რეგისტრირებული ფაქტები84863
სორტირება თარიღი მზარდობით
1930
ტიპი: ღონისძიება
1930 წლის 26 იანვარს ალექსანდრე მგელაძემ გიგო შარაშიძეს მისწერა, რომ 1930 წლის პირველ თებერვალს 1 წელი სრულდებოდა, რაც პენსიის საკითხის მოგვარებას ცდილობდა. შეატყობინა, რომ მისი ჯანმრთელობის მდგომარეობა გაუარესდა.
1930
ტიპი: ღონისძიება
1930 წლის 27 იანვარს დავით შარაშიძემ საფრანგეთიდან საქართველოში წერილი გაუგზავნა დედას, ნინო ქიქოძეს და აცნობა, რომ დაახლოებით ერთ კვირაში მისი წიგნი გამოვიდოდა.
1930
ტიპი: პირადი ინფორმაცია
1930 წლის 13 თებერვალს დავით შარაშიძემ პარიზიდან ბახვში ღია ბარათი გაუგზავნა მშობლებს და ვაჟის დაბადება შეატყობინა.
1930
ტიპი: ღონისძიება
1930 წლის 13 თებერვალს ევგენი გეგეჭკორი ვარშავიდან მთავრობას სწერს, რომ მათმა დელეგატებმა თავიანთ უფლებებს გადააცილეს და დათმობაზე წავიდნენ, მაგრამ რასულსა და ვექილოვს ამან მხოლოდ გემო გაუღვიძა, ესეც ფრიად საკმარისია მათი სულიერი განწყობითვის.
1930
ტიპი: პირადი ურთიერთობა
1930 წლის 23 თებერვალს ნინო ბაქრაძე-გვეტაძემ რაჟდენ გვეტაძეს ქუთაისში მისწერა, რომ მისი წიგნი უკვე სტამბაში იყო და სახელგამმა ავანსის სახით ხუთი თუმანიც გადაუხადა.
1930
ტიპი: პირადი ურთიერთობა
1930 წლის 23 თებერვალს ნინო ბაქრაძე-გვეტაძემ რაჟდენ გვეტაძეს ქუთაისში მისწერა და სთხოვა, სიფრთხილე გამოეჩინა და სახალხოდ არ ელაპარაკა კოლექტივიზაციის პროცესისადმი უარყოფითი დამოკიდებულების შესახებ.
1930
ტიპი: ღონისძიება
1930 წლის 25 თებერვალს გოგი ქარცივაძემ თბილისიდან ბახვში გაუგზავნა წერილი ბებიას და ბაბუას და მიულოცა მეხუთე შვილიშვილის, დავითის შვილის დაბადება.
1930
ტიპი: ღონისძიება
1930 წლის 25 თებერვალს გოგი ქარცივაძემ თბილისიდან ბახვში ბებიას და ბაბუას გაუგზავნა წერილი, რომელშიც წერდა, რომ ძალიან გაოცდა, რადგან მიიღო ბებიას წერილი 1929 წლის 23 ივნისით დათარიღებული, არადა მასში ბოლო ორი დღის ამბები ეწერა.
1930
ტიპი: პირადი ურთიერთობა
1930 წლის აპრილში ტიციან ტაბიძემ იოსებ ტაბიძეს მისწერა, რომ გაგრასა და სოჭში დასვენების შემდეგ სოხუმში ჩავიდა და მალე თბილისში აპირებდა დაბრუნებას.
1930
ტიპი: პირადი ურთიერთობა
1930 წლის აპრილში ტიციან ტაბიძემ ბარბარე ყარალაშვილ-მაყაშვილს მისწერა, რომ სურდა, ნინა მაყაშვილი კიდევ ათი დღით დარჩენილიყო გაგრაში, თავად კი მალე ჩავიდოდა თბილისში შვილის, ნიტა ტაბიძის მოსანახულებლად.
1930
ტიპი: პირადი ურთიერთობა
1930 წლის აპრილში ტიციან ტაბიძემ არჩილ მიქაძეს გაგრიდან მისწერა, რომ ის გიორგი ყურულაშვილთან ერთად ვლადიმერ მაიაკოვსკის დაკრძალვას დაესწრო.
1930
ტიპი: პირადი ურთიერთობა
1930 წლის აპრილში ტიციან ტაბიძემ ვალერიან გაფრინდაშვილს გაგრიდან მისწერა, რომ ძალიან განიცდიდა მაიაკოვსკის თვითმკვლელობის ამბავს.
1930
ტიპი: პირადი ურთიერთობა
1930 წლის აპრილში ტიციან ტაბიძემ სანდრო შანშიაშვილს გაგრიდან მისწერა, რომ მოსკოვში რუსთაველის თეატრის გასტროლს დიდი წარმატებით ჩაუვლია და მაყურებელს განსაკუთრებით მოსწონებია სპექტაკლი „ანზორი“.
1930
ტიპი: პირადი ურთიერთობა
1930 წლის 8 აპრილს ტიციან ტაბიძემ ძმას, იოსებ ტაბიძეს, მისწერა, რომ ბათუმში იყო და სოფელში ჩასვლას ვერ ახერხებდა.
1930
ტიპი: პირადი ურთიერთობა
1930 წლის 11 აპრილს შალვა დემეტრაძემ კოლაუ ნადირაძეს ლანჩხუთიდან მისწერა, რომ მისი და პაოლო იაშვილის დახმარების გარეშე ლექსების გამოქვეყნება შეუძლებლად მიაჩნდა.
1930
ტიპი: პირადი ინფორმაცია
1930 წლის 13 აპრილს ბიბი ნიკოლოზის ძე ქარცივაძემ თბილისიდან ბახვში ბებიას და ბაბუას მისწერა, რომ მას და მის ძმას გოგის წითურა დაემართათ.
1930
ტიპი: პირადი ურთიერთობა
1930 წლის 14 აპრილს ტიციან ტაბიძემ ნინა მაყაშვილს მისწერა, რომ ზუგდიდიდან სოხუმში მშვიდობით ჩავიდა და სთხოვა, შეეტყობინებინა თავისი ამბები.
1930
ტიპი: პირადი ურთიერთობა
1930 წლის 15 აპრილს ანდრეი ბელიმ ტიციან ტაბიძეს მოსკოვიდან მისწერა, რომ ძალიან ენატრებოდა პაოლო იაშვილი, გიორგი ლეონიძე, გრიგოლ რობაქიძე და ნიკოლო მიწიშვილი.
1930
ტიპი: ავტორობა
1930 წლის 23 აპრილს ქრისტინე შარაშიძე თბილისიდან ბახვში მშობლებს სწერდა, რომ 88 სალექსიკონო სიტყვის მიღებისთანავე აცნობა მათ ღია წერილით, ორი დღის წინ კიდევ მიიღო მამისაგან სიმღერა–გალობის ტერმინები და სხვა საინტერესო მასალა. სანამ არნოლდ ჩიქობავა საბოლოოდ არ შეამოწმებდა, სიტყვების რაოდენობა ვერ გაირკვეოდა.
1930
ტიპი: პირადი ურთიერთობა
1830 წლის 25 აპრილს სოფია ტოლსტაია-ესენინამ ტიციან ტაბიძეს მოსკოვიდან მისწერა და მადლობა გადაუხადა იმ ყურადღებისა და სიყვარულისთვის, რომელსაც ის მისი გარდაცვლილი მეუღლის, სერგეი ესენინის მიმართ გამოხატავდა.
1930
ტიპი: პირადი ინფორმაცია
1930 წლის მაისში დავით შარაშიძის ვაჟი, გიორგი (გოგი) შარაშიძე ყვავილზე აცრეს.