1932

ტიპი: ღონისძიება

1932-1933 წლებში ქრისტინე შარაშიძემ საქართველოს სახელმწიფო მუზეუმის დირექციის დავალებით მუზეუმის ბიბლიოთეკის ძველი ქართული ნაბეჭდი წიგნების ფონდი აღწერა.

1918

ტიპი: ღონისძიება

გზათა მინისტრ ივანე ლორთქიფანიძის განკარგულებით მინისტრის მდივანი მაჭავარიანი დაინიშნა მთავარი პარკის რწმუნებულად; სამინისტროს სალიკვიდაციო განყოფილების ხელმძღვანელი, ინჟინერი ვეისი, 28 ოქტომბრიდან განთავისუფლდა პარკთან დაკავშირებული ყველა საქმისგან. პარკის განყოფილების უფროსმა 300-ე ვერსზე (სიგრძის ძვ. რუსული ერთეული; უდრის 1,06 კმ-ს), კვეზერელი-კოპაძემ დატოვა დაკავებული თანამდებობა და დაინიშნა მის დამხმარედ.

1918

ტიპი: ღონისძიება

1918 წლის 9 დეკემბერს გზათა მინისტრმა ივანე ლორთქიფანიძემ გამოსცა ბრძანება სამინისტროს საერთო საქმეთა განყოფილების უფროს გიორგი გაბრიელის ძე ფიცხელაურის სამსახურებრივი საქმეებისთვის ბაქოში გამგზავრების გამო ფულადი ქაღალდების ტექნიკური განყოფილების უფროსის, ინჟინერ ი. ო. დადიანისთვის გადაცემის შესახებ.

1918

ტიპი: ღონისძიება

გზათა მინისტრ ივანე ლორთქიფანიძის 1918 წლის 27 ნოემბრის განკარგულებით, რკინიგზის ტექნიკური განყოფილების ინჟინერ ანდრონიკაშვილს, ამავე სამინისტროს ინჟინერ ნოვოდვორსკისა და ბუღალტრის თანაშემწე რჩეულიშვილს დაევალათ სამინისტროსთან არსებული საავტომობილო სალაროსა და ფულის, ასევე საწყობების ანგარიშის რევიზია.

1918

ტიპი: ღონისძიება

სოციალისტ-ფედერალისტთა პარტიის მთავარი კომიტეტის დადგენილებით, ალექსანდრე წერეთელი შალვა ალექსი რამიშვილთან [იგულისხმება მესხიშვილი] ერთად რუსეთის სოციალისტ-რევოლიუციონერთა მოსკოვის კონფერენციაზე წარმომადგენლად გააგზავნეს, აქედან კი სრულიად რუსეთის დამფუძნებელი კრების არჩევნების განსაკუთრებული თათბირის წევრად მიიწვიეს.

1918

ტიპი: ღონისძიება

1918 წლის 15 ოქტომბრის ბრძანებაში გზათა მინისტრი ლორთქიფანიძე კმაყოფილებას გამოთქვამს, რომ სამინისტროს საერთო საქმეთა განყოფილების უფროსმა, პ. ს. ფიცხელაურმა, რომელსაც რკინიგზის ექსპლოატაციაში შექმნილი ქაოსური მდგომარეობის გამო 5 სექტემბრიდან დროებით დაევალა რესპუბლიკის ყველა რკინიგზის კონტროლი, ადმინისტრაციული გამოცდილებისა და სარკინიგზო საქმის ცოდნის გამო შეძლო დაკისრებულ მოვალეობათა შესრულება და გზებზე ნორმალური პირობები შექმნა. ამისთვის მას მადლობას უხდის. 15 ოქტომბრიდან გზას ადგილობრივი ხელმძღვანელობა დაუბრუნდება.

1918

ტიპი: ღონისძიება

1918 წლის 15 ოქტომბრიდან გზათა მინისტრ ივანე ნესტორის ძე ლორთქიფანიძის ბრძანებით საერთო საქმეთა განყოფილების უფროსს გიორგი გაბრიელის ძე ფიცხელაურს გზათა სამინისტროს ყველა რკინიგზის უშუალო მართვა და ხელმძღვანელობა დაევალა. ივანე ლორთქიფანიძემ კახეთის რკინიგზის ხელმძღვანელობას სთხოვა, რომ მათი კომპეტენციიდან გამომდინარე, ყველა საკითხზე განმარტების მისაღებად ფიცხელაურისთვის მიემართათ.

ტიპი: ღონისძიება

1924 წლის თებერვალში გაიმართა განათლების მუშაკთა მესამე ყრილობა, სადაც „პროფ. ნუცუბიძემ კმაყოფილებით აღნიშნა სახ. გან. კომ.-ის (კერძოდ, კომისარ დავით კანდელაკის) განცხადება იმის შესახებ, რომ საქ. უნივერსიტეტმა გაამართლა მასზე დამყარებული იმედები.“

1923

ტიპი: ღონისძიება

საღამოს მე-2 ნაწილი შეიცავდა ოქტომბრის ექვსი წლისთავის დღესასწაულს. უნივერსიტეტში საკუთარი ძალებით წარმოდგენილ იქნა სასცენოდ გადაკეთებული სოსნოვსკის ფელეტონი „კონიოკ-გარბუნოკი“ რომელიც ოქტომბრის რევოლუციისადმი იყო მიძღვნილი. წარმოდგენა დიდი ხალისით ჩატარდა. დასასრულს სტუდენტებისა და სტუმრებისთვის ამხანაგური ვახშამი გაიმართა.

1923

ტიპი: ღონისძიება

ა./კ. კომ. უნ-ის სახელით სიტყვა წარმოთქვა ეგიაზაროვმა, რომელიც გამოსთქვამდა რწმენას, რომ მომავალ წლისთვის სტუდენტთა რიცხვი უნივერსიტეტში გაორკეცდებოდა და მრავალ მომზადებულ მებრძოლს გამოუშვებდა.

1923

ტიპი: ღონისძიება

1923 წლის 10 ნოემბრის გაზეთ „კომუნისტის“ ცნობით, ორჯონიკიძე ა./კ. კომ. უნივერსიტეტს პროლეტარულ ინტელიგენციის მომამზადებელ დაწესებულებად თვლიდა, რომელიც ხელს შეუწყობდა ფართე მასებში კლასიური პროლეტარული იდეოლოგიის ჩამოყალიბებას.

1923

ტიპი: ღონისძიება

1923 წლის 10 ნოემბრის გაზეთ „კომუნისტის“ ცნობით, პირველი მისასალმებელი სიტყვა მიასნიკოვმა წარმოთქვა, რომელიც ხაზს უსვამდა ა./კ. კომუნივერსიტეტის მნიშვნელობას ადგილობრივი ერებისთვის.

1923

ტიპი: ღონისძიება

1923 წლის 7 ნოემბერს ამიერკავკასიის კომუნისტური უნივერსიტეტის საზეიმო გახსნაზე იმჟამინდელი მდგომარეობის შესახებ საზოგადოებას მოახსენა უნივერსიტეტის რექტორმა ტაკოევმა.

1923

ტიპი: ღონისძიება

1923 წლის 7 ნოემბრის გაზეთ „კომუნისტის“ ცნობით, კომუჯრედთა ბიურო უნივერსიტეტში საკმაოდ დიდი ფორმატის რუსულენოვან (არსებობდა ქართულენოვანი და სომხურენოვანი განყოფილებებიც) კედლის გაზეთ „ოცდაექვსელს“ გამოსცემდა.

1923

ტიპი: ღონისძიება

1923 წლის 7 ნოემბერს მხოლოდ ფორმალურად გაიხსნა კომუნივერსიტეტი, ფაქტიურად კი ის 1923 წლის მარტის პირველი რიცხვებიდან არსებობდა.

1923

ტიპი: ღონისძიება

1923 წლის 7 ნოემბრის გაზეთ „კომუნისტის“ ცნობით, თბილისში, ერმოლოვის ქ. N6-ში 26 კომუნარის(კომისრის) სახელობის ამიერკავკასიის კომუნისტური უნივერსიტეტი გაიხსნა.

1918

ტიპი: ღონისძიება

1918 წლის 4 დეკემბერს საქართველოს ეროვნული საბჭოს საკონსტიტუციო სხდომაზე გაგრძელდა განხილვა გიორგი ნანეიშვილის მიერ შემუშავებული დებულებისა – ფინანსების შესახებ. ნანეიშვილი აცხადებდა, რომ წინა კრებაზედ ამ დებულების მეორე მუხლად მიიღეს ისეთი მუხლი, რომელიც შეტანილია მოქალაქეთა უფლება-მოვალეობის დებულების მე-15 მუხლად, ამიტომ შემოიტანა წინადადება ამ დებულებაში გამოეტოვებინათ ეს მუხლი. მცირე კამათის შემდეგ მეორე მუხლი წინა სხდომაზე მიღებული, უცვლელად დარჩა.

1918

ტიპი: ღონისძიება

1918 წლის 4 დეკემბერს გამართულ საქართველოს ეროვნული საბჭოს საკონსტიტუციო სხდომას დაესწრნენ: სერგო ჯაფარიძე, კონსტანტინე მაყაშვილი, მარიამ ჩხეიძე, სპირიდონ კედია, სამსონ დადიანი, ალექსანდრე წერეთელი, ლეო ნათაძე, ასევე დამხმარეები: გიორგი ნანეიშვილი და კონსტანტინე მიქელაძე, თავმჯდომარე იყო სერგო ჯაფარიძე, მდივანი – მარიამ ჩხეიძე.

1917

ტიპი: ღონისძიება

1917 წლის 18 ნოემბრის სხდომაზე დ. გ. აბხაზმა განაცხადა, რომ მის მოხსენებაში ხაზგასმით იყო აღნიშნული საჭიროება ეკონომიკური საბჭოს შექმნისა სწორედ იმ სახით, როგორზეც ს. ფ. ზავალიშინი და ე. ი. დიატკინი საუბრობდნენ. შეკრებამ ერთხმად გამოიტანა დადგენილება: 1. მიესალმონ ამიერკავკასიის კომისარიატის, როგორც ერთიანი სახალხო ხელისუფლების, შექმნას; 2. ასეთი კომიტეტის შექმნა აუცილებელია რაიონის პოლიტიკურ-ეკონომიკური ცხოვრების რეგულირებისთვის; 3. ეკონომიკურმა საბჭომ უნდა განიხილოს რაიონის სახალხო სამეურნეო საკითხები; 4 განისაზრვროს ის ორგანიზაციები, რომელთა წარმომადგენლებიც შევლენ ეკონომიკურ საბჭოში: კავკასიის რაიონის საქარხნო კომიტეტი, ამიერკავკასიის კომიტეტი საწვავისთან დაკავშირებით, ბაქოს კომიტეტი საწვავთან დაკავშირებით, ამიერკავკასიის რკინიგზა, სამეურნეო სამმართველოები, გაერთიანებული ორგანიზაციები შრომის საკითხებთან დაკავშირებით, ნავთობწარმოების საბჭო, გეოლოგიური საბჭო, ამიერკავკასიის ტექნიკური ძალების საბჭო, ნავთობწარმოების მუშათა კავშირი, ამიერკავკასიის რკინიგზის თანამშრომელთა კავშირი, ამიერკავკასიის ოლქის სამხედრო კომიტეტი, ბაქოს ოლქის სამხედრო კომიტეტი, ამიერკავკასიის აგრონომიული ორგანიზაცია. 5. დაევალოს ეკონომიკურ საბჭოს თავად შეადგინოს ამიერკავკასიის კომისარიატის ეკონომიკური საბჭოს პროექტი. 6.აუცილებლად ჩაითვალოს ეკონომიკური და პოლიტიკური კონტაქტი ჩრდილოკავკასიასთან.

1918

ტიპი: ღონისძიება

1917 წლის 15 ნოემბერს გაიმართა კავკასიის რაიონის საქარხნო სათათბიროს კრება ამიერკავკასიის რაიონული ეკონომიკური კომიტეტის შექმნის აუცილებლობასთან დაკავშირებით.

1917

ტიპი: ღონისძიება

1917 წლის 15 ნოემბერს გაიმართა ამიერკავკასიის რაიონული ეკონომიკური კომიტეტის საორგანიზაციო კრება, სდაც მოისმინეს დ. გ. აბხაზის მოხსენება რაიონული ეკონომიკური ხელისუფლების შექმნის შესახებ. კრებას ესწრებოდნენ: რწმუნებული ს. ს. დურნოვი, ბიუროს წევრი ლ. ი. გულიევი, საქარხნო სათათბიროს თავმჯდომარის მოადგილე ს. ფ. ზავალიშინი. ასევე: კ. ნ. საპიცკი, ეფიმ შორი, ს. ვ. ეფრემოვი, ე. ი. დიატკინი, ი. მ. დრაკინი და დ. ა. ნიკოლაევი.

1918

ტიპი: ღონისძიება

1918 წლის 11 დეკემბერს გაიმართა საკონსტიტუციო კომისიის სხდომა, რომელსაც ესწრებოდნენ: ლეო ნათაძე, მარიამ ჩხეიძე, დამხმარეები: გიორგი ნანეიშვილი და კ. მიქელაძე. წევრთა საკმაო რიცხვის დაუსწრებლობის გამო კომისიის სხდომა არ ჩატარდა.

1918

ტიპი: ღონისძიება

1918 წლის 27 ნოემბერს ჩატარებულ საქართველოს ეროვნული საბჭოს საკონსტიტუციო სხდომაზე წაკითხულ იქნა მუხლი 2 მეორე მუხლად მიღებულია: არავინ განთავისუფლდება სახელმწიფო გადასახადებისაგან, გარდა კანონით განსაზღვრულ შემთხვევებისა. ბ. ნანეიშვილის აზრით ეს ცვლილება ზედმეტია , რადგან კანონით ყველა მოქალაქე თანასწორია უფლებებით კამათის შემდეგ თავმჯდომარემ კენჭი უყარა პოლუმორდვინოვის წინადადებას და იგი მეორე მუხლად მიღბულ იქნა ოთხის ხმით სამის წინააღმდეგ

1918

ტიპი: ღონისძიება

1918 წლის 27 ნოემბერს ჩატარებულ საქართველოს ეროვნული საბჭოს საკონსტიტუციო სხდომაზე წაკითხულ იქნა მუხლი 2 : თუ არა კანონის ძალით, არავითარი პენსია, ჯილდო ან აგრეთვე სხვა ხარჯი ფინანსური ხასიათისა არ შეიძლება იქნეს მიღებული სახელმწიფო ხაზინიდან. პოლუმორდვინოვმა განაცხადა, რომ მეორე მუხლად შეტანილ უნდა იქნეს ის, რომ სახელმწიფო გადასახადებისაგან არავინ განთვისუფლდება. პ. საყვარელიძე და წერეთელი ეთანხმებიან ამ აზრს.

1918

ტიპი: ღონისძიება

1918 წლის 27 ნოემბერს ჩატარებულ საქართველოს ეროვნული საბჭოს საკონსტიტუციო სხდომა გადატანილ იქნა სხვა ოთახში და სხდომა გაგრძელდა ს. ჯაფარიძის თავმჯდომარეობით. აღიძრა კითხვა იმის შესახებ, თუ რადგანაც პირველი მუხლი მიღებულია, ამ მუხლში შეტანილ იქნეს თუ არა დამატება, რომ ქალაქის და ერობის თვითმართველობათ უფლება ჰქონდეთ გადასახადების დაწესებისა. კამათის შემდეგ ნათაძემ შემოიტანა დამატების ტექსტი: ადგილობრივ თვითმმართველობათა უფლებას გადასახადების დაწესებისას განსაზღვრავს ცალკე კანონი, რომელსაც თავმჯდომარემ კენჭი უყარა და დამატება მიღებულ იქნა 6 ხმით ერთის წინააღმდეგ.