საქართველოს პროსოპოგრაფია

ფაქტები

რეგისტრირებული ფაქტები88076

1897

ტიპი: ავტორობა

1897 წლის 17 მაისს გაზეთ „ივერიაში“ ილია ჭავჭავაძემ გამოაქვეყნა მოწინავე წერილი „ტფილისი, 16 მაისი“ („ხვალ, 18 მაისს განკითხვის დღეა...“), რომელშიც თბილისის ამომრჩევლებს მოუწოდებს, აუცილებლად მივიდნენ არჩევნებზე და ხმა მისცენ კანდიდატებს არა ეროვნული ნიშნით, არამედ დამსახურების მიხედვით.

1897

ტიპი: ღონისძიება

1897 წლის 17 მაისის „ცნობის ფურცლიდან” ვიგებთ, რომ მიხეილ ნიკოლოზის ძე რომანოვმა თბილისის მთავარანგელოზის ეკლესიას საჭირო ხე-ტყის მასალა გადასცა.

1897

ტიპი: ავტორობა

1897 წლის 19 მაისს დ. ზ. მელიქოვმა ქალაქის გამგეობაში შეიტანა განაცხადი, რომელშიც წერდა, რომ აღარ სურს ქალაქის საბჭოს ხმოსნობა.

1897

ტიპი: ავტორობა

1897 წლის 20 მაისს მასწავლებელი თამარ ჯორჯაძე ქართველთა შორის წერა-კითხვის გამავრცელებელ საზოგადოებას სკოლის ანგარიშში აცნობებს, რომ სკოლა შედგება სამი განყოფილებისგან, რადგან იმ წელს IV განყოფილებაში არავინ გამოცხადდა.

1897

ტიპი: ავტორობა

თამარ ჯორჯაძის შედგენილი 1896-97 სასწავლო წლის 20 მაისის ანგარიშის მიხედვით, სოფელ თონეთის სკოლის I, II და III განყოფილებებში ისწავლებოდა 3 საგანი: საღვთო სჯული, ქართული ენა (წერა და კითხვა), ანგარიში, რუსული ენა (წერა და კითხვა). ქართულ და რუსულ ენებში წერისა და კითხვის ნიშანი იწერებოდა ცალ-ცალკე.

1897

ტიპი: ავტორობა

1896-1897 სასწავლო წლის ანგარიშში 20 მაისს მასწავლებელი თამარ ჯორჯაძე იუწყება, რომ სოფელ თონეთის სკოლაში სწავლობდა 51 მოსწავლე, I განყოფილებაში – 24 მოსწავლე, II განყოფილებაში – 23, ხოლო III განყოფილებაში – 4. მათგან 28 ქალი იყო და 23 ვაჟი, 7 მოსწავლე ეროვნებით სომეხი იყო, ხოლო დანარჩენი – ქართველი.

1897

ტიპი: ავტორობა

1896-97 სასწავლო წლის ანგარიშში 20 მაისს თამარ ჯორჯაძე იუწყება, რომ სოფელ თონეთის სკოლაში სასწავლო წლის დასაწყისში მეტი მოსწავლე სწავლობდა, გამოცდებამდე მოაკლდა 16 მოსწავლე, დანარჩენები გადაიყვანეს შემდეგ განყოფილებაში, რადგან კარგი ნიშნები ჰქონდათ.

1897

ტიპი: ავტორობა

1897 წლის 20 მაისს სოფელ თონეთის სკოლის გამგე თამარ ჯორჯაძემ შეადგინა 1896-97 სასწავლო წლის ანგარიში.

1897

ტიპი: ავტორობა

1896-1897 სასწავლო წლის ანგარიშში 20 მაისს მასწავლებელი თამარ ჯორჯაძე იუწყება, რომ თონეთის სკოლას სწავლის დამთავრებამდე მოაკლდა მოსწავლეები: 10 მოსწავლე სრულიად გავიდა, ან სამუშაოდ გავიდა მარტის პირველ რიცხვებშივე. I განყოფილებიდან გავიდა 7 სრულიად, 3 ავადმყოფობის გამო და დანარჩენი დედის დასახმარებლად. II განყოფილებიდან – 2 სრულიად გავიდა და 3 სამუშაოდ, III განყოფილებიდან – 1 გავიდა სამუშაოდ. მაისში სკოლაში დადიოდა მხოლოდ 35 მოწაფე: I განყოფილებაში – 15, II განყოფილებაში – 17 და III განყოფილებაში – 3.

1897

ტიპი: ავტორობა

1896-1897 სასწავლო წლის ანგარიშში 20 მაისს მასწავლებელი თამარ ჯორჯაძე ქართველთა შორის წერა-კითხვის გამავრცელებელ გამგეობას ეკითხება, რომ როდესაც საზოგადოებამ ცხადად დაინახა მოსწავლეთა უმეტესობის მიერ სკოლის დატოვება სასწავლო წლის დამთავრებამდე, რატომ არ ათვალიერებენ სკოლას მაისის ნახევრამდე, როდესაც მასწავლებელს შეუძლია, როგორმე შეაკავოს მოსწავლეთა ნაწილი.

1897

ტიპი: ავტორობა

1896-1897 სასწავლო წლის ანგარიშში 20 მაისს მასწავლებელი თამარ ჯორჯაძე ქართველთა შორის წერა-კითხვის გამავრცელებელი საზოგადოების გამგეობას სთხოვს, რაიმე ძალა მისცენ, რომ მშობლებს არ ჰქონდეთ უფლება სკოლიდან ვადაზე ადრე გაიყვანონ მოსწავლე. ის თავის მხრივ, მშობლებს ეუბნებოდა, რომ მათ ეკისრებათ 5 მან. სოფლის სასარგებლოდ, მაგრამ შემდეგში ეს ხერხი არ გამოდგებოდა, რადგან მიხვდებოდნენ, რომ ცარიელი სიტყვები იყო. მისი სიტყვებით, მასწავლებელი ზნეობრივი ტანჯულია აპრილსა და მაისში, როდესაც 50 მოსწავლიდან კლასში შემოდის 20, ბევრჯერ კი – 15.

1897

ტიპი: ავტორობა

1896-1897 სასწავლო წლის ანგარიშში 20 მაისს სოფელ თონეთის სკოლის მასწავლებელი თამარ ჯორჯაძე წერს, რომ მან იცოდა, მოსწავლეთა უმეტესობა მარტამდე მიატოვებდა სკოლას, ამიტომ ცდილობდა, მარტამდე შეესწავლათ ბავშვებს მასალა, რის გამოც შუადღის მერეც ატარებდა გაკვეთილებს. ის აპრილსა და მაისში ცალკე გაკვეთილებს ნიშნავდა გამოცდების მოსამზადებლად.

1897

ტიპი: ავტორობა

1896-97 სასწავლო წლის ანგარიშში 20 მაისს მასწავლებელი თამარ ჯორჯაძე იუწყება, რომ სოფელ თონეთის სკოლას შეკეთება არ დასჭირვებია და არაფერი დახარჯულა არც ქართველთა შორის წერა-კითხვის გამავრცელებელი საზოგადოების, არც სოფლის მხრიდან. სასურველი იქნებოდა სკოლის აივნის შეკეთება და გაფართოება, საკლასო დაფის შეღებვა. მასწავლებელი ასევე გამგეობას სთხოვს მასალის მიცემას ხელსაქმისთვის, რადგან ამის გამო მოსწავლეებმა ნაკლები იმუშავეს, მოქსოვეს 4 წყვილი წინდა, შარშანდლიდან დარჩენილი ძაფით, შეკერეს რამდენიმე საბალიშე და მოქსოვეს არშიები ყაისნაღით.

1897

ტიპი: ავტორობა

1896-1897 სასწავლო წლის ანგარიშში 20 მაისს მასწავლებელი თამარ ჯორჯაძე იუწყება, რომ სოფელ თონეთის სკოლაში გაკვეთილები მიმდინარეობდა ამგვარად: 1-ლ განყოფილებაში დღეში 3 გაკვეთილი, მე-2 და მე-3 განყოფილებაში – დღეში 4, პირველი სამი გაკვეთილი საერთო იყო, მეოთხე გაკვეთილი კი 1-ლი განყოფილების დათხოვნით. ქართული და რუსული ტარდებოდა ყოველდღე, ანგარიში – კვირაში 4-ჯერ, საღვთო სჯული (გალობის დამატებით) – 2-ჯერ. სადილის შემდეგ დამატებით ტარდებოდა ხელსაქმის გაკვეთილი, რომლის დროსაც ვაჟებს ეკითხებოდათ საყმაწვილო წიგნები.

1897

ტიპი: ავტორობა

1896-97 სასწავლო წლის ანგარიშში 20 მაისს მასწავლებელი თამარ ჯორჯაძე იუწყება, რომ სოფელ თონეთის სკოლა დაათვალიერა მაზრის ექიმმა, რომელმაც სანიტარული თვალსაზრისით წესების დაცვა დაადასტურა. სკოლაში გადამდები დაავადება არ ყოფილა, არავინ გარდაცვლილა რაიმე ავადმყოფობით. თუ რომელიმე მოსწავლე ავად ხდებოდა, მასწავლებლის რჩევით მანგლისიდან იწვევდნენ ექიმს.

1897

ტიპი: ღონისძიება

1897 წლის 20 მაისს პეტერბურგიდან თბილისში ჩამოვიდა გამოჩენილი გინეკოლოგი ბაცევიჩი და სამსონ თოფურიას საავადმყოფოში იღებდა ქალებს, რომლებსაც საშვილოსნოს ავადმყოფობები ჰქონდათ.

1897

ტიპი: ღონისძიება

1897 წლის 21 მაისს აკურთხეს ახალი სამხედრო საკათედრო ტაძარი, რომელიც თბილისში, კავკასიის მთავარმართებლის სასახლის გვერდით მდებარეობდა. კურთხევას დაესწრნენ გრიგორ გოლიცინი და ივანე ამილახვარი. აგრეთვე სხვა სამხედრო დაწესებულებათა უფროსები და მოხელეები.

1897

ტიპი: ღონისძიება

1897 წლის 21 მაისს თბილისის სათავადაზნაური თეატრში ილია გიორგის ძე კარგარეთელს კონცერტი უნდა გაემართა.

1897

ტიპი: ღონისძიება

1897 წლის 24 მაისს სათავადაზნაურო თეატრში ილია კარგარეთელის კონცერტი გაიმართა. ქართველმა მომღერალმა ძირითადად რუსული და იტალიური სიმღერები შეასრულა, თუმცა მსმენელებს განსაკუთრებით ქართული რომანსები მოეწონათ.

1897

ტიპი: ღონისძიება

1897 წლის 25 მაისს მუშტაიდის ბაღში დანიშნული იყო „ლატარია-ალეგრი“ ქართველთა შორის წერა-კითხვის გამავრცელებელი საზოგადოების დასახმარებლად. მათ, ვისაც სურდათ ამ ლატარიისთვის ნივთების შეწირვა, უნდა გაეგზავნათ ოლღა თადეოზის ასული ჭავჭავაძისთვის ან საზოგადოების წიგნის მაღაზიაში.

1897

ტიპი: გარდაცვალება

1897 წლის 6 მაისს ქალაქ რიგაში ნიკოლოზ ალექსანდრეს ძე დევდორიანი გარდაიცვალა.

1897

ტიპი: ნასამართლეობა

1897 წლის 26 მაისს თბილისის სამოსამართლო პალატას სააპელაციო საჩივრის გამო ხელახლა უნდა განეხილა ნაპოლეონ ივანეს ძე ამატუნის საქმე, რომელსაც ქალაქის საურთიერთო ნდობის ბანკში ბოროტმოქმედების ჩადენა ედებოდა ბრალად.

1897

ტიპი: ავტორობა

1897 წლის 27 მაისს ივანე რატიშვილმა ქართველთა შორის წერა-კითხვის გამავრცელებელი საზოგადოების გამგეობას გაუგზავნა სარჩელი სენაკის სათავადაზნაურო სკოლის დათვალიერების შესახებ.

1897

ტიპი: ღონისძიება

1897 წლის 27 მაისს სათავადაზნაურო თეატრში ბ. ა. კავსაძის ლოტბარობით კონცერტი უნდა გამართულიყო.

1897

ტიპი: ღონისძიება

1897 წლის 27 მაისს ბესარიონ ქავთარაძეს სამსონ თოფურია მკურნალობდა. ექიმმა ქავთარაძე სიკვდილისგან იხსნა.