.)აზრით, „შავჩექმებიან“ დამპყრობელ გენერლებთან მებრძოლ კავკასიელ მთიელებს გასამხნევებლად და მისაბაძად განსაკუთრებით სჭირდებოდათ ისტორიული გამოცდილების მქონე წინაპართა გმირობის მაგალითებისა და გონივრული ნაბიჯების გახსენება. ამ მხრივ, მას სანიმუშოდ მიაჩნდა 1861 წლის 13 ივლისს „ჩერქეზთა თავისუფლების დიდი მეჯლისის“ შექმნის ფაქტი. სტატიაში მიმოხილული იყო მეჯლისის მიერ გაწეული საქმიანობა დაუმორჩილებელ კავკასიელ მთიელთა თავისუფლების გადასარჩენად; აღნიშნული იყო მისთვის რუსეთისგან მიყენებული მორალური დარტყმაც: როგორ გადაწვა მეჯლისის შენობა სოჭთან გადმოსხმულმა გენერალ კოლუბაკინის დესანტმა.

1919

ტიპი: ღონისძიება

1919 წლის 8  სექტემბრის გაზეთი „ვოლნი გორეცი“ №1 ჩეჩენი ვაჭრების ახალშექმნილი ფენის წარმომადგენლებს შემდეგნაირად ახასიათებდა: „რიგითი მთიელებისგან განსხვავებული განწყობა აქვთ ვაჭრებს, რომლებიც ცდილობენ ჩეჩენთა საბრძოლო სულისკვეთების განელებას, რადგან მხოლოდ ფულად მოგებაზე ფიქრობენ და ამისთვის არა თუ საკუთარი ხალხის, არამედ დედ-მამის საფლავის გაყიდვაზეც არ იტყვიან უარს; მაგრამ დენიკინის მომხრე ჩეჩნები უფრთხიან მოღალატისა და ალიევის დამქაშის სამარცხვინო სახელს, ამიტომ ფრთხილად ეწევიან აგიტაციას, ნამდვილ ზრახვებს დიპლომატიურად ნიღბავენ: ამბობენ, რომ დაიღალნენ სამოქალაქო ომით, რომ მათთვის სულ ერთია, ვინ გაიმარჯვებს, დენიკინი თუ ბოლშევიკები, მთავარია, შეწყდეს ომი“.

1919

ტიპი: ღონისძიება

1919 წლის 8 სექტმბრის გაზეთი „ვოლნი გორეცი“ №1 მთიან ჩეჩნეთში შექმნილი ვითარების მიმოხილვისას აგრარული საკითხის პოლიტიკურ მნიშვნელობაზე წერდა: მიწა „განხეთქილების ვაშლი“ იყო ჩეჩნებსა და კაზაკებს შორის. მთიელები კაზაკების მიერ წართმეულ წინაპართა მიწების დაბრუნებაზე ოცნებობდნენ, მაგრამ ისიც კარგად ჰქონდათ გაცნობიერებული, რომ „დობროარმიის“ ხელში ეს საკითხი მათ სასარგებლოდ არასოდეს გადაწყდებოდა. მთიელ ჩეჩნებს, ვაჭართა მცირერიცხოვანი ფენის გამოკლებით, გადაწყვეტილი ჰქონდათ, დენიკინის ხელისუფლების არც ერთი წარმომადგენელი საკუთარ ტერიტორიაზე არ შეეშვათ, უფრო მეტიც, თავად გადადიოდნენ შეტევაზე, ხშირად ესხმოდნენ თავს გროზნოსა და კაზაკთა დიდ სოფლებს.

1919

ტიპი: ღონისძიება

გაზეთ „ვოლნი გორეცის“ კორესპონდენტ ვ. ლავროვიჩის ცნობით, ჩეჩნეთში არაერთგვაროვანი ვითარებაა შექმნილი: მოსახლეობის დიდი ნაწილი მოხალისეთა არმიას („დობროარმიას“) ჰყავს დაპყრობილი, ქვეყნის დაბლობ მხარეზე ჩეჩნეთის მმართველი, არტილერიის გენერალი ერისხან ალიევი „ზრუნავს“, მაგრამ მისი ძალაუფლება ვერ ვრცელდება ბუნებრივ ციხესიმაგრედ გადაქცეულ მთაში.

1919

ტიპი: ღონისძიება

1919 წლის 8 სექტემბრის „ვოლნი გორეცმა“ №1 საკუთარ კორესპონდენტ ვ. ლავროვიჩზე დაყრდნობით გამოაქვეყნა ინფორმაცია ჩეჩნეთიდან: კავკასიელ მთიელთა შორის ყველაზე მრავალრიცხოვანი ჩეჩენთა ტომის დიდი ნაწილი მოხალისეთა არმიის („დობროარმიის“) ხელისუფლებას ექვემდებარებოდა. დენიკინისაგან მიღებული მანდატით ჩეჩნეთს არტილერიის გენერალი ერისხან ალიევი მართავდა, რომელიც „მამობრივ“ მეურვეობას „არ იშურებდა“ მოსახლეობისთვის.

1919

ტიპი: ღონისძიება

. „ვოლნი გორეცის“ 1919 წლის №1-ში გაზეთის საკუთარი კორესპონდენტი მკითხველს უამბობს იმ საყოველთაო განუკითხაობაზე, რომელსაც მთელი ოსეთის ტერიტორია მოუცავს: სოსლანბეკ ბიგაევის საგანგებო სადამსჯელო რაზმი, რომელიც უშუალოდ ოსეთის მმართველს ექვემდებარება, „მართლწესრიგის დამყარების“ ეგიდით ძარცვავს გადასახადებით ისედაც წელში გატეხილ მოსახლეობას. ურჩობის შემთხვევაში ცეცხლითა და ტყვიით დაუნდობლად უსწორდება ყველას - არ ზოგავს არც ქალსა და არც ბავშვს. ნაძარცვი სიმდიდრის ნაწილი საჯარო ვაჭრობით იყიდება, ნაწილი კი ოსეთის მმართველის, პოლკოვნიკ ხაბაევის სრასახლებში იდებს ბინას. კორესპონდენტი დაწვრილებით აღწერს ზამანყულში, არდონში, ელხოტოვოსა და სხვა სოფლებში მშვიდობიანი მოსახლეობის მიმართ მოწყობილ სასტიკ ანგარიშსწორებას.