1920

ტიპი: ღონისძიება

1920 წლის 24 ივლისს, საღამოს 9 სთ-ზე, მეორე ქართულ კლუბში, პლეხანოვის ქ. N129-ში, უნდა გამართულიყო საოჯახო საღამო-კონცერტი, რომელშიც მონაწილეობას მიიღებდნენ სოფიო გაბაშიძე, გილბერტისა, რისსი, ბ. ბ. ვენაძე, თარხან-მოურავი და ჭუმბურიძე, როიალთან – ჟანა ფალიაშვილი.

1920

ტიპი: ღონისძიება

1920 წლის 2 ოქტომბერს შავი ქვის მრეწველთა საბჭომ გამოაცხადა კონკურსი საბჭოს ყოფილი თავმჯდომარის, გიორგი ზდანოვიჩის სახელობის სახალხო სახლის საესკიზო პროექტის შედგენაზე.

1949

ტიპი: ღონისძიება

1949 წელს მადრიდიდან ირაკლი ბაგრატიონმა რომში შალვა მაღლაკელიძეს მისწერა, რომ სამეფო ოჯახების შესახებ სტატიის დაწერას აპირებდა.

1949

ტიპი: ღონისძიება

1949 წლის 2 აგვისტოს შალვა მაღლაკელიძემ ირაკლი ბაგრატიონისგან მადრიდში ჩასვლისა და პოლიტიკურ საკითხებზე მოლაპატაკების თაობაზე სამი წერილი მიიღო.

1949

ტიპი: ღონისძიება

1949 წლის 16 აგვისტოს შალვა მაღლაკელიძემ გაიოზ მაღლაკელიძეს მისწერა, რომ იგი ვიზების საკითხის მოსაგვარებლად და მომავალი სამუშაო გეგმების შესადგენად მადრიდში უნდა გამგზავრებულიყო. შეატყობინა, რომ ირაკლი ბაგრატიონი დაინტერესებული იყო ახალი საქმით.

1918

ტიპი: ღონისძიება

1918 წლის 7 დეკემბერს, 11 საათზე კ. ლ. დერკოვსკაია, შრომის სამინისტროს თანამშრომელი, მიავლინეს ომის სამინისტროში, სადაც განიხილებოდა საკითხი სამხედრო თანამშრომლების საპენსიო ანაზღაურების შესახებ.

1918

ტიპი: ღონისძიება

1918 წლის 2 დეკემბერს გ. ვ. ვოინკოვს, ბათუმის ოლქის, ართვინის მხარის დაბეგვრის ოფიცერს, შრომის სამინისტროს საერთო განყოფილება სწერს, რომ უნდა დაელოდოს შრომისა და ფინანსთა სამინისტროების გადაწყვეტილებას.

1918

ტიპი: ღონისძიება

1918 წლის 6 დეკემბერს ხაშურში მცხოვრებმა რკინიგზის მუშამ, წაბლიძემ შრომის სამინისტროს მისწერა, რომ ჯამაგირის დაგვიანების გამო მუშებში დიდი მღელვარება იყო და დაუოვნებლივ მოითხოვა პასუხი.

1918

ტიპი: ღონისძიება

1918 წლის 6 დეკემბერს ი. ა. გოგოლაძეს მიმართავს შრომის სამინისტროს საერთო განყოფილება, რომ მინისტრის ბრძანების თანახმად უნდა გამოცხადდეს სამინისტროში 1918 წლის 7 დეკემბერს, დილის 10 საათზე, პეტრე დიდის ქუჩა N8.

1918

ტიპი: ღონისძიება

1918 წლის 3 დეკემბერს მ. ნ. ჟაბინა, ამიერკავკასიის რკინიგზის საექიმო-სანიტარული განყოფილების საქმისმწარმოებელი, თხოვნით მიმართავს სახელმწიფო რკინიგზის პროფესიულ კავშირს, რომ მას დაუკავდა ორი თვის ანაზღაურება 2400 რუბლი.

1918

ტიპი: ღონისძიება

1918 წლის დეკემბერში ანა დიმიტრის ასული კუცურუბოვა, ხაზინის ყოფილი ჩინოვნიკის ივანე ვასილის ძე კუცურუბოვი მეუღლე მიმართავს დასახმარებლად შრომის სამინისტროს, რომ ის 7 ბავშვით დარჩა უსახსროდ და ითხოვს, აუნაზღაურდეს მის მეუღლეს სალიკვიდაციო თანხა.

1918

ტიპი: ღონისძიება

1918 წლის 29 დეკემბერს ხაზინის ჩინოვნიკი ივანე ვასილის ძე კუცურუბოვი 18-წლიანი სამხსახურის შემდეგ სახელმწიფო ენის უცოდინარობის გამო სამსახურიდან გაათავისუფლეს და 34 რუბლი გადაუხადეს, რის შემდეგაც ის წავიდა ვლადიკავკაზში, სადაც გაირკვა, რომ ავად იყო.

1918

ტიპი: ღონისძიება

1918 წლის დეკემბერში შრომის სამინისტრომ თბილისის ოფიცერთა ეკონომიური საზოგადოების გამგეობას მათი ყოფილი მუშის, ალექსანდრე პლატონის ძე ძაბილონის დასაქმება სთხოვა.

1949

ტიპი: ღონისძიება

1949 წლის 30 სექტემბერს შალვა მაღლაკელიძემ გაიოზ მაღლაკელიძეს სთხოვა, კორძაიასთვის გადაეცა, რომ ლიპარში მყოფი ქართველების წინააღმდეგ ბოლშევიკებმა სასამართლოში ბრალდებები არ წამოაყენეს, ამიტომ მათი გათავისუფლება გადაწყდა.

1917

ტიპი: ღონისძიება

1917 წელს ამერიკის კონგრესის წევრმა, სოციალისტმა მეიერმა სახელმწიფო სათათბიროს წევრ კარლო ჩხეიძეს ტელეგრამით მოსთხოვა ავტორიტეტული უარყოფა იმ ხმებისა, თითქოს რუსი სოციალისტები ხელს უწყობდნენ სეპარატიული ზავის შეკვრას გერმანიასთან, რაც შესრულდა.

1917

ტიპი: ღონისძიება

1917 წლის 7 აპრილს ქალთა ყრილობაზე წამოაყენეს საკითხი ქალთა ორგანიზაციების შეერთებისა პარტიული და ეკონომიური განსხვავებების მიუხედავად საერთო უუფლებობის ნიადაგზე. ჩერნიაკი გამოვიდა სიტყვით, რომ ვინც კლასობრივი თვალსაზრისით უყურებდა მოვლენებს, დარბაზი დაეტოვებინა, რადგან პროლეტარ ქალს საერთო არ უნდა ჰქონოდა ბურჟუა ქალებთან. მას გაჰყვნენ მცირე რაოდენობით ქალები. ამის შემდეგ გამოვიდა სოციალ-დემოკრატიული პარტიის წევრი აქსელროდი და ჩერნიაკის საქციელს სექტანტობა უწოდა.

1917

ტიპი: ღონისძიება

1917 წლის 21 მარტს თავრიდის სასახლეში (პეტერბურგი) ჯარისკაცთა დეპუტატების წევრი, პროვოკატორი ზორინი, ხოლო როსტოვში - სახელმწიფო სათათბიროს ყოფილი დეპუტატი აფანასევი დააპატიმრეს.

1917

ტიპი: ღონისძიება

1917 წლის 2 აპრილს, კვირას, საღამოს 7 საათზე კავკასიის კომისარიატის წევრმა აკაკი ჩხენკელმა კრებაზე მოიწვია სოციალ-ფედერალისტები და ნაციონალ-დემოკრატები სათავადაზნაურო ბანკის შენობაში. კრებაზე მან აღნიშნა უხერხულობა ერთსა და იმავე ქალაქში ორი მუშათა საბჭოს არსებობაზე და ს.-ფ. პარტიის წარმომადგენლებს ურჩია დამორჩილება დემოკრატებისადმი, როგორც უფრო ძლიერი პარტიისადმი.

1918

ტიპი: ღონისძიება

1917 წლის 20 მარტს ქ. ქუთაისში ქალთა საზოგადო კრებაზე კატო მიქელაძემ ქართველ ქალებს მიმართა სიტყვით ქალთა ზოგადი ჩაგრული მდგომარეობის შესახებ და მოუწოდა მათ ქალთა ემანსიპაციის, განსაკუთრებით კი ხმის უფლებისა და „საერო საქმეში ჩარევის“ მოთხოვნისაკენ.

1918

ტიპი: ღონისძიება

1918 წლის 29 დეკემბერს თბილისში, ელისაბედის ქ. N73-ში, გამგეობის შენობაში, გაიმართა კახეთის რკინიგზის აქციონერთა შეხვედრა. გამგეობას წარმოადგენდნენ: თავმჯდომარე ივანე ივანეს ძე ზურაბიშვილი, დირექტორები: დიმიტრი ესტატეს ძე ჩოლოყაევი, ინჟინერი გ. ვ. სარაჯიევი.

1918

ტიპი: ღონისძიება

1918 წლის 28 დეკემბერს მთავრობის თავმჯდომარემ და გზათა მინისტრმა კახეთის რკინიგზის გამგეობის თავმჯდომარეს აცნობეს, რომ 29 დეკემბრისთვის დანიშნულ კახეთის გზის აქციონერთა სხდომაზე გზათა სამინისტროს მხრიდან მთავრობის წარმომადგენლებად ინჟინერი ი. ო. დადიანი და სამინისტროს კონსულტანტი კონსტანტინე დიმიტრის ძე მიქელაძე დანიშნეს.

ტიპი: ღონისძიება

1918 წლის 2 დეკემბერს, ტერ-აბრამოვს, ნავთობის საბითუმო საწყობის მფლობელს , შრომის სამინისტრო უგზავნის წერილს, რომ მან გასცეს კურიერზე ტალონის შესაბამისი რაოდენობის ნავთი.

1918

ტიპი: ღონისძიება

1918 წლის 2 დეკემბერს, გიორგი პავლეს ძე ერაძე, საქართველოს დემოკრატიული რესპუბლიკის შრომის მინისტრის ამხანაგი , წერს შსს მინისტრს, რომ მათ დაქვემდებერებაში მყოფ სასტუმრო ,, ბო- მონდს,, გაუწიონ შესაბამისი დახმარება

1918

ტიპი: ღონისძიება

1918 წლის 22 აგვისტოს მთავრობის საქმეთა მმართველი ს. კაკაბაძე ხელს აწერს დოკუმენტს, რომელიც გაეგზავნა შრომის სამინისტროს. მთავრობის თავმჯდომარე სთხოვს მათ, მეტი ყურადღება გამოიჩინონ გაზეთებში გამოქვეყნებულ პუბლიკაციებზე მათი უწყების მუშაობის შესახებ და საჭიროების შემთხვევაში დაიწყოს ფაქტების გამოძიება.

1918

ტიპი: ღონისძიება

1918 წლის 7 დეკემბერს საქართველოს დემოკრატიული რესპუბლიკის შსს თბილისის ფოსტა -ტელეგრაფის ოლქის უფროსის მეორე განყოფილების საორგანიზაციო სამმართველოს უფროსმა მგელაძემ შრომის სამინისტროს გაუგზავნა დოკუმენტი, რომელშიც ითხოვს, უცხოეთში გასულ საქმიან კორესპოდენციაზე დაწესდეს ფასი.