რეგისტრირებული ფაქტები80195
სორტირება თარიღი მზარდობით
1918
ტიპი: თანამდებობა
საქართველოს დემოკრატიული რესპუბლიკის უმაღლესი და საშუალო სასწავლებლის გამგის 1918 წლის 3 დეკემბრის N 154 ბრძანებით აბრამ ხანდარიანი თბილისის სომხურ ლისიციანისეულ გიმნაზიაში კანონმდებლობის პედაგოგად დაინიშნა.
1918
ტიპი: თანამდებობა
საქართველოს დემოკრატიული რესპუბლიკის უმაღლესი და საშუალო სასწავლებლის გამგის 1918 წლის 3 დეკემბრის N 154 ბრძანებით გრიგოლ მელქუმიანცი თბილისის სომხურ ლისიციანისეულ გიმნაზიაში ბუნებისმეტყველებისა და გეოგრაფიის პედაგოგად დაინიშნა.
1918
ტიპი: თანამდებობა
საქართველოს დემოკრატიული რესპუბლიკის უმაღლესი და საშუალო სასწავლებლის გამგის 1918 წლის 3 დეკემბრის N154 ბრძანებით ლევონ მელქისეთბეკოვი თბილისის სომხურ ლისიციანისეულ გიმნაზიაში საქართველოს ისტორიის პედაგოგად დაინიშნა.
1918
ტიპი: თანამდებობა
საქართველოს დემოკრატიული რესპუბლიკის უმაღლესი და საშუალო სასწავლებლის გამგის 1918 წლის 3 დეკემბრის N154 ბრძანებით მარგარიტა ჯალალოვი თბილისის სომხურ ლისიციანისეულ გიმნაზიაში საანბანო კლასის პედაგოგად დაინიშნა.
1918
ტიპი: თანამდებობა
1918 წლის 3 დეკემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N 154 ბრძანებით არტავაზდ მუსაელოვი თბილისის სომხურ ლისიციანისეულ გიმნაზიაში ფიზკულტურის პედაგოგად დაინიშნა.
1918
ტიპი: თანამდებობა
1918 წლის 3 დეკემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N154 ბრძანებით, თბილისის სომხური ლისიციანისეული გიმნაზიის საღვთო სჯულის პედაგოგად რაფიელ მელიქ-ადამიანცი დაინიშნა.
1918
ტიპი: თანამდებობა
1918 წლის 3 დეკემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N 154 ბრძანებით თბილისის სომხური ლისიციანისეული გიმნაზიის საანბანო კლასის პედაგოგად შუშანიკ მკრტიჩიანი დაინიშნა.
1918
ტიპი: თანამდებობა
1918 წლის 3 დეკემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N 154 ბრძანებით ნინო მოდებაძე თბილისის სომხური ლისიციანისეული გიმნაზიის ქართული ენის პედაგოგად დაინიშნა.
1918
ტიპი: თანამდებობა
1918 წლის 3 დეკემბრის საქართველოს დემოკრატიული რესპუბლიკის უმაღლესი და საშუალო სასწავლებლის გამგის N 154 ბრძანებით მარიამ ხეჩუმიანი თბილისის სომხური ლისიციანისეული გიმნაზიის ისტორიის პედაგოგად დაინიშნა.
1918
ტიპი: გარდაცვალება
1918 წლის 3 დეკემბერს ბათლომე გრიგორის ძე მეგრელიძემ აუწყა ნათესავებსა და ნაცნობებს მეუღლის, მარო ელიზბარის ასულ მეგრელიძის, გარდაცვალების შესახებ. ის უნდა დაეკრძალათ 5 დეკემბერს, 3 საათზე, სოფელ ქვენობანში.
1918
ტიპი: გარდაცვალება
1918 წლის 3 დეკემბრის გაზეთ „სახალხო საქმეში“ ელიზბარ ჭანიშვილი ნათესავებს აუწყებს, რომ გარდაიცვალა მისი შვილი მარო, რომელსაც დაკრძალავენ 5 დეკემბერს, 3 საათზე, სოფელ შავაში.
1918
ტიპი: გარდაცვალება
1918 წლის 3 დეკემბრის გაზეთ „სახალხო საქმის“ მეშვეობით სოფიო მაღალაშვილი ნათესავებსა და მეგობრებს აუწყებს, რომ გარდაიცვალა მისი მეუღლე მიხეილ მაღალაშვილი. დაკრძალვა გაიმართება 4 დეკემბერს სოფელ ჩოჩეთში.
1918
ტიპი: გარდაცვალება
1918 წლის 3 დეკემბერს ვანო და ვახტანგ იაშვილებმა ნათესავებსა და მეგობრებს მათი მამის ევგენი იაშვილის გარდაცვალება აუწყეს. იგი 3 დეკემბერს კუკიის სასაფლაოზე დაკრძალეს.
1918
ტიპი: გარდაცვალება
1918 წლის 30 ნოემბერს ბარბარე გედევანიშვილის მეუღლე, პედაგოგი და ქართველთა შორის წერა-კითხვის გამავრცელებელი საზოგადოების წევრი ლუარსაბ მერაბის ძე გედევანიშვილი გარდაიცვალა. დაკრძალეს კუკიის სასაფლაოზე.
1918
ტიპი: ღონისძიება
1918 წელს დემოკრატიულმა კლუბმა „მუშტაიდმა“ გაზეთ „სახალხო საქმეში“ გამოაქვეყნა განცხადება, რომ 3 დეკემბერს, 19 საათზე, ცნობილი მსახიობების – ვასო აბაშიძის, ელისაბედ ჩერქეზიშვილისა და ნატალია ჯავახიშვილის – მონაწილეობით წარმოდგენილი იქნებოდა გიგოშვილის თარგმნილი ჰაჯიბეკოვის ოპერეტა „არშინ მალ ალანი“.
1918
ტიპი: ღონისძიება
1918 წლის 3 დეკემბერს ცირკი „მოდერნი“ მართავდა დიდ გალა წარმოდგენას, რომელშიც მონაწილეობას მიიღებდა იაპონელთა დასი (იამადა-საკომისი) და კომიკოსები ვიქტორი და დიმი, აჩვენებდნენ „ხარაკირს“.
1918
ტიპი: ღონისძიება
1918 წლის 3 დეკემბერს მიხეილ ყარამანის ძე ზაალიშვილის მოხსენების საფუძველზე განათლების სამინისტრომ „კალიის“ გიმნაზია დახურა.
1918
ტიპი: ნასამართლეობა
1918 წლის 3 დეკემბრის გაზეთ „სახალხო საქმის" ცნობით, მოსკოვში ბოლშევიკებმა დააპატიმრეს სომეხი მოქალაქეები: ლიპარიტ ნაზარიცინი და ოგანესოვი. უნდა დაწყებულიყო მოლაპარაკება სომხეთის კორპუსის უფროსსა და დაშნაკცუთიუნის პარტიის აღმოსავლეთ ბიუროს შორის, რათა მათ დროულად დაეღწიათ თავი ციხისთვის.
1918
ტიპი: ღონისძიება
1918 წლის 3 დეკემბრის გაზეთ „სახალხო საქმეში“ გამოქვეყნდა გერმანიის საგარეო საქმეთა მინისტრ ვილჰელმ სოლფის განცხადება. ის წერდა, რომ ბრიტანეთმა გერმანელი ჯარისკაცების დახმარებით მოახერხა და გაიმარჯვა ძალადობაზე, ამას ადასტურებდნენ ბრიტანელი ლორდი დანსლოუნი და გენდერსონი.
1918
ტიპი: გარდაცვალება
1918 წლის 3 დეკემბრის გაზეთ „სახალხო საქმეში“ ქართულ გიმნაზიასთან არსებული უფასო სასადილოს გამგეობა მადლობას უხდის კახეთის რკინიგზას, რომელმაც სასადილოს 300 მანეთი შესწირა გამგეობის წევრ ნიკოლოზ ყაზბეგის ხსოვნის აღსანიშნავად.
1918
ტიპი: გარდაცვალება
1918 წელს თბილისის წმინდა ნინოს ქალთა გიმნაზიის პედაგოგიურმა საბჭომ დამსახურებული მასწავლებლის, ლევან გედევანიშვილის დასაკრძალად გიმნაზიის სპეციალური თანხიდან გადადო 2 000 მანეთი.
1918
ტიპი: ღონისძიება
1918 წლის 3 დეკემბრის „გაზეთ სახალხო საქმეში“ გამოქვეყნდა სტატია ქართული თეატრისა და ხელოვნების შესახებ, რომ უახლოეს ხანებში შეიქმნება ქართველ მსახიობთა საპროფესიო კავშირი, რომ ქართველი მსახიობები ემზადებიან სპექტაკლებში მონაწილეობისთვის და 6 დეკემბერს დაიდგმება პირველი წარმოდგენა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -