ტიპი: ავტორობა

გამომგზავნი ორგანიზაციები ვალდებული არიან: ა) იკისრონ სამგზავრო ხარჯები; ბ) ჩააბარონ გამოსაგზავნ ამხანაგს პირადი საქმე და შემრჩევ კომისიის დადგენილება; გ) მისცენ მოკლე ცნობები: ასაკის, განათლების, ეროვნების, სოციალური მდგომარეობის, პროფესიის, პარტიაში ან კომკავშირში შესვლის დროის, თანამდებობის შესახებ, ცნობები პარტიულ და საბჭოთა მუშაობის შესახებ, მოკლე დახასიათება გამოგზავნილისა, როგორც პარტიული მუშაკის, და გასაგზავნის ხელწერილი იმის შესახებ, რომ მიღების პირობებს ის იცნობს.

ტიპი: ავტორობა

მიიღებიან ამხანაგები, რომლებიც აკმაყოფილებენ შემდეგ მოთხოვნილებებს: ა) ფიზიკური შრომის საწარმოო სტაჟი სამრეწველო დაწესებულებებში ან სასოფლო მეურნეობაში არა ნაკლებ 2 წლისა; ბ) პარტიის წევრები 2 წლის სტაჟით და კომკავშირის წევრები 3 წლის სტაჟით. შენიშვნა: კომკავშირის წევრთა რაოდენობა განისაზღვრება არა უმეტეს 25 პროცენტისა. გ) რომლებიც აქტიურად მუშაობენ პარტიულ, საბჭოთა, პროფესიონალურ და კოოპერატიულ ორგანიზაციებში არანაკლებ 2 წლისა; დ) ასაკი 20-დან 32 წლამდე.

1925

ტიპი: ავტორობა

1925-26 სამოსწავლო წლისთვის ამიერკავკასიის კომუნისტურ უნივერსიტეტში უმეტესად მუშებსა და გლეხებს იღებდნენ. გამონაკლისი მხოლოდ იმ შემთხვევაში დაიშვებოდა, თუ პირი აქტიურ პარტიულ მუშაობას ეწეოდა.

1923

ტიპი: ავტორობა

1923 წლის 16 იანვრის გაზეთ „კომუნისტის“ ცნობით, ახალგაზრდა კომკავშირლებს უფლება ჰქონდათ ამიერკავკასიის საბჭოთა სოციალისტურ-ფედერალისტური რესპუბლიკის ც. ა. კ.-ის პირველი სესიისთვის კავკასიაში ბაქოს 26 კომუნარის სახელობის კომუნისტური უნივერსიტეტის დაარსება მოეთხოვათ.

1923

ტიპი: ავტორობა

ამიერკავკასიაში პარტიულ მუშაობას სათავეში ფრიად ავტორიტეტული ორგანო რუსეთის კომპარტიის ამიერკავკასიის საოლქო კომიტეტი ჩაუდგა, ხოლო საბჭოთა მუშაობას - ამიერკავკასიის ცენტრალური აღმასრულებელი კომიტეტი. ასეთი ორი საიმედო პატრონი საკმარისი იყო კომუნისტური უნივერსიტეტის მოსაწყობად.

1923

ტიპი: ავტორობა

პროვინციალური კომუნისტური უნივერსიტეტები არსებობენ, მუშაობენ, ვითარდებიან. მათ აქვთ საკუთარი სალექტორო და ძირითადი ფაკულტეტები 2-8 წლიანი კურსით და 2-5 ასეული სტუდენტით.

1923

ტიპი: ავტორობა

პროვინციული კომუნისტური უნივერსიტეტები (ხარკოვის, ციმბირის, ყაზანის, სარატოვის ეკატერინბურგის და ტაშკენტის) 1921-22 წლებში საბჭოთა პარტიული სკოლებისგან დაარსდნენ.

1923

ტიპი: ავტორობა

1923 წლის 16 იანვრს გაზეთ „კომუნისტში“ ს. ნოვიკოვი წერდა, ლენინმა კომინტერნის მეოთხე კონგრესზე სწავლების საკითხი ინტერნაციონალური მასშტაბით დააყენა.

1923

ტიპი: ავტორობა

1923 წლის 16 იანვრის გაზეთ „კომუნისტის“ ცნობით, ნიკოლაი ბუხარინმა ახალგაზრდობას მიმართა და განათლების უპირატრესობაზე ისაუბრა.

1923

ტიპი: ავტორობა

1923 წლის 7 ნოემბრის გაზეთ „კომუნისტის“ ცნობით, კომუნივერსიტეტის რექტორი ტაკოევი წინადადებით გამოდიოდა მისასალმებელი დეპეშები გაეგზავნათ რ. კ. პ. ცეკას, ლენინის, სტალინის და აზერბაიჯანის ცაკას მდივნისთვის, აგამალი ოღლისთვის.

1923

ტიპი: ავტორობა

1923 წლის 7 ნოემბრის გაზეთ „კომუნისტის“ ცნობით, კომუნივერსიტეტის რექტორმა ტაკოევმა აზერბაიჯანის ცაკის თავმჯდომარის, აგამალი ოღლის მისალოცი დეპეშა წაიკითხა.

1923

ტიპი: ავტორობა

1923 წლის 10 ნოემბრის გაზეთ „კომუნისტის“ ცნობით, ფიზიკური, ქიმიური, გეოლოგიური და გეოგრაფიული ლაბორატორიებისთვის ხელსაწყოები და მასალები გერმანიაში იყო შეკვეთილი, რიმლებიც ჯერ არ იყო ჩამოსული. ამ გარემოებამ უნივერსიტეტის მუშაობა დააბრკოლა.

1923

ტიპი: ავტორობა

1923 წლის 10 ნოემბრის გაზეთ „კომუნისტში“ აღნიშნულია, რომ დასრულდა აუდიტორიების, ბიბლიოთეკების, სამკითხველოების, ლაბორატორიებისა და კაბინეტების ხელსაწყოებითა და საჭირო მასალით შევსება.

1923

ტიპი: ავტორობა

1923 წლის 7 ნოემბრის გაზეთ „კომუნისტის“ ცნობით, უნივერსიტეტს უხდებოდა ერთ და იმავე დროს მოწყობა-მოწესრიგება და მიმდინარე მუშაობის წარმოებაც.

1923

ტიპი: ავტორობა

1923 წლის 10 ნოემბრის გაზეთ „კომუნისტის“ ცნობით, ამიერკავკასიის კომუნისტურ უნივერსიტეტში 243 ვაჟი და 43 ქალი ირიცხებოდა. საზოგადოებრივ-პედაგოგიურ ფაკულტეტზე - 89 კაცი, პარტიულ საბჭოთა ფაკულტეტზე - 128, ხოლო მოსამზადებელ განყოფილებაზე - 69. ქართულ ჯგუფში 20 კაცი იყო, თურქულში - 28, ხოლო რუსულში – 21. რესპუბლიკების მიხედვით სტუდენტთა რაოდენობა შემდეგნაირად ნაწილდებოდა: აზერბაიჯანის 86 მოქალაქე, სომხეთის - 43, საქართველოს - 128. ეროვნების მიხედვით: ქართველი - 56, სომეხი - 89, თათარი - 47, რუსი - 52, სხვა მცირე ერთა წარმომადგენელნი - 35. ენის ცოდნის მიხედვით: ქართული ენის მცოდნე - 67, სომხური ენის მცოდნე - 83, თათრული ენის - 88 კაცი. ასაკის მიხედვით სტუდენტების ორ მესამედზე მეტი 18-25 წლისანი იყვნენ.

1923

ტიპი: ავტორობა

1923 წლის 10 ნოემბრის გაზეთ „კომუნისტის“ ცნობით, უნივერსიტეტს მხოლოდ ორი ფაკულტეტი ჰქონდა - საზოგადოებრივ-პედაგოგიური და საბჭოთა-პარტიული. არსებობდა მოსამზადებელი განყოფილებაც.

1923

ტიპი: ავტორობა

1923 წლის 7 ნოემბრის გაზეთ „კომუნისტის“ ცნობით, ბიუროს მიერ უმთავრესი ყურადღება საწარმოო მუშათა და წითელ-არმიელთა კომუჯრედებთან კავშირის დაჭერისკენ იყო მიპყრობილი.

1923

ტიპი: ავტორობა

1923 წლის 7 ნოემბრის გაზეთ „კომუნისტის“ ცნობით, კომუჯრედის ბიუროს თაოსნობით უნივერსიტეტის თანამშრომელთა შორის ანბანური და პოლიტუცოდინრობის ლიკვიდაციისთვის პოლიტწრეები არსდებოდა, რომლებზეც მიმაგრებული იყვნენ როგორც სტუდენტები, ასევე ლექტორები.

1923

ტიპი: ავტორობა

1923 წლის 7 ნოემბრის გაზეთ „კომუნისტის“ ცნობით, კომუჯრედი ყოველდღიურად 50-60 ცალ მოსკოვში გამოცემულ გაზეთ „პრავდას“ ყიდულობდა, რაც უნივერსიტეტის გამგეობის მიერ შეძენილ რამდენიმე ათეულ რუსულ და ადგილობრივ გაზეთებთან ერთად სავსებით უზრუნველყოფდა სტუდენტების მოთხოვნილებას.

1923

ტიპი: ავტორობა

1923 წლის 7 ნოემბრის გაზეთ „კომუნისტის“ ცნობით, ამა თუ იმ თემის ღრმად შესწავლის შემდეგ სტუდენტები მოხსენებებისთვის ტფილისის საწარმოების კომუჯრედებში დაიგზავნენ. პირველმა ცდამ სასურველად ჩაიარა. სტუდენტობამ საჭირო გამოცდილება მიიღო. განზრახული იყო ამ მუშაობის მაქსიმალურად გაფართოება.

1923

ტიპი: ავტორობა

1923 წლის 7 ნოემბრის გაზეთ „კომუნისტის“ ცნობით, კომუჯრედი კომპარტიის და კომინტერნის ტაქტიკის და სტრატეგიის ღრმა თეორიულ და აკადემიურ შესწავლას დიდ ყურადღებას აქცევდა. მუშაობის ნაყოფიერებისთვის მთელი უჯრედი „შემაკავშირებელ“ 16 წრედ იყო დაყოფილი. აქედან 14 წრე რუსული იყო, რუსულის არამცოდნეთათვის: 1 ქართული და 1 თურქული. თითოეულ წრესთან უჯრედის ბიუროს მიერ მიმაგრებული იყო მდივანი - ხელმძღვანელი. წრეების სხდომა იმართებოდა 2 კვირაში ერთხელ, სადაც წრის მიერ დანიშნული სტუდენტი აკეთებდა მოხსენებას იმ მასალის მიხედვით, რომელსაც წრის ყველა წევრი წინდაწინ ეცნობოდა.

1923

ტიპი: ავტორობა

1923 წლის 7 ნოემბრის გაზეთ „კომუნისტის“ ცნობით, ამიერკავკასიის უნივერსიტეტის კომუჯრედი თბილისის ორგანიზაციის ერთ უძლიერეს უჯრედად ჩაითვალა. კომუჯრედში 175 წევრი და კანდიდატი იყო. კავშირის წევრთა რიცხვი 115-ს აღწევდა.

1923

ტიპი: ავტორობა

1923 წლის 7 ნოემბრის გაზეთ „კომუნისტის“ ცნობით, ამიერკავკასიის უნივერსიტეტის ოფიციალურად გახსნის დღეს „ოცდაექვსელებმა“ დადეს ფიცი, რომ უმაღლესი პარტიული სკოლიდან მარქსისტული ცოდნით შეარაღებიულნი გამოვიდოდნენ.

1923

ტიპი: ავტორობა

1923 წლის 7 ნოემბრის გაზეთ „კომუნისტის“ ცნობით, უნივერსიტეტში ორი ფაკულტეტი – საზოგადო პედაგოგიური და საბჭოთა პარტიული ფაკულტეტი ფუნქციონირებდა. ასევე არსებობდა ნაციონალური მოსამზადებელი ჯგუფებიც.

1923

ტიპი: ავტორობა

1923 წლის 7 ნოემბრის გაზეთ „კომუნისტის“ ცნობით, უნივერსიტეტის აკადემიური მხარე სავსებით დამაკმაყოფილებელი იყო. მეცადინეობა უმთავრესად ლაბორატორიებში მიმდინარეობდა. მუშაობის სიმძიმის ცენტრი გადატანილი იყო სტუდენტების თვითმოქმედებაზე, ლექტორები კი თანასწორთა შორის ხელმძღვანელის როლს ასრულებდნენ.