რეგისტრირებული ფაქტები15526
ფილტრი:
სორტირება თარიღი მზარდობით
1864
ტიპი: ავტორობა
1864 წელს ილია ჭავჭავაძემ მონაწილეობა მიიღო საგლეხო რეფორმის გატარებასთან დაკავშირებული კანონმდებლობის შემუშავებაში. მან დაწერა თბილისის გუბერნიაში მებატონეთა მფლობელობაში არსებულ მიწებზე დასახლებული გლეხების მიწათმოწყობის პროექტთან დაკავშირებული კრიტიკული შენიშვნები, მაგრამ დოკუმენტი ამიერკავკასიის ცენტრალურ საგლეხო კომიტეტში თავისი სახელით წარადგენა ამ საბჭოს წევრმა, იურისტმა ნიკოლოზ დიმიტრის ძე ჭავჭავაძემ.
1866
ტიპი: ავტორობა
1866 წელს იაკობ გოგებაშვილის „დედა ენა“ სახელმძღვანელოდ იყო მიღებული ქვეყნის შიგნით არსებულ ყველა სასულიერო და საერო სასწავლებელში. სახელმძღვანელოს შეძენა თბილისში შეიძლებოდა მელიქიშვილის სტამბაში, ტერ-მიქელიანცის წიგნების მაღაზიასა და სემინარიის სახლში. „დედა ენა“ იყიდებოდა ქუთაისის და გორის სასულიერო სასწავლებლებშიც. სახელმძღვანელოს ფასი იყო 1 აბაზი.
1866
ტიპი: ავტორობა
1866 წლის 11 აგვისტოსთვის თბილისში დანიშნული იყო არჩევნები. ამ არჩევნებზე უნდა აერჩიათ ის პირები, რომლებიც მმართველ/საქალაქო თანამდებობებს დაიკავებდნენ. ორლოვსკიმ ამომრჩევლებს მოუწოდა ზედმიწევნით დაეცვათ ახალი წესდება, რომლის მიხედვითაც თბილისის მაცხოვრებლები 4 უწყებად დაყვეს. ამ ოთხი უწყების წარმომადგენლები ცალ-ცალკე უნდა შეკრებილიყვნენ და ამოერჩიათ ას-ასი კაცი, რომლებიც შემდეგ აირჩევდნენ თანამდებობის პირებს. ორლოვსკიმ გამოთქვა იმედი იმისა, რომ ამორჩეულები სამოქალაქო თანამდებობებზე დანიშნავდნენ პატიოსან, გამოცდილ და საიმედო პირებს.