რეგისტრირებული ფაქტები15526
ფილტრი:
სორტირება ახალი ჩანაწერების მიხედვით
1920
ტიპი: ავტორობა
1920 წლის 2 მარტის გაზეთ „საქართველოს რესპუბლიკის“ ცნობით, დამფუძნებელ კრებაზე სიტყვით გამოვიდა საგარეო საქმეთა გამგე აკაკი ივანეს ძე ჩხენკელი, რომელმაც აღწერა ის მძიმე გარემო, რომელშიც არჩევნები ჩატარდა. მიუხედავად ამისა, ბათუმში გაიმარჯვა საქართველოს მთლიანობის პრინციპმა, რომელიც რამდენიმე ხნის წინათ აღიარა სამუსლიმანო საქართველომ.
1920
ტიპი: ავტორობა
1920 წლის 2 მარტის გაზეთ „საქართველოს რესპუბლიკის“ ცნობით, რესპუბლიკის ომებში დაჭრილ-დასახიჩრებულთა კავშირმა საპენსიო წესდების პროექტის შესახებ, რომელიც გენერალ ალექსანდრე კონსტანტინეს ძე გედევანიშვილის თავმჯდომარეობით შექმნილმა საგანგებო კომისიამ შეადგინა თავისი აზრი გამოთქვა. კავშირი, პენსიის სიმცირის გამო, სახელმწიფოსგან სხვა სოციალურ დახმარებასაც მოითხოვდა. ასევე ისეთი პუნქტის შეტანას, რომელიც დაზარალებულებს საზოგადოებაში ადაპტირების საშუალებას მისცემდა.
1920
ტიპი: ავტორობა
1920 წლის 4 მარტის გაზეთ „საქართველოს რესპუბლიკის“ ცნობით, შინაგან საქმეთა მინისტრმა დამფუძნებელ კრებას სიტყვით მიმართა და მისი უწყების მისამართით გამოთქმულ ყველა ბრალდებას უპასუხა. მან კატეგორიულად უარყო უფლებამოსილების გადამეტების ფაქტები, აღნიშნა, რომ დაშვებული შეცდომები სისტემური ხასიათის არ იყო.
1920
ტიპი: ავტორობა
1920 წლის 13 თებერვლის გაზეთ „საქართველოს რესპუბლიკის“ ცნობით, თბილისის მოურავის ბენიამინ გრიგოლის ძე ჩხიკვიშვილის განკარგულებით „პოლონელთა“, „სამხატვრო წრისა“ და „ვაჭარ-მრეწველთა“ კლუბებში აკრძალული ქაღალდის თამაშის ხელმძღვანელები და დარაჯები, რომლებმაც დასათვალიერებლად მისული მოურავი კლუბში არ შეუშვეს, დააპატიმრეს.
1920
ტიპი: ავტორობა
1920 წლის 11 თებერვლის გაზეთ „საქართველოს რესპუბლიკის“ ცნობით, საქართველოსა და აზერბაიჯანის დელეგაციებმა საფრანგეთში აშშ-ის ელჩს, ჰიუ კემპბელ უოლესს წერილი გაუგზავნეს, რომელშიც რამდენიმე სახელმწიფოსა და ანტანტის უმაღლესი საბჭოს მიერ ამიერკავკასიის ორივე რესპუბლიკის დამოუკიდებლობის აღიარებას ატყობინებდნენ.
1920
ტიპი: ავტორობა
1920 წლის 8 თებერვლის გაზეთ „საქართველოს რესპუბლიკის“ ცნობით, საგარეო საქმეთა მინისტრმა ევგენი პეტრეს ძე გეგეჭკორმა უპასუხა რუსეთის საგარეო საქმეთა სახალხო კომისრის, გიორგი ვასილის ძე ჩიჩერინის, ნოტას, აღნიშნა, რომ საბჭოთა ხელისუფლება ორ მოძმე ხალხს შორის კეთილმეზობლური განწყობის დამყარებას ხელოვნურად აბრკოლებდა, და იმედი გამოთქვა, რომ რუსეთის მთავრობა მომავალში მონახავდა ქართველის ხალხისთვის მისაღებ პოლიტიკურ ენას.
1919
ტიპი: ავტორობა
1920 წლის 7 თებერვლის გაზეთ „საქართველოს რესპუბლიკის“ ცნობით, საგარეო საქმეთა მინისტრმა ევგენი პეტრეს ძე გეგეჭკორმა რუსეთის საგარეო საქმეთა სახალხო კომისრის გიორგი ვასილის ძე ჩიჩერინისგან მიიღო ნოტა, რომელშიც ის თეთრი მოძრაობის ლიდერის, ანტონ ივანეს ძე დენიკინის წინააღმდეგ ბრძოლაში საქართველოს ჩაბმას მოითხოვდა.
1919
ტიპი: ავტორობა
1919 წლის 30 იანვრის გაზეთ „საქართველოს“ ცნობით, დამფუძნებელი კრების თავმჯდომარე ნიკოლოზ სიმონის ძე ჩხეიძემ და მთავრობის თავმჯდომარე ნოე ნიკოლოზის ძე ჟორდანიამ ლანქარანში (აზერბაიჯანი) მცხოვრები ქართველებისგან დეპეშა მიიღეს, რომელშიც ნათქვამი იყო, რომ უხარიათ სამშობლოს დამოუკიდებლობის აღიარება და საჭიროების შემთხვევაში მზად არიან ქვეყნის დასახმარებლად.