რეგისტრირებული ფაქტები2643
ფილტრი:
სორტირება თარიღი კლებადობით
1920
ტიპი: განათლება
1920 წლის 10 მაისის ფეოდოსია ალექსანდრეს ასული ანჯაფარიძის ნამსახურებით სიაში წერია, რომ მას დამთავრებული აქვს ქუთაისის ქალთა გიმნაზიის რვა კლასი. 1920 წლის 14 მაისს ნამსახურებითი სიის ნამდვილობას ხელის მოწერითა და ბეჭდის დასმით ადასტურებს ახალსენაკის განათლების განყოფილების გამგე.
1920
ტიპი: განათლება
ქუტირის უმაღლესი დაწყებითი სასწავლებლის მასწავლებლის, ნიკანდრი ზაქარის ძე არველაძის ნამსახურებით სიაში წერია, რომ მან უმაღლესი განათლება მიიღო ქუთაისის საოსტატო სემინარიაში, რისი სათანადო მოწმობაც აქვს N637. ფორმულარის სწორად შედგენას ხელმოწერით ადასტურებს სასწავლებლის გამგე კირილე რუხაძე.
1920
ტიპი: განათლება
1918 წლის 1-ლი ნოემბრიდან 1920 წლის 26 თებერვლამდე განათლების სამინისტროს მიერ სესხის სახით იქნა გაცემული თანხა უცხოეთში მყოფ შემდეგ სტუდენტებზე: 1. ნიკოლოზ ასათიანი 10400 მარკა, 2. ზაქრო შაიშმელაშვილი 11720 მარკა, 3. მუსხელიშვილი 11200 მარკა, 4. ბიძინა რამიშვილი 9100 მარკა, 5. ქობალავა 9750 მარკა, 6. გ. ვარაზაშვილი 12700 მარკა, 7. ირ. გველესიანი 11450 მარკა, 8. მიხეილ და 9. ლევან ხუნდაძეები 21000 მარკა, 10. ალ. გრიგოლია 1400 მარკა, 11. ს. ფოტიდი 1400 მარკა, 12. ხუნწარია 1800 მარკა, 13. ტატიშვილი 700 მარკა.
1920
ტიპი: განათლება
1920 წლის 21 იანვარს ბერლინის კომერციული სასწავლებლის სტუდენტი ნიკოლოზ ჯაფარიძე, ჰანოვერის პოლიტექნიკური ინსტიტუტის ელექტროტექნიკის განყოფილების სტუდენტი ალექსანდრე ილიას ძე ნიკურაძე და ბერლინის სატყეო აკადემიის სტუდენტი ვლადიმერ ერმილეს ძე თაყაიშვილი განათლების მინისტრს სთხოვენ მატერიალურ დახმარებას, რათა შეძლონ სწავლის გაგრძელება უცხოეთში.
1920
ტიპი: განათლება
1920 წელს განათლების სამინისტროს დეკრეტის პროექტის თანახმად, სკოლების გაეროვნულების ფარგლებში შექმნილ გადამზადების კურსებზე პედაგოგებს 6 თვის განმავლობაში უნდა შესწავლათ საზოგადო პოლიტიკა და მისი ისტორია, დიდაქტიკა, ქართული ენისა და არითმეტიკა-გეომეტრის მეთოდიკა, ქართული სიტყვიერების ისტორია, საქართველოს ისტორია, ბუნებისმეტყველება, საქართველოსა და მისი მოსაზღვრე რესპუბლიკების გეოგრაფია, ხელმარჯვეობა და ხატვა-ხაზვა.
1920
ტიპი: განათლება
1920 წლის განთლების სამინისტროს დეკრეტის პროექტის თანახმად, უკვე არსებული 5 საოსტატო სემინარია და ერთი სამასწავლებლო სკოლა ახალი ეროვნული პროგრამის სასწავლებლად 150 მასწავლებელს მოამზადებდა, ხოლო 450 მასწავლებელი მომზადებას თელავში, სიღნაღში, გორში, შოროპანში,ზუგდიდში, სენკში, ლეჩხუმში, ბორჩალოში, აფხაზეთში, სამურზაყანოსა და თბილისში გახსნილ სამასწავლებლო კურსებზე გაივლიდა.