1919

ტიპი: ავტორობა

1919 წლის 29 ნოემბრის გაზეთ „საქართველოს რესპუბლიკის“ ცნობით, ალექსანდრე ახმეტელის რეჟისორობით მიმდინარეობდა რეპეტიციები დიმიტრი არაყიშვილის ოპერის „თქმულება შოთა რუსთაველზე“ დადგმისთვის.

1919

ტიპი: ავტორობა

1919 წლის 22 ნოემბრის გაზეთ „საქართველოს რესპუბლიკის“ ცნობით, იტალიის სამხედრო მისიის ხელმძღვანელმა ამიერკავკასიაში პოლკოვნიკმა მელქიორე გაბბამ საგარეო საქმეთა მინისტრ ევგენი გეგეჭკორს 27 ნოემბერს გამართული სადილისთვის მადლობის წერილი მისწერა. აღნიშნვდა, რომ მისთვის სასიხარულო იყო ამიერკავკასიის ერთა მომავლისთვის განსაკუთრებული მნიშვნელობის მქონე ხელშეკრულების დადება, რის შესახებაც იტალიის მთავრობას აცნობებდა.

1919

ტიპი: ავტორობა

1919 წლის 28 ნოემბრის გაზეთ „საქართველოს რესპუბლიკის“ ცნობით, საქართველოს მევენახეთა და მეღვინეთა პირველი კონგრესის წევრები ნიკო ნიკოლაძის თავმჯდომარეობით დეპეშით მიესალმნენ საქართველოს დემოკრატიულ მთავრობას და სრული გამარჯვება უსურვეს სამეურნეო აღმშენებლობაში.

1919

ტიპი: ავტორობა

1919 წლის 30 ნოემბრის გაზეთ „საქართველოს რესპუბლიკის“ ცნობით, სამშობლოს წინაშე გამოჩენილი გმირობისათვის სამხედრო მინისტრმა ნოე რამიშვილმა N275 ბრძანებით მადლობა გამოუცხადა მე-8 ასეულის უფროს ლეიტენანტ გამყრელიძეს და ჯარისკაცებს .

1919

ტიპი: ავტორობა

1919 წლის 26 ნოემბრის გაზეთ „საქართველოს რესპუბლიკის“ ცნობით, დენიკინის ბრძანებით, რომელიც გაზეთში დაიბეჭდა რუსეთის სავაჭრო გემებს ქართველების მიერ დაპყრობილი სანაპიროს ნავსადგურებში (საუბარია ბათუმზე) შესვლა აეკრძალათ. შავი ზღვის ფლოტის სარდალმა გასცა განკარგულება რუსეთის სავაჭრო გემების შემოწმების შესახებ.

1919

ტიპი: ავტორობა

1919 წლის 28 ნოემბრის გაზეთ „საქართველოს რესპუბლიკის“ ცნობით, სასამართლო პალატის წევრმა მიხეილ ორჯონიკიძემ იუსტიციის მინისტრს 24 ნოემბერს ხაშურში 5 მილიციელის პასუხისგებაში მიცემის ამბავს შეატყობინა. მათ ბრალად ყაჩაღებისთვის იარაღის გაცვლა ედებოდათ. ორ მათგანს სასამართლომ დახვრეტა მიუსაჯა, ორს – 15 წლით პატიმრობა, ერთს კი – კატორღა.

1919

ტიპი: ავტორობა

1919 წლის 22 ნოემბრის გაზეთ „საქართველოს რესპუბლიკის“ ცნობით, კონსულმა პეტრე ჩინიჯიშვილმა საგარეო საქმეთა მინისტრს ბათუმში საქართველოს ეროვნული დროშით გემის „თბილისი“ შესვლა აცნობა. ქართული საზოგადოება გემს დიდი ენთუზიაზმით შეხვედრია და ოვაციები გაუმართავს.

1919

ტიპი: ავტორობა

1919 წლის 20 ნოემბერის გაზეთ „საქართველოს რესპუბლიკის“ ცნობით, ქართველთა შორის წერა-კითხვის გამავრცელებელმა საზოგადოებამ დაბეჭდა და გასაყიდად გამოსცა სეით იაშვილის „მოკლე სახელმძღვანელო საზოგადო გეოგრაფიისა: აზია, აფრიკა, ამერიკა და ავსტრალია“, ფასი – 27 მანეთი; ეგნატე ხრამელაშვილის „არითმეტიკული ამოცანებისა და რიცხვთა მაგალითების კრებულის“ 1-ელი და მე-2 ნაწილი, ფასი – 17 მანეთი.

1919

ტიპი: ავტორობა

1919 წლის 19 ნოემბრის გაზეთ „საქართველოს რესპუბლიკის“ ცნობით, რედაქციამ საქართველოს საისტორიო და ეთნოგრაფიული საზოგადოების მიერ გამოცემული აკაკის წერეთლის ისტორიული დრამა „პატარა კახი“ მიიღო. წიგნი პატარა ფორმატის იყო და 12 მანეთი ღირდა.

1919

ტიპი: ავტორობა

1919 წლის 19 ოქტომბრის გაზეთ „საქართველოს რესპუბლიკის“ ცნობით, თბილისის თვითმმართველობის სხდომაზე ქალაქის მოურავმა ბენია ჩხიკვიშვილმა საბინაო კრიზისის გამო ქალაქიდან უსაქმური ელემენტების გასახლების საკითხის გადაწყვეტასთან დაკავშირებით საბჭოს მთავრობასთან შუამდგომლობა სთხოვა.

1919

ტიპი: ავტორობა

1919 წლის 28 ნოემბრის გაზეთ „საქართველოს რესპუბლიკის“ ცნობით, სახალხო გვარდიის პირველი რაიონული კრება დაბა ცხინვალიდან საქართველოს მთავრობას ერთგულების ფიცს უგზავნიდა და ჰპირდებოდა, რომ სასტიკად შეებრძოლებოდა ყოველგვარ ანტისახელმწიფოებრივ გამოსვლებს. მისალმებას ხელს ცხინვალის სახალხო გვარდიის კრების თავმჯდომარე დ. მაჭავარიანი აწერდა.

1919

ტიპი: ავტორობა

1919 წლის 6 ნოემბრის გაზეთ „საქართველოს რესპუბლიკის“ ცნობით, გერონტი ქიქოძემ ვაკეში სტადიონის მოწყობასთან დაკავშირებით დამფუძნებელი კრების ხელოვნების კომისიაში დაწვრილებითი მოხსენება გააკეთა. სტადიონამდე ტრამვაის ან ვიწრო ლიანდაგიანი რკინიგზის გაყვანა იგეგმებოდა, მთის კალთებზე დაირგვებოდა ხეები. სტადიონი 100X200 კვადრატული საჟენი(სიგრძის საზომი ერთეული ძველ რუსეთში, უდრიდა 152-176სმ.) იქნებოდა. ვინაიდან ქვის ამფითეატრი ძვირი დაჯდებოდა, ამიტომ იგი უბრალოდ მთის კალთების შესაფერისად გადათხრით გაიმართებოდა.

ტიპი: ავტორობა

დ. ნახუცრიშვილმა, დრამატული სტუდიის დავალებით, თარგმნა დიდი მთავრის - კონსტანტინე კონსტანტინეს ძის პიესა „მეფე ურიათა“.

1919

ტიპი: ავტორობა

1919 წლის 6 ნოემბრის გაზეთ „საქართველოს რესპუბლიკის“ ცნობით, დიმიტრი არაყიშვილის ოპერის „თქმულება შოთა რუსთაველზე“ პრემიერისთვის ქართულ სამუსიკო საზოგადოებაში დაიწყო საოპერო სტუდიისა და კაპელის გაერთიანებული რეპეტიციები.

1919

ტიპი: ავტორობა

1919 წლის 4 ნოემბრის გაზეთ „საქართველოს რესპუბლიკის“ ცნობით, პროფესორმა ივანე ალექსანდრეს ძე ჯავახიშვილმა სახელმწიფო თეატრში გამართული ქართული ლატარიის გათამაშების სხდომა სიტყვით გახსნა.

1919

ტიპი: ავტორობა

1918 წლის 8 ნოემბრის გაზეთ „საქართველოს რესპუბლიკის“ ცნობით, საექიმო-სანიტარული ერობების მუშაობის გასაერთიანებლად და სახელმძღვანელოდ ერობათა კავშირთან საექიმო-სანიტარული განყოფილების მოწყობა გადაწყდა. დებულების პროექტის შედგენა დაევალა ექიმ იოსებ ანტონის ძე ლომოურს.

1919

ტიპი: ავტორობა

1919 წლის 8 ნოემბრის გაზეთ „საქართველოს რესპუბლიკის“ ცნობით, ერობათა კავშირის კომიტეტის პრეზიდიუმის სხდომაზე მოისმინეს ექიმ იოსებ ანტონის ძე ლომოურის მოხსენება ერობათა კავშირში საექიმო სანიტარული ცენტრის მოწყობის შესახებ.

1918

ტიპი: ავტორობა

1918 წლის 10 აგვისტოს გაზეთ „საქართველოს რესპუბლიკის“ ცნობით, ხელოვნებათა სექციამ პროფესორ ივანე ჯავახიშვილის მოხსენების თანახმად დაადგინა, რომ სახელმწიფო გერბად თეთრი გიორგისა და შვიდი მნათობის გამოსახულება არჩეულიყო, რადგან ის ისტორიულად და ტრადიციულად ქართველი ხალხის არსებობასთან იყო დაკავშირებული.

1919

ტიპი: ავტორობა

1919 წლის 31 ოქტომბრის გაზეთ „საქართველოს რესპუბლიკის“ ცნობით, გზათა სამინისტროს მოძრაობის განყოფილების უფროსის, გ. ა. აბელოვის განკარგულებით, ბათუმში მოსული 100 000 ფუთი (მასის ერთეული უდრის 16,38 კგ.) სხვადასხვა ხარისხის ქაღალდიდან ყოველდღე 10 ვაგონი იტვირთებოდა.

1919

ტიპი: ავტორობა

1919 წლის 25 ოქტომბრის გაზეთ „საქართველოს რესპუბლიკის“ ცნობით, შინაგან საქმეთა მინისტრმა ნოე რამიშვილმა გააუქმა მის მიერ 14 ივნისს გამოცემული სავალდებულო დადგენილება თბილისში არსებული ქაღალდის მთელი რაოდენობის შინაგან საქმეთა სამინისტროს ანგარიშზე აღების შესახებ.

1919

ტიპი: ავტორობა

1919 წლის 1-ელი ნოემბრის გაზეთ „საქართველოს რესპუბლიკის“ ცნობით, ოქტომბერში საქართველოს დამფუძნებელი კრების წევრმა ბიქტორ ვასილის ძე თევზაიამ ქუთაისის სოციალ-დემოკრატთა კლუბში წაიკითხა ლექცია „რუსეთისა და უკრაინის მდგომარეობა“.

1919

ტიპი: ავტორობა

1919 წლის 25 ოქტომბრის გაზეთ „საქართველოს რესპუბლიკის“ ცნობით, რკინიგზის ცენტრალური გამგეობის თავმჯდომარემ ერ. დიდიძემ რკინიგზელთა მძიმე სამუშაო პირობებზე ისაუბრა.

1919

ტიპი: ავტორობა

1919 წლის 21 ოქტომბრის გაზეთ „საქართველოს რესპუბლიკის“ ცნობით, ქუთაისში „მომავალმა“ კონსტანტინე მიხეილის ძე კანდელაკის ალგებრულ ამოცანათა კრებული გამოსცა.

1919

ტიპი: ავტორობა

1919 წლის 21 ოქტომბრის გაზეთ „საქართველოს რესპუბლიკის“ ცნობით, განსვენებული საზოგადო მოღვაწის, ივანე კერესელიძის ღრმად მოხუცებულმა (85 წ.) მეუღლემ, ნინო უზნაძემ მთავრობას თავისი უმწეო მდგომარეობის შესახებ აცნობა და დახმარება სთხოვა.

1919

ტიპი: ავტორობა

1919 წლის 5 ოქტომბრის გაზეთ „საქართველოს რესპუბლიკის“ ცნობით, ალექსანდრე სპირიდონის ძე ლომთათიძემ საქართველოს სოციალ-დემოკრატიული მუშათა პარტიის ქუთაისის კომიტეტის კრებაზე წაიკითხა მოხსენება თემაზე: „საქართველოს საგარეო და შინაური მდგომარეობა“.