რეგისტრირებული ფაქტები80272
სორტირება თარიღი მზარდობით
1918
ტიპი: ღონისძიება
1918 წლის 9 აპრილს დამოუკიდებლობის გამოცხადებასთან დაკავშირებით გაიმართა ამიერკავკასიის სეიმის სხდომა, რომელზეც სიტყვით გამოვიდნენ: ონიაშვილი, რასულ-ზადე, გეორგაძე, თუმანოვი, სემიონოვი, გვაზავა, ლორთქიფანიძე, კაჩაზნუნი, ლასხიშვილი, კანტემიროვი, მაგომეტ ბეკოვი, შეიხ-ულ-ისლამოვი, არსენიძე და გობეჩია. სხდომის ოქმის სისწორეს ადასტურებს რ. მიქელაძე.
1918
ტიპი: ღონისძიება
1918 წლის 9 აპრილს გამართული ამიერკავკასიის სეიმის პირველი სესიის სხდომის თავმჯდომარე იყო ნ. ს. ჩხეიძე. სხდომამ დაადგინა, შეეჩერებინათ საომარი მოქმედებები და მთავრობას თავდაცვითი ღონისძიებების შემუშავება დაავალა. ხატისოვის წინადადება განხილული იქნა, როგორც სურვილი, რომლითაც მთავრობას უნდა ეხელმძღვანელა. დოკუმენტის სისწორეს ადასტურებს რ. მიქელაძე.
1918
ტიპი: ავტორობა
1918 წლის 9 აპრილს გამოიცა ამიერკავკასიის თავმჯდომარის ბრძანება, რომლის მიხედვითაც იკრძალებოდა ყველანაირი ტერიტორიისა თუ საცხოვრებელი ფართის ფლობა, განკარგვა, მითვისება თბილისის თვითმმართველობასთან შეთანხმების გარეშე. განცხადებას ხელს აწერდნენ: ამიერკავკასიის სახელმწიფო და სამხედრო მინისტრი ევგენი გეგეჭკორი, შინაგან საქმეთა მინისტრი ნოე რამიშვილი და საქმეთა მმართველი სერგო სირინი.
1918
ტიპი: ღონისძიება
1918 წლის 10 აპრილს ამიერკავკასიის მთავრობის მეთაურმა აკაკი ჩხენკელმა და სეიმის თავმჯდომარე ნიკოლოზ ჩხეიძემ რადიოტელეგრაფით აუწყეს მთელი მსოფლიოს ცენტრს სეიმის დადგენილება ამიერკავკასიის დამოუკიდებელ სახელმწიფოდ აღიარების შესახებ.
1918
ტიპი: ავტორობა
1918 წლის 10 აპრილს, ტრაპიზონში, ამიერკავკასიის სამშვიდობო დელეგაციამ უპასუხა ოტომანთა ხელისუფლების ულტიმატუმს და აღნიშნავდა, რომ იღებს ბრესტ-ლიტოვსკის ხელშეკრულების პირობებს და მზად იყვნენ განაგრძონ მოლაპარაკება მასზე დაყრდნობით. დოკუმენტს ხელს ამიერკავკასიის სამშვიდობო დელეგაციის თავმჯდომარე, საგარეო საქმეთა მინისტრი ა. ჩხენკელი აწერდა, სისწორეს ადასტურებდა საქმეთა მმართველი მ. თუმანოვი.
1918
ტიპი: ღონისძიება
1918 წლის 10 აპრილის ქართველთა შორის წერა-კითხვის გამავრცელებელი საზოგადოების სხდომის ოქმის მიხედვით, შუქრუთში ბიბლიოთეკის გახსნა ვერ მოხერხდა. ზაქარია ნეფარიძის სურვილით ბიბლიოთეკა სოფელ ყვირილაში უნდა დაარსებულიყო, რის გამოც მან საზოგადოებისთვის შეწირული თანხის უკან დაბრუნება მოითხოვა.
1918
ტიპი: ავტორობა
1918 წლის 10 აპრილის ქართველთა შორის წერა-კითხვის გამავრცელებელი საზოგადოების სხდომის ოქმის მიხედვით, სტიპენდიატი პროკოფი მუჯირის დედა თხოულობდა შვილისთვის გასაგზავნ თანხას – 240 მანეთს. გამგეობამ მუჯირის დედის თხოვნის დაკმაყოფილება გადაწყვიტა. ოქმს ხელს აწერს დავით გიორგის ძე კარიჭაშვილი.
1918
ტიპი: ღონისძიება
1918 წლის 10 აპრილის ქართველთა შორის წერა-კითხვის გამავრცელებელი საზოგადოების სხდომაზე განიხილეს 1917 წლის საზოგადოების გამგეობის მოქმედების ანგარიში. ანგარიშის განხილვა ნინო ნაკაშიძეს მიენდო.
1918
ტიპი: ავტორობა
1918 წლის 10 აპრილის ქართველთა შორის წერა-კითხვის გამავრცელებელი საზოგადოების სხდომაზე განიხილეს რაჟდენ ხუციშვილის თხოვნა ფიზიკის სახელმძღვანელოს გამოცემის შესახებ. გამგეობის გადაწყვეტილებით, ხუციშვილის მიერ ნათარგმნი ფიზიკის სახელმძღვანელოს შესახებ უნდა მოეგროვებინათ ცნობები, შემდეგ კი შეესწორებინათ.
1918
ტიპი: ღონისძიება
1918 წლის 10 აპრილის ქართველთა შორის წერა-კითხვის გამავრცელებელი საზოგადოების სხდომაზე განიხილეს სარევიზიო კომისიის მოხსენება 1916-1917 წლების მოქმედების შესახებ. სარევიზიო კომისიის წევრი გიორგი პავლეს ძე გორდეზიანი იყო.
1918
ტიპი: ღონისძიება
1918 წლის 10 აპრილის ქართველთა შორის წერა-კითხვის გამავრცელებელი საზოგადოების სხდომას თავმჯდომარეობდა დავით გიორგის ძე კარიჭაშვილი, ესწრებოდნენ: თევდორე გაბრიელის ძე კიკვაძე და ნინო იოსების ასული ნაკაშიძე.
1918
ტიპი: ღონისძიება
1918 წლის 11 აპრილს 18 საათზე აკაკი ჩხენკელი სწერს წერილს ბათუმის სიმაგრის კომენდანტს მთავრობის თავმჯდომარე ევ. გეგეჭკორისათვის, ჟორდანიასათვის, წერეთლისათვის და რამიშვილისათვის გადასაცემად, რომელშიც აღნიშნავს, რომ თურქები მყარად დგანან ულტიმატუმზე და ბრესტის ხელშეკრულების მიღებამდე არაფერზე საუბარი არ სურთ. თუ ბათუმი იარაღის ძალით იქნა აღებული, თურქეთი შეიძლება არ შეჩერდეს, თან თბილისისკენ გზა არდაგანზე გახსნილიაო.
1918
ტიპი: ღონისძიება
1918 წლის 11 აპრილს ვრცელდება ინფორმაცია, რომ ბათუმში ქალების, ბავშვებისა და მოხუცების ევაკუაცია გამოცხადდა 8 აპრილს. დოკუმენტის სისწორეს ადასტრებს მ. თუმანოვი.
1918
ტიპი: ღონისძიება
1918 წლის 12 აპრილს სურსათის მინისტრი ხატისოვი და მინისტრი კაჩაზნუნი სწერენ წერილს ბათუმის სიმაგრის კომენდანტს მთავრობის თავმჯდომარე ევ. გეგეჭკორისათვის გადასაცემად, ასლი ფინანსთა მინისტრ კარჩიკიანს. რომელშიც აღნიშნავენ, რომ საჭიროდ თვლიან მიაპყრონ პარტია დაშნაკცუწუნის ყურადღება იმისაკენ, რომ შექმნილ ვითარებაში ბრესტის ხელშეკრულების მიღება შედარებით ნაკლებ ბოროტებად მიაჩნიათ. დოკუმენტის სისწორეს ადასტრებს მ. თუმანოვი.
1918
ტიპი: ავტორობა
1918 წლის 13 აპრილს ტექნიკური სამმართველოს უფროსმა გზათა მინისტრს ნებართვა სთხოვა, სამინისტროს ტექნიკური და საერთო საქმეთა სამმართველოების ამოქმედების გამო ტექნიკოსი პ. ს. ხარიტონოვი მომარაგების განყოფილების საქმისმწარმოებლად მიეწვია, ხელფასი მისცემოდა დღიურად 20 რუბლი, მაგრამ თვეში არაუმეტეს 600 რუბლისა.
1918
ტიპი: თანამდებობა
1918 წლის 13 აპრილს ტექნიკური სამმართველოს უფროსი გზათა მინისტრ ივანე ლორთქიფანიძეს სამინისტროს ტექნიკური და საერთო საქმეთა სამმართველოების ამოქმედების გამო კ. რ. სტრუბჩევსკის საერთო საქმეთა განყოფილების საქმისმწარმოებლად მისაწვევად ნებართვას სთხოვდა.
1918
ტიპი: ავტორობა
1918 წლის 13 აპრილს, ტრაპიზონში, ოტომანთა დელეგაცია ამიერკავკასიის დელეგაციის თავმჯდომარეს, აკაკი ჩხენკელს მიმართავდა, რომ მოკავშირეთა მოლაპარაკებაში ჩასართველად აუცილებელი იყო ამიერკავკასიის რესპუბლიკის დამოუკიდებლობის გამოცხადება. დოკუმენტს ხელს აწერდა ოტომანთა დელეგაციის თავმჯდომარე რაუფ ორბეი. დოკუმენტის სისწორეს ადასტურებდა საქმეთა მმართველი მ. თუმანოვი.
1918
ტიპი: ავტორობა
1918 წლის 13 აპრილს ახალციხისა და ახალქალაქის ოლქების მუსულმანი მოსახლეობის დელეგატები სწერენ წერილს ამიერკავკასიისა და თურქეთის მთავრობებს, რომელშიც მოითხოვენ ოლქების თურქეთის მმართველობაში გადასვლას. წერილს ხელს აწერენ დელეგატები: ხემდი ეფენდი, მეჰმედ ეფენდი ოღლი, სულეიმან ეფენდი ლულია ოღლი, რიზა შევიკ ოღლი, მეჰმედ ეფენდი ოღლი. რეშიტ ეფენდი, მევლუდ ოღლი რეშიტოვი, ომერ ოღლი ხურშუტოვი, ეიუბ ოღლი დურსუნი, ედემ ოღლი მურთაზოვი, ეიუბ ოღლი რეკუნი, სინზნუ ოღლი შაკიროვი, მევლუდ ოღლი ხელიდოვი, იბრაგიმ სუეშ ოღლი, ფეიზ ალი ნეხიბ ოღლი, ველი ოღლი რედიბოვი, იორამ ოღლი რახრიესანი, ფიბრაშ ოღლი ახმედოვი, მარიდ ბეკ ფეხლევილ ზადე, ნეხბიე ეფენდი სადიკ ოღლი, მოლი და ახმედ მეხდიკობი, აბდულ ეფენდი ნური, ნური ოღლი აბდულ კეფიროვი, მებიუდ ოღლი მეხმედოვი, სული ოღლი ხეჯალ ბეკოვი, დურსუნ ოღლი რიპევანოვი, სულეიმან ოღლი იბრაგიმოვი, ტეფურ ბეკ ზადე ტურსუნ ბეკოვი, საბიტ ბეკ ზადე ნაზინ ბეკოვი, შახში ოღლი ელტაზოვი, იუსუფ ოღლი შერიოროვი, ხაშან ოღლი ელფიზოვი, იორამ ოღლი მისტროვი, მევიუდ ოღლი სიზამი, აბდულ რახმან ოღლი მურადოვი, აბდულ ოღლი მურადოვი, მორაიმ ოღლი რახელუი, ერსინოდი ოღლი საკიბოვი, საბიკ ოღლი არსიანოვი, მუსტაფა ოღლი მეხსიედოვი, აიდარ ოღლი ბაირამოვი, ომერ ოღლი ფერლუსევი.
1918
ტიპი: ღონისძიება
1918 წლის 14 აპრილს გიორგი ლაფანაშვილი, თომა ჩუბინიძე და გიგო ხულელიძე წავიდნენ ბაზალეთში და ლექსო ვერძეულთან დაბინავდნენ.
1918
ტიპი: ღონისძიება
1918 წლის 14 აპრილს ლექსო ვარძეულის სახლში გამართულ კრებას ესწრებოდნენ: მიხა პაპუნაშვილი, ვიქტორ ცინცაძე, დათიკო ხუბულური, ბუხაშვილი, თომა ჩუბინიძე და გიორგი ლაფანაშვილი.
1918
ტიპი: ღონისძიება
1918 წლის 14 აპრილს ჩატარებულ კრებაზე გიორგი ლაფანაშვილსა და მიხა პაპუნაშვილს დაევალათ ბაზალეთის, მუხრანის და ქსნის თემებში მუშაობა.
1918
ტიპი: ღონისძიება
1918 წლის 14 აპრილს ჩატარებულ კრებაზე ვიქტორ ცინცაძესა და დათიკო ხუბულურს დაევალათ პარტიული მუშაობა ლეხურისა და ჟამურის თემებში.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -