რეგისტრირებული ფაქტები88008
სორტირება თარიღი მზარდობით
1898
ტიპი: ღონისძიება
1898 წლის 6 დეკემბრის „ცნობის ფურცლის“ მიხედვით, თელავში ყაზარა ხითაროვმა წიგნების ახალი მაღაზია გახსნა.
1898
ტიპი: თანამდებობა
1898 წლის 6 დეკემბრის „ცნობის ფურცლის“ მიხედვით, იურისტი პოდმეშალსკი ლეჩხუმის მომრიგებელი მოსამართლის თანაშემწედ დაინიშნა.
1898
ტიპი: ღონისძიება
1898 წლის 6 დეკემბერს კავკასიის მთავარმართებელი გრიგოლ გოლიცინი რიონის სადგურის მოსანახულებლად თბილისიდან იმერეთში გაემგზავრა.
1898
ტიპი: ღონისძიება
1898 წლის 6 დეკემბრის „ცნობის ფურცლის“ მიხედვით, სომხეთის კათალიკოსი მკრტიჩ I თბილისში ჩამოსვლას აპირებდა.
1898
ტიპი: ღონისძიება
1898 წლის 7 დეკემბრის საღამოს მარიამ თეოდორეს ასული რომანოვი და მისი თანმხლები პირები: თბილისის გუბერნატორი თეოდორ ალექსანდრეს ძე ბიკოვი, ფოსტა-ტელეგრაფის უფროსი ლინდენი და გენერალი ნიკოლოზ მიხეილის ძე რომანოვი, ბორჯომიდან ბათუმისკენ გაემგზავრნენ.
1898
ტიპი: მფლობელობა
1898 წლის 8 დეკემბრის „ცნობის ფურცლის“ მიხედვით, სიღნაღის მაზრაში, ნიკოლოზ, სიმონ და ივანე დავითის ძე ანდრონიკაშვილების მამულში, ნავთის სამმა შადრევანმა ამოხეთქა.
1898
ტიპი: პირადი ინფორმაცია
1898 წლის 8 დეკემბერს გაზეთ „ცნობის ფურცელში“ იოსებ იმედაშვილი მკითხველებს ატყობინდებდა, რომ ავჭალის სახალხო თეატრში, რეპეტიის დროს, ელისაბედ ჩერქეზიშვილის ხელნაწერი ვოდელივი „სამოცი წლის აშიყი“ დაკარგა და დასძენდა, რომ მპოვნელი დასაჩუქრდებოდა.
1898
ტიპი: თანამდებობა
1898 წლის 8 დეკემბერს თბილისის საბჭომ თავადი ვასილ ნიკოლოზის ძე ჩერქეზიშვილი და ხმოსანი მ. ს. შესტაკოვი ქალაქის გამგეობის წევრებად აირჩია.
1898
ტიპი: ღონისძიება
1898 წლის 9 დეკემბრის „ცნობის ფურცლის“ მიხედვით, კავკასიის ჯარის პოლკოვნიკი გიორგი ილიას ძე ორბელიანი რუსეთის სამხრეთ გუბერნიებში გაემგზავრა ადგილობრივი მმართველებისთვის შავი ჭირის წინააღმდეგ ბრძოლის გამოცდილების გასაზიარებლად.
1898
ტიპი: ღონისძიება
1898 წლის 9 დეკემბერს არქიმანდრიტ გერმოგენის სახლში წმინდა ანდრია პირველწოდებულის ძმობის წევრებისა და თანამოაზრეების შეკრება გაიმართა, რომელსაც ეგზარქოსი ფლაბიანე დაესწრო.
1898
ტიპი: ღონისძიება
1898 წლის 9 დეკემბრის „ცნობის ფურცლის“ მიხედვით, ეგზარქოსმა ფლაბიანემ თბილისის სასულიერო სემინარიაში დაარსებულ წმინდა ანდრია პირველწოდებულის ძმობას 100 მანეთი შესწირა.
1898
ტიპი: თანამდებობა
1898 წლის 9 დეკემბრის „ცნობის ფურცლის“ მიხედვით, თბილისის საგუბერნიო ექიმი ტიტე ქიქოძე წმინდა ანნას მესამე ხარისხის ორდენით დაჯიდლოვდა.
1898
ტიპი: ღონისძიება
1898 წლის 10 დეკემბერს ქართულმა დრამატულმა საზოგადოებამ ვასო აბაშიძისა და კოტე მესხის მიერ დადგმული ილია ჭავჭავაძის „გლახა ჭრიაშვილი“ წარმოადგინა, რომელშიც ელისაბედ ჩერქეზიშვილი, ალექსანდრა კარგარეთელი, გედევან გედევანოვი და კოტე შათირიშვილი მონაწილეობდნენ.
1898
ტიპი: ღონისძიება
1898 წლის 10 დეკემბერს ქართულმა დრამატულმა საზოგადოებამ ბარბარე ჯორჯაძის სამმოქმედებიანი კომედია „რას ვეძებდი და რა ვიპოვე“ წარმოადგინა.
1898
ტიპი: ღონისძიება
1898 წლის 10 დეკემბერს ქართულ დრამატულ საზოგადოებაში მსახიობ ელისაბედ ჩერქეზიშვილის ბენეფისი გაიმართა.
1898
ტიპი: ღონისძიება
1898 წლის 10 დეკემბერს ქართულ დრამატულ საზოგადოებას ილია ჭავჭავაძის „გლახა ჭრიაშვილი“ უნდა წარმოედგინა, რომელშიც ელისაბედ ჩერქეზიშვილი, გიორგი კანდელაკი, გედევან გედევანოვი და კონსტანტინე შათირიშვილი მიიღებდნენ მონაწილეობას.

