1898

ტიპი: ღონისძიება

1898 წლის 25 აგვისტოს ქართველთა შორის წერა-კითხვის გამავრცელებელი საზოგადოების სხდომაზე ნიკოლოზ ცხვედაძემ გააკეთა მოხსენება, რომ საქმის სასარგებლოდ საჭირო იყო გომარეთის სკოლის მასწავლებელი გადაეყვანათ რომელიმე სხვა სკოლაში სამუშაოდ. გამგეობამ გადაწყვიტა, რომ თომა კევლიშვილი გადაეყვანათ მასწავლებლად წინარეხის სკოლაში, ხოლო წინარეხის სკოლის მასწავლებელი ეკატერინე რუსიეშვილი გადაეყვანათ გომარეთის სკოლაში.

1898

ტიპი: ღონისძიება

1898 წლის 3 აგვისტოს ქართველთა შორის წერა-კითხვის გამავრცელებელი საზოგადოების სხდომაზე გამგეობას თხოვნით მიმართეს მიხეილ კლიმიაშვილმა და ვასილ ენუქიძემ, რომ ანასტასია წერეთლისთვის გადაეცათ ის თანხა, რომელიც მათი მეშვეობით წინა წელს გამართული ღონისძიებიდან მიიღო საზოგადოებამ. გამგეობამ მათი თხოვნა დააკმაყოფილა.

1912

ტიპი: ღონისძიება

იაკობ გოგებაშვილის ანდერძის მე-2 პუნქტის თანახმად, ქართველთა შორის წერა-კითხვის გამავრცელებელ საზოგადოებას მოანდერძის სახელმძღვანელოების შემოსავლიდან ყოველწლიურად 12 თუმანი უნდა ეძლია ეფემიასთვის – იაკობის ქვრივი მოხუცი დისა და მისი ღარიბი ვაჟის – გიორგი (გიგო) ინაურისთვის. ამ უკანასკნელს ეს შემწეობა დედის გარდაცვალების შემდეგაც უნდა მიეღო 10 წლის განმავლობაში.

1911

ტიპი: ღონისძიება

1911 წლის 30 იანვარს იაკობ გოგებაშვილმა ქართველთა შორის წერა-კითხვის გამავრცელებელი საზოგადოების გამგეობას მოახსენა, რომ სახელმძღვანელოების დაკაზმვაში ვასილ ყიფიანს 420 მანეთს უხდიდა.

1912

ტიპი: ღონისძიება

1912 წლის 8 იანვრის ქონებრივი მდგომარეობის აღწერისას იაკობ გოგებაშვილმა აღნიშნა, რომ მას მართებდა წიგნების მკაზმავი ვასილ ყიფიანის 200 მანეთი და დავით მაჭავარიანის 800 მანეთი – წიგნების ქაღალდისა.

1913

ტიპი: ღონისძიება

1913 წლის ქართველთა შორის წერა-კითხვის გამავრცელებელი საზოგადოების გამგეობის ინსტრუქციის მიხედვით, ბიბლიოთეკებისა და სამკითხველოების სექციას უნდა შეედგინა ბიბლიოთეკებისთვის საჭირო წიგნების კატალოგი; საზოგადოების ბიბლიოთეკებისა და სამკითხველოებისთვის მიეწოდებინა წიგნები, ჟურნალ-გაზეთები და სხვა საჭირო ნივთები.

1913

ტიპი: ღონისძიება

1913 წლის 16 დეკემბრის სამუზეუმო სექციის სხდომაზე სარგის კაკაბაძის განცხადება განიხილეს, რომელიც ითხოვდა „შარდენის მოგზაურობა აღმოსავლეთში“ მისთვის სახლში წასაღებად ეთხოვებინათ.

1913

ტიპი: ღონისძიება

1913 წლის ქართველთა შორის წერა-კითხვის გამავრცელებელი საზოგადოების გამგეობის ინსტრუქციის მიხედვით, სასკოლო სექციას უნდა შეესწავლა სხვადასხვა კუთხეების მდგომარეობა; დაეთვალიერებინა და სათანადოდ მოეწყო საზოგადოების სკოლები,შესაძლებლობის მიხედვით გაეხსნა ახალი სასწავლებლები; შეედგინა პროგრამები და გამგეობისთვის წარედგინა დასამტკიცებლად; აერჩია მასწავლებლები და ჩაეტარებინა პედაგოგიური კურსები; თვალყური ედევნებინა პედაგოგიური ლიტერატურისთვის და შესაფერისი სახელმძღვანელო აერჩია გამოსაცემად ან თვითონ შეედგინა და საგამომცემლო განყოფილებისთვის მიეწოდებინა.

1912

ტიპი: ღონისძიება

1912 წლის 2 აპრილს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ესწრებოდნენ ალექსანდრე მდივანი, შიო დედაბრიშვილი, იპოლიტე ვართაგავა, სერგი გორგაძე და ლუარსაბ ბოცვაძე; გამგეობას თბილისის სახალხო სკოლების დირექტორმა შეატყობინა, რომ ის საჭიროდ არ თვლიდა სოფელ შრომაში გაეხსნათ საზოგადოების სკოლა, რადგან ამ სოფლის ყრილობის დადგენილების თანახმად იქ უნდა გახსნილიყო სამინისტრო სასწავლებელი.

1912

ტიპი: ღონისძიება

1912 წლის 5 აპრილს გაიმართა ქართველთა შორის წერა-კითხვის გამავრცელებელი საზოგადოების მეჩვიდმეტე სხდომა ალექსანდრე მდივნის თავმჯდომარეობით. სხდომას ასევე ესწრებოდნენ: ალექსანდრე ყიფშიძე, სერგი გორგაძე, შიო დედაბრიშვილი, არჩილ ჯაჯანაშვილი, ლუარსაბ ბოცვაძე, იპოლიტე ვართაგავა და დავით კარიჭაშვილი.

1912

ტიპი: ღონისძიება

1912 წლის 2 აპრილს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ესწრებოდნენ ალექსანდრე მდივანი, შიო დედაბრიშვილი, იპოლიტე ვართაგავა, სერგი გორგაძე და ლუარსაბ ბოცვაძე წარმოადგინეს 19, 20 და 21 მარტის საერთო კრების ოქმები, რომლებიც გამგეობას არ განუხილავს.

1912

ტიპი: ღონისძიება

1912 წლის 5 აპრილს ქართველთა შორის წერა-კითხვის გამავრცელებელი საზოგადოების სხდომაზე, რომელსაც ესწრებოდნენ ალექსანდრე მდივანი, ალექსანდრე ყიფშიძე, სერგი გორგაძე, შიო დედაბრიშვილი, არჩილ ჯაჯანაშვილი, ლუარსაბ ბოცვაძე, იპოლიტე ვართაგავა და დავით კარიჭაშვილი წარმოადგინეს საზოგადოების შემოსავალ-გასავლის ანგარიში 1-ლი იანვრიდან 5 აპრილამდე.

1912

ტიპი: ღონისძიება

1912 წლის 28 თებერვალს ქართველთა შორის წერა-კითხვის გამავრცელებელი საზოგადოების სხდომაზე გამგეობამ წიგნების ანგარიშში იაკობ გოგებაშვილს გადასცა 600 მან., ბეგლარ ფიღინოვს — 2.73 მან., მიხეილ ნემსაძეს — 0.91 მან., დიმიტრი არაყიშვილს — 18.80 მან., თებერვლის სტიპენდია ანნა ხახუტაშვილს — 25 მან., ნავთლუღის სკოლის მასწავლებელ მარიამ ჯარიაშვილს — 25 მან., ზალდასტანიშვილს — 4.80 მან., ასევე თებერვლის ხელფასი გაუგზავნეს საგურამოსა და გერგეთის სკოლის მასწავლებლებს, ფულადი დახმარება აღმოუჩინეს ვერის, ავჭალისა და ნაძალადევის ბიბლიოთეკებს და გადაიხადეს საზოგადოების სხვადასხვა ხარჯი, რამაც ჯამში შეადგინა 1259.82 მანეთი.

1911

ტიპი: ღონისძიება

1911 წლის 10 ნოემბერს ქართველთა შორის წერა-კითხვის გამავრცელებელი საზოგადოების გამგეობამ სამუზეუმო კომისიის თავმჯდომარე ექვთიმე სიმონის ძე თაყაიშვილს მისწერა, რომ გაეგზავნა ანგარიში, რამდენი დაჯდებოდა ცისკარაშვილის ქვრივის მიწის ხარჯი.

ტიპი: ღონისძიება

მუზეუმ-ბიბლიოთეკის გამგეობის წესის მიხედვით, სამუშაო დღეებში წიგნსაცავი ღია იყო დილის ცხრა საათიდან შუადღის სამ საათამდე, ხოლო კვირაობით დილის ათი საათიდან შუადღის ორ საათამდე.

1912

ტიპი: ღონისძიება

1912 წლის 14 მარტს შედგენილი ანდერძით იაკობ გოგებაშვილმა სათითაოდ წლიური 120 მანეთი დაუნიშნა ეკატერინე გაბაშვილის პროფესიულ ქალთა სკოლას, საზოგადოება „განათლების“ სკოლასა და ქართულ საბავშვო ბაღს.

ტიპი: ღონისძიება

მუზეუმ-ბიბლიოთეკის გამგეობის წესის მიხედვით, სამუზეუმო ნივთების შესასწავლად ცალკე სექციის ნებართვა იყო საჭირო. სამუზეუმო ნივთების გარეთ გატანა მხოლოდ განსაკუთრებულ შემთხვევებში გამგეობის ნებართვით იყო შესაძლებელი.

1916

ტიპი: ღონისძიება

1916 წლის 9 ოქტომბერს ქართველთა შორის წერა-კითხვის გამავრცელებელი საზოგადოების სხდომაზე განიხილეს ღარიბ მოსწავლეთა დამხმარე თბილისის გუბერნიის თავადაზნაურთა საზოგადოების გამგეობის კომიტეტის წინადადება გიმნაზიაში მეთვალყურის დანიშვნის შესახებ. დადგინდა, საისტორიო და საეთნოგრაფიო საზოგადოების საბჭოსთან შეთანხმებით, დაენიშნათ მეთვალყურე, რომელსაც თვეში ხელფასის სახით ოთხიდან ექვს თუმნამდე დაენიშნებოდა. ხარჯი სამივე (საისტორიო, საეთნოგრაფიო და საეკლესიო) მუზეუმს უნდა გაენაწილებინა. ხელს აწერენ დავით კარიჭაშვილი, იროდიონ სონღულაშვილი და ექვთმე თაყაიშვილი.

1912

ტიპი: ღონისძიება

1912 წლის 7 თებერვალს ქართველთა შორის წერა-კითხვის გამავრცელებელი საზოგადოების სხდომაზე გამგეობამ სტიპენდია გაუგზავნა შემდეგ პირებს: თამარ ხარაბაძეს – 10 მან., ანნა კაპანაძეს – 15 მან., გიორგი ჩიტაიას – 25 მან., დავით მჭედლიშვილს – 25 მან., სილოვან ყიფიანს – 25 მან., დავით ჩხეიძეს – 25 მან., თამარ ძნელაძეს – 25 მან., შალვა ტატიშვილს – 25 მან., სიმონ ფიცხელაურს – 25 მან., დავით ელიოზიშვილს – 25 მან., ვარლამ იმნაძეს – 25 მან., ვლადიმერ ორჯონიკიძეს – 25 მან., შოთა დადიანს – 25 მან., იოსებ გოგოლაშვილს – 25 მან., ტარასი ნიჟარაძეს – 25 მან., აკაკი ფაღავას – 25 მან., გიორგი ებრალიძეს – 10 მან. და ციმაკურიძეს – 25 მანეთი.

1912

ტიპი: ღონისძიება

1912 წლის 14 თებერვალს ქართველთა შორის წერა-კითხვის გამავრცელებელი საზოგადოების სხდომაზე გამგეობამ სტიპენდია გაუგზავნა შემდეგ პირებს: თამარ ხარაბაძეს – 10 მან., გიორგი ჩიტაიას – 25 მან., დავით მჭედლიშვილს – 25 მან., სილოვან ყიფიანს – 25 მან., დავით ჩხეიძეს – 25 მან., თამარ ძნელაძეს – 25 მან., შალვა ტატიშვილს – 25 მან., სიმონ ფიცხელაურს – 25 მან., დავით ელიოზიშვილს – 25 მან., ვარლამ იმნაძეს – 25 მან., ვლადიმერ ორჯონიკიძეს – 25 მან., შოთა დადიანს – 25 მან., იოსებ გოგოლაშვილს – 25 მან., ტარასი ნიჟარაძეს – 25 მან., აკაკი ფაღავას – 25 მან., გიორგი ებრალიძეს – 10 მან. და ციმაკურიძეს – 25 მანეთი.

1898

ტიპი: ღონისძიება

1898 წლის 29 მაისს ქართველთა შორის წერა-კითხვის გამავრცელებელი საზოგადოების სხდომაზე გამგეობამ წიგნებისა და დავთრების ყდის გასაკეთებლად აბრამ აკოფოვსა და ოქრომჭედლიშვილს როინაშვილის გვირგვინისთვის ლენტის გასაკეთებლად გადასცა – 21.20 მანეთი, ანასტასია წერეთლისას წიგნების ანგარიშში – 5.92 მან., ანასტასია ხოშტარიას – 23.80 მან., ზაქარია გრიქუროვს – 84.80 მან. სულ გამგეობამ დახარჯა 143.72 მანეთი.

1898

ტიპი: ღონისძიება

1898 წლის 25 აგვისტოს გაიმართა ქართველთა შორის წერა-კითხვის გამავრცელებელი საზოგადოების ოცდამესამე სხდომა, რომელსაც ესწრებოდნენ: ალექსანდრე ჭყონია, დავით კარიჭაშვილი, კიტა აბაშიძე, იაკობ გოგებაშვილი, ივანე ზურაბიშვილი, ექვთიმე თაყაიშვილი და გრიგოლ ყიფშიძე. სხდომაზე წარმოადგინეს ქ. შ. წ. კ. გ. საზოგადოების რამდენიმე წევრის განცხადება, რომ მოეწვიათ კრება და ხელახლა განეხილათ სენაკის სკოლის საქმე. საკითხი გამგეობამ განსახილველად შემდეგი სხდომისთვის გადადო.

1897

ტიპი: ღონისძიება

1897 წლის 2 დეკემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეთხუთმეტე სხდომა. სხდომაზე მოხსენება გააკეთა სენაკის სკოლის ინსპექტორმა სამსონ ყიფიანმა, რომ ეცდებოდა სამეურნეო განყოფილებისათვის შეემუშავებინა საჭირო პროექტი და ასევე შეატყობინა გამგეობას, რომ აღმზრდელი ტერენტი წერეთლის ჯამაგირის საქმე მოახსენა სკოლის სამზრუნველო კომიტეტს. გამგეობამ განაცხადა, რომ მხედველობაში მიიღებდა ყიფიანის მოხსენებას და დაელოდებოდა სამზრუნველოს ცნობას.

1899

ტიპი: ღონისძიება

1899 წლის 6 აპრილს ქართველთა შორის წერა-კითხვის გამავრცელებელი საზოგადოების გამგეობამ მოისმინა საგამოფენო კომიტეტის თხოვნა, რომელსაც პარიზის მსოფლიო გამოფენაზე უნდა გაეტანა საქართველოს განყოფილება. კომიტეტს სურდა, გამგეობას რუსულ, ფრანგულ, გერმანულ და ინგლისურ ენებზე ეთარგმნა საზოგადოების წიგნსაცავის და მუზეუმის კატალოგები და გადაეცა დასაბეჭდად. საკითხის განხილვა გადაიდო შემდეგი სხდომისთვის. ოქმს ხელს აწერს თავმჯდომარის მოადგილე ნიკოლოზ ცხვედაძე.

1899

ტიპი: ღონისძიება

1899 წლის 13 აპრილის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა პარიზის მსოფლიო გამოფენის ქართული კომიტეტის თხოვნა საზოგადოების წიგნსაცავისა და მუზეუმების კატალოგების უცხო ენებზე თარგმნისა და დაბეჭდვის შესახებ. ამ დროისათვის გამგეობას არ ჰქონდა დამზადებული ვრცელი კატალოგი და ვერც მოკლე დროში მოასწრებდა მის მომზადებას, ამიტომ კომიტეტის თხოვნა არ დაკმაყოფილდა. ოქმს ხელს აწერს თავმჯდომარის მოადგილე ნიკოლოზ ცხვედაძე.