რეგისტრირებული ფაქტები89112
სორტირება თარიღი მზარდობით
1918
ტიპი: ღონისძიება
1918 წლის 3 დეკემბერს პარლამენტის სხდომაზე სიტყვით გამოვიდა გიორგი გვაზავა, რომელმაც განაცხადა, რომ საჭირო იყო საქართველოში მშვიდობის შენარჩუნება, რადგან მრავალი შინაური მტერი ცდილობდა არეულობის შემოტანას ქვეყანაში. სწორედ ამიტომ საჭიროების შემთხვევაში გენერალ-გუბერნატორს მკაცრი ზომები უნდა მიეღო უსაფრთხოების მიზნით.
1918
ტიპი: ღონისძიება
1918 წლის 3 დეკემბერს პარლამენტის სხდომაზე სიტყვით გამოვიდა გრიგოლ ვეშაპელი, რომელმაც განაცხადა, რომ როცა საქართველოში მოემგზავრებიან რუსეთის კრედიტორები, თუ სხვა ქვეყნის წარმომადგენლები, საქართველოს მთავრობა ვალდებული იყო, დაეცვა წესიერება, რათა რომელიმე ფრაქციას არ დაეწყო გენერალ-გუბერნატორობა.
1918
ტიპი: ღონისძიება
1918 წლის 3 დეკემბერს პარლამენტის სხდომაზე სიტყვით გამოვიდა ნიკოლოზ თარხანოვი, რომელმაც განაცხადა, რომ უნდა გაუქმებულიყო გენერალ-გუბერნატორის განკარგულება უცხო და უსაქმური პირების ქვეყნიდან გაძევების შესახებ, რადგან შეუძლებელი იყო ამის გარკვევა.
1918
ტიპი: ღონისძიება
1918 წლის 3 დეკემბერს გამართულ პარლამენტის სხდომაზე სიტყვით გამოვიდა აკაკი ფაღავა, რომელმაც განაცხადა, რომ იმ დროისთვის საქართველოში ბევრი ისეთი პირი იყო, რომელთაც საქმე საერთოდ არ ჰქონდათ და ქვეყნისთვის საშიშროებას წარმოადგენდნენ. სწორედ ასეთებზე მიიღო გენერალ-გუბერნატორმა დადგენილება ქვეყნიდან გაძევების შესახებ.
1918
ტიპი: ავტორობა
1918 წლის 3 დეკემბერს გამართულ პარლამენტის სხდომაზე სიტყვით გამოვიდა შინაგან საქმეთა მინისტრი ნოე რამიშვილი, რომელმაც განაცხადა,რომ გენერალ-გუბერნატორის ახლად შემოღებული კანონი ეხებოდა იმ პირებს, რომლებიც საქართველოში უსაქმურად იმყოფებოდნენ და მომენტს ელოდებდნენ, რომ გადატრიალების გზით თანამდებობები დაეკავებინათ.
1918
ტიპი: ღონისძიება
1918 წლის 3 დეკემბერს განათლების სამინისტროს ორი თვის დანამატის სესხად მიღების თხოვნით მიმართეს ქუთაისის რეალური სასწავლებლის თანამშრომლებმა: ი. ბოგვერაძემ, ე. ყურაშვილმა, მ. პატარიძემ, ი. ჭელიშვილმა, ნ. ზავაცკიმ, ი. შერგელაშვილმა, ა. ჭუმბურიძემ, ი. ლოსაბერიძემ, ა.თუთბერიძემ, ნ. ა. იზუმსკიმ.
1918
ტიპი: ღონისძიება
1918 წლის 3 დეკემბერს განათლების სამინისტროს ორი თვის დანამატის სესხად მიღების თხოვნით მიმართეს ქუთაისის რეალური სასწავლებლის პედაგოგებმა: თ. დუგლაძემ, მ. ანანჩენკომ, მელიტონ სპირიდონის ძე კელენჯერიძემ, კორნელი ლუკას ძე მაღრაძემ, ლაზარე ვასილის ძე ხმალაძემ, მელქისედეკ სპირიდონის ძე კანდელაკმა, კონსტანტინე რევაზის ძე ლომთაძემ, ტარასი დავითის ძე მამალაძემ, კონსტანტინე გიორგის ძე ჭანტურიამ, კირილე იოსების ძე ბოჭორიშვილმა, ფერდინანდ ფრანცის ძე ბეთანელმა.
1918
ტიპი: ავტორობა
1918 წლის 3 დეკემბერს განათლების სამინისტროს ორი თვის დანამატის სესხად მიღების თხოვნით მიმართეს ქუთაისის რეალური სასწავლებლის პედაგოგებმა: მელიტონ ბესარიონის ძე ჩეჩელაშვილმა, მიხეილ ალექსის ძე ჭიჭინაძემ, მიხეილ იოსების ძე კუჭავამ, ლუარსაბ ეგნატეს ძე კეშელავამ, არსენ ქაიხოსროს ძე ჯახუტაშვილმა, ალექსანდრე ნიკოლოზის ძე გიგაუროვმა, გაბრიელ ცაგარეიშვილმა, ქსენოფონტე გაჩეჩილაძემ, ვ. აბულაძემ და ი. ბერეკაშვილმა.
1918
ტიპი: ღონისძიება
1918 წლის 3 დეკემბერს განათლების სამინისტროს ორი თვის დანამატის სესხად მიღების თხოვნით მიმართეს თბილისის ვაჟთა მეორე გიმნაზიის პედაგოგებმა: მ. ს. შახმურადიანმა, პ. ვ. პანჩენკომ. პ. ი. პრილიპკომ. ბ. ი. შამოვმა, ლ. ი. ზავრიევმა, პ. გ. საყვარელიძემ, ი. ი. მოლიშენკომ, ს. ს. ბესტავაშვილმა, ი. ა. კორენჩუკმა, ი. ვ. ტარასოვმა და ედუარდ კარლოს ძე ლიოზენმა.
1918
ტიპი: ღონისძიება
1918 წლის 3 დეკემბერს კონსტანტინე სიმონის ძე ნემსაძემ ქართველთა შორის წერა-კითხვის გამავრცელებელ საზოგადოებას თბილისის სახელმწიფო უნივერსიტეტში სწავლის გასაგრძელებლად სტიპენდიის დანიშვნა სთხოვა.
1918
ტიპი: ავტორობა
1918 წლის 4 დეკემბრის გაზეთში „საქართველო“ დამფუძნებელი კრების წევრი გიორგი ბეჟანის ძე გვაზავა დამოუკიდებლობის მოპოვების 6 თვის აღნიშვნას გამოეხმაურა და აღნიშნა, რომ დამოუკიდებლობის აღნიშვნა და ხალხში ეროვნული სულისკვეთების აღდგენა კარგი იყო, მაგრამ ეს მხოლოდ მიტინგების გზით არ მიიღწეოდა, მას შესაბამისი აზროვნების მომზადება და ხალხის გაცნობიერება სჭირდებოდა. 6 თვე კი არ იყო აღსანიშნი თარიღი და მმართველმა პარტიამ ეს უფრო პოლიტიკური ქულების დაწერის მიზნით გააკეთა.
1918
ტიპი: ღონისძიება
1918 წლის 4 დეკემბერს ინჟინერ შამონინს შეატყობინეს, რომ კავკასიის რაიონის მოხელეთა ივლისისა და აგვისტოს ხელფასი, 1093 რუბლი და 29 კაპიკი, უკვე დახარჯული იყო.
1918
ტიპი: ღონისძიება
1918 წლის 4 დეკემბერს გამართულ საქართველოს ეროვნული საბჭოს საკონსტიტუციო სხდომას დაესწრნენ: სერგო ჯაფარიძე, კონსტანტინე მაყაშვილი, მარიამ ჩხეიძე, სპირიდონ კედია, სამსონ დადიანი, ალექსანდრე წერეთელი, ლეო ნათაძე, ასევე დამხმარეები: გიორგი ნანეიშვილი და კონსტანტინე მიქელაძე, თავმჯდომარე იყო სერგო ჯაფარიძე, მდივანი – მარიამ ჩხეიძე.
1918
ტიპი: ღონისძიება
1918 წლის 4 დეკემბერს საქართველოს ეროვნული საბჭოს საკონსტიტუციო სხდომაზე გაგრძელდა განხილვა გიორგი ნანეიშვილის მიერ შემუშავებული დებულებისა – ფინანსების შესახებ. ნანეიშვილი აცხადებდა, რომ წინა კრებაზედ ამ დებულების მეორე მუხლად მიიღეს ისეთი მუხლი, რომელიც შეტანილია მოქალაქეთა უფლება-მოვალეობის დებულების მე-15 მუხლად, ამიტომ შემოიტანა წინადადება ამ დებულებაში გამოეტოვებინათ ეს მუხლი. მცირე კამათის შემდეგ მეორე მუხლი წინა სხდომაზე მიღებული, უცვლელად დარჩა.
1918
ტიპი: თანამდებობა
1918 წლის 4 დეკემბერს გიორგი მელქოს ძე არუთინიანი თბილისის მესამე ვაჟთა გიმნაზიაში გადმოყვანას ითხოვდა.
1918
ტიპი: ღონისძიება
1918 წელს ბარბარე კობიაშვილისამ ნათესავებსა და მეგობრებს აუწყა, რომ 4 დეკემბერს, 12 საათზე, ქაშუეთის ეკლესიაში გაიმართებოდა მისი მეუღლის, ალექსანდრე კობიაშვილის პანაშვიდი.
1918
ტიპი: ღონისძიება
1918 წლის 4 დეკემბერს თბილისის სახელმწიფო თეატრში გაიმართებოდა ოპერა სერგო ივანეს ძე ევლახიშვილის ხელმძღვანელობით, მონაწილეობას მიიღებდნენ: ვ. ნიკოლსკი, ბორის ზალიპსკი, ე. ა. ვრონსკი, ა. ა. დემიანენკო, საბანეევა, ალეშკო, ა. მ. კანშინი, ლეონ ისეცკი.
1918
ტიპი: ღონისძიება
1918 წლის 4 დეკემბრის გაზეთ „სახალხო საქმეში" მსახიობთა კავშირის საბჭოს დირექცია აქვეყნებს განცხადებას, რომ ქართველ მსახიობთა საპროფესიო კავშირის წარმოდგენები გაიმართება სახელმწიფო თეატრში ყოველ ორშაბათსა და პარასკევს.
1918
ტიპი: ღონისძიება
1918 წლის 4 დეკემბრის გაზეთ „სახალხო საქმეში“ პოეტმა გიორგი ქუჩიშვილმა გამოაქვეყნა ლექსი „შალვა დადიანს“, რომელიც მიუძღვნა ქართულ ლატარეას.
1918
ტიპი: ღონისძიება
გაზეთ „სახალხო საქმის“ ცნობით, 1918 წლის 4 დეკემბერს, საღამოს 7 საათზე შედგებოდა ქართულ ტეხნიკური საზოგადოების კრება. მოხსენებას წაიკითხავდა ინჟინერი კ. ბუდაკოვი.
1918
ტიპი: ორგანიზაცია
1918 წლის გაზეთ „სახალხო საქმის" ცნობით, 1-ლი დეკემბრის ნომერში შეცდომით დაიბეჭდა ინფორმაცია, რომ ნიკოლოზ ალექსანდრეს ძე თარხანოვი და ლეონ გიორგის ძე თუმანოვი ესერების (სოციალისტ-რევოლუციური პარტია) ფრაქციის წევრები იყვნენ. სინამდვილეში ისინი ცალკე მოღვაწეობდნენ და კავშირი არ ჰქონდათ ესერების ფრაქციასთან.
1918
ტიპი: ღონისძიება
1918 წლის 4 დეკემბერს სომხეთის დიპლომატმა ჯამალიანმა წერილი გაუზავნა ბათუმში მყოფ მოკავშირეთა დელეგაციას. ჯამალიანი ქართველებს ატყობინებს, თუ როგორ ძარცვავენ ოსმალები მათ ოლქებს და მათგან დახმარებას ითხოვს.
1918
ტიპი: ავტორობა
1918 წელს ბარბარე ამილახვარმა გორის ქალთა გიმნაზიის პედაგოგიური საბჭოს თავმჯდომარეს მისწერა, რომ ის ორი (მე-6 და მე-7) კლასის დამრიგებელი იყო. ანაზღაურებას მხოლოდ ერთი კლასიდან იღებდა, რის გამოც პედაგოგიურმა საბჭომ სამინისტროსთან შუამდგომლობა აღძრა. შუამდგომლობის შედეგები მისთვის ცნობილი არ იყო, ამიტომ მან პედაგოგიურ საბჭოს სთხოვა ეს საკითხი სამინისტროსთვის შეეხსენებინათ.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -