რეგისტრირებული ფაქტები80195
სორტირება თარიღი მზარდობით
1918
ტიპი: ღონისძიება
1918 წლის 4 დეკემბერს თბილისის სახელმწიფო თეატრში გაიმართებოდა ოპერა სერგო ივანეს ძე ევლახიშვილის ხელმძღვანელობით, მონაწილეობას მიიღებდნენ: ვ. ნიკოლსკი, ბორის ზალიპსკი, ე. ა. ვრონსკი, ა. ა. დემიანენკო, საბანეევა, ალეშკო, ა. მ. კანშინი, ლეონ ისეცკი.
1918
ტიპი: ღონისძიება
1918 წლის 4 დეკემბრის გაზეთ „სახალხო საქმეში" მსახიობთა კავშირის საბჭოს დირექცია აქვეყნებს განცხადებას, რომ ქართველ მსახიობთა საპროფესიო კავშირის წარმოდგენები გაიმართება სახელმწიფო თეატრში ყოველ ორშაბათსა და პარასკევს.
1918
ტიპი: ღონისძიება
1918 წლის 4 დეკემბრის გაზეთ „სახალხო საქმეში“ პოეტმა გიორგი ქუჩიშვილმა გამოაქვეყნა ლექსი „შალვა დადიანს“, რომელიც მიუძღვნა ქართულ ლატარეას.
1918
ტიპი: ღონისძიება
გაზეთ „სახალხო საქმის“ ცნობით, 1918 წლის 4 დეკემბერს, საღამოს 7 საათზე შედგებოდა ქართულ ტეხნიკური საზოგადოების კრება. მოხსენებას წაიკითხავდა ინჟინერი კ. ბუდაკოვი.
1918
ტიპი: ორგანიზაცია
1918 წლის გაზეთ „სახალხო საქმის" ცნობით, 1-ლი დეკემბრის ნომერში შეცდომით დაიბეჭდა ინფორმაცია, რომ ნიკოლოზ ალექსანდრეს ძე თარხანოვი და ლეონ გიორგის ძე თუმანოვი ესერების (სოციალისტ-რევოლუციური პარტია) ფრაქციის წევრები იყვნენ. სინამდვილეში ისინი ცალკე მოღვაწეობდნენ და კავშირი არ ჰქონდათ ესერების ფრაქციასთან.
1918
ტიპი: ღონისძიება
1918 წლის 4 დეკემბერს სომხეთის დიპლომატმა ჯამალიანმა წერილი გაუზავნა ბათუმში მყოფ მოკავშირეთა დელეგაციას. ჯამალიანი ქართველებს ატყობინებს, თუ როგორ ძარცვავენ ოსმალები მათ ოლქებს და მათგან დახმარებას ითხოვს.
1918
ტიპი: ავტორობა
1918 წელს ბარბარე ამილახვარმა გორის ქალთა გიმნაზიის პედაგოგიური საბჭოს თავმჯდომარეს მისწერა, რომ ის ორი (მე-6 და მე-7) კლასის დამრიგებელი იყო. ანაზღაურებას მხოლოდ ერთი კლასიდან იღებდა, რის გამოც პედაგოგიურმა საბჭომ სამინისტროსთან შუამდგომლობა აღძრა. შუამდგომლობის შედეგები მისთვის ცნობილი არ იყო, ამიტომ მან პედაგოგიურ საბჭოს სთხოვა ეს საკითხი სამინისტროსთვის შეეხსენებინათ.
1918
ტიპი: გარდაცვალება
1918 წლის 4 დეკემბრის გაზეთ „სახალხო საქმეში“ თამარ და ელენე ნიორაძეები, ნინო (ცოუტია), ლევან და ნადია ერქომაიშვილები, ქრისტინე მიხეილის ასული და მარიამ ხაბის ასული ცომაიები ნათესავებს აუწყებენ სილოვან ნიკოლოზის ძე ერქომაიშვილის გარდაცვალებას.
1918
ტიპი: პირადი ურთიერთობა
1918 წლის 4 დეკემბრის გაზეთ „სახალხო საქმის“ მიხედვით, ბ. გოგიჩაიშვილი ჭიჭიკო რუხაძის გერი იყო.
1918
ტიპი: ღონისძიება
გზათა მინისტრ ივანე ლორთქიფანიძის 1918 წლის 5 დეკემბრის N61 ბრძანებით, ტყიბულის მაღაროების საანგარიშო ნაწილის სარევიზიოდ და საქმის მდგომარეობის გამოსარკვევად დაინიშნა კომისია პოლკოვნიკ შაიშმელაშვილის თავმჯდომარეობით და სამი წევრის – სამთო ინჟინერ ჯორჯაძის, ტექნიკოს მეფარიშვილისა და ტექნიკური მოანგარიშის, ვილვალინცის – მონაწილეობით.
1918
ტიპი: გარდაცვალება
1918 წლის 5 დეკემბერს თბილისის ვაჟთა მეორე კომერციული სასწავლებლის პედაგოგი კლემენსი ემანუელის ძე ბადერი გარდაიცვალა.
1918
ტიპი: ღონისძიება
1918 წლის 5 დეკემბერს ინგლისელ მენაღმეთა ესკადრის ხელმძღვანელი იმყოფებოდა ბათუმში, სადაც მან მადლობა გადაუხადა დ. თოფურიძეს იმ წესრიგის გამო, რაც მათ ქალაქებში დახვდათ.
1918
ტიპი: ღონისძიება
გენერალი აბელ მაყაშვილი ახალქალაქიდან დეპეშით ატყობინებს სამხედრო მინისტრ გრიგოლ გიორგაძეს, რომ 1918 წლის 5 დეკემბერს დილის 10 საათზე, მათმა ჯარმა დაიკავა ახალქალაქი, რასაც მოსახლეობა დიდი სიხარულით შეხვდა.
1918
ტიპი: ღონისძიება
1918 წლის 6 დეკემბერს ხაშურში მცხოვრებმა რკინიგზის მუშამ, წაბლიძემ შრომის სამინისტროს მისწერა, რომ ჯამაგირის დაგვიანების გამო მუშებში დიდი მღელვარება იყო და დაუოვნებლივ მოითხოვა პასუხი.
1918
ტიპი: ავტორობა
1918 წლის 6 დეკემბრის გაზეთ „სახალხო საქმის“ მეშვეობით შვილები: კოწია, ნადეჟდა, ნინო, ალექსანდრა, თამარი, მარუსია და ვერა ადანიები, სიძეები: გიორგი ჩხეიძე და ივანე კაპანაძე აუწყებენ ნათესავებსა და მეგობრებს პაშა კონსტანტინეს ასული ჩიქოვანი-ადანაიას გარდაცვალებას. დაკრძალვა გაიმართებოდა 6 დეკემბერს ქუთაისში, საფიჩხიის სასაფლაოზე.
1918
ტიპი: ღონისძიება
1918 წლის 6 დეკემბერს, საღამოს 6 საათზე ნაძალადევის თეატრში სერგო ჟორჟოლიანმა ჩაატარა ეკონომიკის ლექცია, ხოლო კ. ქავთარაძემ ისტორიის ლექცია.
1918
ტიპი: ღონისძიება
1918 წლის ნოემბერში ფოსტა-ტელეგრაფის ყრილობაზე ერთმა მომხსენებელმა გაიხსენა ფოსტა-ტელეგრაფის ყოფილი მინისტრის (1917 წ.), ირაკლი წერეთლის სიტყვები ფოსტა-ტელეგრაფის მოსამსახურეთა მნიშვნელობასა და დაფასებაზე. ასევე მან აღნიშნა, რომ იმჟამად წერეთელი პარლამენტის წევრი იყო და სამწუხაროდ, აღარ ახსოვდა ისინი.
1918
ტიპი: ღონისძიება
1918 წლის 6 დეკემბრის გაზეთ „სახალხო საქმის“ ცნობით, ქართულ ტექნიკურ საზოგადოებაში ინჟინერმა ბესარიონ ჭიჭინაძემ წაიკითხა მოხსენება „ახალი სენაკი-ზუგდიდის გზა“. მონაწილეობა მიიღეს და დაწვრილებით განიხილეს ეს პროექტი ინჟინრებმა: ეპიფანე ალშიბაიამ, ვასილ კაკაბაძემ, მ. კრანციმ, ისიდორე სტურუამ, პეტრე მამრაძემ და სხვებმა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -