საქართველოს პროსოპოგრაფია

ფაქტები

რეგისტრირებული ფაქტები82206

1898

ტიპი: ავტორობა

1898 წლის 29 მაისს ქართველთა შორის წერა-კითხვის გამავრცელებელი საზოგადოების მეჩვიდმეტე სხდომაზე გამგეობა გაეცნო კავკავის სკოლის კომიტეტის თხოვნას, გამგეობა დახმარებოდა ამავე სკოლის პედაგოგს, ალექსანდრა ხახიშვილს. გამგეობამ გადაწყვიტა, ხახიშვილისთვის 30 მანეთი გადაეცა.

1898

ტიპი: ავტორობა

1898 წლის 29 მაისს გაიმართა ქართველთა შორის წერა-კითხვის გამავრცელებელი საზოგადოების მეჩვიდმეტე სხდომა. სხდომაზე გამგეობას თხოვნით მიმართა ლუკა რაზიკაშვილმა, რომ კიდევ 3 თუმანი მიეცათ იმ ნაწერების ანგარიშში, რომელიც საზოგადოებას დაუთმო. თუმცა გამგეობამ მისი მოთხოვნა არ დააკმაყოფილა, რადგან აღნიშნული ჩანაწერების საფასური 85 მანეთი უკვე მიცემული ჰქონდათ მწერლისთვის.

1899

ტიპი: ღონისძიება

1899 წლის 23 ნოემბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაადგინა, წინარეხის სკოლის მასწავლებელ ანტონ თოიძისთვის გაეგზავნათ მის მიერ სკოლისთვის მოთხოვნილი 17 მანეთისა და 65 კაპიკის ღირებულების წიგნები და აგრეთვე საკლასო ნივთები. ოქმს ხელს აწერენ თავმჯდომარის მოადგილე ნიკოლოზ ცხვედაძე, წევრები: დავით კარიჭაშვილი და ექვთიმე თაყაიშვილი.

1899

ტიპი: ღონისძიება

1899 წლის 23 ნოემბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ წინარეხის სკოლის მასწავლებელ ანტონ თოიძისთვის თებერვლის ხელფასის ანგარიშში 1. 42 მანეთის მიცემა გადაწყვიტა.

1899

ტიპი: ავტორობა

1899 წლის ნოემბერში წინარეხის სკოლის მასწავლებელი ანტონ თოიძე ქართველთა შორის წერა-კითხვის გამავრცელებელი საზოგადოების გამგეობას სთხოვდა სკოლისთვის ვასილ კარბელაშვილის ნოტების (1 ცალი), გიორგი იოსელიანის „საღვთო ისტორიისა“ და არითმეტიკული ამოცანების (15-15 ცალი) გაგზავნას. მოთხოვნილი წიგნების ღირებულება იყო 17 მან. 65 კაპ.

1899

ტიპი: ავტორობა

1899 წლის ნოემბერში წინარეხის სკოლის მასწავლებელი ანტონ თოიძე ქართველთა შორის წერა-კითხვის გამავრცელებელი საზოგადოების გამგეობას სთხოვდა სკოლისთვის რამდენიმე მანეთის გაგზავნას საქველმოქმედო ბაზრისთვის ნივთების დასამზადებლად.

1899

ტიპი: ავტორობა

1899 წლის ნოემბერში წინარეხის სკოლის მასწავლებელი ანტონ თოიძე ქართველთა შორის წერა-კითხვის გამავრცელებელი საზოგადოების გამგეობას სთხოვდა 4-15 თებერვლის ხელფასს – 10 მან. 42 კაპ., რომელსაც დირექცია არ აძლევდა იმის გამო, რომ მასწავლებლად 15 თებერვლიდან დაამტკიცეს.

1899

ტიპი: თანამდებობა

1899 წლის 15 თებერვლიდან ანტონ დავითის ძე თოიძე ქართველთა შორის წერა-კითხვის გამავრცელებელი საზოგადოების გამგეობამ დაამტკიცა წინარეხის სკოლის მასწავლებლად, მაგრამ მუშაობა დაიწყო 4 თებერვლიდან.

1899

ტიპი: ღონისძიება

1899 წლის 16 ნოემბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაადგინა, ნიკოლოზ კურდღელაშვილის კავკავის სკოლაში მასწავლებლად დანიშვნის თაობაზე ეცნობებინათ მიღებული წესით თერგის სახალხო სკოლების დირექციის, კავკავის სკოლის ინსპექტორისა და სამზრუნველო კომიტეტისთვის. ოქმს ხელს აწერენ თავმჯდომარის მოადგილე ნიკოლოზ ცხვედაძე და წევრები: ივანე ზურაბიშვილი, ივანე რატიშვილი, ვლადიმერ ლორთქიფანიძე, გრიგოლ ყიფშიძე და ექვთიმე თაყაიშვილი.

1899

ტიპი: ღონისძიება

1899 წლის 9 ნოემბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაადგინა, ქართველ მემამულეთა კომიტეტს პარიზში გამოფენისთვის უფასოდ დათმობოდა საზოგადოების გამოცემათა თითო ეგზემპლარი და საზოგადოების ფოტოგანყოფილებიდან როინაშვილის ნაანდერძევი ფოტოკოლექცია „ჩვენი ცხოვრების სურათების“ 2-2 ცალი ფოტო. ოქმს ხელს აწერს თავმჯდომარის მოადგილე ნიკოლოზ ცხვედაძე.

1899

ტიპი: ავტორობა

1899 წლის ნოემბერში ქართველ მემამულეთა კომიტეტმა აცნობა ქართველთა შორის წერა-კითხვის გამავრცელებელი საზოგადოების გამგეობას, რომ 1900 წელს მონაწილეობა უნდა მიეღო პარიზის მსოფლიო გამოფენაში, ითხოვდა, გამგეობას დაეთმო მათთვის ყველა საუკეთესო გამოცემა ქართულ ენაზე, რაც კი წიგნსაცავში მოეპოვებოდათ, ასევე როინაშვილის მიერ ნაანდერძევი ფოტოკოლექციებიდან სხვადასხვა ფოტო წარწერებითურთ.

1912

ტიპი: ავტორობა

1912 წლის 14 მარტის სამუზეუმო კომისიის სხდომის ოქმის მიხედვით, თავმჯდომარე ექვთიმე სიმონის ძე თაყაიშვილმა დამსწრე საზოგადოებას სთხოვა, მუზეუმის შენების დაწყებამდე ნაყიდი ადგილი გაექირავებინათ.

1912

ტიპი: ავტორობა

1912 წლის 14 მარტის სამუზეუმო კომისიის სხდომაზე დაადგინეს, რომ საქალაქო გამგეობაში შეეტანათ თხოვნა, რათა მუზეუმის შენობის ასაშენებელი ადგილი საქალაქო გადასახადისგან გაეთავისუფლებინათ. ხელს აწერენ კომისიის თავმჯდომარე ექვთიმე სიმონის ძე თაყაიშვილი და სხდომის მდივანი გრიგოლ იესეს ძე ბურჭულაძე.

1912

ტიპი: ავტორობა

1912 წლის 14 მარტის სამუზეუმო კომისიის სხდომაზე გიორგი ყაზბეგმა განაცხადა, რომ 1910 წელს მისი შუამდგომლობით მაშინდელმა გუბერნატორმა ნება დართო ერთი წლის განმავლობაში ქართული მუზეუმის ასაშენებლად თბილისის გუბერნიაში თანხა შეეგროვებინა, მაგრამ საზოგადოებამ ამ ნებართვით მაშინ ვერ ისარგებლა.

1912

ტიპი: ავტორობა

1912 წლის 14 მარტის სამუზეუმო კომისიის სხდომის ოქმს ხელს აწერენ კომისიის თავმჯდომარე ექვთიმე თაყაიშვილი და სხდომის მდივანი გრიგოლ ბურჭულაძე.

1912

ტიპი: ავტორობა

1912 წლის 14 მარტს გამართულ სამუზეუმო კომისიის სხდომაზე დაადგინეს, რომ თბილისის თავადაზნაურთა სადეპუტატო საკრებულოს წინაშე კვლავ აღეძრათ შუამდგომლობა ქართული მუზეუმისთვის ადგილის შესაძენად 50000 მანეთის გადადების შესახებ. სამუზეუმო ადგილი ბანკში იყო დაგირავებული და აღნიშნული თანხა მის გასასტუმრებლად სჭირდებოდათ. ხელს აწერენ კომისიის თავმჯდომარე ექვთიმე სიმონის ძე თაყაიშვილი და სხდომის მდივანი გრიგოლ იესეს ძე ბურჭულაძე.

1912

ტიპი: ღონისძიება

1912 წლის 14 მარტს გაიმართა სამუზეუმო კომისიის სხდომა, რომელსაც ესწრებოდნენ სამუზეუმო კომისიის წევრები: ექვთიმე სიმონის ძე თაყაიშვილი, ალექსანდრე ივანეს ძე სარაჯიშვილი, დავით გიორგის ძე ჯორჯაძე, ქრისტეფორე მურმანის ძე ციცქიშვილი და სვიმონ გრიგოლის ძე კლდიაშვილი. ქართველთა შორის წერა-კითხვის გამავრცელებელი საზოგადოების წევრები: გიორგი ნიკოლოზის ძე ყაზბეგი, ალექსანდრე ბესარიონის ძე მდივანი, ალექსანდრე თევდორეს ძე ყიფშიძე, დავით გიორგის ძე კარიჭაშვილი, არჩილ რაჟდენის ძე ჯაჯანაშვილი, იპოლიტე პეტრეს ძე ვართაგავა და ფილიპე ბეჭუას მგელაძე.

პირები
წყარო

1898

ტიპი: ავტორობა

1898 წლის 30 მარტს ქართველთა შორის წერა-კითხვის გამავრცელებელი საზოგადოების მეათე სხდომაზე დავით კარიჭაშვილმა განაცხადა, რომ მესამედ უნდა გამოეცათ აკაკი წერეთლის ნათარგმნი კრილოვის არაკები. გამგეობამ გამოცემისთვის სურათების შერჩევა იაკობ გოგებაშვილსა და დავით კარიჭაშვილს დაავალა.

1898

ტიპი: ავტორობა

ქართველთა შორის წერა-კითხვის გამავრცელებელი საზოგადოების ოცდამეერთე სხდომაზე მოხსენება გააკეთა ქუთაისის სათავადაზნაურო სკოლის აღმზრდელმა დავით ლორთქიფანიძემ, რომ პირადი მიზეზების გამო არ შეუძლია სენაკის სკოლაში მასწავლებლად გადასვლა. გამგეობამ დავით ლორთქიფანიძის თხოვნა დააკმაყოფილა.

1912

ტიპი: ავტორობა

1912 წლის 17 იანვარს ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს საზოგადოების შემოსავალ-გასავლის ანგარიში 11 იანვრიდან 17 იანვრამდე. სხდომის ოქმს ხელს აწერს გიორგი ყაზბეგი.

1898

ტიპი: ღონისძიება

1898 წლის 21 აპრილს გაიმართა ქართველთა შორის წერა-კითხვის გამავრცელებელი საზოგადოების მეთორმეტე სხდომა იაკობ გოგებაშვილის თავმჯდომარეობით. სხდომას ასევე ესწრებოდნენ: დავით კარიჭაშვილი, ნიკო მთვარელიშვილი და ანასტასია წერეთლისა.

1898

ტიპი: ღონისძიება

1898 წლის 12 მაისს გაიმართა ქართველთა შორის წერა-კითხვის გამავრცელებელი საზოგადოების მეთხუთმეტე სხდომა. სხდომაზე გააკეთეს განცხადება საზოგადოების წევრ ალექსანდრე როინაშვილის გარდაცვალების შესახებ, რომელმაც მთელი თავისი ქონება საზოგადოებას უანდერძა. გამგეობამ გადაწყვიტა, რომ დასაფლავების ხარჯები თავად დაეფარა და დიდუბის პანთეონში დაეკრძალათ ალ. როინაშვილი; ობოლთა სასამართლოსთვის ეთხოვათ დავით კარიჭაშვილის ხელმძღვანელობით ჩაეტარებინათ კანონიერი ღონისძიება ქონების ხელშეუხებლობასთან დაკავშირებით. ასევე დავით კარიჭაშვილს, იაკობ გოგებაშვილს და ნიკოლოზ მთვარელიშვილისთვის დაევალებინათ დასწრებოდნენ ქონების სიის შედგენას, ხოლო ალექსანდრე ჭყონიას და ნიკოლოზ ცხვედაძის ვალდებულება საზოგადოებისთვის ფოტოგრაფიის შენობის საქმის შესახებ ცნობების მოხსენება გახლდათ.

1898

ტიპი: ღონისძიება

1898 წლის 19 მაისს გაიმართა ქართველთა შორის წერა-კითხვის გამავრცელებელი საზოგადოების მეთექვსმეტე სხდომა ნიკოლოზ ცხვედაძის თავმჯდომარეობით. სხდომას ასევე ესწრებოდნენ: გიორგი იოსელიანი, ნიკო მთვარელიშვილი, ანასტასია წერეთლისა, ეკატერინე გაბაშვილისა, ალექსანდრე ჭყონია, ექვთიმე თაყაიშვილი, ივანე რატიშვილი და მდივანი დავით კარიჭაშვილი.

1898

ტიპი: ღონისძიება

1898 წლის 8 მაისს ქართველთა შორის წერა-კითხვის გამავრცელებელი საზოგადოების მეთოთხმეტე სხდომაზე დავით კარიჭაშვილმა გამგეობას აცნობა, რომ ქუთაისის სათავადაზნაურო სკოლის კომიტეტს უნდა გამოეგზავნა მოხსენება მაისის საქმეების შესახებ. გამგეობამ გადაწყვიტა, ქუთაისის სკოლისთვის მაისის საქმეები ხელმეორედ მოეთხოვა.