საქართველოს პროსოპოგრაფია

ფაქტები

რეგისტრირებული ფაქტები82634

1899

ტიპი: ღონისძიება

1899 წლის 15 ივნისს ქართველთა შორის წერა-კითხვის გამავრცელებელი საზოგადოების გამგეობის სხდომაზე დაადგინეს, კავკავის სკოლის გამგეობა ტიტე კახიძის ნაცვლად დროებით ჩაებარებინათ ამავე სკოლის მასწავლებელ ლუარსაბ ბოცვაძისთვის. ოქმს ხელს აწერს საზოგადოების თავმჯდომარის მოადგილე ნიკოლოზ ცხვედაძე.

1899

ტიპი: ღონისძიება

1899 წლის 15 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ ახლად გათავისუფლებული კავკავის სკოლის გამგე ტიტე კახიძის შესახებ დაადგინა, რომ მისთვის გამოეცხადებინა მადლობა კავკავის სკოლაში 10 წლის მანძილზე გაწეული ღვაწლისთვის და ეთხოვა, არ მოეკლო თავისი ზრუნვა სკოლისთვის მომავალშიც. ოქმს ხელს აწერს თავმჯდომარის მოადგილე ნიკოლოზ ცხვედაძე.

1899

ტიპი: თანამდებობა

1899 წლის 15 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა კავკავის სკოლის გამგის, ტიტე კახიძის თხოვნა თანამდებობიდან გათავისუფლების შესახებ. მისი თხოვნა დააკმაყოფილეს.

1899

ტიპი: ღონისძიება

1899 წლის 15 ივნისს ქართველთა შორის წერა-კითხვის გამავრცელებელი საზოგადოების გამგეობის სხდომაზე დადგინდა, 20 აგვისტოდან საზოგადოების საქმეთა მწარმოებლად დანიშნულიყო ალექსანდრე მიქაბერიძე და მიეცათ ხელფასი თვეში 75 მან. და 15 % წიგნის მაღაზიის მოგებიდან იმ პირობით, რომ სხვა თანამდებობას არ დაიკავებდა. ოქმს ხელს აწერს თავმჯდომარის მოადგილე ნიკოლოზ ცხვედაძე.

1899

ტიპი: ღონისძიება

1899 წლის 15 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ გიორგი იოსელიანის მიერ წარმოდგენილი ანგარიშის შესახებ, რომლის მიხედვითაც კავკავის სკოლის მოსწავლეები სუსტები იყვნენ რიგ საგნებში, დაადგინა, მიეწერათ სკოლის გამგე ტიტე კახიძისთვის, ყურადღება მიექცია ამ არასასიამოვნო და არასასურველი გარემოებისთვის და მიეღო სათანადო ზომები ამ საგნების სწავლის გასაუმჯობესებლად. ოქმს ხელს აწერს თავმჯდომარის მოადგილე ნიკოლოზ ცხვედაძე.

1899

ტიპი: ავტორობა

1899 წლის 15 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ მოისმინა გიორგი იოსელიანის მიერ წარმოდგენილი კავკავის სკოლის ანგარიში, რომლის მიხედვით, კავკავის სკოლის მეორე განყოფილების მოსწავლეები სუსტები იყვნენ ყველა საგანში, მესამე განყოფილებისა – გეოგრაფიაში, მეოთხე განყოფილებისა – არითმეტიკასა და გეოგრაფიაში.

1899

ტიპი: ღონისძიება

1899 წლის 7 ივნისს ილია ჭავჭავაძე თავმჯდომარეობდა ქართველთა შორის წერა-კითხვის გამავრცელებელი საზოგადოების წლიურ კრებას.

1899

ტიპი: ავტორობა

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ საზოგადოების მუზეუმის ათი ათას მანეთად დაზღვევა გადაწყვიტა. ოქმს ხელი მოაწერა თავმჯდომარის მოადგილე ნიკოლოზ ცხვედაძემ.

1899

ტიპი: ავტორობა

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობის მდივანმა დავით კარიჭაშვილმა წაიკითხა მოხსენება იმის შესახებ, რომ საზოგადოების მუზეუმი დაეზღვიათ წიგნსაცავის დაზღვევის მსგავსად.

1899

ტიპი: ავტორობა

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა გრიგოლ ყიფშიძის ჰონორარის საკითხი. მას უნდა დაეწერა პუშკინის ბიოგრაფია, რომელიც დაიბეჭდებოდა პუშკინის თხზულებებთან ერთად. გამგეობამ გრიგოლ ყიფშიძისთვის 15 მანეთის მიცემა გადაწყვიტა. ოქმს ხელი მოაწერეს ნიკოლოზ ცხვედაძემ, დავით კარიჭაშვილმა, გიორგი იოსელიანმა, ივანე რატიშვილმა და ივანე ზურაბიშვილმა.

1899

ტიპი: ღონისძიება

1899 წლის 5 ივნისს ქართველთა შორის წერა-კითხვის გამავრცელებელი საზოგადოების გამგეობის სხდომაზე მდივანმა დავით კარიჭაშვილმა წამოაყენა საკითხი, რომ 1500 ეგზემპლარად დაებეჭდათ ია კარგარეთელის სახალხო სიმღერათა კრებული, რომელსაც უნდა დართვოდა ავტორის წინასიტყვაობა.

1899

ტიპი: ღონისძიება

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა ალექსანდრე ისაკის ძე როინაშვილის თხოვნა ტანსაცმლითა და გზის ფულით დახმარების შესახებ. გამგეობამ მისთვის ფოტოგრაფ ალექსანდრე სოლომონის ძე როინაშვილის ტანსაცმელისა და 10 მანეთის მიცემა გადაწყვიტა.

1899

ტიპი: ღონისძიება

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაადგინა, რომ ნოე ჟორდანიას განცხადება მოხსენებოდა საზოგადო კრებას. ოქმს ხელს აწერს თავმჯდომარის მოადგილე ნიკოლოზ ცხვედაძე.

1899

ტიპი: ღონისძიება

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა ბათუმის სკოლის სამზრუნველო კომიტეტის თავმჯდომარე გრიგოლ ვოლსკის თხოვნა ბათუმის სკოლის შემომწირველთა საზოგადოების წევრებად მიჩნევის შესახებ და დაადგინა, რომ იმ პირთა სია, რომელთაც 6-6 მანეთი გაიღეს სკოლის სასარგებლოდ, საზოგადო კრებისთვის წარედგინათ წევრების ასარჩევად.

1899

ტიპი: ღონისძიება

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაადგინა, ლუკა რაზიკაშვილისთვის მიეცათ ნაწარმოებების ჰონორარი – 50 მანეთი.

1899

ტიპი: ღონისძიება

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა ლუკა რაზიკაშვილის თხოვნა თავისი ნაწარმოებებისთვის დამატებითი ჰონორარის – 50 მანეთის მიცემის შესახებ.

1899

ტიპი: ღონისძიება

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ გადაწყვიტა, გუბერნატორისთვის ფოტოსახელოსნოს გამგედ ვასილ როინაშვილის ნაცვლად ტარას მომცემლიძის დამტკიცება ეთხოვა.

1899

ტიპი: ღონისძიება

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაადგინა, რომ ფოტოსახელოსნოს გამგე ვასილ როინაშვილის მიერ თანამდებობის დატოვების შემდეგ მისი მოვალეობა დროებით ტარას მომცელიძეს გადასცემოდა.

1899

ტიპი: ღონისძიება

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა ფოტოსახელოსნოს გამგე ვასილ როინაშვილის თხოვნა თანამდებობიდან გათავისუფლების შესახებ. გამგეობამ მისი თხოვნა დააკმაყოფილა.

1899

ტიპი: ღონისძიება

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დაადგინა, კავკავის სკოლის მდგომარეობის შესახებ გიორგი იოსელიანის მოხსენების ანგარიში განსახილველად სამოსწავლო ან სასკოლო კომისიისთვის გადაეცათ.

1899

ტიპი: ღონისძიება

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ განიხილა და დაამტკიცა ანგარიში აბრამ აკოფოვისთვის პუშკინის თხზულებებში თანხის ნაწილის – 26. 75 მანეთის გადაცემის შესახებ.

1899

ტიპი: ავტორობა

1899 წლის 5 ივნისის სხდომაზე ქართველთა შორის წერა-კითხვის გამავრცელებელი საზოგადოების გამგეობამ მოისმინა გიორგი იოსელიანის მოხსენება კავკავის სკოლის მდგომარეობის შესახებ.

1899

ტიპი: ავტორობა

1899 წლის 5 ივნისს ქართველთა შორის წერა-კითხვის გამავრცელებელი საზოგადოების გამგეობის სხდომაზე მოისმინეს სარევიზიო კომისიის მოხსენება 1898 წლის საზოგადოების საქმიანობის წლიური ანგარიშის შესახებ. გამგეობამ გადაწყვიტა, ინფორმაცია მხედველობაში მიეღო და საზოგადო კრებისთვის მოეხსენებინა. ოქმს ხელი მოაწერა ნიკოლოზ ცხვედაძემ.

1899

ტიპი: ავტორობა

ქართველთა შორის წერა-კითხვის გამავრცელებელი საზოგადოების 1899 წლის 5 ივნისის სხდომაზე გამგეობამ განიხილა და დაამტკიცა სხვადასხვა საორგანიზაციო საკითხის ხარჯთაღრიცხვა 195. 25 მანეთის ოდენობით. ოქმს ხელი მოაწერა თავმჯდომარის მოადგილე ნიკოლოზ ცხვედაძემ.