რეგისტრირებული ფაქტები81839
სორტირება თარიღი კლებადობით
1913
ტიპი: ავტორობა
1913 წლის 24 იანვარს წიგნსაცავის გამგე დავით გიორგის ძე კარიჭაშვილი ქართველთა შორის წერა-კითხვის გამავრცელებელი საზოგადოების გამგეობას სწერდა, რომ წიგნსაცავ-მუზეუმისთვის ნივთებისა და წიგნების დასალაგებლად საჭირო იყო კარადები. გამგეობას სთხოვდა ხუთი კარადის საფასურის, ოცდახუთი თუმნის გადახდას.
1913
ტიპი: ღონისძიება
ქვემო ქიზიყში ქართველთა შორის წერა-კითხვის გამავრცელებელი საზოგადოების ფილიალის დამფუძნებელთა კრების მიერ მთავარი გამგეობისთვის გაგზავნილი ოქმის თანახმად, 1913 წლის 20 იანვარს სამრევლო სკოლების მეთვალყურის, მამა ეგნატე მენთეშაშვილის მოწვევით გაიმართა ორმოცკაციანი კრება, რომელმაც დაადგინა განყოფილების გახსნა და გამგეობის ადგილსამყოფლად სოფელი ქვემო მაჩხაანი გამოაცხადა. ფილიალის ნამდვილ წევრად ოცდაათი პირი ჩაეწერა, რომლებმაც გამგეობის წევრებად მღვდელი ლუკა ნაცვლიშვილი და ალექსანდრე ინაშვილი აირჩიეს, ხოლო თავმჯდომარედ − მღვდელი ეგნატე მენთეშაშვილი.
1913
ტიპი: სტატუსი
1913 წლის 20 იანვარს სამრევლო სკოლების მეთვალყურის ეგნატე მენთეშაშვილის თაოსნობით გაიმართა ქართველთა შორის წერა-კითხვის გამავრცელებელი საზოგადოების ქვემო მაჩხაანის ფილიალის დამფუძნებელთა კრება, რომლის ოქმშიც წარმოდგენილია ოცდაათი ნამდვილი წევრის სია: ელენე ბოსტაშვილი, მღვდ. მიხეილ მენთეშაშვილი, გრიგოლ ლაპიაშვილი, გიორგი ბერძნიშვილი, იაკობ მენთეშაშვილი, სვიმონ ჯანყარაშვილი, მღვდ. იოანე მენთეშაშვილი, ნიკოლოზ კორაშვილი, მოსე ჯალიაშვილი, ვასილ ალადაშვილი, კონსტანტინე ნასრაშვილი, ზაქარია ფაშალიშვილი, რაჟდენ ჯალიაშვილი, მიხეილ ჯანყარაშვილი, იოსებ ქადაგიძე, მღვდ. ლუკა ნაცვლიშვილი, მღვდ. ეგნატე მენთეშაშვილი, ნიკოლოზ მენთეშაშვილი, მასწ. ილია მენთეშაშვილი, ალექსანდრე ნადირაშვილი, ივლიტა მენთეშაშვილი, ალექსანდრე ინაშვილი, სოლომონ კურცხალია, აბრამ მატიაშვილი, ალექსანდრე თათარაშვილი, დიმიტრი გონაშვილი, ვასილ ნადირაშვილი, ოლღა ნატროშვილი, ნიკოლოზ მელექსიშვილი, მიხეილ ზედელაშვილი. კრებამ გამგეობის წევრებად აირჩია ალექსანდრე ინაშვილი და მღვდ. ლუკა ნაცვლიშვილი, თავმჯდომარედ – მღვდ. ეგნატე მენთეშაშვილი.
1913
ტიპი: ღონისძიება
1913 წლის 19 იანვარს ქართველთა შორის წერა-კითხვის გამავრცელებელი საზოგადოების მთავარ გამგეობას თბილისის გუბერნიის სკოლათა დირექტორმა შეატყობინა, რომ მასწავლებელ ნინო მონადირაშვილის პოლიტიკური კეთილსაიმედოობის მოწმობა (№10060) დირექციაში შენახულ საქმეს დაურთო.
1913
ტიპი: ღონისძიება
1913 წლის 19 იანვარს ქართველთა შორის წერა-კითხვის გამავრცელებელი საზოგადოების მთავარ გამგეობას თბილისის გუბერნიის სკოლათა დირექტორმა მასწავლებელ ნინო მონადირაშვილის ატესტატი გაუგზავნა.
1913
ტიპი: ღონისძიება
1913 წლის 19 იანვარს ქართველთა შორის წერა-კითხვის გამავრცელებელი საზოგადოების მთავარ გამგეობას თბილისის გუბერნიის სკოლათა დირექტორმა შეატყობინა, რომ საზოგადოების 17 იანვრის თხოვნის შესაბამისად კერძო მასწავლებელი ნინო მონადირაშვილი თელავის განყოფილების სკოლის მასწავლებლად დაამტკიცა.
1913
ტიპი: ღონისძიება
1913 წლის 17 იანვარს ქართველთა შორის წერა-კითხვის გამავრცელებელი საზოგადოების მთავარი გამგეობის საქმისმწარმოებელმა, გრიგოლ ბურჭულაძემ თბილისის გუბერნიის სკოლათა დირექტორს გაუგზავნა მასწავლებელ ნინო მონადირაშვილის თბილისის მეოთხე გიმნაზიის მერვე დამატებითი კლასის დამთავრების ატესტატი (საბუთი №232) და კეთილსაიმედოობის მოწმობა (საბუთი №10 060).
1913
ტიპი: განათლება
ქართველთა შორის წერა-კითხვის გამავრცელებელი საზოგადოების მთავარმა გამგეობამ 1913 წლის 17 იანვარს განიხილა შალვა გოგებაშვილის დეკემბრის წერილი და დაადგინა: კიევში ბოლოს გაგზავნილი 100 მანეთი სწავლის დასამთავრებელ დახმარებად ჩასთვლოდა ადრესატს; ამავე მიზნით კიდევ 200 მანეთი გაეგზავნათ მისთვის და თანაც გაეფრთხილებინათ, რომ სწავლის დამთავრებისთვის მეტი თანხა აღარ მიეცემოდა.
1913
ტიპი: ღონისძიება
1913 წლის 11 იანვარს ქართველთა შორის წერა-კითხვის გამავრცელებელი საზოგადოების გამგეობამ ფოტოგრაფ დიმიტრი ერმაკოვს 40 მანეთი გადაუხადა იაკობ გოგებაშვილის დაკრძალვის პროცესიის სურათებში.
1913
ტიპი: ღონისძიება
1912 წელს ქართველთა შორის წერა-კითხვის გამავრცელებელი საზოგადოების ბათუმის განყოფილება 257 წევრისაგან შედგებოდა. წლის მანძილზე საზოგადოების განყოფილებამ ჩაატარა 8 სხდომა და განიხილა 30 საქმე.
1913
ტიპი: ორგანიზაცია
1913 წელს ქართველთა შორის წერა-კითხვის გამავრცელებელი საზოგადოების ლიხაურის განყოფილების (თავმჯდომარე ნესტორ ეგნატეს ძე კონტრიძე) შემოსავალი 165 მანეთსა და 07 კაპიკს შეადგენდა, გასავალი – 47 მანეთსა და 54 კაპიკს.
1913
ტიპი: გარდაცვალება
1913 წლის 10 იანვარს სადემეტრეოს ღვთისმშობლის მიძინების ეკლესიის მღვდელი ვლადიმერ სპირიდონის ძე მიქიაშვილი გარდაიცვალა.
1913
ტიპი: ორგანიზაცია
1912 წელს ქართველთა შორის წერა-კითხვის გამავრცელებელი საზოგადოების ლიხაურის განყოფილების (თავმჯდომარე ნესტორ ეგნატეს ძე კონტრიძე) შემოსავალი შეადგენდა 75 მანეთს, გასავალი – 33 მანეთსა და 12 კაპიკს.
1913
ტიპი: ორგანიზაცია
1913-დან 1923 წლის პირველ სექტემბრამდე ნიკოლოზ (კოლია) ნიკოლოზის ძე კვერნაძე, პარტიული ფსევდონიმით გედი, საქართველოს სოციალ-დემოკრატიული მუშათა პარტიის (სსდმპ) წევრი იყო.
1913
ტიპი: ორგანიზაცია
1913 წელს მიხეილ ალექსანდრეს ძე ამონაშვილი, რომან მიხეილის ძე კურდღელაშვილი, იოსებ ქიტესას ძე მარკოზაშვილი, იაგორ კირილეს ძე დათუნაშვილი და მიხეილ დავითის ძე ცისკარაშვილი ქართველთა შორის წერა-კითხვის გამავრცელებელი საზოგადოების თელავის განყოფილების წევრები იყვნენ.
1913
ტიპი: ორგანიზაცია
1913 წელს ქართველთა შორის წერა-კითხვის გამავრცელებელი საზოგადოების ქუთაისის განყოფილების ნამდვილმა წევრებმა – დავით, ნინო და ელენე ხელთუფლიშვილებმა, სიმონ ხეჩინოვმა, ამბროსი ხვინგიამ, მაქსიმე ხვინგიამ, პლატონ ხიზანიშვილმა, მინადორა ხოშტარიამ და სილოვან ხუნდაძემ – საწევრო 3-3 მანეთი გადაიხადეს.
1913
ტიპი: ღონისძიება
ქართველთა შორის წერა-კითხვის გამავრცელებელი საზოგადოების ქუთაისის განყოფილების 1913 წლის ანგარიშის მიხედვით, გამგეობის 39 სხდომიდან მელანია გველესიანისა 25-ს დაესწრო, მარიამ ვარდოსანიძე – 26-ს, ელისაბედ ტყეშელაშვილი – 19-ს, ისიდორე კვიცარიძე – 33-ს, ბართლომე მოსეშვილი – 24-ს, სამსონ ყიფიანი – 32-ს, სვიმონ ხეჩინოვი – 22-ს, სილოვან ხუნდაძე – 27-ს და ტრიფონ ჯაფარიძე – 32 სხდომას..
1913
ტიპი: ღონისძიება
1913 წლის საწევრო – 3-3 მანეთი გადაიხადეს ქართველთა შორის წერა-კითხვის გამავრცელებელი საზოგადოების ქუთაისის ფილიალის ნამდვილმა წევრებმა: დეკანოზებმა – მელიტონ ცაგარეიშვილმა და გაბრიელ ცაგარეიშვილმა, გერასიმე ცაგარეიშვილმა, იროდიონ ცეხანოვსკიმ, ვლადიმერ ცნობილაძემ, ვასილ, სოლომონ, იასონ, ვლადიმერ, ირაკლი, სავლე, კლავდია და პუპი წერეთლებმა.
1913
ტიპი: ავტორობა
1913 წელს ფინეთში ყოფნისას იოსებ აბაკელიამ რუსულად დაწერა ნაშრომი ტუბერკულოზის შესახებ: „ტუბერკულოზის ინფექციისას ტრაქეობრონქული ჯირკვლების როლისა და პირველადი ბუდის შესაძლო ლოკალიზაციის საკითხზე“ (''Къ вопросу о роли трахеобронхіальныхъ железъ при туберкулезной инфекціи и о возможной локализаціи первичнаго гнħзда'').
1913
ტიპი: თანამდებობა
1913 წელს კონსტანტინე აფხაზი ქართლ-კახეთის თავად-აზნაურთა წინამძღოლად აირჩიეს, რის გამოც მან დატოვა სამხედრო სამსახური და საადგილმამულო ბანკის კომიტეტის წევრობა.
1913
ტიპი: ღონისძიება
1913 წლის პირველ იანვარს ქ. შ. წ. კ. გ. საზოგადოების გუდაუთის განყოფილების გამგეობამ კავკასიაში მეფისნაცვალ ვორონცოვ-დაშკოვს შეატყობინა, რომ აპირებდა დაბა გუდაუთაში დაწყებითი სკოლის გახსნას ადგილობრივი ქართველებისთვის და სთხოვა მას სკოლის შენობის ასაშენებლად საჭირო მიწის თავისუფალი ნაკვეთი ან მართლმადიდებლური ტაძრის ასაგებად განსაზღვრული მოედნის პირდაპირ ან კვარტალ №65–ში ან №46–ში. კვარტლის ნომრები მითითებული იყო სამეფისნაცვლოს კანცელარიისგან წარგზავნილი კომისიის მიერ 1913 წელს შედგენილ გეგმაზე. კომისიას ხელმძღვანელობდა მომიჯნავე ნაწილის ინსპექტორი, რომელსაც ევალებოდა დაბა გუდაუთის მიწის ნაკვეთების შესახებ დავების განხილვა.
1913
ტიპი: ორგანიზაცია
1913 წელს წარმოადგინეს ქართველთა შორის წერა-კითხვის გამავრცელებელი საზოგადოების სოხუმის განყოფილების წევრობის კანდიდატები: იოსებ ლუკას ძე კიკნაძე, გიორგი სპირიდონის ძე კაჭარავა, ალექსანდრე ღლონტი, რაჟდენ ლევანის ძე საჯაია, გიორგი ივანეს ძე ტაბიძე, ავქსენტი ბაღათურია, პორფირე ფარულავა, ლუკა ახალაია და კირილე მიხეილის ძე ფარულავა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -