1918

ტიპი: გარდაცვალება

1918 წლის 6 ოქტომბერს პარტიზანულმა პოლკმა ზუგდიდის ტაძარში კაპიტან არჩილ საყვარელიძის სულის მოსახსენიებლად პანაშვიდი გადაიხადა. პანაშვიდს მთელი პარტიზანული პოლკი, ზუგდიდის სოციალ-ფედერალისტთა პარტიის კომიტეტის წევრები, ადგილობრივი მებრძოლი რაზმი და ზუგდიდის მაცხოვრებლები დაესწრნენ.

1920

ტიპი: ღონისძიება

1920 წლის 28 სექტემბრის „ერთობაში“ დაიბეჭდა წერილი ხონის რაიონის გამომძიებლის, გერასიმე ხაჟომიას პროფესიული არაკეთილსინდისიერების შესახებ. საქმით დაინტერესებულმა პირებმა საჩივარიც გაუგზავნეს დამფუძნებელი კრების წევრ ვლასა მგელაძეს, მაგრამ ხაჟომია ისევ თანამდებობაზე დარჩა. ისინი იუსტიციის მინისტრს საკითხის გამოკვლევას სთხოვდნენ.

1918

ტიპი: ღონისძიება

1918 წლის 24 ნოემბერს ქალთა მე-6-ე გიმნაზიის დარბაზში ამავე გიმნაზიის დირექტორ გრიგოლ ლორთქიფანიძის თაოსნობით შესდგა ავლაბრის, ნავთლუხისა და ხარფუხის რაიონებში მცხოვრებ „ქართველთა კულტურულ-განმანათლებელ საზოგადოების“ დამფუძნებელი კრება.

1918

ტიპი: გარდაცვალება

1918 წლის 8 ოქტომბერს, დილის 10 საათზე, ქალაქ ხაშურში დაღუპული ლიუდმილა (ლუდა) მანჯავიძე სახლიდან იოანე ნათლისმცემლის ეკლესიაში გადაასვენეს.

1918

ტიპი: გარდაცვალება

1918 წლის 12 ოქტომბერს საჩხერის ეკლესიაში ტრაგიკულად დაღუპული ლევან კონსტანტინეს ძე აბაშიძის სულის მოსახსენებელი პანაშვიდი გადაიხადეს.

1919

ტიპი: ღონისძიება

1919 წლის 28 ივნისის (N141) გაზეთ „ერთობაში“ შალვა ჩოჩიამ გამოაქვეყნა წერილი „სამეგრელოს ავტონომისტები!“, რომელშიც პედაგოგ სტეფანე გაგუას ბრალდებები წაუყენა.

1918

ტიპი: გარდაცვალება

1918 წლის 8 ოქტომბერს, დილის 10 საათზე გიორგი (გიგო) დუშურაშვილი კუკიის წმინდა ნინოს სასაფლაოზე დაკრძალეს.

1918

ტიპი: ღონისძიება

1918 წლის ნოემბერსა თუ დეკემბერში ქ. ფოთში დაარსდა პატარა ჯგუფი, რომელშიც მონაწილეობას იღებდა სტეფანე გაგუა, როგორც ერთ-ერთი თაოსანი. ეს ჯგუფი მიზნად ისახავდა სამეგრელოს ისტორიის, არქეოლოგიის, ზნე-ჩვეულებებისა და ენის შესწავლას, პერიოდულ და სხვა გამოცემათა ბეჭდვას მეგრულ ენაზე და საზოგადოდ საგანმანათლებლო საქმის მოწყობას საქართველოს ამ კუთხეში.

1919

ტიპი: ღონისძიება

1919 წლის 17 აპრილს ახალ სენაკში სტუდენტმა მიხეილ კანკავამ და მისმა ძმამ, ალექსანდრემ დააარსეს ჯგუფი „მაფალუუ“, რომლის მიზანი იყო სამეგრელოს ისტორიის, არქეოლოგიისა და ენის შესწავლა. ჯგუფი უმეტესად ახალგაზრდებისგან შედგებოდა.

1918

ტიპი: გარდაცვალება

1918 წლის 3 ოქტომბერს ონში ხანმოკლე ავადმყოფობის შემდეგ ვლადიმერ დავითის ძე ჯაფარიძე გარდაიცვალა.

1919

ტიპი: ღონისძიება

1919 წლის მაისში „მაფალუუს“ თავმჯდომარის ამხანაგმა, მიხეილ კანკავამ სოფელ ცაიშში იონა მეუნარგიას დასაფლავებაზე „მაფალუუს“ სახელით სამეგრელოს პოლიტიკური მოწყობის შესახებ პოლიტიკური შინაარსის სიტყვა მეგრულად წარმოთქვა.

1920

ტიპი: ავტორობა

1920 წლის პირველი აპრილის ჟურნალში „ვაზი და ღვინო“ ივანე ანდრონიკაშვილი წერდა, როგორ მოიმატებდა ღვინის ფასი და მოთხოვნა საერთაშორისო ბაზარზე, თუკი მეღვინე-მევენახეები მისი დაყენების ტექნოლოგიას შეცვლიდნენ. მისი აზრით, მარტო მევენახეები ამას ვერ შეძლებდნენ და ეს საქმე კოოპერატივებსა და ღვინით მოვაჭრე სააქციო საზოგადოებებს უნდა გაეკეთებინათ.

1918

ტიპი: გარდაცვალება

1918 წლის 10 ოქტომბერს სოფელ კავთისხევში ტრაგიკულად დაღუპული პორუჩიკი მიხეილ ივანეს ძე ონოფრიშვილი დაკრძალეს.

ტიპი: ღონისძიება

მიხეილ კანკავამ ,,მაფალუუს'' პოლიტიკური ხასიათი უარყო და განაცხადა, რომ ჯგუფის სახელი იყო - სამეგრელოს კულტურის მოყვარე ჯგუფი ,,მაფალუუ''.

1919

ტიპი: ღონისძიება

1919 წელს ფოთის ჯგუფსა და „მაფალუუს“ შორის არსებობდა ურთიერთობა, რომელიც იმაში გამოიხატებოდ, რომ „მაფალუუს“ წარმომადგენელი მიხეილ კანკავაფოთის ჯგუფის სხდომებს ესწრებოდა და საერთო წესდების შემუშავებაში მონაწილეობდა.

1920

ტიპი: ავტორობა

1920 წლის პირველი აპრილის ჟურნალში „ვაზი და ღვინო“ მიხეილ შალამბერიძე მკითხველს ყურძნის შემადგენლობას ასწავლიდა.

ტიპი: ღონისძიება

მიხეილ კანკავა შეუთანხმდა ფოთის ჯგუფს, რომ მათ ექნებოდათ მხოლოდ კულტურული მიზნები. ხსენებული წესდების პროექტის საბოლოო რედაქცია მიენდო თბილისში მიმავალ პედაგოგს სერგო დანელიას, რომელსაც შემდეგ ეს პროექტი უნდა დაესტამბა ერთ-ერთ გაზეთში.

1919

ტიპი: ღონისძიება

1919 წელს სტეფანე გაგუა არ მონაწილეობდა სენაკში არსებულ „მაფალუუს“ ჯგუფის საქმეებში.

ტიპი: ღონისძიება

ფოთსა და სენაკში სამეგრელოს კულტურის მოყვარე ჯგუფების დაარსებამ დიდი მითქმა-მოთქმა გამოიწვია საზოგადოების ფართო წრეებში. ეს მითქმა-მოთქმა განსაკუთრებით გაძლიერდა მიხეილ კანკავას სიტყვის შემდეგ იონა მეუნარგიას დასაფლავების დროს. საზოგადოებამ ,,მაფალუუს'' დაარსება მიიღო თავზარდამცემ ამბად, თითქოს დაიბადა მეგრული სეპარატიზმიო. სწორედ ამ გულისტკივილმა აღაშფოთა და აიძულა შალვა ჩოჩია თავისი სახელით გაზეთში გამოექვეყნებინა წერილი სათაურით ,,სამეგრელოს ავტონომისტები!''. ის რომელიმე პიროვნებისადმი პირადი ინტერესებით არ სარგებლობდა.

1920

ტიპი: ავტორობა

1920 წლის პირველი აპრილის ჟურნალში „ვაზი და ღვინო“ სოლომონ ჩოლოყაშვილი მევენახეებს უხსნიდა, როგორ გაებათ მავთული ვენახებში.

1919

ტიპი: ღონისძიება

1919 წელს სტეფანე გაგუას ცილს სწამებდნენ, რომ შეპყრობილი იყო მეგრული სეპარატიზმით და გიმნაზიაში მოწაფეებს ჰყოფდა მეგრელ და გურულ მოწაფეებად.

1911

ტიპი: ღონისძიება

1919 წელს სასამართლომ დაამტკიცა, რომ სტეფანე გაგუა არ ასწავლიდა ბავშვებს მეგრულად, თუმცა მეგრელ ბავშვებს მეგრულად უხსნიდა ზოგიერთ გაუგებარ სიტყვას.

1919

ტიპი: ღონისძიება

1919 წელს შალვა ჩოჩია თავის კორესპონდენციაში საუბრობდა იმის შესახებ, რომ სტეფანე გაგუა სოფლის მასწავლებლებს აძლევდა „ფარულ დირექტივებს“, თუმცა ეს ბრალდება არ დამტკიცდა.

1919

ტიპი: ღონისძიება

1919 წელს სასამართლომ შენიშნა, რომ კორესპონდენციის სიტყვები „პროვოკატორული მუშაობა“ და „ქართველ მოძმეთა შორის შუღლისა და მტრობის თესვა“ სტეფანე გაგუას არ ეხებოდა. თვით შალვა ჩოჩიამაც განაცხადა, რომ ამ სიტყვების დაწერისას მას სტეფანე გაგუა არ ჰყოლია მხედველობაში.

ტიპი: ღონისძიება

სასამრთლომ გადაწყვიტა, რომ ფოთსა და სენაკში დაარსებულ ჯგუფებთან დაკავშირებული ყველა მასალა გადაეცა ქ. თბილისში ქართული ისტორიისა და ეთნოგრაფიის საზოგადოებისათვის.