1881

ტიპი: ავტორობა

1881 წლის 20 ნოემბერს ნორიოს სკოლის მასწავლებელმა ნ. ჯაჯანიძემ ქართველთა შორის წერა-კითხვის გამავრცელებელი საზოგადოების გამგეობას აცნობა, რომ სკოლა საჭიროებდა შემდეგ ნივთებს: მაგიდა და სკამი მასწავლებლისთვის, მაგიდები მოსწავლეებისთვის და დახაზული საკლასო დაფა. სკოლაში საერთოდ არ იყო მაგიდები და ამიტომ არცერთი მოსწავლე გოგონა არ სწავლობდა.

1881

ტიპი: ავტორობა

1881 წლის 20 ნოემბერს ნორიოს სკოლის მასწავლებელი ნ. ჯაჯანიძე ქართველთა შორის წერა-კითხვის გამავრცელებელი საზოგადოების გამგეობას ატყობინებს, რომ 1-ლი ივლისიდან იმ დრომდე ღარიბი შეგირდებისათვის დასარიგებლად მას არ მიუღია წიგნები. გამგეობისგან წიგნები მიიღეს წინა მასწავლებლებმა და გადასცეს მხოლოდ ესენი: 3 ცალი თბილისის საზოგადოების წესდება, თითო-თითო ეგზემპლარი ი. გოგებაშვილის „დარიგება მასწავლებლისათვის“, ნ. ბარათაშვილის ლექსები, დ. ბაქრაძის „მირიან მეფე და წმინდა ნინო“, სოლომონ ლიონიძის „გლოვა ირაკლი მეორისა“, დ. ბაქრაძის „პონტის მეფე მიტრიდატ დიდი“, „ლოცვანი“, ლავრენტი არდაზიანის „სოლომონ ისაკიჩ მეჯღანუაშვილი“, „არითმეტიკული ამოცანები“ და დაჭრილი ანბანი.

1881

ტიპი: ავტორობა

1881 წელს ქართველთა შორის წერა-კითხვის გამავრცელებელი საზოგადოების სკოლებში ისწავლებოდა გერასიმე კალანდარიშვილის მიერ თარგმნილი „პირველ დასაწყისი კურსი რუსული ენისა ქართველთათვის“.

1881

ტიპი: ავტორობა

1881 წელს ქართველთა შორის წერა-კითხვის გამავრცელებელი საზოგადოების სკოლებში ისწავლებოდა დიმიტრი სოკოლოვის შედგენილი და გ. დიდებულიძის მიერ თარგმნილი რელიგიის სახელმძღვანელოები „დაწყებითი სწავლა მართლმადიდებლობითის ქრისტიანებრივის სარწმუნოებისა" და „ლოცვები, მცნებაები და სიმვოლო სარწმუნოებისა განმარტებით“ (ლოცვები განმარტებით).

1880

ტიპი: ავტორობა

დეკანოზმა დიმიტრი სოკოლოვმა შეადგინა „ლოცვები, მცნებაები და სიმვოლო სარწმუნოებისა განმარტებით“.

1880

ტიპი: ავტორობა

დეკანოზმა დიმიტრი სოკოლოვმა შეადგინა „დაწყებითი სწავლა მართლმადიდებლობითის ქრისტიანებრივის სარწმუნოებისა".

ტიპი: ღონისძიება

ქ. შ. წ. კ. გ. საზოგადოების ქუთაისის განყოფილების 1913 წლის ანგარიშში აღნიშნულია, რომ მარიამ ვარდოსანიძის, მელანია გველესიანისა და ელისაბედ ტყეშელაშვილის თაოსნობითა და ქუთათურ მანდილოსანთა დახმარებით ქალაქის ბაღში გამართულმა ტრადიციულმა საჯარო სეირნობამ, იაფი ვაჭრობითა და გასართობებით, საზოგადოებას შესძინა 1355 მან. და 68 კაპ.

1881

ტიპი: ავტორობა

სოფელ შემოქმედის პედაგოგის, ანტონ ცეცხლაძის ცნობით, 1881 წლის 23 ნოემბრის მდგომარეობით სკოლის ღარიბ მოსწავლეთა რიცხვი იყო 43, მათ შორის იყვნენ აზნაურებიც.

1881

ტიპი: ავტორობა

1881 წლის 24 დეკემბერს მასწავლებელი ნიკოლოზ ხუციშვილი ქართველთა შორის წერა-კითხვის გამავრცელებელი საზოგადოების გამგეობას აცნობებს, რომ სოფელ ახალქალაქის სკოლის შენობის აივანი და კარ-ფანჯრები დარჩა წამალწაუსმელი, რის გამოც სკდებოდა, შენობას აკლდა სხვადასხვა წვრილმანი. სკოლას დიდ სარგებლობას მოუტანდა გამგეობა, თუ 80-100 მანეთს შესწირავდა.

1880

ტიპი: ავტორობა

მასწავლებელ ნიკოლოზ ხუციშვილის ცნობით, 1880 წლის აგვისტოში დასრულდა გორის მაზრის სოფელ ახალქალაქის სკოლის შენობა, რომელშიც იყო 1 საკლასო ოთახი, 3 სადგომი ოთახი, ბიბლიოთეკა, შესასვლელი გრძელი და ფართო აივნით.

1881

ტიპი: ავტორობა

1881 წლის 24 დეკემბერს სოფელ ახალქალაქის სკოლის მასწავლებელმა ნიკოლოზ ხუციშვილმა ქართველთა შორის წერა-კითხვის გამავრცელებელი საზოგადოების გამგეობას გაუგზავნა განცხადება სკოლის შენობის დასრულების შესახებ.

1909

ტიპი: ორგანიზაცია

1909 წლის 20 დეკემბერს გამართულ კრებაზე დადგინდა ქართველთა შორის წერა-კითხვის გამავრცელებელი საზოგადოების ჩოხატაურის განყოფილების დაარსება. გამგეობის თავმჯდომარედ დასახელდა სერგო ნიკოლოზის ძე რუხაძე, ხოლო წევრებად – ექიმი მელიტონ გიორგის ძე არიშიძე (არეშიძე), სილიბისტრო რომანოზის ძე თავართქილაძე, გრიგოლ როსტომის ძე თავდგირიძე, ბესარიონ დოლიძე, თომა ბესარიონის ძე მეგრელიშვილი და დიმიტრი კოტრიკაძე.

1913

ტიპი: ღონისძიება

1912 წლის 25 ნოემბერს ქ. შ. წ. კ. გ. საზოგადოების ქუთაისის განყოფილების წევრთა საგანგებო კრებამ მოიწონა გამგეობის მოხსენება სტამბის დაარსების თაობაზე. სტამბამ მუშაობა დაიწყო 1913 წლის 14 ნოემბერს. ანგარიშის თანახმად, 1913 წელს სტამბაზე დაიხარჯა 5840 მანეთი და 26 კაპიკი. ხელმომწერნი: გიორგი ზდანოვიჩი (თავმჯდომარე), იოსებ ოცხელი (თავმჯდომარის ამხანაგი), ბართლომე მოსეშვილი (მოლარე), წევრები – მელანია გველესიანისა, მარიამ ვარდოსანიძე, იაზონ ბაქრაძე, ისიდორე კვიცარიძე, სამსონ ყიფიანი, სვიმონ ხეჩინოვი, სილოვან ხუნდაძე, ტრიფონ ჯაფარიძე.

1881

ტიპი: ავტორობა

1881 წლის 24 დეკემბერს სოფელ ახალქალაქის სკოლის მასწავლებელმა ნიკოლოზ ხუციშვილმა ქართველთა შორის წერა-კითხვის გამავრცელებელი საზოგადოების გამგეობას მისწერა, რომ სკოლისათვის ძალიან საჭირო იყო გოგებაშვილის „ბუნების კარი“ და „დედა ენა“, იმ წელს სხვა სახელმძღვანელოს არ საჭიროებდნენ.

1881

ტიპი: ავტორობა

1881 წლის 24 დეკემბერს სოფელ ახალქალაქის სკოლის მასწავლებელმა ნიკოლოზ ხუციშვილმა აცნობა ქართველთა შორის წერა-კითხვის გამავრცელებელი საზოგადოების გამგეობას, რომ მიღებული წიგნები ინახებოდა ბიბლიოთეკაში და მოსწავლეები იყენებდნენ რიგრიგობით.

1881

ტიპი: ავტორობა

მასწავლებელ ნ. ჯაჯანიძის ცნობით, 1881 წლის 20 ნოემბრის მდგომარეობით სოფელ ნორიოს სკოლაში 6 ღარიბი მოსწავლე იყო.

1881

ტიპი: ავტორობა

მასწავლებელ ნ. ჯაჯანიძის ცნობით, 1881 წლის 20 ნოემბრისთვის სოფელ ნორიოს სკოლაში სწავლობდა 29 მოსწავლე ვაჟი და არცერთი ქალი.

1881

ტიპი: ავტორობა

1881 წლის 20 ნოემბერს ნორიოს სკოლის მასწავლებელმა ნ. ჯაჯანიძემ ქართველთა შორის წერა-კითხვის გამავრცელებელი საზოგადოების გამგეობას გაუგზავნა მოხსენება სკოლის მდგომარეობის შესახებ. გამგეობამ მოხსენება მიიღო 27 ნოემბერს.

1881

ტიპი: ღონისძიება

1881 წლის 25 ოქტომბერს ქართველთა შორის წერა-კითხვის გამავრცელებელი საზოგადოების საქმისმწარმოებელმა გრიგოლ ყიფშიძემ სოფ. ნორიოს სკოლის მასწავლებელ ნ. ჯაჯანიძეს გაუგზავნა დადგენილება, კითხვარი სკოლის მდგომარეობის შესახებ.

1915

ტიპი: ღონისძიება

1915 წლის 28-29 ივნისს გაიმართა ქ. შ. წ. კ. გ. საზოგადოების ქუთაისის განყოფილების მორიგი საერთო კრება, რომელმაც განიხილა განვლილი 3 წლის (1912-1914) ანგარიში და აირჩია გამგეობა: გიორგი ზდანოვიჩი (თავმჯდომარე), მელანია გველესიანისა, მარიამ ვარდოსანიძე, იოსებ ოცხელი, სილოვან ხუნდაძე, იაზონ ბაქრაძე, ევტიხი ჩხატარაიშვილი, სერგო რობაქიძე, გრიგოლ გიორგაძე, ბართლომე მოსეშვილი, სამსონ ყიფიანი, იაკობ ფანცხავა, გიორგი ტუსკია, რაჟდენ კანდელაკი, ილია ფირცხალაიშვილი.

1881

ტიპი: ავტორობა

გ. დიდებულიძემ თარგმნა რუსულიდან „ლოცვები, მცნებაები და სიმვოლო სარწმუნოებისა განმარტებით“, რომელიც გამოიცა 1881 და 1883 წელს.

1879

ტიპი: ავტორობა

გ. დიდებულიძის მიერ რუსულიდან ნათარგმნი რელიგიის სახელმძღვანელო „დაწყებითი სწავლა მართლმადიდებლობითის ქრისტიანებრივის სარწმუნოებისა" გამოიცა 1879 და 1880 წლებში.

1881

ტიპი: ღონისძიება

1881 წლის 30 დეკემბერს ქართველთა შორის წერა-კითხვის გამავრცელებელი საზოგადოების საქმის მწარმოებელმა გრიგოლ ყიფშიძემ ქუთაისის გუბერნიის სახალხო სკოლების დირექტორ დიმიტრი დანიელის ძე ორლოვს გაუგზავნა დადგენილება N185.

1881

ტიპი: ღონისძიება

1881 წლის 30 დეკემბერს ქართველთა შორის წერა-კითხვის გამავრცელებელი საზოგადოების საქმისმწარმოებელმა გრიგოლ ყიფშიძემ თბილისის გუბერნიის სახალხო სკოლების დირექტორ ანტონ ფილიპეს ძე კირილოვს გაუგზავნა დადგენილება N186.

1881

ტიპი: ავტორობა

მასწავლებელ გიორგი აღნიევის ცნობით, 1881 წლის 19 დეკემბრის მდგომარეობით სოფელ შილდის სკოლის 18 მოსწავლე ქალ-ვაჟი ღარიბი იყო.