1917

ტიპი: ორგანიზაცია

1917 წლის 12 ოქტომბრის გაზეთი „ხმა ქართველი ქალისა“ N26 იუწყება, რომ ქუთაისის დარბევის გამო გასული ხუთშაბათის, 5 ოქტომბრის ნომერი ვერ გამოვიდა.

1920

ტიპი: ორგანიზაცია

1920 წელს არტემ ახნაზაროვი იყო ჟურნალისტების კავშირის წევრი.

1917

ტიპი: ორგანიზაცია

1917 წლის 28 სექტემბრის გაზეთი „ხმა ქართველი ქალისა“ N 25 იუწყება, რომ ქუთაისის საერთო ქალთა კლუბის ბიურო (ხელმძღვანელი კატო მიქელაძე) წევრთა საყურადღებოდ აცხადებს, რომ მომავალი კვირიდან საზოგადო კრებები კლუბის წევრთათვის გაიმართება ქალაქის სამკითხველოში ყოველ კვირა დღეს საღამოს 6 საათზე.

1917

ტიპი: ორგანიზაცია

1917 წლის 21 სექტემბრის გაზეთი „ხმა ქართველი ქალისა“ N24 (რედაქტორი კატო მიქელაძე) იუწყება, რომ ქუთაისის საერთო ქალთა კლუბის ბიუროს ცნობით, ამიერიდან საერთო წევრთა კრება დაიწყება კვირაობით საღამოს 5 საათზე.

1917

ტიპი: ორგანიზაცია

1917 წლის სექტემბერში გაზეთის „ხმა ქართველი ქალისა“ ფონდის გასაძლიერებლად ლუდმილა კონდრატის ასულმა ჩაჩიბაიამ შესწირა 10 მან.

1917

ტიპი: ორგანიზაცია

1917 წლის 21 სექტემბრის გაზეთის, „ხმა ქართველი ქალისა“ N24 ცნობით, 20 სექტემბრიდან მიხაილ ბარათაშვილის მაღაზიაში ფეხსაცმლის ძირი გირვანქა 8 მანეთად გაიყიდება.

1917

ტიპი: ორგანიზაცია

1917 წლის 17 სექტემბერს საკათალიკოსო საბჭოს წევრებად აირჩიეს დეკანოზი ნიკოლოზ თალაკვაძე, მიხეილ მაჩაბელი, პ. მახათაშვილი, პავლე ინგოროყვა, რაფიელ ივანიცკი, თედო სახოკია და ქრისტეფორე კაპანაძე.

1917

ტიპი: ორგანიზაცია

1917 წლის 31 აგვისტოს გაზეთი „ხმა ქართველი ქალისა“ N21 ჟურნალ-გაზეთებზე დაყრდნობით იუწყება ხმების შესახებ, რომ კერენსკის მეთაურობით თორმეტი კაცისგან შემდგარი დირექტორია არსებობს.

1917

ტიპი: ორგანიზაცია

1917 წლის 10 აგვისტოს გაზეთის, „ხმა ქართველი ქალისა“ N18 ცნობით, ფონდის „ხმა ქართველი ქალისა“ სასარგებლოდ მაგდანა მგელაძემ შესწირა 5 მანეთი.

1917

ტიპი: ორგანიზაცია

1917 წლის 10 აგვისტოს გაზეთის „ხმა ქართველი ქალისა“ (N18) ცნობით, მარიამ ექვთიმეს ასულმა მიქაშავიძემ გაზეთის სასარგებლოდ შესწირა 10, მარიამ ივანეს ასულმა ჯაფარიძემ – 5 მან.

1917

ტიპი: ორგანიზაცია

1917 წლის 27 ივლისის გაზეთში „ხმა ქართველი ქალისა“ N16 დაიბეჭდა ინფორმაცია გაზეთის სასარგებლოდ აგარაკებში ყულაბებით ფულის შეგროვების შესახებ. სურამიდან შემოვიდა 327 მანეთი, შემომწირველები: ნანა ფანჯაკიძე, სონია მურმანოვა, ლუბა ჩინჩალაძე, ქეთო მარუაშვილი, ჭელიძე, ხუნდაძე, ნინა მურბანავა, ჯოჯუა, ბერიშვილი, მამინოვი, ბლიაძე. ცაგერიდან შემოვიდა 127 მან. 66 კაპ. შემომწირველები: შალიკო გოგოლაშვილი, იოსებ ფეიქაროვი, საშა ხიტაროვი, მარკველაშვილი, მოშიაშვილი, ლეუშა. ბორჯომიდან შემოვიდა 552 მანეთი. შემომწირველები იყვნენ: კატია ხაზარაძე, ხიტაროვი, ჯანელიძე, ჩერქეზიშვილი, ვალოდია ხაზარაძე, მიქელაძე, დატებოვი, ანტოშა ხაზარაძე, ხუნდაძე, ვარდო ხოშტარია, თამარა ბერიძე, მეძმარიაშვილი, ქ. ჯანელიძე, მოშიაშვილი. რედაქცია „ხმა ქართველი ქალისა“ მადლობას უხდის აღნიშნულ პირებს დახმარებისათვის.

1917

ტიპი: ორგანიზაცია

1917 წლის 20 ივლისის გაზეთის, „ხმა ქართველი ქალისა“ N15 ცნობით, ქუთაისის გუბერნიის კომისარი გრიგოლ გიორგაძე მთხოვნელებს იღებს 11 საათიდან 1 საათამდე.

1917

ტიპი: ორგანიზაცია

1917 წლის 6 ივლისის გაზეთში „ხმა ქართველი ქალისა“ N13 დაიბეჭდა სურამის ქართველ ქალთა კავშირ „მანდილოსნის“ თავმჯდომარის, მარიამ ლომინაძის წერილი, რომელმაც 30 ივნისს სურამში გამართა საღამო და წარმოდგენა გაზეთის, „ხმა ქართველი ქალისა“ სასარგებლოდ, საღამოდან მიღებულიი შემოსავალი, 213 მან. გადაეცა გაზეთის რედაქტორს, ეკ. მიქელაძეს. წერილის ავტორი მადლობას უხდის „კალაკმაროვს“, რომელმაც რეჟისორობა გასწია.

1917

ტიპი: ორგანიზაცია

1917 წლის 30 აპრილს დ. ხაშურში ჩატარდა ქალთა წრე „მანდილოსანის“ კრება, სადაც სიტყვით მიესალმა ქ. ყიფშიძე და ითხოვა აერჩიათ კრების თავმჯდომარე. თავმჯდომარედ აირჩიეს ქალ. ფ. ბახტაძე, მდივნად ქ. თავაძე. თავმჯდომარემ წაიკითხა ქალთა წრის წესდება, რომელიც მიიღეს შეუსწორებლად, ქ. ჩიქოვანმა კრებას წარუდგინა წარსული წლის ანგარიში. კრებამ აირჩია გამგეობის ახალი წევრები: ქ. ქ. ძნელაძისა, მანჯავიძისა, მარიამიძისა, კარბელაშვილისა, ბასიევა, ფრანჩუკისა, კლდიაშვილისა, კვალიევისა, ახალკაცი, ხოზბეროვისა, ყაჭეიშვილისა. მათ კანდიდატებად: ქ. ჩიქოვანი, ყიფშიძე, თავაძე, ბახტაძე, ჯიბლაძე. სარევიზიო კომისიაში: ქ. ქ. ჭუმბურიძისა, იოსელიანი, გვერწითელისა. მათ კანდიდატად ქ. მაჭავარიანი. კრებაზე გამოჩნდნენ მამაკაცები და მოითხოვდნენ დაშვებს, ქალებმა კენჭი უყარეს საკითხს და ერთხმად გადაწყვიტეს არ დაშვება. მამაკაცებმა დატოვეს დარბაზი გარდა ერთისა, ბ. მარიამიძე მოითხოვდა დაეშვათ როგორც კორესპონდენტი. მან კრებაზე შეიტანა პოლიტიკური განხეთქილება თავისი ცოლის მეშვეობით. ერთმა ქალმა ყველას მოუწოდა გონიერებისკენ და დაპირდა, რომ რეცენზია გაეგზავნებოდა უპარტიო გაზეთს, „ხმა ქართველი ქალისა“. ამის შემდეგ კრებამ განაახლა მუშაობა.

1918

ტიპი: ორგანიზაცია

1918 წელს შექმნილ ქართველ მაჰმადიანთა დივიზიონს ერთი წლის შემდეგ მთავრობის სურვილით ბახში-ბეგ მაჩაბელი შეუერთდა.

ტიპი: ორგანიზაცია

ალექსანდრე დგებუაძის ცნობით, საქართველოში მოქმედებდა 2456 სამრეწველო და წესებულება. მათგან 492 კერძო პირების საკუთრება იყო, 716 – სახელმწიფოსი, დანარჩენი 1248 კი იყო საზოგადოებრივი ორგანიზაცია (ერობის, თვითმმართველობის და ა. შ.).

1949

ტიპი: ორგანიზაცია

1949 წლის აპრილსში შალვა მაღლაკელიძე რომში კავკასიური ჯგუფის დაარსებას გეგმავდა, რომელიც დაუახლოვდებოდა ანტისაბჭოურ ხაზებსა და მიმართულებებს: ოსმალეთში, სპარსეთში, ესპანეთსა და გერმანიაში.

1917

ტიპი: ორგანიზაცია

თბილისის II კომერციული სასწავლებლის 1917-1918 სასწავლო წლის ანგარიშის თანახმად, კომერსანტი მიხეილ ნერსესის ძე ოსიპიანცი (ოსეპიანცი) სამეურვეო საბჭოს წევრი იყო.

1917

ტიპი: ორგანიზაცია

თბილისის II კომერციული სასწავლებლის 1917-1918 სასწავლო წლის ანგარიშის თანახმად, 1911 წლიდან ნიკოლოზ დიმიტრის ძე მახათაძე (დირექტორი) სამეურვეო საბჭოს მუდმივი წევრი იყო.

1948

ტიპი: ორგანიზაცია

1948 წლის ოქტომბერში შალვა მაღლაკელიძე რომში არსებულ ლტოლვილთა საერთაშორისო ორგანიზაცია „იაფარში“ გაწევრიანდა.

1948

ტიპი: ორგანიზაცია

1948 წლის დეკემბერში გაიოზ მაღლაკელიძემ გერმანიაში პრესის ბიურო “Евразисче Информатион“ დააარსა.

1885

ტიპი: ორგანიზაცია

1885 წელს ქართველთა შორის წერა-კითხვის გამავრცელებელმა საზოგადოებამ ბათუმის სკოლის მასწავლებელ მოსე ივანეს ძე ნათაძეს გასაყიდი წიგნების სია გაუგზავნა.

1919

ტიპი: ორგანიზაცია

1919 წლის 15 მარტს დავით გიორგის ძე კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს წმინდა ნინოს ეკლესიის სამრევლო საბჭოს 9 მარტის სხდომის დადგენილება საზოგადოების ბიბლიოთეკა-სამკითხველო ეკლესიის ხარჯით შენახვის შესახებ. ამ დადგენილებით, საზოგადოება მთლიანად თავისუფლდებოდა ბიბლიოთეკის ხარჯისაგან (წმინდა ნინოს უბნის ბიბლიოთეკას საზოგადოებისგან 50 მანეთის დახმარება ჰქონდა მიღებული). გამგეობამ სამრევლო საბჭოს მადლობა გადაუხადა.

ტიპი: ორგანიზაცია

მაღლაკელიძეების არქივში აღმოჩენილ „ქართველ სტუდენტთა საზოგადოების“ წევრთა სიაში ჩაწერილია: შალვა მაღლაკელიძე, ვიქტორ ნოზაძე, გრიგოლ ჩომახიძე, გაიოზ მაღლაკელიძე, კარლო ინასარიძე, ალექსანდრე ფუტკარაძე, ჯიმშერ ახმეტელი, ლევან ბალარჯიშვილი.

ტიპი: ორგანიზაცია

მაღლაკელიძეების არქივში აღმოჩენილი განცხადების ფორმაში „ქართველ მხედართა დარაზმულობაში გაწევრიანების მსურველთათვის“ სახელმწიფო ორგანიზაციებში საბეჭდი მანქანების არსებობის აუცილებლობას უსვამდნენ ხაზს.