1945

ტიპი: ღონისძიება

1945 წელს არეთა ქიქოძემ ანიჩკა, თამარ და ქრისტინე შარაშიძეებს ოზურგეთიდან თბილისში გაუგზავნა ნინო ქიქოძის გარდაცვალებასთან დაკავშირებით სამძიმრის დეპეშა.

1917

ტიპი: ღონისძიება

1917 წლის 16 მარტს დავით შარაშიძემ დედას, ნინო ქიქოძეს, წერილით (სავარაუდოდ სტამბულიდან) შეატყობინა, რომ დააარსეს ჯარისკაცებისა და ოფიცრების ორგანიზაციები და თვითონ იყო აღმასრულებელი კომიტეტის მდივანი.

1918

ტიპი: ღონისძიება

1918 წლის დეკემბერში საქართველოს პარლამენტში ნიკოლოზ ჩხეიძის თავმჯდომარეობით გამართულ კრებას ესწრებოდნენ: მინისტრი ნოე რამიშვილი, სარედაქციო კომიტეტის წევრი შალვა ამირეჯიბი, სასკოლო და საფინანსო კომისიების წევრი ნოე ცინცაძე, რაჟდენ არსენიძე (სოციალ-დემოკრატი), სპირიდონ კედია, გიორგი გვაზავა, რევაზ გაბაშვილი, (ნაციონალ-დემოკრატები), ახვერდოვი („გუმეტი“), აკაკი ფაღავა, სამსონ დადიანი, თევდორე ღლონტი (სოციალ-ფედერალისტები), იასონ ლორთქიფანიძე, პეტრე ქავთარაძე (საფინანსო კომისიის წევრები), ალექსანდრე ახმეტელი (რადიკალ-დემოკრატი), მდივანი იოსებ აბაკელია.

1918

ტიპი: ღონისძიება

1918 წლის 27 სექტემბერს გაიმართა ეროვნული საბჭოს სხდომა, რომელსაც ესწრებოდნენ მიხეილ ფაჩუაშვილი, ივანე ჩერქეზიშვილი, პავლე საყვარელიძე, სპირიდონ კედია, ირაკლი წერეთელი, გრიგოლ ვეშაპელი, რევაზ გაბაშვილი, აკაკი ფაღავა. დადგინდა, საშუალო და დაწყებით სასწავლებელში ქართული ენის სწავლება სავალდებულო ყოფილიყო. ასევე საქართველოს ისტორიის სწავლება სავალდებულო უნდა ყოფილიყო არაქართველთათვისაც, მაგრამ ვინაიდან მოსწავლეებმა ქართული არ იცოდნენ, დროებით შეეძლოთ რუსულად ესწავლათ.

1918

ტიპი: ღონისძიება

1918 წლის 1-ლ დეკემბერს დემოკრატიულმა კლუბმა „მუშტაიდმა“ გაზეთ „სახალხო საქმეში“ გამოაქვეყნა განცხადება, რომ რეჟისორ პ. ფრანგიშვილს ელისაბედ ჩერქეზიშვილის მონაწილეობით უნდა წარმოედგინა ნინოშვილის მოთხრობიდან გადმოკეთებული პიესა „ქრისტინე“.

1918

ტიპი: ღონისძიება

1918 წლის 2 დეკემბერს ნიკოლოზ გოცირიძის, ელისაბედ ჩერქეზიშვილის, სოფიო ანკარას, ნატალია ჯავახიშვილის, სოფიო რომანიშვილის, ი. მინდიაშვილის, ალექსი მეტრეველისა და ვ. რატიშვილის მონაწილეობით დაიდგა სპექტაკლი „ხანუმა".

1919

ტიპი: ღონისძიება

1919 წლის 13 მაისის სხდომაზე მთავრობამ დაადგინა, რომ სისხლის სამართლის პოლიციის ყოფილი უფროსის, პ. ჟორდანიას წინააღმდეგ სარევიზიო კომისიის მიერ წამოყენებულ ბრალდებას საკმარისად არ სცნობს მისი თანამდებობიდან გადაყენებისთვის.

1919

ტიპი: ღონისძიება

1919 წლის 18 მარტს დაბა ლაილაშში (ლეჩხუმის მაზრა) გამართულ კრებაზე აირჩიეს ლაილაშის დრამატული საზოგადოების გამგეობა: თავმჯდომარედ – გ. ჩაჩხიანი, მოადგილედ – ვ. გულბანი, მდივნად – ი. კოპალიანი, ხაზინადრად – თ. ქარსელაძე, თავისუფალ წევრად – მ. დალაქიშვილისა და კანდიდატებად – ალ. ალხაზაშვილი, შ. და გრ. მჟავანაძეები, სარევიზიო კომისიის წევრებად – გ. მახარობლიძე, მ. ბერუჩაშვილისა, მ. ალხაზიშვილი; შეიქმნა სცენის მოყვარეთა დასი შ. მჟავანაძის რეჟისორობით.

1919

ტიპი: ღონისძიება

1920 წლის 19 მაისს მწერალთა კავშირის საბჭო სახელმწიფო თეატრში გამართავს საზეიმო საღამოს ბელეტრისტ შიო არაგვისპირელის (დედაბრიშვილის) პატივსაცემად, წერს „ერთობა“.

1919

ტიპი: ღონისძიება

1919 წლის 15 მაისის „ერთობა“ იუწყება, რომ განათლების სამინისტროს დავალებით ვაჟთა მეოთხე გიმნაზიის დირექტორმა ზაალიშვილმა დაამთავრა თბილისის კერძო სრულუფლებიანი გიმნაზიების რევიზია.

1929

ტიპი: ღონისძიება

1929 წლის 24 სექტემბერს აკაკი ჩხენკელი ატყობინებს საფრანგეთის საგარეო საქმეთა მინისტრ არისტიდე ბრიანდს, რომ მისი დაბრუნების შემდეგ სოსიპატრე ასათიანი აღარ ასრულებს მის მოვალეობებს.

1929

ტიპი: ღონისძიება

1929 წლის 25 ივნისს საქართველოს მინისტრი აკაკი ჩხენკელი და მისი მეუღლე უგზავნიან მადლობის წერილს საფრანგეთის რესპუბლიკის პრეზიდენტს ლონგშამპის რბოლებზე მიწვევისთვის, რომელიც 30 ივნისს გაიმართება. აკაკი ჩხენკელი ადასტურებს მისვლას, ხოლო მისი მეუღლე ვერ დაესწრება.

1919

ტიპი: ღონისძიება

1919 წლის 18 მაისს სახელმწიფო თეატრში ო. ა. შულგინას ბენეფისია. შეასრულებს ეთერის როლს ზ. ფალიაშვილის „აბესალომსა და ეთერში“, იუწყება „ერთობა“.

1929

ტიპი: ღონისძიება

1929 წლის 27 მაისს აკაკი ჩხენკელი უგზავნის შეტყობინების ბარათს საფრანგეთის საგარეო საქმეთა მინისტრ არისტიდე ბრიანდს, რომ მისი დაბრუნების შემდეგ სოსიპატრე ასათიანი აღარ ასრულებს მის მოვალეობებს.

1918

ტიპი: ღონისძიება

„ერთობა“ იუწყებოდა, რომ 1918 წლის 27 თებერვალს რუსეთის დიდი რევოლუციის წლისთავის აღსანიშნავად გამართულ საღამოზე ალექსანდრე ლომთათიძე ლექციას წაიკითხავდა. წარმოდგენილი იქნებოდა იაკობ ცინცაძის (ია ეკალაძის) დრამა „ნომერი 21 ჯვრით“.

1929

ტიპი: ღონისძიება

1929 წლის 13 აპრილს აკაკი ჩხენკელი ატყობინებს საფრანგეთის საგარეო საქმეთა მინისტრ არისტიდე ბრიანდს, რომ ჟენევაში გამგზავრების გამო, საქმეების მართვა გადასცა დელეგაციის პირველ მდივან სოსიპატრე ასათიანს.

1918

ტიპი: ღონისძიება

1918 წლის 25 თებერვლის „ერთობა“ იუწყება, რომ თელავში, ისევე როგორც სხვა დაბა-ქალაქებში, შიმშილობა დაიწყო, მასთან ბრძოლა სასურსათო კომიტეტებმა იკისრეს, თუმცა ეს საკმარისი არ აღმოჩნდა. ქალაქისთავმა კონსტანტინე ანდრონიკაშვილმა რამდენჯერმე მიმართა მდიდრებს მოწოდებით ღარიბების დახმარების შესახებ.

1929

ტიპი: ღონისძიება

1929 წლის 29 მარტს საქართველოს მინისრტი აკაკი ჩხენკელი უგზავნის მილოცვის ბარათს ჩინეთის ელჩ ლ. კაოს საფრანგეთის რესპუბლიკის პრეზიდენტისათვის რწმუნებათა სიგელის გადაცემასთან დაკავშირებით და გამოთქვამს ოფიციალური თანამშრომლობის სურვილს.

1929

ტიპი: ღონისძიება

1929 წლის 25 მარტს საქართველოს მინისტრი აკაკი ჩხენკელი და მისი მეუღლე უგზავნიან მადლობის ბარათს საფრანგეთის რესპუბლიკის პრეზიდენტს ლონგშამპის რბოლებზე მიწვევისთვის, რომელიც გაიმართება 31 მარტს. აკაკი ჩხენკელი ადასტურებს მისვლას, ხოლო მისი მეუღლე ვერ დაესწრება.

1929

ტიპი: ღონისძიება

1929 წლის 23 მარტს აკაკი ჩხენკელი უგზავნის სამძიმრის წერილს საფრანგეთის პრეზიდენტსა და საგარეო საქმეთა მინისტრ არისტიდე ბრიანდს მარშალ ფოშის გარდაცვალებასთან დაკავშირებით.

1929

ტიპი: ღონისძიება

1929 წლის 14 თებერვალს აკაკი ჩხენკელი მადლობას უხდის ჩილეს მინისტრს ჩილეს შესახებ ფილმის პრეზენტაციაზე მიწვევისთვის, რომელიც გაიმართება 16 თებერვალს ფოლის ვაგრამ-ის თეატრში. ამცნობს, რომ სიამოვნებით დაესწრება ჩვენებას.

1929

ტიპი: ღონისძიება

1929 წლის 13 თებერვალს საქართველოს მინისტრი აკაკი ჩხენკელი ატყობინებს საფრანგეთის წითელი ჯვრის ცენტრალური კომიტეტის პრეზიდენტს, გენერალ პაუსს, რომ იგი დაეხმარება საზღვაო და სახმელეთო ჯარების ჯარისკაცების დაკრძალვის მსახურებაზე, რომელიც გაიმართება პარიზის ღვთისმშობლის ტაძარში 21 თებერვალს.

1918

ტიპი: ღონისძიება

1918 წლის 1-ელ დეკემბერს სახელმწიფო თეატრში უნდა წარმოედგინათ სპექტაკლი „პაიაცები და ქორწინება უკრაინაში", 3 დეკემბერს – „მადამ ბატერფლაი“ და „კავალერიის ბანაკი“ (ბალეტი), 4 დეკემბერს – „მოცარტი“ და „სევილიელი დალაქი“, ხოლო 5 დეკემბერს – „ჰუგენოტები“. მონაწილეობას მიიღებდნენ საბანევი, მ. ი. ალეშკო, ბორის ზალიპსკი, პოლიაევი, ვ. ნ. ნიკოლსკი, პ. შულგინა, ე. ა. ვრონსკი, ლ. ისეცკი, მოროზოვა.

ტიპი: ღონისძიება

რაჟდენ აბულაძე წერს, რომ კომიტეტმა შეიწყნარა შუამდგომლობა და სათანადო მიწერილობით, რომელიც თხოვნასთან ერთად არის წარმოდგენილი, აუწყეს დამტკიცება, მაგრამ მთავარი გამგე არ დაკმაყოფილდა და მისგან ეცნო უარი წინადადებით, რომ შეძინა წოდება.

1919

ტიპი: ღონისძიება

1919 წლის 12 მაისს დაბალი სასწავლებლების მთავარგამგემ სახალხო განათლების სამინისტროს მისწერა, რომ უგზავნიდა სამტრედიის უმაღლესი პირველდაწყებითი სასწავლებლის მასწავლებელ რაჟდენ ქრისტეფორეს ძე აბულაძის თხოვნას და ითვალისწინებდა, რომ იგი 1908 წლიდან მუშაობდა სასწავლებელში, სადაც ყოველთვის ავლენდა თავის ცოდნასა და მომზადებას. ხელს აწერს სასწავლო განყოფილების გამგის ნაცვალი.