რეგისტრირებული ფაქტები80985
სორტირება ძველი ჩანაწერების მიხედვით
1964
ტიპი: პირადი ინფორმაცია
1964 წლის პირველი ნოემბრიდან ქრისტინე შარაშიძეს, საქართველოს სსრ მინისტრთა საბჭოსთან არსებული პერსონალური პენსიების დამნიშვნელი კომისიის გადაწყვეტილებით, რესპუბლიკური მნიშვნელობის პერსონალური პენსია, 80 მანეთი დაენიშნა.
1954
ტიპი: თანამდებობა
1954 წელს ილია კუჭუხიძე უცხოეთში მცხოვრებ ქართველ მხედართა საინიციატივო ჯგუფის წევრად აირჩიეს.
1954
ტიპი: ღონისძიება
1954 წლის 23 იანვარს ილია კუჭუხიძე ვერ დაესწრო მხედართა საინიციატივო ჯგუფის წევრად არჩევის თაობაზე დანიშნულ სხდომას, რადგან წერილი დაგვიანებით მიიღო. იგი გრიგოლ ავალიანს ბოდიშს უხდის და ახალ მისამართს უგზავნის.
1964
ტიპი: ორგანიზაცია
1964 წელს საქართველოს სსრ მინისტრთა საბჭოსთან არსებული პერსონალური პენსიების სექტორის გამგეობამ ორჯონიკიძის სოციალური უზრუნველყოფის განყოფილებას შეატყობინა, რომ ქრისტინე შარაშიძეს დაენიშნა პერსონალური პენსია. თუ ის იღებდა სხვა სახის პენსიას, უნდა შეეწყვიტათ და მიეცათ ცნობა, რა თანხა ჰქონდა მიღებული 1964 წლის 1-ელი ნოემბრიდან, რათა შემდეგ ეს თანხა დაექვითათ. თუ შარაშიძე არ იღებდა სხვა სახის პენსიას, მისთვის ამის დამადასტურებელი ცნობა უნდა მიეცათ.
1954
ტიპი: ორგანიზაცია
1954 წელს დავით ურატაძემ უცხოეთში მცხოვრებ ქართველ მხედართა ორგანიზაციის დაარსებაში მონაწილეობაზე უარი განაცხადა, რადგან საინიციატივო ჯგუფების შემადგენლობა არასრული იყო.
1918
ტიპი: ღონისძიება
1918 წლის 19 ნოემბრის მთავრობის სხდომაზე განათლების მინისტრის წინადადებით გადაწყდა: ბათუმის ქალთა გიმნაზიის მასწავლებლად ნამუშევარ მარიამ ასათიანს შემწეობის სახით მიეცეს 500 მან.
1954
ტიპი: ღონისძიება
1954 წელს დავით ურატაძე მხედართა ორგანიზაციის დაარსებასთან დაკავშირებით ახალი საინფორმაციო ჯგუფის შექმნას ითხოვდა.
1918
ტიპი: ღონისძიება
1918 წლის 19 ნოემბრის მთავრობის სხდომაზე სამხედრო მინისტრ გრიგოლ გიორგაძის წინადადებით ხორუნჟ (დაბალი ჩინის ოფიცერი) ალექსი დრობაშევისთვის ქვეყნის დემოკრატიის წინაშე განსაკუთრებული დამსახურებისთვის ათასი მანეთის გადაცემა გადაწყდა.
1929
ტიპი: ღონისძიება
1929 წლის 7 აპრილს, 12:00 საათზე, დანიშნული იყო პედაგოგიური ფაკულტეტის საჯარო სხდომა, რომელსაც ქრისტინე შარაშიძე უნდა დასწრებოდა. ბილეთს ხელი მოაწერა პედაგოგიური ფაკულტეტის მდივანმა სიმონ ყაუხჩიშვილმა.
1918
ტიპი: ღონისძიება
1918 წლის 19 ნოემბრის მთავრობის სხდომაზე მოისმინეს სამხედრო მინისტრის გამოსვლა ჯარისკაცთა ბინადრობის გამო სახლების პატრონთა ზარალის ანაზღაურების შესახებ. დაადგინეს: იმ შემთხვევაში აენაზღაურებინათ, თუ საქართველოს დამოუკიდებლობის გამოცხადების შემდეგ იყვნენ დაზარალებულები.
1954
ტიპი: ორგანიზაცია
1954 წელს ილია კუჭუხიძე ყოფილ მხედართა ორგანიზაციის დაარსების მნიშვნელოვნებას ეთანხმებოდა, რადგან ორგანიზაცია პოლიტიკური ხასიათის იყო.
1918
ტიპი: ღონისძიება
1918 წლის 19 ნოემბრის მთავრობის სხდომაზე სამხედრო მინისტრის მოხსენების – ტაბახმელაში ყაზაროვისა და შანშიევის ზარალის ანაზღაურების შესახებ – საფუძველზე დაადგინეს: აუნაზღაურდეთ, თუ ზარალი რესპუბლიკის ჯარებმა მიაყენეს.
1954
ტიპი: ორგანიზაცია
1954 წელს „ქართველ მხედართა ორგანიზაციის“ პოლიტიკური ხასიათიდან გამომდინარე ილია კუჭუხიძე მიიჩნევდა, რომ გაწევრიანების თაობაზე უნდა მოლაპარაკებოდა ქართველ სოციალ-ფედერალისტთა პარტიას.
1918
ტიპი: ღონისძიება
1918 წლის 19 ნოემბრის მთავრობის სხდომაზე მოისმინეს განათლების მინისტრის მოხსენება სახალხო სკოლების ყოფილი ინსპექტორის, ვასილ ჯაფარიძის დასამარხად დახმარების გამოყოფის შესახებ. მის ქვრივს გადასცეს 5 000 მან.
1918
ტიპი: ღონისძიება
1918 წლის 28 ნოემბრის მთავრობის სხდომაზე მოისმინეს განათლების მინისტრის გიორგი მიხეილის ძე ლასხიშვილის მოხსენება განსვენებული ალექსი ბესარიონის ძე ჭიჭინაძის მეუღლის ეფროსინე იაკობის ასული ჭიჭინაძისთვის 3 ათასი მანეთის დახმარების აღმოჩენის შესახებ. მას დახმარებაზე უარი ეთქვა.
1918
ტიპი: ღონისძიება
1918 წლის 28 ნოემბრის მთავრობის სხდომაზე მოისმინეს განათლების მინისტრის მოხსენება შტატგარეშე დარჩენილ მოსამსახურეთა სალიკვიდაციო ფულით დაკმაყოფილების შესახებ. ამისთვის მინისტრს გაუხსნეს 58 610 მან. კრედიტი.
1918
ტიპი: ღონისძიება
1918 წლის 30 ნოემბრის მთავრობის სხდომაზე მოისმინეს მთავრობის საქმეთა მმართველ ს. ჯაფარიძის მოხსენება სკოლების ეროვნულ საფუძველზე მოწყობის კანონპროექტის პარლამენტში წარდგენაზე, რაც ზედმეტად ჩათვალეს კანონპროექტის დეკლარაციული ხასიათის გამო.
1918
ტიპი: ღონისძიება
1918 წლის 30 ნოემბრის მთავრობის სხდომაზე მოისმინეს განათლების მინისტრის გამოსვლა ცხინვალში სახელმწიფო ხარჯებით გიმნაზიის გახსნის შესახებ.
ტიპი: ავტორობა
მარლენ დავითაშვილის თანამებრძოლმა მარლენის მშობლები შვილის საფლავის სანახავად უკრაინაში მიიწვია.
ტიპი: ღონისძიება
ვანო და გაიანე დავითაშვილების ორივე ვაჟი ომში დაიღუპა. არჩილის საფლავი ვერ მოიძებნა, მარლენი კი უკრაინაში დაკრძალეს.
1931
ტიპი: ღონისძიება
1931 წელს ქრისტინე შარაშიძე მიიწვიეს გიორგი ნიკოლაძის ხსოვნის აღსანიშნავ საღამოზე, რომელიც ამავე წლის 29 ნოემბერს სახელმწიფო კონსერვატორიის დარბაზში იმართებოდა. მოსაწვევს საქართველოს გეოგრაფიული საზოგადოების მდივანმა ბესარიონ ყავრიშვილმა და მთასვლა-მგზავროსნობის განყოფილების მდივანმა ი. ლუკაშვილმა მოაწერეს ხელი.
1918
ტიპი: ღონისძიება
1918 წლის 23 დეკემბერს ქუთაისის ვაჟთა 1-ლ გიმნაზიაში მღვდელ ნ. აბესაძის თავმჯდომარეობით გაიმართა მშობელთა კრება. მშობლები ითხოვდენენ საღვთო სჯულის სწავლების აღდგენას თუნდაც არასავალდებულოდ. მათ განცხადებით, სკოლებში შექმნილი იყო ანარქიული სიტუაცია, ბავშვების სწავლისადმი დამოკიდებულება გახდა ინდიფერენტული და თვითნებურად ხდებოდა სწავლის მიტოვება. მშობლები ქრისტიანულ სწავლებას თვლიდნენ სავალდებულოდ, ითხოვდნენ მის სწავლებას სურვილისამებრ და ჯამაგირის გადახდას სწავლის ქირის თანხიდან. კრებაზე გადაწყდა, რომ სანამ მთავრობა გამოსცემდა რაიმე წიგნს ეთიკის დარგიდან, განეხილათ ეს საკითხი.
1919
ტიპი: ღონისძიება
1919 წლის 8 აპრილს ხობის მაცხოვრის კარის ეკლესიის ეზოში მღვდელ იოანე კანდელაკის თავმჯდომარეობით შედგა სამრევლოს კრება სასწავლებლებში საღვთო სჯულის სწავლებისა და სამღვდელოების ნივთიერად უზრუნველყოფის შესახებ. საქართველოს დამფუძნებელ კრებას სთხოვეს, საღმრთო სჯული სავალდებულო საგნად მიეღოთ და სამღვდელოების შენახვაზე სახელმწიფოს ეზრუნა. მათი თქმით, ეკლესია სახელმწიფოსგან განცალკევებული არ უნდა ყოფილიყო.
1920
ტიპი: ღონისძიება
1920 წლის 7 სექტემბერს საქართველოს განათლების სამინისტრომ მთავრობის საქმეთა მმართველობას დაუბრუნა კათალიკოს-პატრიარქ ლეონიდეს შუამდგომლობა სკოლებში საღვთო სჯულის აღდგენის შესახებ განმარტებით, რომ 1918 წლის 22 ნოემბერს მიღებული კანონის თანახმად, ყველა ტიპის და საფეხურის სახაზინო და კერძო სკოლაში გაუქმდა საღვთო სჯულის სწავლება, ამიტომ შეუძლებლად მიაჩნდა ამ საკითხზე შუამდგომლობის დაკმაყოფილება.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -