რეგისტრირებული ფაქტები93604
სორტირება თარიღი კლებადობით
1914
ტიპი: პირადი ინფორმაცია
1914 წლის 14 ოქტომბერს აკაურთის სკოლის მასწავლებელ ტრიფონ შუბლაძის ჯამაგირი 30 მანეთი იყო.
1914
ტიპი: ღონისძიება
1914 წლის 14 ოქტომბერს სასკოლო სექციამ ქართველთა შორის წერა-კითხვის გამავრცელებელი საზოგადოების გამგეობას თბილისის საქველმოქმედო საზოგადოების სკოლისთვის ყოველწლიურად 120 მანეთის შემწეობის დანიშვნა სთხოვა. გამგეობამ დავით გიორგის ძე კარიჭაშვილის თავმჯდომარეობით მისი სურვილი დააკმაყოფილა.
1914
ტიპი: ღონისძიება
1914 წლის 14 ოქტომბერს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს დავით გიორგის ძე კარიჭაშვილის თხოვნა საზოგადოების მაღაზიაში არსებული გამოუსადეგარი წიგნების თითო ეგზემპლარის გორის ბიბლიოთეკებისთვის გაგზავნის შესახებ. გამგეობამ მისი სურვილი დააკმაყოფილა.
1914
ტიპი: ღონისძიება
1914 წლის 14 ოქტომბერს ქართველთა შორის წერა-კითხვის გამავრცელებელი საზოგადოების გამგეობის სხდომაზე მიღებული გადაწყვეტილების თანახმად თამარ ძნელაძეს სტიპენდია ერთი წლით გაუგრძელეს.
1914
ტიპი: ღონისძიება
1914 წლის 14 ოქტომბერს ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს გრიგოლ ბურჭულაძის განცხადება თბილისის საქველმოქმედო საზოგადოების სკოლაში ქართული ენის მასწავლებლის დანიშვნისა და მისთვის ხელფასის, თუმნის, გადახდის შესახებ. გამგეობამ მისი სურვილი დააკმაყოფილა.
1914
ტიპი: ღონისძიება
1914 წლის 13 ნოემბერს გიორგი ყაზბეგის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე აღნიშნეს, რომ ომის გამო ბათუმის სკოლაში სწავლა დროებით შეწყვეტილი იყო.
1914
ტიპი: ღონისძიება
1914 წლის 12 ოქტომბერს ქუთაისის თეატრში ვალერიან გუნიას რეჟისორობით სპექტაკლი „ციხის საიდუმლო“ წარმოადგინეს.
1914
ტიპი: ღონისძიება
1914 წლის 11 ოქტომბერს სახალხო წარმოდგენების მმართველმა წრემ ტრიფონ რამიშვილის პიესა „მეზობლები“ წამოადგინა.
1914
ტიპი: თანამდებობა
1914 წლის 11 ოქტომბერს ილია ოდიშელიძეს გენერალ-ლეიტენანტის სამხედრო წოდება მიენიჭა.
1914
ტიპი: პირადი ინფორმაცია
1914 წლის 8 ოქტომბერს პეტერბურგის უნივერსიტეტის ისტორია-ფილოლოგიის ფაკულტეტის სტუდენტმა მალაქია გრიგოლის ძე გობეჯიშვილმა ძმას საცხოვრებელი მისამართი (3, მცირე რაზნოჩინაიას ქუჩა, ბინა N9) შეატყობინა და სტიპენდიების ამ მისამართზე გაგზვნა სთხოვა.
1914
ტიპი: ღონისძიება
1914 წლის 8 ოქტომბერს არტისტთა საზოგადო თეატრში იოსებ იმედაშვილის მიერ თარგმნილი „იორიოს ასული“ წარმოადგინეს.
1914
ტიპი: ღონისძიება
1914 წლის 7 ოქტომბერს გიორგი ყაზბეგის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე სექტემბრის ანგარიშის შემოწმება არჩილ ჯაჯანაშვილს დაავალეს.
1914
ტიპი: ავტორობა
1914 წლის 7 ოქტომბერს ქ. შ. წ. კ. გ. საზოგადოების გამგეობას გიორგი ქაიხოსროს ძე დავითიშვილმა გაუგზავნა 1914 წლის 20 აგვისტოს ცხინვალში ჩატარებული კრების ოქმი და კრებაზე არჩეულ წევრთა სია და სთხოვა, მის სახელზე საზოგადოების განყოფილების გახსნის დამადასტურებელი ოფიციალური დოკუმენტის გამოგზავნა. ამით ის დაუმტკიცებდა ცხინვალის საზოგადოებას, რომ შეასრულა მასზე დაკისრებული მოვალეობა.
1914
ტიპი: ღონისძიება
1914 წლის 7 ოქტომბერს გიორგი ყაზბეგის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების გამგეობის სხდომაზე განიხილეს პეტერბურგის სამეცნიერო აკადემიის თხოვნა სულხან-საბა ორბელიანის ლექსიკონის გამოსაცემად რვა თვით ხელნაწერის გაგზავნის შესახებ. საზოგადოება დათანხმდა.

